ព័ត៌មានថ្មីៗ

អាជ្ញាធរជាតិអប្សរាគ្រោងដាក់ដំណើរការគេហទំព័រសម្រាប់ផ្តល់ព័ត៌មានទេសចរណ៍ដល់ភ្ញៀវទេសចរ នៅតំបន់សៀមរាបអង្គរ

បានផ្សាយនៅ ថ្ងៃទី 13 ខែ កញ្ញា ឆ្នាំ2016 08:52 AM ដោយ ៖ អាជ្ញាធរជាតិអប្សរា

សម្រាប់តំបន់ទេសចរណ៍ល្បីៗជាច្រើន និងតំបន់បេតិកភណ្ឌពិភពលោក គឺតែងតែមានគេហទំព័រផ្ទាល់ប្រចាំតំបន់ទាំងនោះ ដើម្បីផ្សព្វផ្សាយពីវិសាលភាពនៃតំបន់ទេសចរណ៍របស់ខ្លួនទៅកាន់ពិភពលោក។ ដូចគ្នានោះដែរ អាជ្ញាធរជាតិអប្សរា ដែលមានតួនាទីគ្រប់គ្រង អភិរក្ស និងរៀបចំតំបន់អង្គរដ៏ល្បីល្បាញ ក៏បានគ្រោងរៀបចំបង្កើតគេហទំព័រ www.angkor.com. kh សម្រាប់ផ្តល់ព័ត៌មានទូលំទូលាយអំពីសក្តានុពលវិស័យទេសចរណ៍ដល់ភ្ញៀវទេសចរជាតិ-អន្តរជាតិបានដឹងពីតំបន់អង្គរ។

គោលបំណងនៃការរៀបចំគេហទំព័រ www.angkor.com.kh គឺដើម្បីផ្តល់ព័ត៌មានបន្ថែមដល់ភ្ញៀវទេសចរទាក់ទងនឹងព័ត៌មានសំខាន់លើផ្នែកទេសចរណ៍ក្នុងតំបន់ឧទ្យានអង្គរ ដែលជាតំបន់ទេសចរណ៍ដ៏ល្បីល្បាញលើពិភពលោក និងជាកន្លែងកម្សាន្តប្រកបដោយសក្តានុពលផ្សេងៗទៀតក្នុងខេត្តសៀមរាប។ គេហទំព័រនេះ ក៏ជួយសម្រួលផងដែរដើម្បីឱ្យភ្ញៀវទេសចរជាតិ-អន្តរជាតិ បានឈ្វេងយល់ព័ត៌មានជាមុនអំពីទីតាំងភូមិសាស្ត្រ ប្រាង្គប្រាសាទ ការកក់សំបុត្រ ការពិនិត្យមើលពីតម្លៃសំបុត្រក្នុងការទស្សនានៅក្នុងតំបន់ឧទ្យានអង្គរ សហគមន៍ ទំនៀមទម្លាប់អ្នកស្រុក រួមទាំងប្រវត្តិសាស្ត្រ សេវាកម្មដឹកជញ្ជូន និងអាកាសធាតុជាដើម។

ឯកឧត្តម សុខ សង្វារ អគ្គនាយករងទទួលបន្ទុកនាយកដ្ឋានអភិវឌ្ឍន៍ទេសចរណ៍អង្គរ បញ្ជាក់ថា គេហទំព័រ www.angkor.com.kh ដែលគ្រោងនឹងដាក់ឱ្យដំណើរការនាពេលខាងមុខនេះ គឺផ្តោតសំខាន់លើតំបន់ទេសចរនៅឧទ្យានអង្គរ និងក្នុងខេត្តសៀមរាបខ្លះៗ។ ជាជំហានទី១នេះ ក្រុមការងារបានយកគេហទំព័រ www.angkor.com.kh មកបង្ហាញដល់មន្ត្រី បុគ្គលិក និងថ្នាក់ដឹកនាំនៃអាជ្ញាធរជាតិអប្សរាគ្រប់ជាន់ថ្នាក់ និងគ្រប់នាយកដ្ឋានដើម្បីសុំជាយោបល់ក្នុងន័យស្ថាបនាឱ្យគេហទំព័រនេះដំណើរការទៅដោយរលូន មានព័ត៌មានប្រកបដោយសុក្រឹត្យភាព ក៏ដូចជាស្វែងរកចំណុចខ្វះខាតមកកែលម្អឱ្យបានកាន់តែប្រសើរ។

ឯកឧត្តមបន្ថែមទៀតថា ជំហានបន្ទាប់នៅពេលបញ្ចប់ការកែសម្រួលផ្ទៃក្នុង អាជ្ញាធរជាតិអប្សរាគ្រោងនឹងយកគេហទំព័រនេះ ទៅស្នើសុំយោបល់ពីបណ្តាដៃគូពាក់ព័ន្ធទាំងវិស័យឯកជននិងស្ថាប័នរដ្ឋផងដែរ ដើម្បីឱ្យគេហទំព័រនេះកាន់តែល្អ ពិសេសជួយសម្រួលក្នុងការផ្តល់ព័ត៌មាន ក៏ដូចជាជំរុញវិស័យទេសចរណ៍នៅតំបន់អង្គរ និងខេត្តសៀមរាបឱ្យបានគ្រប់ជ្រុងជ្រោយថែមទៀត។

គួរបញ្ជាក់ដែរថា អាជ្ញាធរជាតិអប្សរាក៏មានគេហទំព័រផ្លូវការ www.apsaraauthority.gov.kh និងបណ្តាញទំនាក់ទំនងសង្គម Facebook (អាជ្ញាធរជាតិអប្សរា Apsara Authority) រួចមកហើយ សម្រាប់ផ្សព្វផ្សាយព័ត៌មានទូទៅជូនសាធារណជនដែលចង់ឈ្វេងយល់ពីការងារទាក់ទងនឹងការជួសជុល ការអភិរក្សប្រាសាទ និងសកម្មភាពនានាប្រចាំថ្ងៃរបស់ស្ថាប័នអាជ្ញាធរជាតិអប្សរាទាំងមូល៕














លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងរដ្ឋសភា ព្រឹទ្ធសភានិងអធិការកិច្ច អមដំណើរដោយលោកជំទាវរដ្ឋមន្ត្រីក្រសួងវប្បធម៌ និងវិចិត្រសិល្បៈ ឯកឧត្ដមរដ្ឋមន្ត្រីក្រសួងទេសចរណ៍ ឯកឧត្ដមអភិបាលនៃគណៈអភិបាលខេត្តសៀមរាប និងថ្នាក់ដឹកនាំអាជ្ញាធរជាតិអប្សរា បានអញ្ជើញមកពិនិត្យការវិវត្តនៃដំណើរការជួសជុលនិងប្រារព្ធពិធីបួងសួងសុំសេចក្តីសុខចម្រើនពីវត្ថុស័ក្តិសិទ្ធិនៅទីនោះ និងសូមឱ្យដំណើរការជួសជុលប្រាសាទបានសម្រេចជោគជ័យ ប្រជាជនកម្ពុជាបានចាកផុតពីជំងឺកាចសាហាវ និងសូមឱ្យកម្ពុជាសម្បូរសប្បាយរុងរឿងដូចបុរាណកាល។
នាព្រឹកថ្ងៃទី១៣ ខែឧសភា ឆ្នាំ២០២០ លោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈនិងជាប្រធានក្រុមប្រឹក្សាភិបាលអាជ្ញាធរជាតិអប្សរា អមដំណើរដោយថ្នាក់ដឹកនាំអាជ្ញាធរជាតិអប្សរា បានអញ្ជើញត្រួតពិនិត្យការដ្ឋានជួសជុលប្រាសាទតាព្រហ្ម ក្រោមក្របខណ្ឌកិច្ចសហប្រតិបត្តិការរវាងអាជ្ញាធរជាតិអប្សរានិងស្ថាប័នស្រាវជ្រាវបុរាណវិទ្យាឥណ្ឌា (ASI)។
របាយការណ៍របស់លេខាធិការដ្ឋានសហគមន៍នៃអាជ្ញាធរជាតិអប្សរា សប្តាហ៍ទី១ ខែឧសភា ឆ្នាំ២០២០ បង្ហាញថា ក្រុមការងារសហគមន៍ បានចុះសម្របសម្រួលជាមួយប្រជាពលរដ្ឋដើម្បីពិនិត្យ និងដោះស្រាយសំណើស្នើសុំជួសជុលផ្ទះ រួមទាំងសាងសង់តូចតាចតាមភូមិទាំង១១២ភូមិ ក្នុងតំបន់ឧទ្យានអង្គរ ដោយអនុញ្ញាតជូនប្រជាពលរដ្ឋបានចំនួន២៩គ្រួសារ។
សួនបណ្ដុះកូនឈើមណ្ឌល៣ ជាសួនមួយក្នុងចំណោមសួនបណ្ដុះកូនឈើទាំង៤របស់អាជ្ញាធរជាតិអប្សរា។ ជារៀងរាល់ឆ្នាំ សួននេះបានដើរតួនាទីយ៉ាងសំខាន់ក្នុងការបណ្ដុះកូនឈើ សម្រាប់ការដាំដុះ និងចែកចាយដល់ប្រជាពលរដ្ឋដែលមានបំណងយកទៅដាំដុះនៅតំបន់នានាជាពិសេសនៅក្នុងតំបន់អង្គរ។ ឆ្នាំនេះ សួនបណ្ដុះកូនឈើមណ្ឌល៣ ដែលបណ្ដុះប្រភេទឈើព្រៃហូបផ្លែ និងឈើលម្អ បានត្រៀមកូនឈើប្រមាណ៣ម៉ឺនដើមសម្រាប់ការងារដាំដុះ ក៏ដូចជាការចែកចាយ។
សារលិខិតថ្វាយព្រះពរ
( ថ្ងៃទី 13 ខែ ឧសភា ឆ្នាំ2020 )
សារលិខិតថ្វាយព្រះពរ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាសដ៏ឧត្តុង្គឧត្តមប្រពៃថ្លៃថ្លា ប្រកបដោយសេចក្ដីសោមនស្សរីករាយ នៃព្រះរាជពិធីចម្រើនព្រះជន្មវស្សាគម្រប់៦៧ យាងចូល៦៨ព្រះវស្សា ដែលនឹងប្រព្រឹត្តទៅនាថ្ងៃព្រហស្បតិ៍ ៨រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៤ ខែឧសភា ឆ្នាំ២០២០

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
9021
ម្សិលមិញ
:
16308
សប្តាហ៍នេះ
:
45170
ខែនេះ
:
0193278
សរុប
:
010873931