ព័ត៌មានថ្មីៗ

យល់ដឹងពីរបៀបការងារដែលអាជ្ញាធរជាតិអប្សរាទទួលបានវិញ្ញាបនបត្រ ISO14001 ពីស្ថាប័នធានាគុណភាពជប៉ុន (JQA)

បានផ្សាយនៅ ថ្ងៃទី 13 ខែ កញ្ញា ឆ្នាំ2016 08:39 AM ដោយ ៖ អាជ្ញាធរជាតិអប្សរា

ISO14001 ជាស្តង់ដារ ឬមាត្រដ្ឋានសម្រាប់វាស់វែងប្រព័ន្ធគ្រប់គ្រងបរិស្ថាន ដែលត្រូវបានទទួលស្គាល់ដោយស្ថាប័នអន្តរជាតិដែលមានមូលដ្ឋាននៅប្រទេសស្វ៊ីស។ ទស្សនវិស័យសម្រាប់ការអនុវត្តការងារគ្រប់គ្រងបរិស្ថាន អាជ្ញាធរជាតិអប្សរា តាំងពីឆ្នាំ២០០៤មក ក្នុងឋានៈជាស្ថាប័នជាតិគ្រប់គ្រង និងអភិរក្សរមណីយដ្ឋានអង្គរ បានចុះឈ្មោះដើម្បីបំពេញលក្ខខណ្ឌជាមួយស្ថាប័នធានាគុណភាពជប៉ុន (Japan Quality Assurance-JQA) ដើម្បីទទួលបានវិញ្ញាបនបត្រ ISO 14001 នេះ។

ក្រោយពីបានចុះឈ្មោះ និងបំពេញតាមលក្ខខណ្ឌរួចមក ស្ថាប័នJQA បានចុះវាយតម្លៃ និងប្រគល់ជូនវិញ្ញាបនបត្រ ដែលមានសុពលភាពរយៈពេល៣ឆ្នាំ ដល់អាជ្ញាធរជាតិអប្សរាចំនួន៤លើកជាបន្តបន្ទាប់រួចមកហើយគឺ លើកទី១ ឆ្នាំ២០០៦-២០០៩ លើកទី២ ឆ្នាំ ២០០៩-២០១២ លើកទី៣ ឆ្នាំ២០១២-២០១៥ និងលើកទី៤សម្រាប់ឆ្នាំ២០១៥-២០១៨។

ដើម្បីឲ្យដំណើរការនេះមាននិរន្តរភាព អាជ្ញាធរជាតិអប្សរាបានបង្កើតអង្គភាពមួយ ដែលមានឈ្មោះថា អង្គភាពប្រព័ន្ធគ្រប់គ្រងបរិស្ថានអង្គរ (EMS) ដើម្បីតាមដានអនុវត្តការងារឲ្យស្របនឹងតម្រូវការរបស់JQA។

តើអង្គភាពនេះបានធ្វើអ្វីខ្លះ ដែលជំរុញឲ្យប្រព័ន្ធការងារគ្រប់គ្រងរមណីយដ្ឋានអង្គរ នៃអាជ្ញាធរជាតិអប្សរា ទទួលបានវិញ្ញាបនបត្រ ISO 14001នេះជាបន្តបន្ទាប់?

លោក ភោគ បញ្ញា អនុប្រធានអង្គភាពប្រព័ន្ធគ្រប់គ្រងបរិស្ថានអង្គរនៃអាជ្ញាធរជាតិអប្សរាបានលើកឡើងថា ការងារសំខាន់នៃEMS គឺសម្របសម្រួលអ្នកជំរុញការងារបរិស្ថានគ្រប់នាយកដ្ឋាន និងអង្គភាពចំណុះអាជ្ញាធរជាតិអប្សរាឲ្យដំណើរដោយរលូន ស្របនឹងលក្ខខណ្ឌដែលISO14001តម្រូវ។ គ្រប់នាយកដ្ឋានសុទ្ធតែមានអ្នកជំរុញការងារបរិស្ថានមួយរូប ហើយរៀងរាល់៣ខែម្តង EMS តែងត្រួតពិនិត្យរបាយការណ៍ និងជួបជុំជាមួយអ្នកជំរុញការងារបរិស្ថាន ដើម្បីវាយតម្លៃការងារ។

លោកបញ្ញាបន្ថែមថា “យើងធ្វើការជាមួយJQAផង ជាមួយអ្នកជំរុញបរិស្ថានគ្រប់នាយកដ្ឋានផង។ នាយកដ្ឋានមួយៗត្រូវមានកម្មវិធីបរិស្ថានដោយខ្លួនឯង ដោយគិតទៅលើលទ្ធភាពដែលខ្លួនអាចធ្វើបានដូចជា បច្ចេកទេស ថវិកា ជាដើម។ EMS នឹងជួយពិនិត្យមើលថា តើកម្មវិធីដែលនាយកដ្ឋានសាមីលើកឡើងនោះបំពេញបានដែរឬទេ? បានកម្រិតណា? បើមិនបានតើមកពីមូលហេតុអ្វី? នាយកដ្ឋាននីមួយៗមានកម្មវិធីខុសៗគ្នាទៅតាមលទ្ធភាពរបស់គេ។ ក្រៅពីនេះ EMSក៏តែងចុះត្រួតពិនិត្យបរិស្ថាន ជាពិសេសបញ្ហាសំរាមជុំវិញប្រាសាទនានាជាប្រចាំដែរ” 

និយាយពីការងារអប់រំវិញ លោកបញ្ញា រៀបរាប់ថា EMS តែងធ្វើការបណ្តុះបណ្តាលបុគ្គលិកទាំងអស់របស់អាជ្ញាធរជាតិអប្សរា ជាពិសេសបុគ្គលិកដែលទើបចូលថ្មី ដើម្បីឲ្យបានយល់ដឹងអំពីប្រព័ន្ធការងារISO14001។ ជាមួយគ្នានេះ អង្គភាពEMS ក៏សហការជាមួយស្ថាប័នJQA ចុះបង្រៀនតាមសាលារៀនក្នុងតំបន់អង្គរអំពីបញ្ហាបរិស្ថានដល់កុមារតូចៗ។ ជាគម្រោងសម្រាប់ឆ្នាំ២០១៧ខាងមុខនេះ លោកបញ្ញាបញ្ជាក់ថា ស្ថាប័នEMSនឹងបង្កើតកម្មវិធីអប់រំបរិស្ថានដល់កុមារតូចៗក្នុងតំបន់អង្គរបន្ថែមទៀត ដើម្បីលើកកម្ពស់ការយល់ដឹងអំពីបរិស្ថានឲ្យបានកាន់តែទូលំទូលាយ៕














អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ប្រាសាទបាយក្អែក មានទីតាំងនៅខាងលិចប្រាសាទអង្គរវត្ត ដែលមិនសូវមានអ្នកស្គាល់ ហើយទេសចរភាគច្រើនឆ្លងកាត់ទៅហួសមកហួស។
តំណាងស្ថាប័ន វត្តអារាម ក៏ដូចជាប្រជាពលរដ្ឋជាបន្តបន្ទាប់ បានស្នើសុំកូនឈើពីអាជ្ញាធរជាតិអប្សរា ដើម្បីយកទៅដាំនៅតាមដីភូមិ ចម្ការ វត្តអារាម និងសាលារៀន។ល។ ក្នុងថ្ងៃទី៥ ខែសីហា ឆ្នាំ២០២០ អាជ្ញាធរជាតិអប្សរា បានផ្តល់កូនឈើដល់តំណាងវត្តអារាម និងស្ថាប័នសរុបចំនួន ១,៤០០ដើម។
ក្នុងឱកាសដ៏សែនមហានក្ខត្តឬក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ដើមដំបូងមុន12345...337338បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
2724
ម្សិលមិញ
:
5802
សប្តាហ៍នេះ
:
14453
ខែនេះ
:
0241317
សរុប
:
012066948