NEWS

August, more than 300 students and nearly 1,000 local people were educated about the heritage by Apsara Authority

Published on 07 September 2016 02:46 PM Post By ៖ Apsara National Authority
ការថែរក្សាការពារនិងអភិរក្សប្រាង្គប្រាសាទ ទំនៀមទម្លាប់ប្រពៃណីនិងបរិស្ថានគឺទាមទារឲ្យមានការចូលរួមពីប្រជាពលរដ្ឋនិងគ្រប់គូភាគីដែលពាក់ព័ន្ធទាំងអស់ ដើម្បីលើកកម្ពស់នូវតម្លៃសម្បត្តិបេតិកភណ្ឌដ៏ល្អឯកដល់មនុស្សជាតិជំនាន់ក្រោយទៀត។ ហេតុផលនេះហើយ ដែលអាជា្ញធរជាតិអប្សរាបង្កើតក្រុមការងារសហគមន៍ អប់រំផ្សព្វផ្សាយអំពីបេតិកភណ្ឌជាប្រចាំ ដល់ប្រជាពលរដ្ឋនៅក្នុងតំបន់រមណីយដ្ឋានអង្គរ សាលារៀន និងតាមបណ្តាសាកលវិទ្យាល័យនានាក្នុងក្រុងខេត្តសៀមរាបទាំងមូល ដើម្បីឲ្យគ្រប់គ្នាបានយល់ ហើយរួមគ្នាជួយថែរក្សាការពារនិងអភិរក្សនូវសម្បត្តិបេតិកភណ្ឌទាំងអស់នោះ។

តាមរបាយការណ៍ក្រុមការងារសហគមន៍របស់អាជ្ញាធរជាតិអប្សរាចេញផ្សាយថ្ងៃទី៦ ខែកញ្ញា ឆ្នាំ២០១៦បញ្ជាក់ថា ក្នុងខែសីហាកន្លងទៅនេះ ក្រុមការងារសហគមន៍បានចុះទៅផ្សព្វផ្សាយ និងបញ្ជ្រាបការយល់ដឹងអំពីការចូលរួមថែរក្សាការពារនិងអភិរក្សសម្បត្តិបេតិកភណ្ឌ ជូនដល់ប្រជាពលរដ្ឋបានចំនួន១៤ភូមិ ដែលមានប្រជាពលរដ្ឋចូលរួមចំនួន៨៧៧នាក់ និងអប់រំតាមសាកលវិទ្យាល័យចំនួន៣ ដែលមាននិស្សិតចូលរួមសរុប៣១៩នាក់។

ក្រៅពីអប់រំអំពីបេតិកភណ្ឌ ក្រុមការងារសហគមន៍ ក៏បានចុះពិនិត្យនិងអនុញ្ញាតការសាងសង់និងការជួសជុលសំណង់តូចៗដល់មូលដ្ឋានប្រជាពលរដ្ឋផ្ទាល់បានចំនួន៥៣ករណី។ នេះជាការយកចិត្តទុកដាក់របស់អាជ្ញាធរជាតិអប្សរា ដើម្បីជាការចូលរួមសម្រួលដល់ប្រជាពលរដ្ឋ មិនចាំបាច់ធ្វើដំណើរវែងឆ្ងាយទៅដាក់ពាក្យស្នើសុំដល់ទីស្នាក់ការ។

ជាមួយគ្នានេះ ក្រុមការងារសហគមន៍ក៏បានចុះជួបសួរសុខទុក្ខ និងនាំយកកញ្ចប់អំណោយទ្រទ្រង់សុខុមាលភាពដល់ស្រ្តីទើបសម្រាលកូនរួចចំនួន១៧៣គ្រួសារ ដែលជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ព្រមទាំងចូលរួមដាំកូនឈើចំនួន៨០០០ដើមលើផ្ទៃដី៨ហិកតានៅស្រុកប្រាសាទបាគង៕














នាថ្ងៃទី១៧ ខែកក្កដា ឆ្នាំ២០២០ ឯកឧត្តម ស៊ុ ម៉ាប់ រដ្ឋលេខាធិកាក្រសួងវប្បធម៌និងវិចិត្រសិល្បៈ តំណាងលោកជំទាវ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ និងជាប្រធានក្រុមប្រឹក្សាភិបាលអាជ្ញាធរជាតិអប្សរា រួមនឹងថ្នាក់ដឹកនាំអាជ្ញាធរជាតិអប្សរា បានបន្តពិភាក្សាលើពង្រាងផែនការមេវិស័យទេសចរណ៍នៅក្នុងខេត្តសៀមរាបនិងរមណីយដ្ឋានអង្គរ។
អ្នកជំនាញបុរាណវិទ្យានៃអាជ្ញាធរជាតិអប្សរាចំនួន៣រូប គឺលោកសាស្ត្រាចារ្យ អ៉ឹម សុខរិទ្ធី លោក ស្រ៊ុន តិច និងលោកស្រី ភិន វិជ្ជាសច្ចរ៉ា នឹងរួមគ្នាធ្វើបទបង្ហាញអំពី «ការស្រាវជ្រាវថ្មីៗនៅក្នុងតំបន់អង្គរ» ក្រោមប្រធានបទ «រចនាសម្ពន្ធសំណង់ឈើនៅស្រះអង្គរ» នៅថ្ងៃទី២១ ខែកក្កដា ឆ្នាំ២០២០ខាងមុខនេះ នាវេលាម៉ោង៩: ០០នាទីព្រឹក ដល់ម៉ោង១២:០០នាទីថ្ងៃត្រង់ នៅសាលសន្និសីទអង្គរនៃមជ្ឈមណ្ឌលអាជ្ញាធរជាតិអប្សរា។
នៅថ្ងៃទី១៦ ខែកក្កដា ឆ្នាំ២០២០នេះ អាជ្ញាធរជាតិអប្សរា បានផ្តល់កូនឈើជូនមន្ទីរបរិស្ថានខេត្តសៀមរាបចំនួន២៥០០ដើមបន្ថែមទៀត ដើម្បីដាំស្តារព្រៃឡើងវិញ នៅក្នុងឧទ្យានជាតិព្រះជ័យវរ្ម័ន-នរោត្តម ភ្នំគូលែន។ កូនឈើទាំងនោះរួមមាន គ្រញូង៥០០ដើម ធ្នង់៥០០ដើម បេង៥០០ដើម កកោះ២៥០ដើម និងគគីរ៧៥០ដើម។
នៅក្នុងពិធីដាំកូនឈើនៅបរិវេណប្រាសាទអង្គរនៅព្រឹកថ្ងៃទី១៥ខែកក្កដាឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានជម្រាបជូនអង្គពិធីទាំងមូលអំពីប្រយោជន៍សំខាន់របស់ព្រៃឈើក្នុងកិច្ចការអភិរក្សបេតិកភណ្ឌដោយមានប្រសាសន៍ថា ប្រាសាទបុរាណទាំងអស់នៅក្នុងតំបន់អង្គរត្រូវបានការការពារនិងថែរក្សាដោយសារដើមឈើ។ ឯកឧត្តមបានពន្យល់ថា តាមការវាស់វិទ្យាសាស្រ្ត ថ្មប្រាសាទ មានសីតុណ្ហភាពនៅពេលថ្ងៃរសៀលរហូតដល់ជិត៨០អង្សា និងធ្លាក់មកត្រឹមប្រមាណ២០អង្សានៅពេលយប់។ ដូច្នេះគម្លាតពេលថ្ងៃនិងយប់រហូតដល់៦០ដឺក្រេ។
ដើមឈើប្រណីតមានធ្នង់ គ្រញូង បេង នាងនួន សុក្រំនិងឈើផ្ការំដួល ថ្កុលមាស សរុបចំនួន៤០០ដើម បានដាំនៅក្នុងបរិវេណប្រាសាទអង្គរវត្ត នាព្រឹកថ្ងៃទី១៥ ខែកក្កដា ឆ្នាំ២០២០ ក្រោមប្រធានបទ «សន្តិភាព យុត្តិធម៌ សាសនា បេតិកភណ្ឌ បរិស្ថាន»។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
8
Today
:
17709
Yesterday
:
41931
This Week
:
100296
This Month
:
0185152
Total
:
012010783