NEWS

Apsara Authority providing techniques of creating compost to villagers in Angkor

Published on 05 September 2016 02:38 PM Post By ៖ Apsara National Authority
អាជ្ញាធរជាតិអប្សរាបានផ្តល់បច្ចេកទេសធ្វើជីកំប៉ុស្តិ៍កសិកម្មតាមបែបធម្មជាតិដល់ប្រជាពលរដ្ឋ ដែលភាគច្រើនជាប្រជាកសិករធ្វើស្រែចំការកំពុងរស់នៅក្នុងតំបន់អង្គរ ដើម្បីឲ្យពួកគាត់ចេះរបៀបធ្វើជីកំប៉ុស្តិ៍ដោយខ្លួនឯង ។ ការផ្តល់បច្ចេកទេសធ្វើជីកំប៉ុស្តិ៍នេះគឺ ដើម្បីថែរក្សា ការពារ និងអភិរក្សនូវរបៀបរបបធ្វើកសិកម្មតាមបែបធម្មជាតិរបស់បុព្វបុរសខ្មែរនាសម័យអាណាចក្រអង្គរដ៏រុងរឿងផង និងដើម្បីលើកកម្ពស់សេដ្ឋកិច្ចគ្រួសាររបស់ប្រជាពលរដ្ឋដែលរស់នៅក្នុងតំបន់អង្គរនាពេលបច្ចុប្បន្នឲ្យមានជីវភាពធូរធារឡើងផង ក្រោមទស្សនវិស័យថា«អភិរក្សដើម្បីអភិវឌ្ឍន៍ អភិវឌ្ឍន៍ដើម្បីអភិរក្ស»។

លោក ឡាច សំណាវ បុគ្គលិកបច្ចេកទេសនាយកដ្ឋានអភិវឌ្ឍន៍កសិកម្ម និងសហគមន៍បានលើកឡើងថានាយកដ្ឋានអភិវឌ្ឍន៍កសិកម្ម និងសហគមន៍នៃអាជ្ញាធរជាតិអប្សរាបានចាត់ចែងក្រុមភ្នាក់ងារអភិវឌ្ឍន៍សហគមន៍ចុះទៅផ្តល់ប្រឹក្សាយោបល់ និងផ្តល់បច្ចេកទេសធ្វើជីកំប៉ុស្តិ៍ដល់ប្រជាពលរដ្ឋដែលរស់នៅក្នុងស្រុកក្រុងចំនួន៥រួមមានស្រុកអង្គរធំ ស្រុកពួក ស្រុកប្រាសាទបាគង ស្រុកបន្ទាយស្រី ក្រុងសៀមរាប និងភូមិធម្មជាតិរុនតាឯកផងដែរ ។ ការផ្តល់បច្ចេកទេសនេះជួយឲ្យពួកគាត់ចេះរបៀបធ្វើជីកំប៉ុស្តិ៍សម្រាប់យកទៅដាក់ស្រែចំការនិងជួយកាត់បន្ថយការចំណាយទៅលើការទិញជីគីមីដែលមានតម្លៃថ្លៃហើយប៉ះពាល់ដល់សុខភាពទៀតផង។

លោកបន្តថាបច្ចេកទេសធ្វើជីកំប៉ុស្តិ៍នេះ មុនដំបូងប្រជាពលរដ្ឋត្រូវជ្រើសរើស រកកន្លែងមិនមានលិចទឹកហើយធ្វើរោងមួយ ដោយជីករណ្តៅជម្រៅ១តឹក ទទឹង១,៥ម និងបណ្តោយលើសពី២ម ឬទំហំអាចខុសពីនេះទៅតាមការចង់បាន។ រោងនេះធ្វើពីឈើ ប្រក់ស្លឹកត្នោត ប្រក់ស្បូវ ឬប្រក់ស័ង្កសីក៏បាន ឬមិនបាច់ធ្វើរោងក៏បានដែរ ។ពួកគាត់អាចធ្វើក្រោមដើមឈើ ជញ្ជាំងបាំងដោយស្លឹកត្នោត ស្លឹកដូង ឬកឥដ្ឋ មានកម្ពស់០.៥-១ម ទៅតាមលទ្ធភាពរបស់ពួកគាត់សម្រាប់ដាក់វត្ថុធាតុដើមផ្សេងៗធ្វើជីកំប៉ុស្តិ៍ ។ ការធ្វើជញ្ជាំងបាំងនេះដើម្បីការពារសត្វធាតុផ្សេងៗកកាយធ្វើឲ្យគំនរជីរាយប៉ាយ។

លោកបន្តទៀតថាចំពោះវត្ថុធាតុដើមសម្រាប់យកមកធ្វើជីកំប៉ុស្តិ៍នោះ មានកាកសំណល់កសិកម្ម កាកសំណល់ផ្ទះបាយ កាកសំណល់ទីផ្សារ កាកសំណល់សួនច្បារ និងកាកសំណល់ផ្សេងៗទៀត។ ពេលប្រមូលបានកាកសំណល់ទាំងអស់នេះហើយ ត្រូវលៃលកបែងចែកកាកសំណល់ក្រៀម និងស្រស់ឲ្យប្រហាក់ប្រហែលគ្នា រួចហើយកាប់ចិញ្ច្រាំលាយបញ្ចូលគ្នាយកទៅដាក់ក្នុងរណ្តៅជាន់បង្ហាប់ឲ្យស្មើទៅតាមការចង់បាន ដោយយកស្លឹកចេក ឬស្លឹកដូងដាក់គ្របពីលើ និងដាក់បំពងឫស្សីចោះប្រហោងចំនួន២ដើមនៅក្នុងគំនរជីកំប៉ុស្តិ៍នោះ ដើម្បីឲ្យមានខ្យល់ចេញចូល ធ្វើឲ្យជីកំប៉ុស្តិ៍ឆាប់កាច់និងរហ័សរលួយ។

លោកបញ្ជាក់ថារបៀបថែទាំជីកំប៉ុស្តិ៍វិញ ពួកគាត់ត្រូវឧស្សាហ៍ត្រួតពិនិត្យមើលគំនរកំប៉ុស្តិ៍បើស្ងួតទឹកត្រូវស្រោចទឹកឲ្យសើមជាប្រចាំ និងឧស្សាហ៍ត្រឡប់គំនរជីកំប៉ុស្តិ៍ ដោយត្រឡប់ពីក្រោមឡើងមកលើ និងត្រឡប់ពីលើចុះមកក្រោមវិញ។ ធ្វើយ៉ាងនេះជីកំប៉ុស្តិ៍ឆាប់រលួយសព្វ ហើយទុករយៈពេល៣ខែទៅ៦ខែ ពួកគាត់អាចយកជីកំប៉ុស្តិ៍ទៅដាក់ស្រែ និងដាក់ដំណាំផ្សេងៗបានហើយ។ ម្យ៉ាងទៀត ជីកំប៉ុស្តិ៍នេះ វាជួយឲ្យដីធូរ ស្រូវ ដំណាំចាក់ឫសបានជ្រៅ លូតលាស់បានល្អ ធន់នឹងជំងឺ និងសត្វល្អិតរាតត្បាតទៀតផង៕








ព្រឹត្តិការណ៍អបអរសាទរព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ត្រូវបានរៀបចំឡើងនៅខេត្តសៀមរាបយ៉ាងអធិកអធម នៅថ្ងៃ១៤-១៥កើត និង១រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០-១១-១២ ខែវិច្ឆិកា ឆ្នាំ២០១៩។
អាជ្ញាធរជាតិអប្សរាសូមធ្វើការប្រកាសហាមយកសត្វគ្រប់ប្រភេទទៅព្រលែងចូលក្នុងកសិន្ធុប្រាសាទនានានៃតំបន់រមណីយដ្ឋានអង្គរ បេតិកភណ្ឌពិភពលោក។ ដើម្បីជ្រាបពិស្តារអំពីការហាមនូវសកម្មភាពព្រលែងសត្វចូលក្នុងកសិន្ធុប្រាសាទនានា សូមអានសេចក្តីជូនដំណឹងដែលមានភ្ជាប់ជូនមកជាមួយ៖
ដើម្បីចូលរួមអបអរសាទរព្រះរាជពិធីបុណ្យអុំទូក អកអំបុក សំព្រះខែ និងបណ្តែតប្រទីប អាជ្ញាធរជាតិអប្សរាសហការជាមួយក្រុមហ៊ុនហេងអភិវឌ្ឍន៍ បានរួមគ្នារៀបចំពិធីដាល់អំបុក អកអំបុក សំពះព្រះខែ និងបណ្តែតប្រទីប នៅព្រះលានជល់ដំរីចាប់ពីថ្ងៃទី៩ដល់ថ្ងៃទី១២ ខែវិច្ឆិកា ឆ្នាំ២០១៩។
ពិធីទទួលទានអំបុកការពារជាតិ សាសនា ព្រះមហាក្សត្រ ៩វិច្ឆិកា ២០១៩ ត្រូវបានរៀបចំឡើងយ៉ាងអធិកអធមនៅព្រះលានជល់ដំរី ក្រុងអង្គរធំ ក្រោមអធិបតីភាពឯកឧត្ត ម ហង់ ពៅ អគ្គនាយកអាជ្ញាធរជាតិអប្សរា លោកជំទាវឧកញ៉ាបណ្ឌិត សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍន៍ មន្ត្រីរាជការ បុគ្គលិក កម្មករ ព្រមទាំង ព្រះសង្ឃ និងភ្ញៀវទេសចរជាតិ-អន្តរជាតិយ៉ាងច្រើនកុះករ។
កូនក្រពើដែលព្រលែងថ្ងៃមុន ត្រូវបានប្រជាពលរដ្ឋចាប់បានវិញហើយនៅរសៀលថ្ងៃទី៨ ខែវិច្ឆិកានេះ។ បច្ចុប្បន្នក្រពើនោះ ត្រូវបានមន្រ្តីជំនាញផ្នែករដ្ឋបាលជលផលខេត្តសៀមរាបយកទៅរក្សាទុកនៅកន្លែងដទៃរួចហើយដែរ។
FirstPrev12345...264265NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
3
Today
:
1019
Yesterday
:
1922
This Week
:
01019
This Month
:
0049492
Total
:
009422768