ព័ត៌មានថ្មីៗ

ព្រះសង្ឃនិងពុទ្ធបរិស័ទវត្តប្រាសាទលលៃ ប្រារព្ធពិធីប្រុងពាលីបួងសួងសុំម្ចាស់ទឹកម្ចាស់ដីសាងសង់ជណ្តើរសាលាឆាន់

បានផ្សាយនៅ ថ្ងៃទី 04 ខែ កញ្ញា ឆ្នាំ2016 06:40 AM ដោយ ៖ អាជ្ញាធរជាតិអប្សរា
អ្នកស្រុកអង្គរមានទំនៀមទម្លាប់និងជំនឿពីបុរាណជាច្រើនដែលនៅតែបន្តធ្វើរហូតដល់សព្វថ្ងៃ។ ពិធីខ្លះ ក៏មានប្រជាជនខ្មែរនិយមធ្វើពេញប្រទេសដូចអ្នកស្រុកអង្គរដែរ គឺពិធីប្រុងពាលី បួងសួងសែនចងដៃ មុននឹងសាងសង់អ្វីមួយ។

ជាក់ស្តែងព្រះសង្ឃ អាចារ្យគណៈកម្មការ យាយជីតាជីវត្តប្រាសាទលលៃ ដែលមានបំណងសង់ជណ្តើរសាលាឆាន់ថ្មីនោះ បានរៀបចំពិធីនេះឡើង ដើម្បីសុំក្តីសុខសប្បាយ និងទីកន្លែងដើម្បីសាងសង់ ហើយសូមឱ្យការសាងសង់នោះប្រកបដោយភាពរលូន។

ពិធីនេះមានរៀបចំជាអាសនៈធំមួយសម្រាប់ពិធីប្រុងពាលី មួយទៀតសម្រាប់ពិធីបួងសួងនៅទិសឦសាន ហើយមានក្លស់បាំងពីលើ និងមានគ្រឿងរណ្តាប់ដូចជាស្លាធម៌ បាយសី ជម៤ សំពត់ស ខ្នើយ និងគ្រឿងសំណែនមានក្បាល ជ្រូក មាន់ស្ងោរ បង្អែមចម្អាបតិចច្រើនទៅតាមធនធានរបស់ម្ចាស់សំណង់នោះ។

កិច្ចពិធីនេះ គឺមានលាយឡំដោយជំនឿដើមរបស់អ្នកស្រុកផង ព្រហ្មញ្ញសាសនាផង ផង និងព្រះពុទ្ធសាសនាផង ដោយធ្វើការសែនព្រែន រំឭកនឹកគុណដល់ស្តេចប្រុងពាលី ចាក់ហ៊ោ បួងសួងដល់អារុក្ខ អារក្ស អ្នកតា ម្ចាស់ទឹកម្ចាស់ដី និងមានព្រះសង្ឃសូត្រនមស្សការនិងជយន្តោរំឭកដល់គុណព្រះពុទ្ធ ព្រះធម៌ ព្រះសង្ឃ។

ការធ្វើដូច្នេះដើម្បីសុំកន្លែងសាងសង់ ក្នុងបំណងសូមឱ្យការសាងសង់សំណង់នោះបានល្អប្រសើរ មិនឱ្យជួបភាពរកាំរកូស ឬជួបហេតុអាក្រក់ណាមួយ។ ដូច្នេះហើយ ទើបគេមានពិធីសំខាន់មួយទៀត គឺពិធីហៅព្រលឹងសែនចងដៃដល់ម្ចាស់សំណង់ រួមទាំងប្រោះព្រំទឹកមន្តផង សូមឱ្យម្ចាស់នោះមានសិរីសួស្តី កុំបីមានមោះ ថ្លស់ធ្លោយខូចការ និងបាននូវ សេចក្តីសុខចម្រើន។

ព្រះតេជគុណ ឌិន ពៅ គង់នៅវត្តប្រាសាទលលៃដែលបានផ្តួចផ្តើមធ្វើជណ្តើរ សាលាឆាន់ថ្មីនេះជាមួយអាចារ្យគណៈកម្មការវត្ត និងពុទ្ធបរិស័ទផងនោះ មានសង្ឃដីកាថា ការប្រារព្ធពិធីប្រុងពាលី បួងសួងម្ចាស់ទឹកម្ចាស់ដី មុនសាង់សង់អ្វីមួយ មិនថាផ្ទះឬជណ្តើរអ្វីទេ គឺតែងតែធ្វើជាប្រចាំមិនដែលខានឡើយ ព្រោះវាជាទំនៀមពីបុរាណ។ បើកាលណាតែយើង មិនធ្វើ តាមជំនឿបុរាណខ្មែរថា ការសាងសង់នោះអាចនឹងមានភាពរកាំរកូស មិនមានសិរី សួស្តី នាំអពមង្គលដល់ម្ចាស់ ព្រោះតែយើងមិនគោរពដល់ស្តេចប្រុងពាលី និងម្ចាស់ទឹក ម្ចាស់ដីទាំងនោះ។ ដូច្នេះហើយ ទើបពេលសាងសង់អ្វីមួយសម្រាប់ការប្រើប្រាស់ឬរស់នៅយូរ អង្វែង ឬធ្វើរោងសម្រាប់ពិធីផ្សេងៗ គេតែងតែធ្វើពិធីប្រុងពាលីនិងបួងសួងជានិច្ចដើម្បីសុំឱ្យមានក្តីសុខសប្បាយ៕










អាជ្ញាធរជាតិអប្សរាដោយសហការជាមួយសាកលវិទ្យាល័យស៊ីដនី នឹងរៀបចំធ្វើបទបង្ហាញស្តីពីលទ្ធផលកំណាយស្រាវជ្រាវជាបឋមមួយ នៅភាគអាគ្នេយ៍ក្នុងប្រាសាទអង្គរវត្ត ដោយផ្តោតសំខាន់លើការតាំងទីលំនៅរស់នៅរបស់ប្រជាជននាសម័យអង្គរ ដោយលោកស្រីបណ្ឌិត Alison Carter នៅថ្ងៃសុក្រទី១០ ខែមិថុនា ឆ្នាំ២០១៦ វេលាម៉ោង៩:០០ នាទីព្រឹក នៅសាលសិក្សាលលៃនៃមជ្ឈមណ្ឌលបណ្តុះបណ្តាលអង្គរ-អាជ្ញាធរជាតិអប្សរា។
ខ្លឹមសារនៃពិធីដាក់បាត្រ
( ថ្ងៃទី 31 ខែ ឧសភា ឆ្នាំ2016 )
ពិធីដាក់បាត្រជាទំនៀមទម្លាប់ប្រពៃណីបុរាណតាមបែបព្រះពុទ្ធសាសនា របស់ប្រជាពលរដ្ឋខ្មែរមួយក្នុងចំណោមទំនៀមទម្លាប់ប្រពៃណីដ៏សម្បូរបែបផ្សេងៗទៀត ដែលមានអាយុកាលយូរល់ងណាស់មកហើយ។ ទំនៀមទម្លាប់នេះ គេសង្កេតឃើញប្រជាពលរដ្ឋដែលជាអ្នកកាន់ព្រះពុទ្ធសាសនាប្រារព្ធពិធីដាក់បាត្រនេះ នៅគ្រប់ពិធីបុណ្យទាំងអស់មិនពិធីបុណ្យតូចឬធំនោះទេ ដើម្បីបង្ហាញឬបញ្ជាក់ប្រាប់ឲ្យសាធារណជនដឹងថាពិធីបុណ្យនេះឆ្លងឬបញ្ចប់នៅថ្ងៃហ្នឹងហើយ។ ហេតុនេះហើយទើបមានពាក្យដែលអ្នកស្រុកនិយាយជាទូទៅថា ដាក់បាត្រឆ្លង។
ទំនៀមទម្លាប់ប្រពៃណីគឺជាអត្តសញ្ញាណមួយ ដែលធ្វើឲ្យអ្នកអង្គរមានភាពប្លែកពីតំបន់ដទៃទៀត។ បើនិយាយពីប្រពៃណីរបស់អ្នកអង្គរសព្វថ្ងៃ យើងសឹងតែអាចនិយាយបានថា វាជាផ្នែកមួយនៃអវៈយវៈរបស់ពួកគាត់ទៅហើយ ពោលគឺ មិនអាចខ្វះបានក្នុងជីវភាពប្រចាំថ្ងៃ។ ពេលខ្លះ យើងសង្កេតឃើញថា បើគាត់រវល់ណាស់ធ្វើអ្វីធំដុំមិនទាន់ ក៏គង់ធ្វើអ្វីតូចមួយមកជំនួសឲ្យសមនឹងកិច្ចពិធីនោះៗដែរ។ តែទោះយ៉ាងណា ក៏មិនចោលទំនៀមទម្លាប់ប្រពៃណីដែរ។
ពិព័រណ៍ការងារដើម្បីតម្រង់ទិសក្នុងការសិក្សារបស់ប្អូនៗសិស្សានុសិស្ស ត្រូវបានរៀបចំឡើង ដោយអង្គការថែរក្សាដើម្បីកម្ពុជា Caring for Cambodia(CFC) និងវិទ្យាល័យផ្សេងៗ ព្រមទាំងមានការចូលរួមពីបណ្តាស្ថាប័នជាច្រើន។ ពិព័រណ៍បានរៀបចំនៅវិទ្យាល័យបាគង នាព្រឹកថ្ងៃទី២៧ ខែឧសភា ឆ្នាំ២០១៦។ អាជ្ញាធរជាតិអប្សរាក៏បានចូលរួមចំពោះការផ្សព្វផ្សាយនេះ ដោយមានមន្ត្រីជំនាញជាអ្នកពន្យល់ដោយផ្ទាល់ លើការងារគ្រប់គ្រង អភិរក្ស និងអភិវឌ្ឍន៍ប្រកបដោយចីរភាពចំពោះរមណីយដ្ឋានអង្គរ ដែលជាបេតិកភណ្ឌពិភពលោក។
ក្រៅពីការយកចិត្តទុកដាក់លើការងារអភិរក្ស និងអភិវឌ្ឍន៍ប្រកបដោយចីរភាពក្នុងតំបន់រមណីយដ្ឋានអង្គរ ក្នុងនោះក៏បានយកចិត្តទុកដាក់ជាប្រចាំចំពោះសុខទុក្ខបងប្អូនប្រជាពលរដ្ឋដែលរស់នៅក្នុងតំបន់រមណីយដ្ឋាននោះផងដែរ។ ជាក់ស្តែងក្រុមការងារសហគមន៍នៃអាជ្ញាធរជាតិអប្សរាប្រចាំស្រុកបន្ទាយស្រី នៅព្រឹកថ្ងៃទី២៧ខែឧសភាឆ្នាំ២០១៦នេះ  បាននាំយកនូវសម្ភារៈ  និងគ្រឿងបរិភោគមួយចំនួន  ដែលជាអំណោយដ៏ថ្លៃថ្លារបស់ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ទៅចែកជូនគ្រួសារដែលរងគ្រោះដោយអគ្គិភ័យ ភ្លើងឆេះផ្ទះស្ថិតនៅក្នុងភូមិតាឯក ឃុំរុនតាឯក ស្រុកបន្ទាយស្រី ខេត្តសៀមរាប។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
2381
ម្សិលមិញ
:
3291
សប្តាហ៍នេះ
:
12655
ខែនេះ
:
0022635
សរុប
:
010610733