ព័ត៌មានថ្មីៗ

តើប្រជាពលរដ្ឋដែលរស់នៅក្នុងតំបន់អង្គរមានសិទ្ធិអ្វីខ្លះលើដីធ្លីរបស់ខ្លួន?

បានផ្សាយនៅ ថ្ងៃទី 03 ខែ កញ្ញា ឆ្នាំ2016 05:42 AM ដោយ ៖ អាជ្ញាធរជាតិអប្សរា
តំបន់រមណីយដ្ឋានអង្គរមានផ្ទៃដី៤០១ម៉ែត្រក្រឡា មាន១១២ភូមិ ២១ឃុំសង្កាត់ និង៥ស្រុក ក្រុង។ តំបន់នេះស្ថិតនៅក្រោមការគ្រប់គ្រងរបស់អាជ្ញាធរជាតិអប្សរាដែលមានតួនាទីភារកិច្ចថែរក្សា ការពារ អភិរក្ស និងអភិវឌ្ឍតំបន់រមណីយដ្ឋានអង្គរនេះដូចមានចែងក្នុងខ្លឹមសារនៃព្រះរាជក្រឹត្យលេខ០០១នស ចុះថ្ងៃទី ២៨ ខែ ឧសភា ឆ្នាំ ១៩៩៤ ស្តីពីការកំណត់និងការចាត់ចែងគ្រប់គ្រងតំបន់សៀមរាបអង្គរ។ ស្របតាមខ្លឹមសារនេះ ក្រុមការងារសហគមន៍នៃអាជ្ញាធរជាតិអប្សរាបានចុះទៅតាមមូលដ្ឋានរបស់ប្រជាពលរដ្ឋផ្ទាល់ ដើម្បីផ្សព្វផ្សាយពីតួនាទី ភារកិច្ច និងសិទ្ធិរបស់ប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរបានយល់។ ដូច្នេះ តើប្រជាពលរដ្ឋដែលរស់នៅក្នុងតំបន់អង្គរមានសិទ្ធិអ្វីខ្លះលើដីធ្លីរបស់ខ្លួន?

ឆ្លើយតបនឹងសំណួរខាងលើនេះ ឯកឧត្តម សុខ លក្ខិណា ទីប្រឹក្សាអាជ្ញាធរជាតិអប្សរា និងជាប្រធានក្រុមការងារសហគមន៍ប្រចាំស្រុកប្រាសាទបាគងបានលើកអំពីសេចក្តីសម្រេច លេខ៧០សសរ ចុះថ្ងៃទី ១៦ ខែ វិច្ឆិកា ឆ្នាំ២០០៤ ស្តីពីការកំណត់បទដ្ឋាននៃការប្រើប្រាស់ដីធ្លីនៅតំបន់១ និងតំបន់២ក្នុងតំបន់រមណីយដ្ឋានអង្គរសៀមរាបអង្គរថា ប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរមានសិទ្ធិ៣យ៉ាងក្នុងការចាត់ចែងគ្រប់គ្រងដីធ្លី ដែលជាកម្មសិទ្ធិរបស់ខ្លួនតាំងពីដូនតាមក។ ឯកឧត្តមបានពន្យល់នូវសិទ្ធិទាំង៣យ៉ាងនោះថា៖

ទី១. សិទ្ធិរស់នៅ បងប្អូនប្រជាពលរដ្ឋដែលធ្លាប់រស់នៅតាំងពីដូនតាមក បងប្អូនមានសិទ្ធិរស់នៅបន្តទៅទៀតបាន។ គ្មានបុគ្គលណាម្នាក់អាចមកដកហូតដីធ្លីឬបញ្ឈប់បងប្អូនឬក៏បណ្តេញបងប្អូនមិនឲ្យរស់នៅលើដីនោះតទៅទៀតបានឡើយ។ ឯកឧត្តមបានបញ្ជាក់ថា ប្រជាពលរដ្ឋចាស់មានសិទ្ធិរស់នៅតកូនតចៅតផៅសន្តានបន្តទៀតបាន។

ទី២. បងប្អូនប្រជាពលរដ្ឋមានសិទ្ធិរុះរើផ្ទះចាស់ធ្វើផ្ទះថ្មី ជួសជុលផ្ទះ ពង្រីកផ្ទះជាដើមដោយមានការដាក់ពាក្យស្នើសុំមកអាជា្ញធរជាតិអប្សរាជាមុនសិន ។ ចំណែកសំណង់តូចៗមួយចំនួនវិញ មានដូចជា ការសាងសង់បង្គន់ ធ្វើរោងគោ រោងមាន់ រោងទា ទ្រុងជ្រូកជាដើម ប្រជាពលរដ្ឋមិនចាំបាច់ដាក់ពាក្យស្នើសុំមកអាជ្ញាធរជាតិអប្សរាក៏បានដែរ ។ អាជ្ញាធរជាតិអប្សរានឹងចុះទៅមើលស្ថានភាពផ្ទាល់ដល់មូលដ្ឋានជាក់ស្តែង ហើយអនុញ្ញាតឲ្យសាងសង់តែម្តង ប៉ុន្តែចំពោះប្រជាពលរដ្ឋមកពីក្រៅតំបន់មិនអនុញ្ញាតឲ្យសាងសង់ឡើយ។

ទី៣. សិទ្ធិគ្រប់គ្រង និងសិទ្ធិចាត់ចែងដីធ្លី ប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរមានសិទ្ធិចែកដីធ្លីដល់កូនចៅរបស់ពួកគាត់បាន ប៉ុន្តែកូនចៅពួកគាត់មិនអាចសាងសង់សំណង់ផ្សេងៗលើដីធ្លីចែកនោះបានឡើយ។ ដើម្បីដោះស្រាយបញ្ហានេះ អាជ្ញាធរជាតិអប្សរាមានដីមួយកន្លែងនៅក្រៅតំបន់រមណីយដ្ឋានអង្គរ ស្ថិតនៅភូមិធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាបទុកសម្រាប់ចែកជូនពួកគាត់សាងសង់ផ្ទះនិងធ្វើកសិកម្ម ។

ចំពោះសិទ្ធិលក់ដូរវិញ ពួកគាត់អាចលក់ដូរបានប៉ុន្តែអ្នកដែលមានសិទ្ធិទិញដីនោះបានគឺមានតែប្រជាពលរដ្ឋរស់នៅក្នុងភូមិផងរបងជាមួយគ្នាប៉ុណ្ណោះ។ ប្រជាពលរដ្ឋក្រៅពីភូមិផងរបងជាមួយគ្នានេះមិនមានសិទ្ធិទិញដីនោះបានទេ ។ ប៉ុន្តែហាមឃាត់លើសកម្មភាពទិញលក់ដីរបស់ឈ្មួញ ក្នុងគោលដៅធ្វើអាជីវកម្មយកប្រាក់ចំណេញសម្រាប់ក្រុមហ៊ុន ឬបុគ្គល ឬក៏ការទិញលក់ដីសម្រាប់យកទៅសាងសង់សណ្ឋាគារ ភោជនីយដ្ឋាន ខារ៉ាអូខេជាដើម។

អាជ្ញាធរជាតិអប្សរាតែងតែចុះផ្សព្វផ្សាយពីតួនាទី ភារកិច្ច និងសិទ្ធិរបស់ប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរនេះជាប្រចាំដើម្បីឲ្យពួកគាត់បានយល់កាន់តែច្បាស់លាស់ឡើង ហើយរួមគ្នាជួយថែរក្សា ការពារ អភិរក្ស និងអភិវឌ្ឍតំបន់បេតិកភណ្ឌពិភពលោកដ៏ល្បីល្បាញ និងគួរឲ្យទាក់ទាញមួយនេះឲ្យបានគង់វង្សទុកដល់មនុស្សជាតិជំនាន់ក្រោយទៀត៕




នៅទីស្នាក់ការអាជ្ញាធរជាតិអប្សរា ព្រឹកថ្ងៃទី២៦ ខែកុម្ភៈ ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា ទទួលជួបលោក ISHIDA Toru ប្រធានផ្នែកកិច្ចសហប្រតិបត្តិការអំពីបេតិកភណ្ឌវប្បធម៌នៃភ្នាក់ងារដើម្បីបេតិកភណ្ឌវប្បធម៌ជប៉ុន ដើម្បីសម្តែងការគួរសម និងថ្លែងអំណរគុណចំពោះកិច្ចសហប្រតិបត្តិការរួមគ្នានៃទំនាក់ទំនងដ៏ល្អប្រសើរ ដែលអាជ្ញាធរជាតិអប្សរាជាមួយស្ថាប័នជប៉ុនបានបំពេញនាពេលកន្លងមក ក្នុងតំបន់រមណីយដ្ឋានអង្គរ។
ក្នុងគោលបំណងលើកកម្ពស់ការយល់ដឹងអំពីវិស័យបេតិកភណ្ឌ ក៏ដូចជាការផ្សព្វផ្សាយឱ្យបានទូលំទូលាយនូវរាល់ការងារសំខាន់ៗនិងសមិទ្ធផលក្នុងរយៈពេល២៥ឆ្នាំរបស់ខ្លួន នាថ្ងៃទី២៩ ខែកុម្ភៈ ឆ្នាំ២០២០ អាជ្ញាធរជាតិអប្សរានឹងសហការជាមួយក្រុមហ៊ុនផ្កាឈូកនិងមូលនិធិផ្កាឈូក ដើម្បីរៀបចំតាំងពិព័រណ៍រូបភាពជាសាធារណៈស្តីពីការងារសំខាន់ៗនិងសមិទ្ធផលជាច្រើនដែលសម្រេចបាននាពេលកន្លងមក នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ដែលស្ថិតក្នុងបរិវេណវិទ្យាស្ថានភាសារបរទេស ចាប់ពីម៉ោង៨:៣០នាទីព្រឹក រហូតដល់ម៉ោង៥:៣០នាទីល្ងាច។
នៅថ្ងៃទី២៥ខែកុម្ភៈ ឆ្នាំ២០២០ នេះ គណៈកម្មការទី២ នៃរដ្ឋសភា ដឹកនាំដោយ ឯកឧត្តម គតិសេដ្ឋាបណ្ឌិត ជាម យៀប ប្រធានប្រតិភូគណៈកម្មការទី២ និងសមាជិកប្រតិភូ ជួបសំណេះសំណាលជាមួយអាជ្ញាធរជាតិអប្សរា និងគ្រឹះស្ថានអង្គរ ដើម្បីស្វែងយល់ពីវឌ្ឍនភាពរបស់អាជ្ញាធរជាតិអប្សរា និងវឌ្ឍនភាពរបស់គ្រឹះស្ថានអង្គរ នៅគ្រឹះស្ថានអង្គរ ខេត្តសៀមរាប។
ដើម្បីចូលរួមអបអរសាទរឱកាសបុណ្យចូលឆ្នាំថ្មីប្រពៃណីជាតិខ្មែរ និងទាក់ទាញទេសចរឱ្យចូលមកទស្សនាតំបន់រមណីយដ្ឋានអង្គរ អាជ្ញាធរជាតិអប្សរាបានសហការជាមួយសហភាពសហព័ន្ធយុវជនកម្ពុជាប្រចាំខេត្តសៀមរាប រដ្ឋបាលខេត្តសៀមរាប និងស្ថាប័នពាក់ព័ន្ធផ្សេងៗ នឹងរៀបចំសៀមរាបសង្ក្រាន្ត នៅបរិវេណប្រាសាទអង្គរវត្ត ក្រោមប្រធានបទ «អង្គរ អតីតកាល បច្ចុប្បន្ន និងអនាគត» ដែលនឹងប្រព្រឹត្តទៅនៅថ្ងៃ៦រោចដល់ថ្ងៃ៩រោច ខែចេត្រ ឆ្នាំជូត ទោស័ក ព.ស.២៥៦៣ ត្រូវនឹងថ្ងៃទី១៣ដល់ថ្ងៃទី១៦ ខែមេសា ឆ្នាំ២០២០។
នៅព្រឹកថ្ងៃទី២៥ ខែកុម្ភៈ ឆ្នាំ២០២០ និស្សិតនៃសាកលវិទ្យាល័យភូមិន្ទវិចិត្រសិល្បៈសរុបប្រមាណ១០៣នាក់ បានមកបំពេញទស្សនកិច្ចសិក្សានៅទីស្នាក់ការអាជ្ញាធរជាតិអប្សរា ដើម្បីសិក្សាស្វែងយល់ពីការងារ អភិរក្សប្រាសាទបុរាណនានាក្នុងតំបន់អង្គរ។
ដើមដំបូងមុន12345...293294បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
6662
ម្សិលមិញ
:
14427
សប្តាហ៍នេះ
:
43807
ខែនេះ
:
0324636
សរុប
:
010280783