ព័ត៌មានថ្មីៗ

កម្មវិធីកសាងសមត្ថភាពនៅតំបន់អង្គរត្រូវបានចុះអនុស្សារណៈនៃការយោគយល់គ្នារវាង អាជ្ញាធរជាតិអប្សរានិងមហាវិទ្យាល័យ Komatus ប្រទេសជប៉ុន

បានផ្សាយនៅ ថ្ងៃទី 02 ខែ កញ្ញា ឆ្នាំ2016 08:11 PM ដោយ ៖ អាជ្ញាធរជាតិអប្សរា

កម្មវិធីកសាងសមត្ថភាពរបស់និស្សិតនិងបុគ្គលិកវ័យក្មេងនៅតំបន់បេតិកភណ្ឌពិភពលោកអង្គរ ត្រូវបានប្រារព្ធពិធីចុះអនុស្សារណៈនៃការយោគយល់គ្នា រវាងអាជ្ញាធរជាតិអប្សរាជាមួយមហាវិទ្យាល័យ Komatus នៃប្រទេសជប៉ុន បានប្រព្រឹត្តិទៅនារសៀលថ្ងៃទី០២ ខែកញ្ញា ឆ្នាំ២០១៦ នៅមជ្ឈមណ្ឌលអាជ្ញាធរជាតិអប្សរា។

ពិធីនេះមានការអញ្ជើញចូលរួមពីឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា និងលោកសាស្ត្រាចារ្យបណ្ឌិត NAGANO Isamu តំណាងមហាវិទ្យាល័យ Komatus នៃប្រទេសជប៉ុន រួមទាំងសាស្ត្រាចារ្យ និស្សិតនៃមហាវិទ្យាល័យ Komatus ព្រមទាំងថ្នាក់ដឹកនាំ មន្ត្រី បុគ្គលិកអាជ្ញាធរជាតិអប្សរាជាច្រើនរូបទៀត ។

ខ្លឹមសារនៃអនុស្សារណៈនៃការយោគយល់គ្នានេះ គឺផ្តោតទៅលើកិច្ចសហប្រតិបត្តិ ជាលើកដំបូងលើការកសាងសមត្ថភាពរបស់និស្សិត និងបុគ្គលិកវ័យក្មេងរបស់ មហាវិទ្យាល័យ Komatus នៅលើទឹកដីអង្គរដែលជាបេតិកភណ្ឌពិភពលោកដ៏ល្បីរបស់កម្ពុជា។ និស្សិតទាំងអស់នឹងរៀនអំពីបច្ចេកទេសនិងបទពិសោធន៍មួយចំនួនដែលអាជ្ញាធរជាតិអប្សរាបានអនុវត្តដោយជោគជ័យ ក្នុងការគ្រប់គ្រងនិងអភិរក្សតំបន់រមណីយដ្ឋានអង្គរ។ ដោយឡែក កិច្ចសហការនេះ មហាវិទ្យាល័យ Komatus ក៏មានបំណងផ្ទេរបច្ចេកវិទ្យា ព្រមទាំងបទពិសោធន៍នៃការស្រាវជ្រាវអំពីបរិស្ថាន សម្រាប់ការងារអភិរក្សនិងការអភិវឌ្ឍវិស័យទេសចរណ៍មកតំបន់អង្គរវិញដែរ។

គួរបញ្ជាក់ផងដែរថា មហាវិទ្យាល័យ Komatus ជាសាលាឯកជនដ៏ល្បីមួយមានទីតាំងស្ថិតនៅក្នុងទីក្រុង Komatus តាមបណ្តោយឆ្នេរនៃសមុទ្រជប៉ុន។ ទីក្រុងនេះត្រូវ បានអភិវឌ្ឍន៍ ដោយមានការតភ្ជាប់ទំនាក់ទំនងវប្បធម៌ជាមួយទីក្រុង Kanazawa ដែលជាផ្នែកមួយនៃវប្បធម៌តំបន់កណ្តាលរបស់ប្រទេសជប៉ុន ចន្លោះសតវត្សទី១៧ដល់១៩។ បេតិកភណ្ឌដែលសាងសង់ពីថ្មជាច្រើននៃទីក្រុង Komatus មានដូចជា បន្ទាយ ប្រឡាយ និងស្ពានជាដើម ត្រូវបានសាងសង់ដោយប្រើប្រាស់ការដ្ឋាន យកថ្មដ៏ល្បីល្បាញនៅក្នុងប្រទេសជប៉ុន។ ក្នុងទីក្រុងនេះដែរ ក៏មានព្រលានយន្តហោះអន្តរជាតិ និងការតភ្ជាប់នៃបណ្តាញរថភ្លើងល្បឿនលឿន (Shinkansen) ដែលភ្ជាប់ពីទីក្រុង Kanazawa ដោយផ្ទាល់ជាមួយនឹងក្រុងតូក្យូ ជាហេតុធ្វើឱ្យចំនួនទេសចរកាន់ដែលមកទស្សនាទីក្រុងនេះ មានចំនួនកើនឡើងគួរឱ្យកត់សម្គាល់។ ម្យ៉ាងទៀត ទីក្រុងនេះក៏ជាកន្លែងកំណើតរបស់ក្រុមហ៊ុនKamatsu Ltdដែលជាក្រុមហ៊ុនផលិតគ្រឿងចក្រដ៏ធំលើពិភពលោកផងដែរ។ ចំពោះទំនាក់ទំនងជាមួយអាជ្ញាធរជាតិអប្សរាវិញ ក្នុងរយៈពេល៥ឆ្នាំកន្លងមកនេះ មហាវិទ្យាល័យ Kamatsu ក៏បានបញ្ជូននិស្សិតនិងបុគ្គលិកវ័យក្មេងរបស់ខ្លួនចុះមកធ្វើកម្មសិក្សានៅតំបន់រមណីយដ្ឋានអង្គរជាបន្តបន្ទាប់ផងដែរ ដែលរៀបចំដោយអាជ្ញាធរជាតិអប្សរានិងសាកលវិទ្យាល័យ Kanazawa។

តាមរយៈអនុស្សារណៈនៃការយោគយល់គ្នានេះ អាជ្ញាធរជាតិអប្សរាសង្ឃឹមថា នឹងទទួលបានបទពិសោធន៍ថ្មីបន្ថែមទៀតពីប្រទេសជប៉ុន លើការអភិវឌ្ឍសមត្ថភាពមន្ត្រីបុគ្គលិក ដើម្បីថែរក្សាឱ្យគង់វង្សនូវតម្លៃជាសកលនៃបេតិកភណ្ឌតំបន់អង្គរដ៏ឆ្នើមជាមួយនឹងការអភរិក្សបរិស្ថានធម្មជាតិនិងសហគមន៍ប្រកបដោយចីរភាព។ លើសពីនេះទៅទៀត អាជ្ញាធរជាតិអប្សរាក៏ត្រូវចែករំលែកបទពិសោធន៍របស់ខ្លួនដែលធ្លាប់ទទួលជោគជ័យជាបន្តបន្ទាប់ទៅកាន់ភាគីជប៉ុនវិញដែរ៕












នៅទីស្នាក់ការអាជ្ញាធរជាតិអប្សរា ព្រឹកថ្ងៃទី២៦ ខែកុម្ភៈ ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា ទទួលជួបលោក ISHIDA Toru ប្រធានផ្នែកកិច្ចសហប្រតិបត្តិការអំពីបេតិកភណ្ឌវប្បធម៌នៃភ្នាក់ងារដើម្បីបេតិកភណ្ឌវប្បធម៌ជប៉ុន ដើម្បីសម្តែងការគួរសម និងថ្លែងអំណរគុណចំពោះកិច្ចសហប្រតិបត្តិការរួមគ្នានៃទំនាក់ទំនងដ៏ល្អប្រសើរ ដែលអាជ្ញាធរជាតិអប្សរាជាមួយស្ថាប័នជប៉ុនបានបំពេញនាពេលកន្លងមក ក្នុងតំបន់រមណីយដ្ឋានអង្គរ។
ក្នុងគោលបំណងលើកកម្ពស់ការយល់ដឹងអំពីវិស័យបេតិកភណ្ឌ ក៏ដូចជាការផ្សព្វផ្សាយឱ្យបានទូលំទូលាយនូវរាល់ការងារសំខាន់ៗនិងសមិទ្ធផលក្នុងរយៈពេល២៥ឆ្នាំរបស់ខ្លួន នាថ្ងៃទី២៩ ខែកុម្ភៈ ឆ្នាំ២០២០ អាជ្ញាធរជាតិអប្សរានឹងសហការជាមួយក្រុមហ៊ុនផ្កាឈូកនិងមូលនិធិផ្កាឈូក ដើម្បីរៀបចំតាំងពិព័រណ៍រូបភាពជាសាធារណៈស្តីពីការងារសំខាន់ៗនិងសមិទ្ធផលជាច្រើនដែលសម្រេចបាននាពេលកន្លងមក នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ដែលស្ថិតក្នុងបរិវេណវិទ្យាស្ថានភាសារបរទេស ចាប់ពីម៉ោង៨:៣០នាទីព្រឹក រហូតដល់ម៉ោង៥:៣០នាទីល្ងាច។
នៅថ្ងៃទី២៥ខែកុម្ភៈ ឆ្នាំ២០២០ នេះ គណៈកម្មការទី២ នៃរដ្ឋសភា ដឹកនាំដោយ ឯកឧត្តម គតិសេដ្ឋាបណ្ឌិត ជាម យៀប ប្រធានប្រតិភូគណៈកម្មការទី២ និងសមាជិកប្រតិភូ ជួបសំណេះសំណាលជាមួយអាជ្ញាធរជាតិអប្សរា និងគ្រឹះស្ថានអង្គរ ដើម្បីស្វែងយល់ពីវឌ្ឍនភាពរបស់អាជ្ញាធរជាតិអប្សរា និងវឌ្ឍនភាពរបស់គ្រឹះស្ថានអង្គរ នៅគ្រឹះស្ថានអង្គរ ខេត្តសៀមរាប។
ដើម្បីចូលរួមអបអរសាទរឱកាសបុណ្យចូលឆ្នាំថ្មីប្រពៃណីជាតិខ្មែរ និងទាក់ទាញទេសចរឱ្យចូលមកទស្សនាតំបន់រមណីយដ្ឋានអង្គរ អាជ្ញាធរជាតិអប្សរាបានសហការជាមួយសហភាពសហព័ន្ធយុវជនកម្ពុជាប្រចាំខេត្តសៀមរាប រដ្ឋបាលខេត្តសៀមរាប និងស្ថាប័នពាក់ព័ន្ធផ្សេងៗ នឹងរៀបចំសៀមរាបសង្ក្រាន្ត នៅបរិវេណប្រាសាទអង្គរវត្ត ក្រោមប្រធានបទ «អង្គរ អតីតកាល បច្ចុប្បន្ន និងអនាគត» ដែលនឹងប្រព្រឹត្តទៅនៅថ្ងៃ៦រោចដល់ថ្ងៃ៩រោច ខែចេត្រ ឆ្នាំជូត ទោស័ក ព.ស.២៥៦៣ ត្រូវនឹងថ្ងៃទី១៣ដល់ថ្ងៃទី១៦ ខែមេសា ឆ្នាំ២០២០។
នៅព្រឹកថ្ងៃទី២៥ ខែកុម្ភៈ ឆ្នាំ២០២០ និស្សិតនៃសាកលវិទ្យាល័យភូមិន្ទវិចិត្រសិល្បៈសរុបប្រមាណ១០៣នាក់ បានមកបំពេញទស្សនកិច្ចសិក្សានៅទីស្នាក់ការអាជ្ញាធរជាតិអប្សរា ដើម្បីសិក្សាស្វែងយល់ពីការងារ អភិរក្សប្រាសាទបុរាណនានាក្នុងតំបន់អង្គរ។
ដើមដំបូងមុន12345...293294បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
6398
ម្សិលមិញ
:
14427
សប្តាហ៍នេះ
:
43543
ខែនេះ
:
0324372
សរុប
:
010280519