ព័ត៌មានថ្មីៗ

អាជ្ញាធរជាតិអប្សរាប្រគល់ទីតាំងពិសោធន៍ស្រាវជ្រាវកសិកម្មបែបធម្មជាតិនៅស្ថានីយពិសោធន៍កសិកម្មទឹកវិលជូនមន្ទីរកសិកម្មខេត្តសៀមរាបគ្រប់គ្រងវិញ

បានផ្សាយនៅ ថ្ងៃទី 22 ខែ សីហា ឆ្នាំ2016 03:49 PM ដោយ ៖ អាជ្ញាធរជាតិអប្សរា
អាជ្ញាធរជាតិអប្សរាបានប្រគល់ទីតាំងពិសោធន៍ស្រាវជ្រាវកសិកម្មធម្មជាតិ នៅស្ថានីយពិសោធន៍កសិកម្មធម្មជាតិទឹកវិលជូនមន្ទីរកសិកម្មខេត្តសៀមរាបវិញហើយកាលពី ថ្ងៃទី១៩ ខែសីហា ឆ្នាំ២០១៦ បន្ទាប់ពីខ្ចីពីមន្ទីរកសិកម្មខេត្តសៀមរាប អស់រយៈពេល១២ឆ្នាំមកហើយ(២០០៤-២០១៦)។

ពិធីប្រគល់ជូនវិញនេះ បានធ្វើឡើងនៅស្ថានីយពិសោធន៍កសិកម្មធម្មជាតិទឹកវិលនៅសង្កាត់ទឹកវិល ក្រុងសៀមរាប ខេត្តសៀមរាប ក្រោមអធិបតីភាពឯកឧត្តម ត័ន ប៊ុនស៊ុយ អគ្គនាយករងតំណាងឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា ជាមួយលោក គង់ ចន្ថា អនុប្រធានមន្ទីរកសិកម្មខេត្តសៀមរាបនិងមន្ត្រីបុគ្គលិកអាជា្ញធរជាតិអប្សរា រួមនឹងមន្រ្តីបុគ្គលិកមន្ទីរកសិកម្មខេត្តសៀមរាបមួយចំនួនទៀត ។

លោក ឈីវ ណាំ អនុប្រធាននាយកដ្ឋានអភិវឌ្ឍន៍កសិកម្ម និងសហគមន៍បានមានប្រសាសន៍ថា ទីតាំងពិសោធន៍ស្រាវជា្រវកសិកម្មធម្មជាតិ នៅក្នុងស្ថានីយពិសោធន៍កសិកម្មធម្មជាតិទឹកវិលដែលអាជ្ញាធរជាតិអប្សរាបានខ្ចីពីមន្ទីរកសិកម្មខេត្តសៀមរាប មានផ្ទៃដីទំហំ២ហិកតា ដើម្បីយកមកធ្វើជាកន្លែងសម្រាប់ធ្វើពិសោធន៍ស្រាវជ្រាវកសិកម្មតាមបែបធម្មជាតិកាលពីឆ្នាំ២០០៤ បើគិតមកដល់ពេលនេះមានរយៈពេល១២ឆ្នាំហើយ។

រយៈពេលកន្លងមកនេះ អាជ្ញាធរជាតិអប្សរាបានយកផ្ទៃដីនេះសម្រាប់ធ្វើពិសោធន៍ស្រាវជ្រាវដាំដំណាំស្រូវ បន្លែ បណ្តុះកូនឈើ ចិញ្ចឹមមាន់ ចិញ្ចឹមត្រី បង្កាត់ពូជត្រី និងធ្វើជីកំប៉ុស្តិ៏ ដើម្បីបង្ហាញជាគម្រូ និងផ្សព្វផ្សាយជូនប្រជាពលរដ្ឋនៅក្នុងតំបន់អង្គរ។ តាមរយៈការពិសោធន៍ស្រាវជ្រាវរបស់ក្រុមការងារអាជ្ញាធរជាតិអប្សរាឃើញថាលទ្ធផលដែលទទួលបានពីមន្ទីរពិសោធន៍នេះ គឺមានផ្លែផ្កាគួរជាទីពេញចិត្ត ហើយអាជ្ញាធរជាតិអប្សរាក៏បានលើកទឹកចិត្តដល់កសិករឱ្យដាំដុះដោយប្រើជីធម្មជាតិ ព្រោះវាបានទិន្នផលខ្ពស់ មិនប៉ះពាល់ដល់សុខភាព និងបរិស្ថានផងដែរ។

ក្នុងឱកាសនោះដែរ លោក គង់ ចន្ថា អនុប្រធានមន្ទីរកសិកម្មខេត្តសៀមរាប បានថ្លែងអំណរគុណដល់អាជ្ញាធរជាតិអប្សរាដែលបានយកទីនេះ ធ្វើជាមន្ទីរពិសោធន៍ស្រាវជ្រាវផ្នែកកសិកម្មបែបធម្មជាតិ ដែលស្របនឹងគោលការណ៍នៃមន្ទីរកសិកម្មខេត្ត ដើម្បីលើកទឹកចិត្តឱ្យប្រជាពលរដ្ឋប្រកបរបរកសិកម្មប្រើជីធម្មជាតិឱ្យបានច្រើន ជាជាងការប្រើជីគីមី ៕


រយៈពេល៤ថ្ងៃនៃទិវាឯករាជ្យជាតិនិងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅខេត្តសៀមរាបឆ្នាំ២០១៩ មានភ្ញៀវទេសចរមកទស្សនារមណីយដ្ឋានអង្គរយ៉ាងច្រើនកុះករ។
នៅព្រឹកថ្ងៃទី១២ ខែ វិច្ឆិកា ឆ្នាំ២០១៩ ព្រះសង្ឃនិងគណៈកម្មការវត្តលលៃ បានចាប់ផ្តើមរំកិលកុដិចុះមកខាងក្រោមដើម្បីសម្រួលដល់កិច្ចការអភិរក្ស។ កិច្ចការនេះធ្វើឡើងបន្ទាប់ពីក្រុមប្រឹក្សាកិច្ចការវត្តអារាម ដែលហៅថា CoMAPA, គណៈសង្ឃគ្រប់គ្រង ព្រះសង្ឃ អាចារ្យ គណៈកម្មការវត្តប្រាសាទលលៃ ព្រមទាំងតំណាងមន្ទីរធម្មការនិងកិច្ចការសាសនា បានប្រជុំសម្រេចព្រះទ័យរំកិលកុដិដែលសង់នៅបរិវេណខឿនប្រាសាទលលៃចុះមកគង់នៅខាងក្រោមវិញ។
ពិធីបួងសួងសុំសេចក្តីសុខរៀបចំដោយអាជ្ញាធរជាតិអប្សរាសហការជាមួយក្រុមហ៊ុនហេងអភិវឌ្ឍន៍នៅព្រះលានជល់ដំរី ក្រុងអង្គរធំ នារសៀលថ្ងៃចន្ទ ១៥កើត ខែកត្ដិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១១ ខែវិច្ឆិកា ឆ្នាំ២០១៩ បានប្រព្រឹត្តទៅតាមទំនៀមបុរាណទាំងបែបព្រះពុទ្ធសាសនានិងព្រហ្មញ្ញសាសនានៅលើទឹកដីដ៏ស័ក្តិសិទិ្ធ បរិបូណ៌ទៅដោយគ្រឿងរណ្តាប់សព្វបែបយ៉ាង វង់ភ្លេងបុរាណ របាំ ព្រាហ្មណ៍បុរោហិត ព្រះសង្ឃ ដើម្បីសូត្រមន្តពរជ័យ និងរំដោះកម្មពៀរ។
ព្រឹត្តិការណ៍អបអរសាទរព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ត្រូវបានរៀបចំឡើងនៅខេត្តសៀមរាបយ៉ាងអធិកអធម នៅថ្ងៃ១៤-១៥កើត និង១រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០-១១-១២ ខែវិច្ឆិកា ឆ្នាំ២០១៩។
អាជ្ញាធរជាតិអប្សរាសូមធ្វើការប្រកាសហាមយកសត្វគ្រប់ប្រភេទទៅព្រលែងចូលក្នុងកសិន្ធុប្រាសាទនានានៃតំបន់រមណីយដ្ឋានអង្គរ បេតិកភណ្ឌពិភពលោក។ ដើម្បីជ្រាបពិស្តារអំពីការហាមនូវសកម្មភាពព្រលែងសត្វចូលក្នុងកសិន្ធុប្រាសាទនានា សូមអានសេចក្តីជូនដំណឹងដែលមានភ្ជាប់ជូនមកជាមួយ៖

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
1
ថ្ងៃនេះ
:
0127
ម្សិលមិញ
:
1458
សប្តាហ៍នេះ
:
09889
ខែនេះ
:
0058362
សរុប
:
009431638