ព័ត៌មានថ្មីៗ

ការងារអភិរក្សថ្មនៅប្រាសាទបន្ទាយសម្រែ

បានផ្សាយនៅ ថ្ងៃទី 21 ខែ សីហា ឆ្នាំ2016 07:05 AM ដោយ ៖ អាជ្ញាធរជាតិអប្សរា

ប្រាសាទបន្ទាយសម្រែជាប្រាសាទមួយដែលមានរចនាប្ម័ទដូចប្រាសាទអង្គរវត្តដែរ ធ្លាប់ជួសជុលដំបូងដោយអ្នកជំនាញជនជាតិបារាំងនាឆ្នាំ១៩៣០ដល់ឆ្នាំ១៩៤៤ ដោយប្រើវិធីរើហើយរៀបទៅវិញ ដើម្បីរៀបចំទម្រង់ប្រាសាទឱ្យរឹងមាំដូចសព្វថ្ងៃនេះ។

ប៉ុន្តែដោយខ្វះខាតការថែទាំជាង២០ឆ្នាំកន្លងមក ធ្វើឱ្យរចនាសម្ពន្ធប្រាសាទនេះមានការទ្រុឌទ្រោមដោយអន្លើ។ ដូច្នេះហើយដើម្បីធានាសុវត្ថិភាពអ្នកទស្សនានិងប្រាសាទផងនោះ ក្រុមអ្នកជំនាញអភិរក្សថ្មនៃអាជ្ញាធរជាតិអប្សរាសហការជាមួយស្ថាប័ន GiZ បានធ្វើការជួសជុលអភិរក្សជាបន្ទាន់នូវបង្កាន់ដៃនាគជុំវិញដែលងាយរលំខូចខាត ដើម្បីបង្កាកុំឱ្យមានការខូចខាតកាន់តែធ្ងន់ធ្ងរ ឬនាំឱ្យប៉ះពាល់ដល់ភ្ញៀវទេសចរដែលមកទស្សនាមិនបានចាប់អារម្មណ៍ទៅផ្អែកលើ ឬសង្កត់លើនាំឱ្យមានគ្រោះថ្នាក់។

លោក ឡុង ណារី អ្នកជំនាញអភិរក្សថ្មនៃអាជ្ញាធរជាតិអប្សរាបានប្រាប់ថា ការដ្ឋាន អភិរក្សថ្មនៅប្រាសាទបន្ទាយសម្រែនេះបានចាប់ផ្តើមកាលពីឆ្នាំ២០១៤ មាន៤កន្លែងដែលក្រុមការងារបានធ្វើការជួសជុលអភិរក្ស។ ទី១បានបញ្ចប់រួចហើយនូវបង្កាន់ដៃនាគនៅផ្នែកខាងត្បូង។ ទី២គឺកំពុងជួសជុលអភិរក្សបង្កាន់ដៃនាគដែលមានប្រវែង៧ម៉ែត្រ។ ទី៣គឺជួសជុលផ្តែរនៅកំពូលកណ្តាល ដែលរងការពុកផុយ ប្រេះ មានភាពខូចខាតជាងផ្តែរដែលនៅខាងក្រៅ និងការដ្ឋានទី៤ គឺការជួសជុលអភិរក្សដោយឥតបានព្រៀងទុកដើម្បីសង្គ្រោះផ្តែរ នៅជ្រុងខាងកើត។

អ្នកជំនាញអភិរក្សថ្មក៏បានប្រាប់ផងដែរពីបច្ចេកទេសនៃការជួសជុលរបស់អ្នកជំនាញបារាំង (១៩៣៣-១៩៤៤) កាលនោះប្រើគ្រឿងផ្សំសំខាន់គឺសីុម៉ង់តិ៍ដើម្បីបូកបន្ថែមលើកន្លែងណាដែលគេគិតថាគ្មានលំនឹងឬចាក់ស៊ីម៉ង់តិ៍ទល់ទ្រដើម្បីសង្គ្រោះបន្ទាន់ និងប្រើដែកសសៃដែលមានគុណភាពដើម្បីដាក់ក្នុងឬចងភ្ជាប់ពីរចនាសម្ពន្ធសំណង់មួយទៅរចនាសម្ពន្ធសំណង់មួយទៀត។ មកដល់បច្ចុប្បន្ន ស៊ីម៉ង់ត៍មួយចំនួនបានហើបដាច់ចេញពីថ្ម ធ្វើឱ្យថ្មរង្គើអាចធ្លាក់បាក់បែកនៅថ្ងៃណាមួយ។ ដូច្នេះតាមបច្ចេកទេសរបស់ក្រុមការងារ គឺបានព្យាយាមយកស៊ីម៉ង់តិ៍ចេញ ចំពោះកន្លែងចាំបាច់គឺត្រូវដាក់ថ្មថ្មីជំនួស (ថ្មភក់) បើមិនជំនួសថ្មថ្មីទេរចនាសម្ពន្ធរបស់នាគអត់លំនឹងឡើយ ជាមួយគ្នានេះយើងនឹងប្រើដែកសសៃកែវដែលស្រាល ស្វិត មកជំនួសដែកសសៃដែលសម័យបារាំងបានប្រើ។ ចំពោះការតភ្ជិត គឺតនៅខាងក្នុង ដែលមើលសឹងតែមិនដឹងថាបានធ្វើអ្វីខ្លះ ពិសេសរក្សាបាននូវភាពស្រស់ស្អាតទៀត។

ក្នុងការអភិរក្សាសំណង់នៅប្រាសាទបន្ទាយសម្រែ ក្រុមការងារព្យាយាមកាត់បន្ថយការប្រើសម្ភារៈថ្មី ថ្មថ្មីបើមិនចាំបាច់ ព្រោះនេះជាការអភិរក្ស ដូច្នេះយើងត្រូវរក្សាភាពដើមរបស់ប្រាសាទឱ្យបានច្រើនបំផុត ឱ្យមានលក្ខណៈបុរាណតាមដែលអាចធ្វើបាន៕










នាព្រឹកថ្ងៃទី១២ ខែតុលា ឆ្នាំ២០១៩ ក្រុមការងារចម្រុះរួមមាន នាយកដ្ឋានទ្រទ្រង់បច្ចេកទេស និងគម្រោងអន្តរវិស័យ នាយកដ្ឋានព្រៃឈេី ទេសភាពវប្បធម៌ និងបរិស្ថាន និងនាយកដ្ឋានគ្រប់គ្រងទឹក បានចុះរៀបចំសោភ័ណភាព អនាម័យ និងបរិស្ថាន ក្នុងបរិវេណវត្តអង្គរខាងត្បូង (ក្បែរបន្ទប់អនាម័យ) ។
នៅរសៀលថ្ងៃទី១១ ខែតុលា ឆ្នាំ២០១៩ ថ្នាក់ដឹកនាំអាជ្ញាធរជាតិអប្សរា ដឹកនាំដោយអគ្គនាយក ឯកឧត្តម ហង់ ពៅ តំណាងលេខាធិការដ្ឋានគណៈកម្មាធិការអាយស៊ីស៊ី-អង្គរ ក្រុមការងារJASA រួមជាមួយមន្រ្តីជំនាញពាក់ព័ន្ធ បានចុះពិនិត្យមើលទីតាំងរៀបចំផ្លូវទស្សនាប្រាសាទបាយ័នថ្មីនៅពេលដែលការជួសជុលតួប៉មមួយចំនួននៅជាន់ទី៣កាន់តែខិតជិតមកដល់។
នៅព្រឹកថ្ងៃទី១២ ខែតុលា នេះ ស្ថានទូតឥណ្ឌាប្រចាំកម្ពុជា សហការជាមួយអាជ្ញាធរជាតិអប្សរា និងក្រុមហ៊ុនវិចិត្រាឥណ្ឌា បានរៀបចំពិធីសម្ពោធនូវពិព័រណ៍ ខាឌី-ផលិតផលសិប្បកម្មក្រណាត់ឥណ្ឌា។ ពិធីនេះ មានការចូលរួមពីមន្រ្តីស្ថានទូតឥណ្ឌា អភិបាលរងខេត្តសៀមរាប ថ្នាក់ដឹកនាំអាជ្ញាធរជាតិអប្សរា សភាពាណិជ្ជកម្មខេត្តសៀមរាប-ឧត្ដរមានជ័យ និងតំណាងមកពីស្ថាប័នពាក់ព័ន្ធសរុបប្រមាណ ១០០នាក់។
នារសៀលថ្ងៃទី១១ ខែតុលា ឆ្នាំ២០១៩ នៅទីស្នាក់ការកាកបាទក្រហមកម្ពុជាសាខាខេត្តសៀមរាប បានរៀបចំពិធីបិទវគ្គបណ្តុះបណ្តាល "គ្រូបង្ហាត់វិជ្ជាសង្រ្គោះបឋម" ដល់សិក្ខាកាមចំនួន១៩រូប ដែលមកពីអាជ្ញាធរជាតិអប្សរាចំនួន១០រូប និងកងរាជអាវុធហត្ថខេត្តសៀមរាបចំនួន៩រូប។
កំណាត់ផ្លូវជុំវិញត្រពាំងសេសមុខប្រាសាទអង្គរវត្តត្រូវបានក្រុមការងារថែទាំផ្លូវនៃនាយកដ្ឋានទ្រទ្រង់បច្ចេកទេស និងគម្រោងអន្តរវិស័យកំពុងធ្វើការជួសជុល។ សកម្មភាពជួសជុលនេះប្រព្រឹត្តនៅថ្ងៃទី១១ ខែតុលា ឆ្នាំ២០១៩ ដើម្បីសម្រួលដល់ការធ្វើចរាចរណ៍យ៉ាងមមាញឹករបស់ប្រជាពលរដ្ឋ ភ្ញៀវទេសចរជាតិ-អន្តរជាតិក្នុងការឆ្លងកាត់ទៅមក និងទស្សនាប្រាសាទនានាក្នុងរមណីយដ្ឋានអង្គរឲ្យប្រកបដោយសុវត្ថិភាព។
ដើមដំបូងមុន12345...255256បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
15361
ម្សិលមិញ
:
23792
សប្តាហ៍នេះ
:
15361
ខែនេះ
:
0096638
សរុប
:
009278920