ព័ត៌មានថ្មីៗ

សិស្សពូកែប្រចាំឆ្នាំ២០១៦ចំនួន៦៣រូប បានទទួលរង្វាន់លើកទឹកចិត្តពីអាជ្ញាធរជាតិអប្សរា

បានផ្សាយនៅ ថ្ងៃទី 18 ខែ សីហា ឆ្នាំ2016 01:16 PM ដោយ ៖ អាជ្ញាធរជាតិអប្សរា

រង្វាន់លើកទឹកចិត្តមានដូចជាកង់ កាបូបស្ពាយ សៀវភៅ ប៊ិក និងខោអាវកីឡា ត្រូវបាន អាជ្ញាធរជាតិអប្សរាយកទៅចែកជូនសិស្សពូកែចំណាត់ថ្នាក់លេខ១ លេខ២ លេខ៣ នៅក្នុងកម្មវិធីអប់រំបេតិភណ្ឌនៃឧទ្យានអង្គរ ចំនួន៦៣នាក់ មកពី២១សាលា នាព្រឹកថ្ងៃទី១៧ ខែសីហា ឆ្នាំ២០១៦ នៅសាលាបឋមសិក្សាប្រាសាទគោកចក-ខូបេយូម៉ិ។

កម្មវិធីនេះមានការចូលរួមពីលោកនាយកសាលា លោកគ្រូអ្នកគ្រូនៃសាលាគោលដៅទាំង២១ និងក្រុមការងារអាជ្ញាធរជាតិអប្សរាដែលមានលោក ស៊ា សុខុន គ្រូបង្រៀនផ្នែកអប់រំបេតិកភណ្ឌនៃឧទ្យានអង្គរ តំណាងឱ្យលោក ទស្ស សុមនាថ ប្រធានស្តីទីនាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរ និងជាប្រធានក្រុមទំនាក់ទំនងសហគមន៍នៃគម្រោងអភិវឌ្ឍន៍សេដ្ឋកិច្ចសហគមន៍ និងបេតិកភណ្ឌអង្គរ (ACHA)។

កម្មវិធីអប់រំបេតិកភណ្ឌនៃឧទ្យានអង្គរបង្កើតឡើងដើម្បីអប់រំដល់សិស្សានុសិស្សនិងប្រជាពលរដ្ឋឱ្យបានយល់ដឹងពីអ្វីជាបេតិកភណ្ឌ រួមទាំងបំផុសទឹកចិត្តស្រឡាញ់ ការការពារ និងស្មារតីចូលរួមថែរក្សាដោយឆន្ទៈរបស់ពួកគេផ្ទាល់។ គម្រោងនេះមានរយៈពេល៥ឆ្នាំ ដោយផ្តើមពីឆ្នាំ២០១៣ដល់ឆ្នាំ២០១៨ ហើយបានទទួលជំនួយឧបត្ថម្ភពីប្រទេសញ៉ូវហ្សេឡែន។

លោក ស៊ា សុខុន បានប្រាប់ថា នេះជាឆ្នាំទី២ហើយនៃការប្រកួតប្រជែងយកជ័យលាភីក្នុងកម្មវិធីអប់រំបេតិភណ្ឌនៃឧទ្យានអង្គរ ដែលរៀបចំដោយអាជ្ញាធរជាតិអប្សរាសហការជាមួយប្រទេសញ៉ូវហ្សេឡែន។ ឆ្នាំនេះមានសិស្សានុសិស្សចូលរួមចំនួន៧៨៤នាក់ ទទួលបានរង្វាន់លើកទឹកចិត្ត៦៣នាក់ ក្នុងនោះមាន២១នាក់បានជាប់ចំណាត់ថ្នាក់លេខ១។ លោកបានបញ្ជាក់ទៀតថា សិស្សទាំងអស់មកពីសាលាផ្សេងៗគ្នា មានសាលាបឋមសិក្សាចំនួន១៥ អនុវិទ្យាល័យ៤ វិទ្យាល័យ២ ដែលសុទ្ធសឹងតែនៅក្នុងតំបន់អង្គរ។ បន្ថែមពីនេះ ក្រុមការងារក៏បានបញ្ជ្រាបចំណេះដឹងនេះដល់សាលាគរុកោសល្យខេត្តសៀមរាបផងដែរ ព្រោះគរុសិស្សទាំងអស់នឹងក្លាយជាអ្នកសាបព្រោះចំណេះដឹងដ៏សំខាន់ទៅកាន់ក្មេងៗនាពេលដ៏ខ្លីខាងមុខ។

ក្នុងការបង្រៀន ក្រុមការងារបានរើសយក១ថ្នាក់ក្នុង១សាលា ដោយមានសម្ភារៈ ផ្ទាំងផ្នត់រូបភាព ភាពយន្តគំនូរជីវចលស្តីពីបេតិកភណ្ឌ និងគោលការណ៍មួយចំនួនពាក់ព័ន្ធនឹងអាជ្ញាធរជាតិអប្សរា រួមទាំងឱ្យសិស្សានុសិស្សប្រកួតប្រជែងសមត្ថភាពលើការយល់ដឹងពីបេតិកភណ្ឌផងដែរ។

លោក សុខុន បន្តទៀតថា អំណោយថ្ងៃនេះរួមមាន ជ័យលាភីលេខ១ទទួលបានកង់១គ្រឿង ខោអាវកីឡា១កំប្លេ កាបូបស្ពាយ១ សៀវភៅ២ក្បាល ប៊ិក២ដើម។ ឯលេខ២និងលេខ៣ ទទួលបានកាបូបស្ពាយ១ ខោអាវកីឡាមួយកំប្លេ សៀវភៅ២ក្បាល ប៊ិក២ដើម។ ឯសិស្សដែលមិនបានទទួលជ័យលាភី ក៏បានទទួលសៀវភៅ១ក្បាល ប៊ិក២ដើមផងដែរ។ អំណោយទាំងនេះជាការលើកទឹកចិត្តដល់សិស្សានុសិស្សដែលបានចូលរួមយ៉ាងសកម្មក្នុងកម្មវិធីអប់រំបេតិកភណ្ឌ ក៏ដូចជាលើកទឹកចិត្តឱ្យក្មេងៗចូលរួមឈ្វេងយល់ពីអ្វីដែលជាបេតិកភណ្ឌ សារៈសំខាន់នៃការការពារថែរក្សាបេតិកភណ្ឌអង្គរ ហើយលើកទឹកចិត្តឱ្យមានការប្រកួតប្រជែងសមត្ថភាពលើការយល់ដឹងផ្នែកបេតិកភណ្ឌ។

ដោយបង្ហាញនូវក្តីរីករាយ កុមារី ខុំ ស្រីមាស អាយុ១០ឆ្នាំ មកពីសាលាបឋមសិក្សាគោកតាចាន់ និងកុមារី ធៀង ប្រជាល័ក្ខ អាយុ១៣ ថ្នាក់ទី៦ មកពីសាលាបឋមសិក្សាជ័យ ជាម្ចាស់ជ័យលាភីលេខ១ បានសម្តែងនូវអារម្មណ៍សប្បាយរីករាយដែលទទួលបានកង់ថ្មី ក៏ដូចជាសម្ភារៈសិក្សា និងខោអាវកីឡាពីការប្រកួត។ ប្អូនបានរៀបរាប់ថា ដំបូងពួកយើងមិនបានដឹងទេថាអ្វីជាបេតិកភណ្ឌ តែបានលោកគ្រូជួយបង្រៀនពួកយើង ទាក់ទងនឹងបេតិកភណ្ឌ ហើយក៏ធ្វើកិច្ចការដែលគ្រូដាក់ឱ្យ មិននឹកស្មានទេថាទទួលបានលេខ១។ ប្អូនសប្បាយចិត្តដែលបានដឹងខ្លះៗពីបេតិកភណ្ឌ ហើយបានរង្វាន់លើកទឹកចិត្តទៀត។ ប្អូនៗសន្យាចូលរួមចំណែកជាមួយអាជ្ញាធរជាតិអប្សរា ក្នុងការថែរក្សា ការពារបេតិកភណ្ឌរបស់ខ្មែរ ហើយចង់ឱ្យមានកម្មវិធីបែបនេះរហូតគ្រប់សាលាដើម្បីផ្តល់ឱកាសដល់កុមារ បានស្វែងយល់ក៏ដូចជាចូលរួមក្នុងការថែរក្សាមរតកបេតិកភណ្ឌរបស់ខ្លួនឲ្យបានគង់វង្ស៕












នេះជាលើកទី២ហើយដែលម្ចាស់ភោជនីយដ្ឋាន «ផ្ទះបាយតានីខ្មែរអង្គរ» បានស្ម័គ្រចិត្តរុះរើសំណង់ភោជនីយដ្ឋានចំនួនមួយខ្នងបន្ថែមទៀត ដែលជាអតីតភោជនីយដ្ឋាន «ភ្នំស្រី» ដើម្បីសម្រួលដល់ការសាងសង់ទីលានបដិសណ្ឋារកិច្ចមុខប្រាសាទអង្គរវត្ត នៅថ្ងៃទី២៧ ខែឧសភា ឆ្នាំ២០២០នេះ។
ប្រជាពលរដ្ឋដែលជាម្ចាស់ស្រុកក្នុងតំបន់អង្គរ តែងទទួលបានការយកចិត្តទុកដាក់ខ្ពស់ពីសំណាក់អាជ្ញាធរជាតិអប្សរា ក្នុងការអនុញ្ញាតជាគោលការណ៍សាងសង់លំនៅដ្ឋានរបស់ខ្លួនក៏ដូចជាសំណង់ឧបសម្ពន្ធមួយចំនួនទៀត។
នាយកដ្ឋានទ្រទ្រង់បច្ចេកទេស និងអន្តរវិស័យ របស់អាជ្ញាធរជាតិអប្សរា កំពុងចាប់ផ្ដើមអ៊ុតគំនូសចរាចរណ៍នៅលើកំណាត់ទ្រូងផ្លូវប្រវែង២១៨១ម៉ែត្រ ចាប់ពីរង្វង់មូលព្រះបាទជ័យវរ្ម័នទី៧មកដល់ចំណុចព្រលានយន្តហោះ និងកំពុងដាំឧបករណ៍ចំណាំងភ្លើង(គ្រាប់ភ្នែកកង្កែប)លើកំណាត់ទ្រូងផ្លូវប្រវែង៦៧១២ម៉ែត្រទៀត ចាប់ពីចំណុចមុខភោជនីយដ្ឋានប្រាសាទនាងពៅទៅដល់ចំណតឡាន មុខប្រាសាទអង្គរវត្ត។
អាជ្ញាធរជាតិអប្សរា មានកិត្តិយស សូមជូនដំណឹងដល់ក្រសួង ស្ថាប័នជាតិ-អន្តរជាតិ អាជ្ញាធរដែនដី មន្ទីរ-អង្គភាព សមាគមទីភ្នាក់ងារទេសចរណ៍ សមាគមមគ្គុទេសទេសចរណ៍ សមាគមដឹកជញ្ជូនភ្ញៀវទេសចរណ៍ ក្រុមហ៊ុនទេសចរណ៍ភ្ញៀវទេសចរជាតិ-អន្តរជាតិ សាធារណជន ព្រមទាំងបងប្អូនប្រជាពលរដ្ឋទាំងអស់មេត្តាជ្រាបថា អាជ្ញាធរជាតិអប្សរា នឹងបើកឲ្យដំណើរការឡើងវិញ ជូនភ្ញៀវជាតិ-អន្តរជាតិ និងសារធារណជនទាំងអស់ បានចូលទស្សនា ដោយមិនគិតថ្លៃ ចាប់ពីថ្ងៃទី ០១ ខែមិថុនា ឆ្នាំ២០២០ នេះតទៅ នៅសារមន្ទីទាំងបីរបស់អាជ្ញាធរជាតិអប្សរា។
អាជ្ញាធរជាតិអប្សរាបានលើកទឹកចិត្តប្រជាពលរដ្ឋដែលរស់នៅក្នុងតំបន់ឧទ្យានអង្គរ ឱ្យចាប់អារម្មណ៍និងការសាងសង់លំនៅដ្ឋានតាមគំរូផ្ទះខ្មែរបុរាណ។ ទាំងនេះគឺ ដើម្បីរួមចំណែកថែរក្សាទំនៀមទម្លាប់ ប្រពៃណីពីបុរាណ ការពារទេសភាពវប្បធម៌ ព្រមទាំងជួយលើកគុណតម្លៃរមណីយដ្ឋានប្រវត្តិសាស្រ្តអង្គរ ដែលជាសម្បត្តិបេតិកភណ្ឌពិភពលោកផង។
ដើមដំបូងមុន12345...317318បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
10771
ម្សិលមិញ
:
16308
សប្តាហ៍នេះ
:
46920
ខែនេះ
:
0195029
សរុប
:
010875682