NEWS

The English version of this website is still under construction. This section is only available in Khmer language at this stage. We apologise for any inconvenience

Published on 08 August 2016 06:33 PM Post By ៖ Apsara National Authority

នាព្រឹកថ្ងៃទី០៨ ខែសីហា ឆ្នាំ២០១៦ ព្រះសង្ឃនិងពុទ្ធបរិស័ទចំណុះជើងវត្តនៅក្នុងតំបន់ឧទ្យានអង្គរបានឯកភាពនិងគាំទ្រទាំងស្រុងឱ្យវត្តអារាមក្នុងតំបន់ឧទ្យានអង្គរមានផែនការមេ។ ការឯកភាពនេះបានធ្វើឡើងនៅក្នុងសិក្ខាសាលាស្តីអំពីការបង្ហាញលទ្ធផលគម្រោងអភិវឌ្ឍន៍សេដ្ឋកិច្ចសហគមន៍និងបេតិកភណ្ឌ ហៅកាត់ថា (ACHA) ដំណាក់កាលទី២ ឆ្នាំ២០១៦ ដែលរៀបចំដោយអាជ្ញាធរជាតិអប្សរាសហការជាមួយអង្គការពុទ្ធសាសនាដើម្បីអភិវឌ្ឍន៍ និងក្រុមប្រឹក្សាកិច្ចការវត្តអារាមនៅក្នុងតំបន់ឧទ្យានអង្គរ ដែលប្រព្រឹត្តទៅនៅមជ្ឈមណ្ឌលអាជ្ញាធរជាតិអប្សរា។

លោកធម្មបណ្ឌិត ហេង មណីចិន្តា នាយកអង្គការអង្គការពុទ្ធសាសនាដើម្បីអភិវឌ្ឍន៍និងជាអ្នកសម្របសម្រួលកម្មវិធីបានលើកឡើងថា គម្រោង ACHA គឺមានគោលដៅ គ្រប់គ្រងនិងថែរក្សាការពារបេតិភណ្ឌនៃឧទ្យានអង្គរប្រកបដោយចីរភាព តាមរយៈការផ្តល់ភាពរីកលូតលាស់ផ្នែកសេដ្ឋកិច្ចនិងសុវត្ថិភាពស្បៀង ដល់ប្រជាពលរដ្ឋដែលនៅក្នុងតំបន់អង្គរ។

លោកធម្មបណ្ឌិតបន្តទៀតថា ឆ្នាំទី២ ដំណាក់កាលទី២នៃគម្រោង ACHA មានវត្ត គោលដៅចំនួន២៣ក្នុងចំណោមវត្តទាំង៣៩នៅក្នុងតំបន់អង្គរដែលត្រូវអនុវត្តផែនការមេ ដោយមានការឯកភាពពីវត្តសាមីនិងពុទ្ធបរិស័ទ។ ព្រះសង្ឃគឺជាដៃគូសំខាន់ក្នុងការធ្វើឱ្យគម្រោងកម្មវិធីប្រព្រឹត្តទៅដោយជោគជ័យនិងការបញ្ជូនសារទៅកាន់ប្រជាជនក្នុងតំបន់អង្គរអំពីការថែរក្សាបេតិកភណ្ឌដ៏មានប្រសិទ្ធភាព ព្រោះព្រះសង្ឃមានឥទ្ធិពលខ្ពស់លើពុទ្ធបរិស័ទក្នុងសង្គមខ្មែរ។ ចំពោះវត្តដែលអនុវត្តផែនការមេ នឹងទទួលបានសេវាអប់រំ ផ្សព្វផ្សាយអំពីគម្រោងដូចជា តួនាទី ភារកិច្ចរបស់ក្រុមប្រឹក្សាកិច្ចការវត្តអារាម ក៏ដូចជាវត្តគោលដៅ ការយល់ដឹងពីបេតិកភណ្ឌ ការគោរពបទដ្ឋានសាងសង់ ជួសជុលសំណង់ផ្សេងៗ ក្នុងវត្ត ការលើកកម្ពស់ការគ្រប់គ្រងបរិស្ថាន អនាម័យ ការចូលរួមរបស់ពុទ្ធបរិស័ទលើវិស័យពុទ្ធសាសនា ភាពជាម្ចាស់នៃវត្តអារាម និងការរៀបចំផែនមេរបស់វត្តឱ្យមានរចនាសម្ព័ន្ធ ល្អប្រសើរទាំងបច្ចុប្បន្ននិងទៅអនាគត។

ឯកឧត្តម ហង់ ពៅ អគ្គនាយករង​ទទួលបន្ទុកនាយកដ្ឋានគ្រប់គ្រងទឹក តំណាងឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា ជាអធិបតីក្នុងការបើកសិក្ខាសាលា មានមតិថា ប្លង់មេគឺសំខាន់ណាស់សម្រាប់ការអភិវឌ្ឍនិងការរៀបចំក្រុង ដែលមានតាំងពីសតវត្សទី៣ម្ល៉េះតាមសិលាចារឹកដែលអ្នកបុរាណវិទ្យារកឃើញ ក្នុងនោះមានប្រាសាទនៅអង្គរបុរី សម្បូរព្រៃគុក និងប្រាសាទនៅក្នុងតំបន់អង្គរ គឺសុទ្ធតែមានប្លង់មេទាំងអស់។ ប្លង់មេនឹងធ្វើឱ្យកូនចៅជំនាន់ក្រោយយល់ពីរបៀបគ្រប់គ្រង ចេះថែរក្សា គោរព និងអនុវត្តតាម មិនអាចឱ្យអ្នកជំនាន់ក្រោយលុបស្នាដៃអ្នកជំនាន់មុន បើទោះអ្នកជំនាន់មុនឈប់ឬស្លាប់ក៏ដោយ។ ម្យ៉ាងទៀត ការរៀបចំប្លង់មេនេះ ក៏បង្ហាញពីអរិយធម៌ខ្ពស់របស់ខ្មែរដែលមានតាំងពីបរមបុរាណមកដែរ ដូច្នេះហើយវាជាឱកាសល្អសម្រាប់ព្រះសង្ឃក្នុងការគ្រប់គ្រងវត្តដែលមានផែនការមេ វានឹងនាំផលល្អទាំងបច្ចុប្បន្ននិងអនាគត។ អាជ្ញាធរជាតិអប្សរា តាមរយៈគម្រោង ACHA គាំទ្រជានិច្ចចំពោះសកម្មភាពទាំងអស់នេះ រួមទាំងការថែរក្សាបេតិកភណ្ឌផងដែរ ហើយសង្ឃឹមថា វត្តអារាមដែលជាទីគោរពបូជានៅក្នុងតំបន់អង្គរ នឹងក្លាយទៅជាគំរូមួយដ៏ល្អសម្រាប់វត្តដទៃៗទៀត។

បន្ថែមពីនោះ ព្រះតេជគុណ ជុំ គឹមឡេង ព្រះមេគណខេត្តសៀមរាប និងជាព្រះប្រធានក្រុមប្រឹក្សាកិច្ចការវត្តអារាមនៅក្នុងតំបន់ឧទ្យានអង្គរ មានសង្ឃដីកាទាក់ទងនឹងការរៀបចំប្លង់មេថា វាជាផ្នែកមួយជួយសម្រួលដល់ការរៀបចំវត្តច្បាស់លាស់ ងាយស្រួលក្នុងការគ្រប់គ្រងពីមួយជំនាន់ទៅមួយជំនាន់។ អ្វីដែលសំខាន់ទៀត គឺសូមឱ្យវត្តទាំងអស់ចូលរួមថែរក្សាបេតិកភណ្ឌឱ្យបានគង់វង្ស សម្អាតបរិស្ថាន និងចូលរួមធ្វើអនាម័យជាប្រចាំ ឱ្យវត្តស្អាត ដើម្បីប្រកួតប្រជែងរកវត្តស្អាតនៅក្នុងខេត្តសៀមរាប ព្រោះវត្តមិនត្រឹមជាកន្លែងគោរពបូជាផ្នែកសាសនានោះទេ តែក៏បានក្លាយជាផ្នែកមួយនៃគោលដៅទេសចរណ៍ដែរនាពេលបច្ចុប្បន្ន ពិសេសនៅបរទេស។ ក្នុងនោះព្រះតេជគុណក៏បានសំណូមពរឱ្យអាជ្ញាធរជាតិអប្សរាបន្តកិច្ចខំប្រឹងប្រែងថែមទៀតលើការអប់រំផ្សព្វផ្សាយអំពីបេតិកភណ្ឌ ឱ្យប្រជាជន ព្រះសង្ឃ និងពុទ្ធបរិស័ទទាំងអស់មានការយល់ដឹងឱ្យបានច្រើន៕

















បច្ចុប្បន្នបរិវេណមុខប្រាសាទអង្គរវត្ត បានចាប់ផ្តើមប្រែមុខមាត់ថ្មីជាបណ្ដើរៗស័ក្ដិសមជារមណីយដ្ឋានបេតិកភណ្ឌពិភពលោកដែលមានភាពទាក់ទាញដ៏អស្ចារ្យ ដោយលោកអ្នកអាចឃើញនូវទស្សនីយភាពថ្មី ប្លែកភ្នែក ពេលមកទស្សនាប្រាសាទអង្គរវត្ត ក្រោយពីតំបន់នេះមានការអភិវឌ្ឍជាបន្តបន្ទាប់ពីសំណាក់អាជ្ញាធរជាតិអប្សរា។
១ ព្រះមហាវិមលធម្ម សិរីសុវណ្ណោ ពិន សែម បំផុសគំនិតឱ្យពលរដ្ឋខ្មែរដាំដើមព្នៅឡើងវិញ
នារសៀលថ្ងៃទី២២ ខែកញ្ញា ឆ្នាំ២០២០ ព្រះមហាវិមលធម្ម សិរីសុវណ្ណោ ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយក នៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ បានដឹកនាំព្រះសង្ឃប្រមាណ៦០អង្គ ដាំដើមព្នៅចំនួន៨៤ដើម នៅបរិវេណកសិន្ធុខាងជើងនៃប្រាសាទអង្គរវត្ត។ ព្រះអង្គមានសង្ឃដីកាថា ដើមព្នៅមានសារប្រយោជន៍ដ៏អស្ចារ្យ ដែលប្រជាពលរដ្ឋខ្មែរត្រូវដឹង និងចូលរួមដាំឡើងវិញកុំឱ្យបាត់បង់ គឺថាដើមព្នៅជារុក្ខជាតិដ៏ខ្ពង់ខ្ពស់ក្នុងសាសនាព្រាហ្មណ៍ ជារុក្ខជាតិរបស់ព្រះសិវៈ និងជាឱសថព្យាបាលរោគផង។
ក្នុងឱកាសនោះ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា មានប្រសាសន៍ថា អាជ្ញាធរជាតិអប្សរាបានត្រៀមដីមួយកន្លែងនៅខាងជើងក្រុងអង្គរធំ សម្រាប់ធ្វើជាចម្ការព្នៅ និងដាំពូជព្នៅចម្រុះសម្រាប់ជាប្រយោជន៍ទៅថ្ងៃក្រោយ។ ឯកឧត្តមបន្ថែមទៀតថា ក្នុងរមណីយដ្ឋានអង្គរ ដើមឈើរហូត ១៨៣ប្រភេទ ហើយគោលការណ៍អាជ្ញាធរជាតិអប្សរា គឺថែរក្សាតំបន់នេះ ឲ្យនៅតែសម្បូរធនធានធម្មជាតិចម្រុះបែបនេះរហូតតទៅ។ ព័ត៌មានលំអិត
rn
២ កូនឈើចំនួន៥០០ដើម ត្រូវបានដាំនៅបរិវេណវត្តតាំងតុក្នុងក្រុងអង្គរធំ
នៅព្រឹកថ្ងៃទី២៤ ខែកញ្ញា ឆ្នាំ២០២០នេះ អាជ្ញាធរជាតិអប្សរា ព្រះសង្ឃ និងកម្លាំងនគរបាលបេតិកភណ្ឌ បានដាំកូនឈើចំនួន៥០០ដើម នៅក្នុងបរិវេណវត្តតាំងតុ ស្ថិតនៅតាមបណ្ដោយផ្លូវឆ្ពោះទៅខ្លោងទ្វារជ័យ នៃក្រុងអង្គរធំ។ នាពេលនោះ លោក ឡុង កុសល អ្នកនាំពាក្យអាជ្ញាធរជាតិអប្សរា និងជាប្រធាននាយកដ្ឋានផ្សព្វផ្សាយ បានឱ្យដឹងថា ការដាំកូនឈើគឺដូចជាការផ្តល់នូវជីវិតឡើងវិញ និងជារួមចំណែកគិតគូរពីបញ្ហាបរិស្ថាននៅក្នុងប្រទេសកម្ពុជា។ លោកបន្ថែមថា ការចូលរួមនេះទោះតិចឬច្រើន គឺយើងបាននាំប្រយោជន៍ដល់សង្គមជាតិ ពិសេសបានរួមចំណែកកាត់បន្ថយការបំពុលបរិស្ថាន។ ជាងនេះទៅទៀត ការដាំកូនឈើឡើងវិញក្នុងរមណីយដ្ឋានអង្គរ គឺជាចំណែកដ៏សំខាន់ក្នុងវិស័យបេតិកភណ្ឌ ដ្បិតថា ព្រៃឈើជាផ្នែកមួយដ៏សំខាន់ក្នុងកិច្ចការការពារបេតិកភណ្ឌជាតិក្នុងតំបន់រមណីយដ្ឋានអង្គរ។ ព័ត៌មានលំអិត
rn
៣ អ្នកជួសជុលប្រាសាទភ្នំបាខែងមានមោទនភាពចំពោះការងារអភិរក្សប្រាង្គប្រាសាទ
អ្នកជំនាញជួសជុលប្រាសាទ លោក ឈឹម សុខា បានបម្រើការងារផ្នែកអភិរក្សតាំងឆ្នាំ២០០១ «ខ្ញុំសប្បាយចិត្តណាស់ ដែលបានធ្វើការជួសជុលមរតកដូនតា ឱ្យល្អប្រសើរឡើងវិញ។ យើងខ្ញុំធ្វើការបម្រើអង្គរដោយស្មោះត្រង់ ដោយកម្លាំងញើសឈាម ធ្វើការទាំងក្តៅ ទាំងភ្លៀង ជួបការលំបាកជាច្រើន សូម្បីថ្មបាយក្រៀមក៏រុញឡើង ថ្មនៅតែដាប់ ធ្វើការបែកដៃបែកជើង ហូរញើសជោកខ្លួនជាមួយបរទេស ដើម្បីតែភាពរឹងមាំរបស់ប្រាសាទ។ ដូច្នេះ សូមបងប្អូនជួយស្រឡាញ់វត្ថុបុរាណនិងបេតិកភណ្ឌរបស់យើងឡើងវិញ។ យើងខ្ញុំស្រឡាញ់បេតិកភណ្ឌដូនតាណាស់»។
លោកស្រី Ginevra Baotto ប្រធានគម្រោងមូលនិធិប្រាសាទពិភពលោកប្រចាំកម្ពុជា «ខ្ញុំរីករាយដែលបានឃើញការខិតខំរបស់ពួកគេនៅក្នុងរឿងកិច្ចការអភិរក្ស តាមរយៈគំនិតផ្តួចផ្តើមនិងការប្រាស្រ័យទាក់ទង ផ្សេងៗ។ លោកស្រីបន្ថែមថា ក្រុមការងារអន្តរជាតិទាំងអស់ ដែលធ្វើការនៅតំបន់អង្គរ និងអាជ្ញាធរជាតិអប្សរាក៏កំពុងធ្វើការជាមួយគោលដៅរួមគ្នាដើម្បីផ្តល់ផលប្រយោជន៍ ដល់ប្រទេសកម្ពុជានិងប្រជាជនកម្ពុជា»។ អាជ្ញាធរជាតិអប្សរា សហការជាមួយមូលនិធិប្រាសាទពិភពលោក (World Monument Fund) តាំងពីឆ្នាំ២០០៧ ដើម្បីអភិរក្ស ជួសជុល ប្រាសាទភ្នំបាខែង ឲ្យមានភាពរឹងមាំ សោភ័ណភាពស្អាតឡើងវិញ។ ព័ត៌មានលំអិត
rn
៤ ប្រជាពលរដ្ឋក្នុងតំបន់អង្គរចំនួន៣០៩គ្រួសារ ត្រូវបានអាជ្ញាធរជាតិអប្សរាចុះពិនិត្យ លក្ខណៈបច្ចេកទេសនៃការសាងសង់លំនៅដ្ឋាន
តាមរបាយការណ៍ របស់នាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ នៃអាជ្ញាធរជាតិអប្សរា ឱ្យដឹងថា ខែកញ្ញា ឆ្នាំ២០២០នេះ ក្រុមការងារ បានចុះពិនិត្យនិងជួយសម្រួលលក្ខណៈបច្ចេកទេសដល់ប្រជាពលរដ្ឋដែលសាងសង់លំនៅដ្ឋានចំនួន៣០៩គ្រួសារ នៅក្នុងតំបន់អង្គរ រួមមាន ក្រុងសៀមរាបចំនួន៨១គ្រួសារ ស្រុកប្រាសាទបាគង ចំនួន៧២គ្រួសារ ស្រុកបន្ទាយស្រីចំនួន ៧០គ្រួសារ ស្រុកអង្គរធំ ចំនួន៤៦គ្រួសារ និងស្រុកពួក ចំនួន៤០ គ្រួសារ។
ក្រុមការងារនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរនៃអាជ្ញាធរជាតិអប្សរា តែងតែចុះពិនិត្យជាប្រចាំ ដើម្បីសម្រប សម្រួលករណីសំណើផ្សេងៗនិងជួយណែនាំផ្សព្វ ផ្សាយអប់រំប្រជាពលរដ្ឋឱ្យយល់កាន់តែច្បាស់ពីតួនាទីនិងភារកិច្ចរបស់អាជ្ញាធរជាតិអប្សរា។ ព័ត៌មានលំអិត
rn
៥ ក្រុមការងារនៃនាយកដ្ឋានសណ្ដាប់ធ្នាប់ និងសហប្រតិបត្តិការចូលរួមដាំកូនឈើនៅតំបន់ប្រាសាទព្រះខ័ន
នៅព្រឹកថ្ងៃទី២១ ខែកញ្ញា ឆ្នាំ២០២០ នេះ ក្រុមការងារនៃនាយកដ្ឋានសណ្ដាប់ធ្នាប់ និងសហប្រតិបត្តិការ នៃអាជ្ញាធរជាតិអប្សរា បានសហការចូលរួមដាំកូនឈើជាមួយកម្លាំងនគរបាលការពារបេតិកភណ្ឌ ដោយបានដាំកូនឈើសរុបចំនួន ១០០ដើម នៅតាមដងផ្លូវស្ថិតនៅភូមិភ្លុង សង្កាត់អង្គរធំ ក្រុងសៀមរាប។ កូនឈើទាំងនោះត្រូវបានដាំឡើងវិញ ដើម្បីបំពេញចន្លោះព្រៃឈើនៅតាមដងផ្លូវ និងចូលរួមចំណែកក្នុងកិច្ចការអភិរក្ស និង អភិវឌ្ឍន៍ប្រកបដោយចីរភាពរមណីយដ្ឋានអង្គរ។ ព័ត៌មានលំអិត
rn
៦ ក្រុមការងារសណ្តាប់ធ្នាប់សាធារណៈ នៃអាជ្ញាធរជាតិអប្សរាចុះណែនាំអ្នកលក់ដូរតាមប្រាសាទ
ភ្នាក់ងារសណ្តាប់ធ្នាប់សាធារណៈ នៃនាយកដ្ឋានសណ្តាប់ធ្នាប់ និងកិច្ចសហប្រតិបត្តិការអាជ្ញាធរជាធរជាតិអប្សរា នាព្រឹកថ្ងៃទី២២ ខែកញ្ញា ឆ្នាំ២០២០នេះ បានចុះណែនាំអាជីវករលក់ដូរតាមប្រាសាទនានាក្នុងរមណីយដ្ឋានអង្គរ ឱ្យលក់ដូរមានរបៀបរៀបរយ ត្រឹមត្រូវតាមទីតាំងដែលបានកំណត់ និងចូលរួមសម្អាតបរិស្ថានឱ្យបានស្អាតជុំវិញកន្លែងលក់ដូររបស់ខ្លួន។ ព័ត៌មានលំអិត
rn
៧ ក្រុមការងារគ្រប់គ្រងទឹករបស់អាជ្ញាធរជាតិអប្សរា ប្រមូលទឹកស្ដុកទុកមិនឱ្យជន់លិចរមណីយដ្ឋានអង្គរ នាអំឡុងពេលមានភ្លៀងធ្លាក់ខ្លាំងក្រោមឥទ្ធិពលរបស់ព្យុះនូល
ប្រទេសកម្ពុជា បានរងនូវឥទ្ធិពលពីព្យុះនូលចាប់ពីថ្ងៃទី១៨រហូតដល់ថ្ងៃទី២០ ខែកញ្ញា ឆ្នាំ២០២០ ដែលបណ្ដាលឱ្យតំបន់មួយចំនួនមានភ្លៀងធ្លាក់ជាបន្តបន្ទាប់ ក្នុងខេត្តសៀមរាប ហើយក្រុមការងារគ្រប់គ្រងទឹកនៃអាជ្ញាធរជាតិអប្សរា បានខិតខំប្រឹងប្រែង ប្រមូលទឹកភ្លៀងទាំងនោះ តាមប្រព័ន្ធផ្លូវទឹកបុរាណ ដើម្បីបញ្ចូនទៅរក្សាក្នុងបារាយណ៍ខាងជើង បារាយណ៍លលៃ កសិន្ធុអង្គរវត្ត កសិន្ធុក្រុងអង្គរធំ បារាយណ៍ខាងលិច កសិន្ធុប្រាសាទចៅស្រីវិបុលនិង អាងស្តុកផ្សេងៗទៀ ដើម្បីបញ្ជៀសមិនឱ្យជន់លិចតំបន់រមណីយដ្ឋានអង្គរ ក៏ដូចជាក្រុងសៀមរាប។ ការប្រមូលទឹកចូលក្នុងអាងស្តុកទឹកនេះ ជាប្រយោជន៍ដល់កិច្ចការអភិរក្សប្រាសាទ និងការស្រោចស្រពកសិកម្មរបស់បងប្អូនប្រជាពលរដ្ឋ នារដូវប្រាំង។ ព័ត៌មានលំអិត
rn
៨ ក្រុមការងារសណ្តាប់ធ្នាប់សាធារណៈនៃអាជ្ញាធរជាតិអប្សរាចុះរៀបចំសណ្តាប់ធ្នាប់តាមដងផ្លូវក្នុងរមណីយដ្ឋានអង្គរ
នាព្រឹកថ្ងៃទី២២ ខែកញ្ញា ឆ្នាំ២០២០នេះ ក្រុមការងារនៃនាយកដ្ឋានសណ្តាប់ធ្នាប់ និងកិច្ចសហប្រតិបត្តិការនៃអាជ្ញាធរជាតិអប្សរា បានចុះរៀបចំសណ្តាប់ធ្នាប់តាមដងផ្លូវនៅតាមប្រាសាទនានាក្នុងរមណីយដ្ឋានអង្គរ។ កិច្ចការនេះមានការរៀបចំបង្គោលរបងខណ្ឌផ្លូវកុំឱ្យយានជំនិះជិះចូលឬចតទុក ឱ្យមានរៀបរៀបរយ និងកាប់ឆ្ការមែកឈើផ្សេងៗ ដែលប៉ះពាល់ដល់ការធ្វើដំណើរទៅប្រាសាទ ដើម្បីឱ្យមានសោភ័ណភាពស្រស់ស្អាតនិងបង្ការគ្រោះថ្នាក់ដល់ទេសចរ។ ព័ត៌មានលំអិត
rn
ព្នៅ ជាប្រភេទរុក្ខជាតិបុរាណខ្មែរ ហើយមានសារប្រយោជន៍ច្រើនមុខ ទាំងសម្រាប់បរិភោគ និងជាឱសថផង លើសពីនេះ វាជារុក្ខជាតិដែលត្រូវបានលើកតម្កើងទាំងពិធីសាសនា និងកិច្ចពិធីផ្សេងៗក្នុងសាសនាព្រាហ្មណ៍។ ដោយយល់ពីសារប្រយោជន៍ ក៏ដូចជាដើម្បីអភិរក្សពូជដើមព្នៅកុំឱ្យបាត់បង់ អាជ្ញាធរជាតិអប្សរា មានគម្រោងរៀបចំជាចម្ការព្នៅ ដោយដាំពូជព្នៅចម្រុះនៅក្នុងតំបន់រមណីយដ្ឋានអង្គរ ក៏ដូចជាសម្រាប់ទុកឱ្យអ្នកជំនាន់ក្រោយៗបានស្គាល់ផង។
ក្រោមស្នាដៃជួសជុលដោយកូនខ្មែរនិងបរទេសក្នុងការអភិរក្សប្រាសាទភ្នំបាខែងឱ្យផុតពីគ្រោះថ្នាក់ អាជ្ញាធរជាតិអប្សរាសហការជាមួយមូលនិធិប្រាសាទពិភពលោក (World Monument Fund) តាំងពីឆ្នាំ២០០៧ បានធ្វើការអភិរក្ស ជួសជុល ប្រាសាទភ្នំបាខែង ដោយប្រែស្ថានភាពពីចាស់ទ្រុឌទ្រោម បាក់បែក មកជាសំណង់ប្រាសាទដែលមានភាពរឹងមាំ សោភ័ណភាពស្អាត និងទាក់ទាញទេសចរ។
នៅព្រឹកថ្ងៃទី២៤ ខែកញ្ញា ឆ្នាំ២០២០នេះ មន្រ្តី និងបុគ្គលិកនៃអាជ្ញាធរជាតិអប្សរា រួមមាននាយកដ្ឋានផ្សព្វផ្សាយ នាយកដ្ឋានសណ្ដាប់ធ្នាប់ និងសហប្រតិបត្តិការ និងនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន បានចូលរួមជាមួយព្រះសង្ឃ និងកម្លាំងនគរបាលបេតិកភណ្ឌ ដាំកូនឈើចំនួន៥០០ដើម នៅក្នុងបរិវេណវត្តតាំងតុ ស្ថិតនៅតាមបណ្ដោយផ្លូវឆ្ពោះទៅខ្លោងទ្វារជ័យ នៃក្រុងអង្គរធំ។
FirstPrev12345...347348NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
6
Today
:
3602
Yesterday
:
6616
This Week
:
16183
This Month
:
0258858
Total
:
012766447