ព័ត៌មានថ្មីៗ

អាជ្ញាធរជាតិអប្សរាគ្រោងនឹងដាំដើមគុយឲ្យបានច្រើននៅក្នុងព្រៃតំបន់អង្គរ

បានផ្សាយនៅ ថ្ងៃទី 02 ខែ សីហា ឆ្នាំ2016 06:29 PM ដោយ ៖ អាជ្ញាធរជាតិអប្សរា

នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរាគ្រោងនឹងដាំដើមគុយនៅក្នុងព្រៃស្ថិតនៅក្នុងតំបន់រមណីយដ្ឋានអង្គរ ដែលផ្លែគុយនឹងផ្តល់ផលប្រយោជន៍យ៉ាងច្រើនដល់ប្រជាពលរដ្ឋរស់នៅតំបន់នេះ។គំនិតចង់បង្កើតគម្រោងនេះឡើង ដោយបានមើលឃើញនូវផលប្រយោជន៍ចំការព្រៃគុយគម្រូរបស់ប្រជាពលរដ្ឋមួយកន្លែងដែលស្ថិតនៅភូមិថ្នល់បណ្តោយ ឃុំប្រដាក ស្រុកបន្ទាយស្រី ខេត្តសៀមរាប។

លោក និន ចាន់សាមៀន ប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌និងបរិស្ថានបានមានប្រសាសន៍កាលពីថ្ងៃទី០១ ខែសីហាឆ្នាំ២០១៦ឲ្យដឹងថាការបង្កើតគម្រោងនេះឡើងក្នុងគោលបំណងឲ្យប្រជាពលរដ្ឋ ដែលរស់នៅក្នុងតំបន់រមណីយដ្ឋានអង្គរចូលរួមជួយថែរក្សាការពារព្រៃឈើផង ទប់ស្កាត់ការកាប់បំផ្លាញព្រៃឈើផង និងជួយលើកកម្ពស់ជីវភាពប្រជាពលរដ្ឋផងដែរ។

លោកបានបន្តថា ដោយរយៈកាលកន្លងមក យើងបានឃើញប្រជាពលរដ្ឋមួយគ្រួសារគាត់បានកាប់ព្រៃឈើក្នុងចំការគាត់ដែលមានផ្ទៃដី៦ហិកតា អស់២ហិកតាដែលគ្មានដើមគុយដុះយកដីដាំដើមស្វាយកែវល្មៀតវិញ ចំណែកដី៤ហិកតាទៀតដែលមានដើមគុយដុះគាត់បានរក្សាទុក។ នៅពេលស្វាយឲ្យផល គាត់បានបេះផ្លែស្វាយមួយហិចតាយកទៅលក់បានប្រាក់ត្រឹមតែ៤០០ដុល្លារទៅ៥០០ដុល្លារប៉ុណ្ណោះ ។ ប៉ុន្តែព្រៃឈើដែលមានដើមគុយដុះវិញ ក្នុងមួយហិចតាដូចគ្នាគាត់ប្រមូលផលផ្លែគុយលក់បានប្រាក់ដល់ទៅ១០០០ដុល្លារឯណោះ ។ ដោយសារព្រៃឈើដែលមានដើមគុយរបស់គាត់ផ្តល់ផលប្រយោជន៍ច្រើនជាងចំការស្វាយ ទើបគាត់ឈប់កាប់ដីព្រៃឈើយកមកធ្វើជាចំការស្វាយតទៅទៀត។

លោកបន្ថែមថា ដោយមានគម្រូខាងលើនេះ ទើបយើងធ្វើការសាកល្បងដាំដើមគុយក្នុងព្រៃនៅផ្លូវ៦០ ស្ថិននៅភូមិក្រវ៉ាន់សង្កាត់អង្គរធំក្រុង/ខេត្តសៀមរាបចំនួន៣០០០ដើមលើផ្ទៃដី២០ហិចតា ។ រយៈពេល៣ឆ្នាំក្រោយមក យើងឃើញថាដើមគុយចាប់ផ្តើមផ្តល់ផលឲ្យដោយមានចេញផ្លែផ្កាក្តិប បណ្តើរៗហើយ។ តាមរយៈបទពិសោធន៍ដែលយើងធ្វើសាកល្បងទទួលបានជោគជ័យនេះ យើងនឹងស្នើសុំគម្រោងនេះទៅថ្នាក់លើ ដើម្បីធ្វើការផ្សព្វផ្សាយ ណែនាំពីរបៀបបណ្តុះនិងដាំដើមគុយ។

លោកបញ្ជាក់ថា ដើម្បីឲ្យប្រជាពលរដ្ឋចូលរួមថែរក្សាការពារព្រៃឈើបាន ទាល់តែពួកគាត់បានទទួលផលប្រយោជន៍ពីព្រៃឈើដែលមាននៅក្បែរតំបន់ពួកគាត់រស់នៅនោះ។ ការរៀបចំបែបនេះ នឹងជម្រុញឲ្យមានការចូលរួមចំណែករបស់អ្នកស្រុកងាកមកដាំដើមគុយឲ្យបានច្រើនដើម្បីថែរក្សាព្រៃឈើផង និងបង្កើនព្រៃឈើនៅតំបន់រមណីយដ្ឋានអង្គរឲ្យកាន់តែច្រើនឡើងផង ព្រោះកាលណាព្រៃឈើមានដើមគុយ ពួកគាត់មិនអាចកាប់ព្រៃឈើនោះបានទេ ដោយសារពួកគាត់ទទួលបានផលប្រយោជន៍ពីដើមគុយដែលវារឡើងតាមដើមឈើនោះដែរ។












ក្នុងបំណងស្ដារគម្របព្រៃឈើឡើងវិញក្នុងប្រទេសកម្ពុជា អាជ្ញាធរជាតិអប្សរាបានបន្តចែកចាយកូនឈើចំនួន ៣,២៤០បន្ថែមទៀត ដល់សាធារណជនយកទៅដាំដុះតាមតំបន់នានាក្នុងប្រទេសកម្ពុជា។ កូនឈើដែលបានផ្តល់ជូន និងចែកចាយចាប់ពីថ្ងៃទី២៧ ដល់ថ្ងៃទី២៩ ខែសីហា រួមមាន៖
នៅក្នុងសប្តាហ៍ទី៤ នៃខែសីហា ឆ្នាំ២០២០នេះ ក្រុមការងារជំនាញនៃនាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរដែលទទួលបន្ទុក ចុះពិនិត្យដល់ទីតាំងស្នើសុំជាក់ស្តែង ដើម្បីពិនិត្យមើលលក្ខខណ្ឌនៃការរស់នៅ និងប្រើប្រាស់ទីតាំងស្នើសុំរបស់ប្រជាពលរដ្ឋបាន២២ករណីរួមមាន៖
ក្រោយដំណើរការជួសជុលអស់រយៈពេល៤ឆ្នាំកន្លងមក ក្រោមកិច្ចសហការរវាងសាកលវិទ្យាល័យសូហ្វីយ៉ាប្រទេសជប៉ុននិងអាជ្ញាធរជាតិអប្សរា បានសម្រេចកិច្ចការជាច្រើនក្នុងការអភិរក្សស្ពាននេះ។ ជាការបង្ហាញពីសមិទ្ធផលដែលសម្រេចបាននៅក្នុងដំណាក់កាលទី១នេះ អ្នកជំនាញអាជ្ញាធរជាតិអប្សរាចំនួន៤រូប គឺលោក អន សុភាព លោក ម៉ៅ សុខនី លោក ឈុន សំបូរ និងលោកសាស្ត្រាចារ្យ អ៊ឹម សុខរិទ្ធី នឹងរួមគ្នាធ្វើបទបង្ហាញអំពី «ការស្រាវជ្រាវថ្មីៗនៅក្នុងតំបន់អង្គរ» ក្រោមប្រធានបទ «វឌ្ឍនភាពនៃការជួសជុលស្ពានហាលអង្គរ» នៅថ្ងៃទី០៣ ខែកញ្ញា ឆ្នាំ២០២០ នាវេលាម៉ោង៩:០០នាទីព្រឹក ដល់ម៉ោង១២:០០នាទីថ្ងៃត្រង់ នៅសាលសន្និសីទអង្គរនៃមជ្ឈមណ្ឌលអាជ្ញាធរជាតិអប្សរា។
១៖ គម្រោងផលិតឯកសារវីដេអូ «អង្គរ និងលើសពីនេះ» បានចាប់ផ្តើម
ក្រោមកិច្ចសហប្រតិបត្តិការរវាងអាជ្ញាធរជាតិអប្សរា និងសារព័ត៌មានថ្មីៗ ការផលិតឯកសារវីដេអូ ស្ដីពីតំបន់រមណីយដ្ឋានអង្គរ ក្នុងគម្រោង «អង្គរ និងលើសពីនេះ» បានចាប់ផ្តើមដំណើរការហើយ។ កម្មវិធីនេះ នឹងបន្តចុះមកផលិតឯកសារវីដេអូជាបន្តបន្ទាប់ ជុំវិញរឿងរ៉ាងទាក់ទងនឹងតំបន់រមណីយដ្ឋានអង្គរ។
លោក ឡុង កុសល អ្នកនាំពាក្យអាជ្ញាធរជាតិអប្សរា មានប្រសាសន៍នៅថ្ងៃទី២៨ ខែសីហា ឆ្នាំ២០២០អំពីការអភិវឌ្ឍនៅបរិវេណខាងលិចប្រាសាទអង្គរវត្តថា៖ ចាប់ពីថ្ងៃនេះទៅ បរិវេណខាងលិចប្រាសាទអង្គរវត្តទាំងស្រុង នឹងប្រែក្លាយរូបរាងទៅជាទិដ្ឋភាពមួយកាន់តែមានសម្រស់ស្រស់ស្អាតជាមួយនឹងភាពបៃតងនៃដើមឈើ វាលស្មៅ និងផ្កាចម្រុះពណ៌។ សូមកុំភ្លេចមកលេងអង្គរវត្ត! មកម្តងនេះ ភ្ញៀវទេសចរពិតជាប្លែកភ្នែកនឹងភាពស្រស់ស្អាតត្រជាក់ចិត្តមិនខាន!»

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
28752
ម្សិលមិញ
:
28271
សប្តាហ៍នេះ
:
57023
ខែនេះ
:
0213104
សរុប
:
012720693