ព័ត៌មានថ្មីៗ

អាជ្ញាធរជាតិអប្សរាផ្តល់បច្ចេកទេសកសិកម្មធម្មជាតិដល់ប្រជាពលរដ្ឋប្រាំស្រុកនៅក្នុង តំបន់រមណីយដ្ឋានអង្គរ

បានផ្សាយនៅ ថ្ងៃទី 30 ខែ កក្កដា ឆ្នាំ2016 07:52 AM ដោយ ៖ អាជ្ញាធរជាតិអប្សរា

រមណីយដ្ឋានអង្គរគ្របដណ្តប់លើផ្ទៃដី៤០១គីឡូម៉ែត្រការ៉េដែលមាន១១២ភូមិ ២១ឃុំ/សង្កាត់ និង៥ស្រុក/ក្រុង ហើយជាតំបន់មានទេសភាពវប្បធម៌ វាលស្រែធំល្វឹងល្វើយ ប្រាង្គប្រាសាទលាយឡំជាមួយភូមិដ្ឋានអ្នកស្រុករស់នៅ។ស្ថានភាពភូមិសាស្រ្ត និងសក្តានុពលសេដ្ឋកិច្ចក្នុងតំបន់មានអំណោយផលទើបនាំឲ្យអាជ្ញាធរជាតិអប្សរាចាប់យកវិស័យកសិកម្មសម្រាប់ អភិវឌ្ឍន៍សហគមន៍ដោយផ្សារភ្ជាប់ជាមួយកិច្ចថែរក្សាការពាររមណីយដ្ឋានប្រវត្តិសាស្ត្រអង្គរ ដោយយកចិត្តទុកដាក់ផ្តល់បច្ចេកទេសកសិកម្មធម្មជាតិដល់ប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរដើម្បីជួយលើកស្ទួយជីវភាពរបស់ពួកគាត់ឲ្យកាន់តែល្អប្រសើរឡើង ។

លោក ស៊ឹម ថន អនុប្រធាននាយកដ្ឋានអភិវឌ្ឍន៍កសិកម្មនិងសហគមន៍ទទួលបន្ទុកកិច្ចការអភិវឌ្ឍន៍សហគមន៍បានមានប្រសាសន៍ឲ្យដឹងថានាយកដ្ឋានអភិវឌ្ឍន៍កសិកម្មនិងសហគមន៍នៃអាជ្ញាធរជាតិអប្សរា បានចាត់ចែងក្រុមភ្នាក់ងារអភិវឌ្ឍន៍សហគមន៍ចុះទៅផ្តល់ប្រឹក្សាយោបល់បច្ចេកទេសកសិកម្មធម្មជាតិដល់ប្រជាពលរដ្ឋប្រាំស្រុក/ក្រុងរួមមានក្រុងសៀមរាបស្រុកអង្គរធំ ស្រុកពួក ស្រុកប្រាសាទបាគង ស្រុកបន្ទាយស្រីដែលរស់នៅក្នុងតំបន់រមណីយដ្ឋានអង្គរ និងភូមិធម្មជាតិរុនតាឯកដើម្បីរួមចំណែកលើកកម្ពស់កម្រិតជីវភាពរបស់ប្រជាពលនរដ្ឋនិងថែរក្សាការពារបរិស្ថាន ។

លោកបានបន្តថា បច្ចេកទេសកសិកម្មធម្មជាតិដែលក្រុមការងារជំនាញយើងចុះទៅផ្តល់ជូនប្រជាពលរដ្ឋនោះមានបច្ចេកទេសចិញ្ចឹមសត្វ បច្ចេកទេសធ្វើស្រែ បច្ចេកទេសដាំដំណាំបន្លែនិងផ្លែឈើ បច្ចេកទេសធ្វើជីកំប៉ុស្តិ៍ បច្ចេកទេសធ្វើអ៊ីអឹម បច្ចេកទេសផលិតថ្នាំកសិកម្មធម្មជាតិ។ល។ ដោយលោកបញ្ជាក់ថាដោយសារបចេ្ចកទេសកសិកម្មធម្មជាតិនេះ មិនប្រើប្រាស់ថ្នាំគីមីហើយជាបច្ចេកទេសធម្មជាតិដែលដូនតាយើងបន្សល់ទុកដល់សព្វថ្ងៃ ដូចដែលយើងដឹងទាំងអស់គ្នាហើយថាអាណាចក្រអង្គររបស់ដូនតាយើងរីកចម្រើនដល់កំពូលក៏ដោយសារបច្ចេកទេសកសិកម្មធម្មជាតិនេះឯង។

លោក ស៊ឹម ថន បានបន្ថែមទៀតថា បច្ចេកទេសកសិកម្មធម្មជាតិវាមានសារៈសំខាន់និងអត្ថប្រយោជន៍ខ្លាំងណាស់ដល់ប្រជាពលរដ្ឋដោយសារបច្ចេកទេសនេះ មិនធ្វើឲ្យប៉ះពាល់បរិស្ថាន មិនប៉ះពាល់សុខភាព មិនធ្វើឲ្យខូចគុណភាពដីនិងទទួលបានទិន្នផលខ្ពស់ព្រមទាំងលក់បានថ្លៃថែមទៀតផង។ ម្យ៉ាងវិញទៀតសោត បច្ចេកទេសនេះ ក៏វាសមស្របសម្រាប់ប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរព្រោះថា តំបន់រមណីយដ្ឋានអង្គរនេះជាតំបន់រមណីយដ្ឋានរស់បានសេចក្តីន័យថា មានប្រជាពលរដ្ឋ បេតិកភណ្ឌវប្បធម៌ និងបរិស្ថាននៅជុំគ្នា ដែលមានការទាក់ទាញភ្ញៀវទេសចរបំផុតក្នុងការមកទស្សនានៅតំបន់នេះដើម្បីស្វែងយល់អំពីជីវភាពរស់នៅរបស់ប្រជាពលរដ្ឋ ប្រពៃណីវប្បធម៌ក៏ដូចជាបរិស្ថានផងដែរ។

ទន្ទឹមនឹងការយកចិត្តទុកដាក់អភិរក្សប្រាង្គប្រាសាទ ទំនៀមទម្លាប់ប្រពៃណី និងព្រៃឈើបរិស្ថាននៅក្នុងតំបន់រមណីយដ្ឋានអង្គរនោះ អាជា្ញធរជាតិអប្សរាក៏បានខិតខំប្រឹងប្រែងយកចិត្តទុកដាក់ចំពោះការអភិវឌ្ឍជីវភាពក៏ដូចជាសុខភាពរបស់ប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរដើម្បីឲ្យពួកគាត់រស់នៅមានសេចក្តីសុខផ្លូវកាយសប្បាយផ្លូវចិត្ត និងមានជីវភាពធូរធារថ្កុំថ្កើងថែមទៀត ដូចពាក្យស្លោកថា«អភិរក្សដើម្បីអភិវឌ្ឍន៍ អភិវឌ្ឍន៍ដើម្បីអភិរក្ស»












នៅព្រឹកថ្ងៃទី១៤ ខែធ្នូ ឆ្នាំ២០១៦ ក្រុមការងារសហគមន៍របស់អាជ្ញាធរជាតិអប្សរាប្រចាំស្រុកពួកបានចុះយកកញ្ចប់ទ្រទ្រង់សុខុមាលភាពមាតានិងទារក ទៅចែកជូនដល់ប្រជាពលរដ្ឋកំពុងរស់នៅក្នុងឃុំដូនកែវ។ ពិធីចែកជូននេះត្រូវបានធ្វើឡើងនៅក្នុងសាលាឃុំដូនកែវ ស្រុកពួក ខេត្តសៀមរាប។
ភ្នាក់ងារទេសចរណ៍របស់អាជ្ញាធរជាតិអប្សរាតាមបណ្តាប្រាង្គប្រាសាទនានា មន្ត្រីនគរបាលការពារបេតិកភណ្ឌ នគរបាលទេសចរណ៍ នគរបាលចរាចរណ៍ប្រចាំតំបន់ឧទ្យានអង្គរ និងមន្ត្រីបុគ្គលិកមកពីនាយកដ្ឋាននានា និងអង្គភាពចំណុះអាជ្ញាធរជាតិអប្សរាមួយចំនួនទៀត កំពុងទទួលវគ្គបណ្តុះបណ្តាលជំនាញបច្ចេកទេសសង្គ្រោះបឋមពីក្រុមអ្នកជំនាញ The CPR HERO Training Center មកពីសហរដ្ឋអាមេរិក។ វគ្គបណ្តុះបណ្តាលនេះចាប់ផ្តើមពីថ្ងៃទី១៣ខែធ្នូដល់ថ្ងៃទី១៧ ខែធ្នូ ឆ្នាំ២០១៦។
រសៀលថ្ងៃទី១៣ ខែធ្នូ ឆ្នាំ២០១៦នេះ ឯកឧត្តមបណ្ឌិត ស៊ុំ ម៉ាប់ អគ្គនាយកនៃអាជ្ញាធរជាតិអប្សរា បានអនុញ្ញាតឲ្យក្រុមប្រតិភូសារព័ត៌មានឥណ្ឌារៀបចំដោយក្រសួងការបរទេសឥណ្ឌាចូលជួបសម្តែងការគួរសមនៅមជ្ឈមណ្ឌលអាជ្ញាធរជាតិអប្សរា។ អមដំណើរប្រតិភូនានៅក្នុងជំនួបនេះ មានលោក SUDHIR GOSWAMI មន្ត្រីទំនាក់ទំនងនៃស្ថានទូតឥណ្ឌាប្រចាំកម្ពុជា។
ចាប់តាំងពីអង្គរបានក្លាយជាសម្បត្តិបេតិកភណ្ឌពិភពលោក នាថ្ងៃទី១៤ ខែធ្នូ ឆ្នាំ១៩៩២មក ប្រទេសជាច្រើនចាប់ផ្តើមចូលរួមក្នុងកិច្ចការអភិរក្ស និងជួសជុលស្តារឡើងនូវប្រាសាទមួយចំនួនក្នុងរមណីយដ្ឋានអង្គរ។ ក្នុងនាមជាស្ថាប័នគ្រប់គ្រងរមណីយដ្ឋានអង្គរ អាជ្ញាធរជាតិអប្សរាបានដើរតួយ៉ាងសំខាន់ក្នុងកិច្ចការអភិរក្សនិងអភិវឌ្ឍន៍រមណីយដ្ឋានអង្គរ ដោយមានភារកិច្ចជាម្ចាស់ផ្ទះផង ជាអ្នកសម្របសម្រួលជាមួយស្ថាប័នអន្តរជាតិផង ដោយឆ្លងតាមក្រុមជំនាញនៃគណៈកម្មាធិការ ICC-Angkor ដើម្បីជួសជុលអភិរក្សកេរមតកដូនតា។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
3825
ម្សិលមិញ
:
11554
សប្តាហ៍នេះ
:
127680
ខែនេះ
:
0212536
សរុប
:
012038167