NEWS

The English version of this website is still under construction. This section is only available in Khmer language at this stage. We apologise for any inconvenience

Published on 17 July 2016 01:04 PM Post By ៖ Apsara National Authority

“មេរៀនអំពីរចនាសម្ព័ន្ធប្រាសាទក្នុងតំបន់អង្គរ គឺពិតជាស្មុគ្រស្មាញខ្លាំងណាស់ កុំថាឡើយរៀនត្រឹមពីរសប្តាហ៍ ទោះបីមួយខែ ៦ខែ ឬមួយឆ្នាំក៏ដោយក៏នៅតែមិនទាន់គ្រប់គ្រាន់ដែរ។ យើងពិតជារីករាយនឹងបន្តបណ្តុះបណ្តាលអ្នកជំនាញវ័យក្មេងទាំងនេះទៀតនៅឱកាសក្រោយៗ”។ នេះជាការលើកឡើងរបស់លោកសាស្ត្រាចារ្យ KENICHRO HIDAKA អ្នកជំនាញAdhoc បុរាណវិទ្យានៃគណៈកម្មការអាយស៊ីស៊ីអង្គរ ក្នុងពិធីបិទវគ្គបណ្តុះបណ្តាលស្តីពី ជំនាញបច្ចេកទេសវាស់ស្ទង់លំងាកនៃរចនាសម្ព័ន្ធប្រាសាទ នៅព្រឹកថ្ងៃទី១៦ ខែកក្កដា ឆ្នាំ២០១៦នេះ។

លោកសាស្ត្រាចារ្យ Azedine Beschaouch លេខាធិការវិទ្យាសាស្ត្រអចិន្ត្រៃយ៍នៃ ICC-Angkor និងជាទីប្រឹក្សានៃអាជ្ញាធរជាតិអប្សរា ដែលបានចូលរួមជាអធិបតីនៃពិធីចែកវិញ្ញាបនបត្របិទវគ្គបណ្តុះបណ្តាលនេះ បានលើកឡើងថា យើងពិតជារីករាយយ៉ាងខ្លាំងចំពោះកិច្ចសហប្រតិបត្តិការយ៉ាងល្អរបស់សាស្ត្រាចារ្យជប៉ុន និងអាជ្ញាធរជាតិអប្សរាក្នុងការបណ្តុះបណ្តាលធនធានមនុស្សលើជំនាញបុរាណវិទ្យានេះ។ លោកសាស្ត្រាចារ្យបន្ថែមថា សាកលវិទ្យាល័យធំៗលើលោកដែលលោកធ្លាប់ស្គាល់ និងធ្លាប់បង្រៀន មិនសូវមានសាកលវិទ្យាល័យណាដែលបណ្តុះបណ្តាលលម្អិតលើមុខជំនាញនេះ ដូចវគ្គបណ្តុះនៅពេលនេះទេ។ មជ្ឈមណ្ឌលបណ្តុះបណ្តាលអង្គរនៃអាជ្ញាធរជាតិអប្សរាពិតជាមានសំណាងណាស់ ដោយសារសិក្ខាកាមទាំងអស់សុទ្ធតែធ្លាប់អនុវត្តលើការងារអភិរក្សផ្ទាល់ ហើយបានទទួលវគ្គបណ្តុះបណ្តាលលម្អិតថែមទៀត។ លោកនឹងរៀបចំឲ្យមានវគ្គបណ្តុះបណ្តាលនេះនៅពេលឆាប់ៗខាងមុខទៀត ដើម្បីឲ្យលោកសាស្ត្រាចារ្យបានបន្តនូវមេរៀនដ៏មានសារៈសំខាន់នេះ។

លោក ម៉ៅ សុខនី ដែលជាសិក្ខាកាមនៃវគ្គបណ្តុះបណ្តាលនេះរៀបរាប់ថា លោកពិតជារីករាយដែលបានទទួលនូវចំណេះដឹងបន្ថែមក្នុងវគ្គនេះ។ ក្នុងរយៈពេលពីរសប្តាហ៍នេះ មានមេរៀនពីរសំខាន់ៗដែលលោកទទួលបានគឺ របៀបប្រើប្រាស់Scanner ដើម្បីធ្វើសម្រង់ប្រាសាទជា3D និងសិក្សាអំពីវិធីគណនានូវលំងាកនៃរចនាសម្ព័ន្ធប្រាសាទ។ លោកបន្ថែមថា រចនាសម្ព័ន្ធប្រាសាទតែងមានលំញ័រជាប្រចាំដោយខ្យល់ព្យុះ ឬដោយយានជំនិះជាដើម។ លំញ័រនេះនឹងនាំឲ្យប្រាសាទមានលំងាកបន្តិចម្តងៗ ដែលយើងមើលដោយភ្នែកទទេមិនឃើញ តែតាមវិធីគណនា យើងអាចដឹងបាន ហើយនឹងរកវិធីទប់ស្កាត់បានទាន់ពេល។

គួររំឭកថា វគ្គបណ្តុះបណ្តាលស្តីពី ជំនាញបច្ចេកទេសវាស់ស្ទង់លំងាកនៃរចនាសម្ព័ន្ធប្រាសាទ ត្រូវបានរៀបចំឡើងនៅមជ្ឈមណ្ឌលអាជ្ញាធរជាតិអប្សរារយៈពេលពីរសប្តាហ៍ចាប់ពីថ្ងៃទី៤ដល់១៦ ខែកក្កដានេះ ដោយមានសិក្ខាកាមចំនួន២៥រូប ដោយរួមទាំងអ្នកជំនាញមកពីអាជ្ញាធរជាតិព្រះវិហារចំនួន៣រូបផង៕








ពិព័រណ៍ការងារដើម្បីតម្រង់ទិសក្នុងការសិក្សារបស់ប្អូនៗសិស្សានុសិស្ស ត្រូវបានរៀបចំឡើង ដោយអង្គការថែរក្សាដើម្បីកម្ពុជា Caring for Cambodia(CFC) និងវិទ្យាល័យផ្សេងៗ ព្រមទាំងមានការចូលរួមពីបណ្តាស្ថាប័នជាច្រើន។ ពិព័រណ៍បានរៀបចំនៅវិទ្យាល័យបាគង នាព្រឹកថ្ងៃទី២៧ ខែឧសភា ឆ្នាំ២០១៦។ អាជ្ញាធរជាតិអប្សរាក៏បានចូលរួមចំពោះការផ្សព្វផ្សាយនេះ ដោយមានមន្ត្រីជំនាញជាអ្នកពន្យល់ដោយផ្ទាល់ លើការងារគ្រប់គ្រង អភិរក្ស និងអភិវឌ្ឍន៍ប្រកបដោយចីរភាពចំពោះរមណីយដ្ឋានអង្គរ ដែលជាបេតិកភណ្ឌពិភពលោក។
ក្រៅពីការយកចិត្តទុកដាក់លើការងារអភិរក្ស និងអភិវឌ្ឍន៍ប្រកបដោយចីរភាពក្នុងតំបន់រមណីយដ្ឋានអង្គរ ក្នុងនោះក៏បានយកចិត្តទុកដាក់ជាប្រចាំចំពោះសុខទុក្ខបងប្អូនប្រជាពលរដ្ឋដែលរស់នៅក្នុងតំបន់រមណីយដ្ឋាននោះផងដែរ។ ជាក់ស្តែងក្រុមការងារសហគមន៍នៃអាជ្ញាធរជាតិអប្សរាប្រចាំស្រុកបន្ទាយស្រី នៅព្រឹកថ្ងៃទី២៧ខែឧសភាឆ្នាំ២០១៦នេះ បាននាំយកនូវសម្ភារៈ និងគ្រឿងបរិភោគមួយចំនួន ដែលជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ទៅចែកជូនគ្រួសារដែលរងគ្រោះដោយអគ្គិភ័យ ភ្លើងឆេះផ្ទះស្ថិតនៅក្នុងភូមិតាឯក ឃុំតាឯក ស្រុកបន្ទាយស្រី ខេត្តសៀមរាប។
ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់បានបំពេញព្រះរាជបេសកកម្មប្រកបដោយភាពជោគជ័យលើទឹកដីនៃអតីតរាជធានីនៃអាណាចក្រខ្មែរ។ កាលពីថ្ងៃទី២៤ ខែឧសភា ឆ្នាំ២០១៦កន្លងទៅនេះ នាព្រះលានជល់ដំរីនៃទីក្រុងអង្គរធំដែលជាអតីតរាជធានីដ៏ឧត្តុង្គឧត្តមនាកំឡុងសតវត្សទី៩ដល់ទី១៥ បច្ចុប្បន្នស្ថិតក្នុងរមណីយដ្ឋានអង្គរ ព្រះអង្គបានយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីច្រត់ព្រះនង្គ័ល។ ព្រះរាជបេសកកម្មបន្ទាប់គឺ ព្រះអង្គទ្រង់យាងទៅបំពេញព្រះរាជទស្សនកិច្ចនៅតំបន់ប្រាសាទកោះកេរដែលក៏ជាអតីតរាជធានីក្នុងកំឡុងដើមសតវត្សទី១០ បច្ចុប្បន្នស្ថិតក្នុងខេត្តព្រះវិហារ ដើម្បីបួងសួងដល់ព្រះវិញ្ញាណក្ខន្ធអតីតព្រះមហាក្សត្រខ្មែរគ្រប់ជំនាន់ ដើម្បីប្រទានក្តីសុខដល់ប្រជានុរាស្ត្រទូទាំងនគរនៃព្រះរាជាណាចក្រកម្ពុជា។
ព្រះរាជពិធីច្រត់ព្រះនង្គ័លឆ្នាំនេះ ត្រូវបានរៀបចំឡើងនៅលើទឹកដីសៀមរាបអង្គរ នៅមុខព្រះលានជល់ដំរី នាព្រឹកថ្ងៃទី២៤ ខែឧសភា ឆ្នាំ២០១៦ ត្រូវនឹងថ្ងៃ៤រោច ខែពិសាខ ពុទ្ធសករាជ ២៥៦០ ក្រោមព្រះរាជាធិបតីភាពដ៏ខ្ពង់ខ្ពស់បំផុត នៃ ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ដោយមានការចូលរួមពីថ្នាក់ដឹកនាំ និងប្រជាពលរដ្ឋយ៉ាងច្រើនកុះករ។
ដើម្បីអបអរសាទរព្រះរាជពិធីច្រត់ព្រះនង្គ័ល ដែលប្រារព្ធឡើងនៅក្នុងបរិវេណមុខព្រះលានជល់ដំរី ក្រោមព្រះរាជាធិបតីភាពដ៏ខ្ពង់ខ្ពស់បំផុត នៃ ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជានោះ អាជ្ញាធរជាតិអប្សរានឹងចែកទឹកជូនបងប្អូនប្រជាពលរដ្ឋ និងភ្ញៀវទេសចរទាំងអស់ ដែលមកទស្សនាកម្មវិធីរយៈពេល៤ថ្ងៃដោយមិនគិតថ្លៃ គឺចាប់ពីថ្ងៃទី២៣រហូតដល់ថ្ងៃទី២៦ ខែឧសភា ឆ្នាំ២០១៦។ ទីតាំងចែកចាយទឹកមានពីរកន្លែងស្ថិតនៅផ្នែកខាងជើង និងខាងត្បូងនៃព្រះលានជល់ដំរី ដែលជាទីតាំងប្រារព្ធពិធី។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
9
Today
:
5866
Yesterday
:
10672
This Week
:
66150
This Month
:
0150304
Total
:
014210159