ព័ត៌មានថ្មីៗ

មន្ត្រីបុគ្គលិកគម្រោងអភិវឌ្ឍន៍ភូមិធម្មជាតិរុនតាឯកនិងសប្បុរសជនទិញគោយន្តភ្ជួរដី ជូនប្រជាជននៅភូមិធម្មជាតិរុនតាឯក

បានផ្សាយនៅ ថ្ងៃទី 12 ខែ កក្កដា ឆ្នាំ2016 01:49 PM ដោយ ៖ អាជ្ញាធរជាតិអប្សរា

គោយន្តភ្ជួរដីថ្មីមួយគ្រឿងតម្លៃ១៧៥០ដុល្លារ ជាថវិការបស់ក្រុមហ៊ុន SBI MIEN NAM នៃប្រទេសវៀតណាម រួមទាំងការរួមចំណែកពីប្រជាជន និងក្រុមការងារអភិវឌ្ឍន៍ភូមិធម្មជាតិរុនតាឯកនៃអាជ្ញាធរជាតិអប្សរាផង បានយកមកជូនប្រជាពលរដ្ឋភូមិធម្មជាតិហើយ នាថ្ងៃទី១០ ខែកក្កដា ឆ្នាំ២០១៦។

កម្មវិធីប្រគល់គោយន្តភ្ជួរដីនេះធ្វើឡើងក្រោមអធិបតីភាពឯកឧត្តម ម៉ី ម៉ារ៉ាឌី ប្រធានគម្រោងអភិវឌ្ឍន៍ធម្មជាតិរុនតាឯក និងជាទីប្រឹក្សាអាជ្ញាធរជាតិអប្សរា លោក ភ័ន ផល្លា ប្រធាននាយកដ្ឋានរដ្ឋបាលនិងបុគ្គលិក រួមទាំងក្រុមការងារអាជ្ញាធរជាតិអប្សរា និងប្រជាពលរដ្ឋក្នុងភូមិរុនតាឯក១០០គ្រួសារចូលរួមជាកិត្តិយស។ នៅក្នុងថ្ងៃប្រគល់នោះដែរ ក៏មានការរើសប្រធានគ្រប់គ្រងគោយន្ត បេឡា និងអ្នកភ្ជួរ ដើម្បីចាត់ចែងការភ្ជួររាស់និងកាន់កាប់ លុយកាក់សម្រាប់ជួសជុលគោយន្តពេលខូច។

ឯកឧត្តម ម៉ី ម៉ារ៉ាឌី បានប្រាប់ថា គោយន្តថ្មីនេះមិនមែនជាកម្មសិទ្ធិរបស់អាជ្ញាធរជាតិអប្សរាទេ វាជាអំណោយរបស់សប្បុរជនក្រុមហ៊ុន SBI MIEN NAM នៃប្រទេសវៀតណាមចំនួន១០០០ដុល្លារ និងការរួមចំណែករបស់អ្នកភូមិ និងក្រុមការងារផងចំនួន៧៥០ដុល្លារដើម្បីបង្គ្រប់តម្លៃទិញគោយន្ត១៧៥០ដុល្លារ ជូនប្រជាជនក្នុងភូមិធម្មជាតិរុនតាឯក។ ដូច្នេះហើយទាំងការគ្រប់គ្រង ការជួសជុល ថ្លៃឈ្នួលអ្នកភ្ជួរ ថ្លៃប្រេង គឺជាបន្ទុករបស់ម្ចាស់ដីស្រែនោះ។

ឯកឧត្តមរំឭកដែរថា ដំបូងឡើយក្រុមហ៊ុន SBI MIEN NAM ចង់យកលុយ១០០០ដុល្លារនោះទិញគ្រឿងឧបភោគបរិភោគជូនអ្នកភូមិ២០គ្រួសារ តែដោយសារអ្នកភូមិនៅទីនេះមានដល់១០០គ្រួសារ ទើបខ្លាចនាំឱ្យមានការអាក់អន់ចិត្តចំពោះគ្នា ហើយបើយកលុយនោះទៅចែកប្រជាជនទាំង២០គ្រួសារ ក៏បានម្នាក់បន្តិច ទើបពិភាក្សាគ្នាថា គួរទិញអ្វីដែលជាប្រយោជន៍រួមទើបល្អជាង ទើបទាំងអ្នកភូមិនិងក្រុមការងារសម្រេចទិញគោយន្តភ្ជួរដីដើម្បីធ្វើកសិកម្មវិញ។

លោក ភ័ន ផល្លា ក៏បានលើកឡើងដែរថា ការទិញគោយន្តភ្ជួរដីនេះ វានឹងចំណេញ សម្រាប់អ្នកភូមិទាំងអស់គ្នា ព្រោះតម្លៃនៃការជួលនឹងថោកជាងតម្លៃទីផ្សារ។ លោកក៏បានផ្តាំផ្ញើដល់ប្រជាជនឱ្យចេះចែកកាលវិភាគគ្នាក្នុងការភ្ជូររាស់ ពិសេសត្រូវយកចិត្តទុកដាក់ថែ រក្សាឱ្យបានល្អ និងចូលរួមសន្សំលុយមួយចំនួនតូចសម្រាប់គ្រប់គ្នាដើម្បីទុកជួសជុលពេល គោយន្តខូច ព្រោះគ្រប់គ្នាសុទ្ធតែទទួលបានប្រយោជន៍ពីគោយន្ត ដូច្នេះគ្រប់គ្នាក៏ត្រូវមានចំណែកក្នុងការទទួលខុសត្រូវពេលគោយន្តខូចដែរ។ លោក ផល្លា ក៏បានឧបត្ថម្ភប្រេងចំនួន២៥លីត្រសម្រាប់ប្រជាជនប្រើប្រាស់ផងដែរ។

លោក ខឿន គីន ប្រធានគ្រប់គ្រងគោយន្តភ្ជួរដែលជាប់ដោយការបោះឆ្នោតជ្រើសតាំងរបស់អ្នកភូមិ ក៏បានសម្តែងនូវសេចក្តីរំភើបជាខ្លាំងចំពោះក្រុមហ៊ុន SBI MIEN NAM ពិសេសក្រុមការងារភូមិធម្មជាតិរុនតាឯក ដែលបានផ្តល់ថវិកាដើម្បីទិញគោយន្តភ្ជួរនេះឱ្យអ្នកភូមិប្រើប្រាស់សម្រាប់ធ្វើកសិកម្ម ហើយការឱ្យនេះវាទាន់ពេលល្មមសម្រាប់ការធ្វើស្រែចម្ការរបស់ពួកយើង៕












សៀវភៅថ្មីដ៏មានសារៈប្រយោជន៍ចំនួន៨ក្បាលនិង៨ចំណងជើងដែល មជ្ឈមណ្ឌលអន្តរជាតិស្រាវជ្រាវនិងតម្កល់ឯកសារអង្គរនៃអាជា្ញធរជាតិអប្សរាទើបនឹងទទួលបាន ត្រូវបានដាក់តម្កល់ទុកក្នុងបណ្ណាល័យរបស់មជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរនៃអាជា្ញធរជាតិអប្សរាសម្រាប់ប្រយោជន៍ដល់ការសិក្សាស្រាវជា្រវ។នេះបើយោងតាមសេចក្តីជូនដំណឹងរបស់មជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរនៃអាជា្ញធរជាតិអប្សរាកាលពីថ្ងៃទី១០ ខែមីនា ឆ្នាំ២០១៧។
ឆ្លៀតក្នុងឱកាសដ៏ប្រពៃថ្លៃថ្លាដែល ឯកឧត្ដមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី ត្រូវបាន ព្រះករុណា ព្រះបាទសម្ដេចព្រះបរមនាថ នរោត្ដម សីហមុនី ប្រោសព្រះរាជទានគោរមងារជា សម្ដេចវិបុលបញ្ញា សុខ អាន, ឯកឧត្តមបណ្ឌិត ស៊ុំ ម៉ាប់ អគ្គនាយក អាជ្ញាធរជាតិអប្សរា ព្រមទាំងថ្នាក់ដឹកនាំ និងមន្ត្រី បុគ្គលិក ក្រោមឱវាទ សូមគោរពជូនពរ សម្ដេចវិបុលបញ្ញា សុខ អាន បានប្រកបដោយសព្ទសាធុការពរ ទទួលបាននូវសុខភាពបរិបូរណ៍ បញ្ញាញាណវាងវៃ អាយុយឺនយូរ ដើម្បីចូលរួមបន្តដឹកនាំប្រទេសជាតិ ឆ្ពោះទៅរកការអភិវឌ្ឍប្រកបដោយនិរន្តរភាព និងភាពសម្បូរសប្បាយជារៀងរហូត។
ក្នុងដំណើរទស្សនកិច្ចទៅកាន់ប្រទេសជប៉ុនឯកឧត្តម បណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរាបានដឹកនាំ មន្ត្រីបច្ចេកទេសមួយចំនួន ដើម្បីចូលជួបសម្ដែងការគួរសមដល់ថ្នាក់ដឹកនាំស្ថាប័នមួយចំនួនដែលតែងតែផ្ដល់ការគាំទ្រ និងជួយជ្រោមជ្រែងយ៉ាងសំខាន់ដល់កិច្ចការអភិរក្សប្រាសាទនៅតំបន់អង្គរ។
ហ្វូងដង្កូវជាច្រើន បាននិងកំពុងបំផ្លាញដើមរុក្ខជាតិរបស់អ្នកភូមិអង្គរ ដូចជាដើមត្នោត និងដើមដូង។ អ្នកជំនាញបានហៅជំងឺនេះថា ជាជំងឺក្រាភ្លើង ហើយវាតែងកើតមាននៅរដូវក្តៅ ដែលវាស៊ីមែកស្លឹកដើមត្នោត និងដូង។ យ៉ាងណា អ្នកជំនាញរបស់អាជ្ញាធរជាតិអប្សរា បានប្រាប់ប្រជាពលរដ្ឋកុំឲ្យបារម្ភពីបញ្ហានេះ ព្រោះថាដង្កូវនោះគ្រាន់តែស៊ីស្លឹក ហើយវាមិនបង្កឲ្យដើមរុក្ខជាតិងាប់ទេ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
1836
ម្សិលមិញ
:
17878
សប្តាហ៍នេះ
:
104676
ខែនេះ
:
0221975
សរុប
:
011684571