ព័ត៌មានថ្មីៗ

មន្ត្រីបុគ្គលិកគម្រោងអភិវឌ្ឍន៍ភូមិធម្មជាតិរុនតាឯកនិងសប្បុរសជនទិញគោយន្តភ្ជួរដី ជូនប្រជាជននៅភូមិធម្មជាតិរុនតាឯក

បានផ្សាយនៅ ថ្ងៃទី 12 ខែ កក្កដា ឆ្នាំ2016 01:49 PM ដោយ ៖ អាជ្ញាធរជាតិអប្សរា

គោយន្តភ្ជួរដីថ្មីមួយគ្រឿងតម្លៃ១៧៥០ដុល្លារ ជាថវិការបស់ក្រុមហ៊ុន SBI MIEN NAM នៃប្រទេសវៀតណាម រួមទាំងការរួមចំណែកពីប្រជាជន និងក្រុមការងារអភិវឌ្ឍន៍ភូមិធម្មជាតិរុនតាឯកនៃអាជ្ញាធរជាតិអប្សរាផង បានយកមកជូនប្រជាពលរដ្ឋភូមិធម្មជាតិហើយ នាថ្ងៃទី១០ ខែកក្កដា ឆ្នាំ២០១៦។

កម្មវិធីប្រគល់គោយន្តភ្ជួរដីនេះធ្វើឡើងក្រោមអធិបតីភាពឯកឧត្តម ម៉ី ម៉ារ៉ាឌី ប្រធានគម្រោងអភិវឌ្ឍន៍ធម្មជាតិរុនតាឯក និងជាទីប្រឹក្សាអាជ្ញាធរជាតិអប្សរា លោក ភ័ន ផល្លា ប្រធាននាយកដ្ឋានរដ្ឋបាលនិងបុគ្គលិក រួមទាំងក្រុមការងារអាជ្ញាធរជាតិអប្សរា និងប្រជាពលរដ្ឋក្នុងភូមិរុនតាឯក១០០គ្រួសារចូលរួមជាកិត្តិយស។ នៅក្នុងថ្ងៃប្រគល់នោះដែរ ក៏មានការរើសប្រធានគ្រប់គ្រងគោយន្ត បេឡា និងអ្នកភ្ជួរ ដើម្បីចាត់ចែងការភ្ជួររាស់និងកាន់កាប់ លុយកាក់សម្រាប់ជួសជុលគោយន្តពេលខូច។

ឯកឧត្តម ម៉ី ម៉ារ៉ាឌី បានប្រាប់ថា គោយន្តថ្មីនេះមិនមែនជាកម្មសិទ្ធិរបស់អាជ្ញាធរជាតិអប្សរាទេ វាជាអំណោយរបស់សប្បុរជនក្រុមហ៊ុន SBI MIEN NAM នៃប្រទេសវៀតណាមចំនួន១០០០ដុល្លារ និងការរួមចំណែករបស់អ្នកភូមិ និងក្រុមការងារផងចំនួន៧៥០ដុល្លារដើម្បីបង្គ្រប់តម្លៃទិញគោយន្ត១៧៥០ដុល្លារ ជូនប្រជាជនក្នុងភូមិធម្មជាតិរុនតាឯក។ ដូច្នេះហើយទាំងការគ្រប់គ្រង ការជួសជុល ថ្លៃឈ្នួលអ្នកភ្ជួរ ថ្លៃប្រេង គឺជាបន្ទុករបស់ម្ចាស់ដីស្រែនោះ។

ឯកឧត្តមរំឭកដែរថា ដំបូងឡើយក្រុមហ៊ុន SBI MIEN NAM ចង់យកលុយ១០០០ដុល្លារនោះទិញគ្រឿងឧបភោគបរិភោគជូនអ្នកភូមិ២០គ្រួសារ តែដោយសារអ្នកភូមិនៅទីនេះមានដល់១០០គ្រួសារ ទើបខ្លាចនាំឱ្យមានការអាក់អន់ចិត្តចំពោះគ្នា ហើយបើយកលុយនោះទៅចែកប្រជាជនទាំង២០គ្រួសារ ក៏បានម្នាក់បន្តិច ទើបពិភាក្សាគ្នាថា គួរទិញអ្វីដែលជាប្រយោជន៍រួមទើបល្អជាង ទើបទាំងអ្នកភូមិនិងក្រុមការងារសម្រេចទិញគោយន្តភ្ជួរដីដើម្បីធ្វើកសិកម្មវិញ។

លោក ភ័ន ផល្លា ក៏បានលើកឡើងដែរថា ការទិញគោយន្តភ្ជួរដីនេះ វានឹងចំណេញ សម្រាប់អ្នកភូមិទាំងអស់គ្នា ព្រោះតម្លៃនៃការជួលនឹងថោកជាងតម្លៃទីផ្សារ។ លោកក៏បានផ្តាំផ្ញើដល់ប្រជាជនឱ្យចេះចែកកាលវិភាគគ្នាក្នុងការភ្ជូររាស់ ពិសេសត្រូវយកចិត្តទុកដាក់ថែ រក្សាឱ្យបានល្អ និងចូលរួមសន្សំលុយមួយចំនួនតូចសម្រាប់គ្រប់គ្នាដើម្បីទុកជួសជុលពេល គោយន្តខូច ព្រោះគ្រប់គ្នាសុទ្ធតែទទួលបានប្រយោជន៍ពីគោយន្ត ដូច្នេះគ្រប់គ្នាក៏ត្រូវមានចំណែកក្នុងការទទួលខុសត្រូវពេលគោយន្តខូចដែរ។ លោក ផល្លា ក៏បានឧបត្ថម្ភប្រេងចំនួន២៥លីត្រសម្រាប់ប្រជាជនប្រើប្រាស់ផងដែរ។

លោក ខឿន គីន ប្រធានគ្រប់គ្រងគោយន្តភ្ជួរដែលជាប់ដោយការបោះឆ្នោតជ្រើសតាំងរបស់អ្នកភូមិ ក៏បានសម្តែងនូវសេចក្តីរំភើបជាខ្លាំងចំពោះក្រុមហ៊ុន SBI MIEN NAM ពិសេសក្រុមការងារភូមិធម្មជាតិរុនតាឯក ដែលបានផ្តល់ថវិកាដើម្បីទិញគោយន្តភ្ជួរនេះឱ្យអ្នកភូមិប្រើប្រាស់សម្រាប់ធ្វើកសិកម្ម ហើយការឱ្យនេះវាទាន់ពេលល្មមសម្រាប់ការធ្វើស្រែចម្ការរបស់ពួកយើង៕












ប្រាសាទភិមានអាកាសអតីតព្រះបរមរាជវាំងនៃក្រុងអង្គរធំ នឹងត្រូវជួសជុលឡើងវិញក្នុងពេលឆាប់ៗខាងមុខនេះ ដោយក្រុមរដ្ឋាភិបាលចិនសម្រាប់ការអភិរក្សអង្គរ ហៅកាត់ថា CSA (Chinese government team for Safegaurding Angkor) នៃសាធារណរដ្ឋប្រជាមានិតចិន។
ប្រាសាទភ្នំបាខែង ក្រៅពីមានសំណង់ស្ថាបត្យកម្មដ៏ល្អវិសេសវិសាលហើយ ទីតាំងប្រាសាទនេះ ក៏ជាកន្លែងមើលទេសភាពប្រាសាទអង្គរវត្ត បារាយណ៍ទឹកថ្លា ជួរភ្នំគូលែន សម្រស់ព្រៃឈើនៅក្នុងឧទ្យានអង្គរ ជាពិសេសអ្វីដែលភ្ញៀវទេសចរជាតិ-អន្តរជាតិតែងតែចង់មើលបំផុត គឺទិដ្ឋភាពថ្ងៃរះនិងថ្ងៃលិចដ៏ស្រស់ត្រកាលពីលើប្រាសាទនេះ។
អ្នកស្រាវជ្រាវអន្តរជាតិជាច្រើនរូបនៅលើពិភពលោក បានមកធ្វើបទបង្ហាញចែករំលែកបទពិសោធន៍និងចំណេះដឹងដល់បុគ្គលិកអាជ្ញាធរជាតិអប្សរានិងសាធារណជនស្តីអំពីប្រវត្តិសាស្ត្រនិងបច្ចេកទេសសំយោគលោហៈ ឬ CASTING (Copper Alloy Sculpture Techniques and History: an International Interdisciplinary Group) នៅទីស្នាក់ការអាជ្ញាធរជាតិអប្សរាកាលពីថ្ងៃទី១១ ខែមករា ឆ្នាំ២០១៨។
នាព្រឹកថ្ងៃទី១០ ខែមករា ឆ្នាំ២០១៨ គណៈកម្មការចម្រុះនៃអាជ្ញាធរជាតិអប្សរានិងសាលាខេត្តសៀមរាប រួមមាន មន្ត្រីជំនាញអាជ្ញាធរជាតិអប្សរា សាលាក្រុងសៀមរាប មន្ត្រីជំនាញមន្ទីររៀបចំដែនដី នគរូបនីយកម្ម សំណង់ និងសុរិយោដី មេធាវីប្រចាំអាជ្ញាធរជាតិអប្សរា រួមនឹងមន្ត្រីពាក់ព័ន្ធផ្សេងទៀត បានចុះអនុវត្តការបោះបង្គោលកំណត់ព្រំដីជាកម្មសិទ្ធិរបស់រដ្ឋ ដែលគ្រប់គ្រងដោយអាជ្ញាធរជាតិអប្សរាស្ថិតនៅភូមិធ្លកអណ្តូង(ចុងកៅស៊ូ) សង្កាត់ស្លក្រាម ក្រុងសៀមរាប (តំបន់ផ្លូវ៦០ម៉ែត្រ)។
នាព្រឹកថ្ងៃទី១០ ខែមករា ឆ្នាំ២០១៨ កម្លាំងចម្រុះនៃអាជ្ញាធរអប្សរានិងសាលាខេត្តសៀមរាប ដែលមានការចូលរួមពីអាជ្ញាធរក្រុងសៀមរាប មន្ត្រីជំនាញអាជ្ញាធរជាតិអប្សរា មន្ទីររៀបចំដែនដី នគររូបនីយកម្ម សំណង់និងសុរិយោដី អាជ្ញាធរក្រុងសៀមរាប មេធាវីប្រចាំអាជ្ញាធរអប្សរា រួមនឹងមន្ត្រីពាក់ព័ន្ធផ្សេងទៀត កំពុងចុះអនុវត្តការបោះបង្គោលកំណត់ព្រំដីរដ្ឋ ដែលគ្រប់គ្រងដោយអាជ្ញាធរជាតិអប្សរាស្ថិតនៅតំបន់ផ្លូវ៦០ម៉ែត្រ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
1577
ម្សិលមិញ
:
6621
សប្តាហ៍នេះ
:
31032
ខែនេះ
:
0188921
សរុប
:
014248776