ព័ត៌មានថ្មីៗ

អាជ្ញាធរជាតិអប្សរាចូលរួមដាំកូនឈើ១០០០ដើមជាមួយប្រជាពលរដ្ឋឃុំជីក្រែង

បានផ្សាយនៅ ថ្ងៃទី 11 ខែ កក្កដា ឆ្នាំ2016 10:23 AM ដោយ ៖ អាជ្ញាធរជាតិអប្សរា

ព្រៃឈើគឺមានសារៈប្រយោជន៍ណាស់ចំពោះផែនដី និងការរស់នៅរបស់មនុស្ស-សត្វដូចពាក្យថា ព្រៃឈើអាចរស់ដោយគ្មានមនុស្ស តែមនុស្សមិនអាចរស់ដោយគ្មានព្រៃឈើទេ។ ដោយយល់ឃើញពីគុណតម្លៃនៃព្រៃឈើ ជាពិសេស ដើម្បីក្នុងន័យថែរក្សា ក៏ដូចជាដាំដុះនូវព្រៃឈើបន្ថែមផងនោះ អាជ្ញាធរជាតិអប្សរាក៏បានរួមចំណែកក្នុងដាំកូនឈើជាមួយ ព្រះសង្ឃព្រមទាំងពុទ្ធបរិស័ទវត្តជីក្រែង ដាំកូនឈើចំនួន១០០០ដើម នៅភូមិជីក្រែង ឃុំជីក្រែង ស្រុកជីក្រែង ខេត្តសៀមរាប កាលពីថ្ងៃសុក្រទី០៨ ខែកក្កដា ឆ្នាំ២០១៦ កន្លងទៅនេះ។

នេះជាលើកទី២ហើយ ដែលមានអាជ្ញាធរជាតិអប្សរាចូលរួមសហការដាំកូនឈើនៅទីនេះ។ កោយឡែកក៏មានការចូលរួមពីមជ្ឈដ្ឋាននានា នៅក្នុងឃុំជីក្រែងផងដែរ មានដូចជា អាជ្ញាធរមូលដ្ឋាន លោកគ្រូ-អ្នកគ្រូ សិស្សានុសិស្សទាំងបឋមសិក្សា និងអនុវិទ្យាល័យជីក្រែងនិងមានការចូលរួមរបស់ព្រះសង្ឃដែលជាស្ថាប័នព្រះពុទ្ធសាសនា។

ឯកឧត្តម ស៊ឺង គង់ ទីប្រឹក្សាអាជ្ញាធរជាតិអប្សរាបានលើកឡើងនាឱកាសដាំកូនឈើនោះថា ដើមឈើមានសារៈសំខាន់ណាស់មនុស្ស-សត្វ និងដើរតួនាទីយ៉ាងសំខាន់ជាច្រើនទៀតក្នុងការជួយដោះស្រាយវិបត្តិមហន្តរាយនានាដែលបង្កឡើងដោយធម្មជាតិដូចគ្នា ដូចជា កាត់បន្ថយកម្តៅលើផែនដី ជួយទប់ស្កាត់គ្រោះទឹកជំនន់ ការពារខ្យល់ព្យុះ ទប់ស្កាត់គ្រោះរាំងស្ងួត ពិសេសជាងនេះទៀតនោះ ព្រៃឈើអាចទាក់ទាញទឹកភ្លៀង កំចាត់ជាតិពុលដែលកើតពីឧស្ម័នកាប៉ូនីច និងជាតំបន់ទេសចរណ៍ធម្មជាតិ ឬហៅថា អេកូទេសចរណ៍ ហើយក៏ជាជម្រកដ៏សំខាន់ដោយផ្ទាល់ និងដោយប្រយោលសម្រាប់មនុស្ស-សត្វដែលរស់នៅលើផែនដី។

ឯកឧត្តមបានបន្តថា ការដាំកូនឈើនាពេលនេះ អាជ្ញារធរជាតិអប្សរាបានចូលរួមជម្រុញ និងលើកទឹកចិត្តដោយមានការផ្តល់ជាកូនឈើក្នុងការដាំទាំងពីរលើក ដោយលើកទី១ នៅឆ្នាំ២០១៥ ចំនួន ១៥០០ ដើម ហើយនិងលើកទី២ ឆ្នាំ២០១៦នេះ ចំនួន ១០០០ដើម ព្រមទាំង ជួយផ្តល់កម្លាំងកម្មករជីករណ្តៅចំនួន ២០នាក់ តាមការស្មើសុំរបស់ព្រះសង្ឃ និងពុទ្ធបរិស័ទនៅទីនេះ។ ប្រភេទដើមឈើដែលយកមកដាំនាឱកាសនេះ គឺភាគច្រើនកូនបែង កូនឈើទាល និងមានដើមផ្កាជាច្រើនផងដែរ។

លោក ឈាន រដ្ឋា ប្រធាននាយកដ្ឋានស្តីទីអភិរក្សប្រាសាទក្រៅឧទ្យានអង្គរ បានលើកឡើងថា អាជ្ញាធរជាតិអប្សរាមិនត្រឹមតែជួយផ្តល់កូនឈើ និងកម្លាំងក្នុងការជីករណ្តៅប៉ុណ្ណោះទេ ថែមទាំងបានបង្រៀនពីបច្ចេកនៃការដាំដុះកូនឈើដល់ពួកគាត់ផងដែរ ដើម្បីដាំរស់បានល្អ និងងាយស្រួលក្នុងការថែរក្សានាពេលក្រោយៗ។ លោករដ្ឋា បន្ថែមថា ការរួមចំណែកដាំដើមឈើនេះ ក៏ឈ្មោះថា ជាការរួមចំណែកក្នុងការអភិរក្សប្រាសាទ និងស្ពានបុរាណយ៉ាងមានប្រសិទ្ធភាព ព្រោះព្រៃឈើ និងប្រាសាទ-ស្ពានបុរាណជាវត្ថុអាស្រ័យគ្នា។

ព្រះភិក្ខុ សុត ណើរ គូ្រសូត្រឆ្វេងវត្តជីក្រែង មានថេរដីកានាឱកាសនោះថា ពុទ្ធសាសនាមានទ្រឹស្តីយ៉ាងច្រើនក្នុងការចូលរួមអភិរក្សរក្សាព្រៃឈើ ដូចជាព្រះពុទ្ធហាមភិក្ខុក្នុងសាសនាមិនឱ្យកាប់ដើមឈើ បើភិក្ខុនៅតែចចេសកាប់ មានការពិន័យអាបត្តិដែលជាទោសទណ្ឌក្នុងផ្លូវសាសនា ព្រោះព្រះពុទ្ធអង្គយល់យ៉ាងច្បាស់ថា ព្រៃឈើជាជម្រកដ៏ប្រសើរដែលមនុស្សសត្វមិនអាចខ្វះបាន ហើយក៏ជាជម្រករបស់ពួកទេវតាមួយក្រុម ដែលឈ្មោះថា រុក្ខទេវតាផងដែរ។

ព្រះភិក្ខុ មានថេរដីកាបន្ថែមថា សូម្បីព្រះពុទ្ធអង្គផ្ទាល់ក៏ដើរតួនាទីយ៉ាងសំខាន់ក្នុងការស្រឡាញ់ និងអភិរក្សព្រៃឈើ រហូតដល់អ្នកបរិស្ថានវិទូមួយចំនួន បានដាក់ឈ្មោះឱ្យព្រះអង្គថា ជាព្រះបិតានៃការអភិរក្សព្រៃ នេះបើយោងតាមការសិក្សា។ ព្រះសង្ឃអង្គនេះបានបញ្ជាក់បន្ថែមទៀតថា ភស្តុតាងជាច្រើនទៀត ដែលបញ្ជាក់ថាព្រះពុទ្ធអង្គជាគំរូក្នុងការស្រឡាញ់ និងអភិរក្សព្រៃឈើនោះ ដូចជា ព្រះអង្គប្រសូតក៏ប្រសូតនៅក្រោមឈើក្នុងព្រៃ ឈ្មោះព្រៃឧទ្យានលុម្ពិនី ទ្រង់ត្រាស់ដឹងក៏ត្រាស់ដឹងនៅក្រោមដើមឈើក្នុងព្រៃ ជាទីអវសាននៃជីវិតរបស់ព្រះពុទ្ធអង្គ(បរិព្វាន) ក៏នៅក្រោមដើមឈើក្នុងព្រៃផងដែរ។

យើងត្រូវបណ្តុះសា្មរតីក្នុងការស្រឡាញ់ និងការការពារអភិរក្សព្រៃឈើដែលមាននៅ កាត់បន្ថយការកាប់បំផ្លាញ ជាពិសេសបង្កើនការដាំដុះកូនឈើ យ៉ាងហោចណាស់ក្នុងមនុស្សម្នាក់មួយឆ្នាំដាំឱ្យបានមួយដើម ឬបើមិនដូច្នោះទេ មួយជីវិតធ្វើយ៉ាងណា ដាំឱ្យបានមួយដើម ព្រោះថាការដាំឈើមួយដើម ឈ្មោះថា ជួយជីវិតមនុស្ស-សត្វនៅលើផែនដី៕














នៅព្រឹកថ្ងៃទី១២ ខែសីហា ឆ្នាំ២០២០ នៅស្នាក់ការអាជ្ញាធរជាតិអប្សរា បានរៀបចំសិក្ខាសាលាផ្ទៃក្នុងស្ដីពី «ប្រព័ន្ធគ្រប់គ្រងបរិស្ថានអង្គរ»។ សិក្ខាសាលានេះមានគោលបំណងផ្សព្វផ្សាយសៀវភៅប្រើប្រាស់ប្រព័ន្ធគ្រប់គ្រងបរិស្ថាន-អង្គរ ស្វែងយល់ និងចូលរួមការពារបរិស្ថានក្នុងតំបន់អង្គរ។
នាព្រឹកថ្ងៃទី១២ ខែសីហា ឆ្នាំ២០២០ ឯកឧត្តម ហង់ ពៅ អគ្គនាយកអាជ្ញាធរជាតិអប្សរា បានដឹកនាំកិច្ចប្រជុំជាមួយភ្នាក់ងារទេសចរណ៍នៃនាយកដ្ឋានអភិវឌ្ឍន៍ទេសចរណ៍អង្គរ ដើម្បីពិនិត្យមើលការវិវត្តនៃការងារទូទៅ ក៏ដូចជាស្វែងយល់ពីផលលំបាកនិងបញ្ហាប្រឈមនានាដែលក្រុមការងារភ្នាក់ងារទេសចរណ៍តែងជួបប្រទះជាប្រចាំ។
ក្នុងគោលបំណងស្ដារគម្របព្រៃឈើក្នុងតំបន់ការពាររមណីយដ្ឋានបេតិកភណ្ឌពិភពលោកអង្គរឲ្យកាន់តែច្រើនឡើង និងបំផុសស្មារតីឲ្យមានការចូលរួមរបស់ប្រជាពលរដ្ឋអំពីកិច្ចការបរិស្ថាន។ ក្នុងន័យនេះ ចាប់ពីខែមិថុនាមកដល់បច្ចុប្បន្ន គឺមានរយៈពេលជាង២ខែមកហើយដែលអាជ្ញាធរជាតិអប្សរា បានចែកកូនឈើជាង៧ម៉ឺនដើមដល់អង្គភាពរដ្ឋ អង្គការ សហគមន៍ សាលារៀន វត្តអារាម វិស័យឯកជន និងសាធារណជនទូទៅដែលបានដាក់ពាក្យស្នើសុំយកទៅដាំនៅតាមតំបន់ផ្សេងៗទាំងក្នុងខេត្តសៀមរាប និងខេត្តមួយចំនួនក្នុងប្រទេសកម្ពុជា។
អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ដើមដំបូងមុន12345...337338បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
6093
ម្សិលមិញ
:
5802
សប្តាហ៍នេះ
:
17822
ខែនេះ
:
0244686
សរុប
:
012070317