ព័ត៌មានថ្មីៗ

ក្រុមការងារអភិរក្សនៃអាជ្ញាធរជាតិអប្សរានាំគ្នាសម្អាតប្រាសាទបន្ទាយក្បាលទឹក

បានផ្សាយនៅ ថ្ងៃទី 11 ខែ កក្កដា ឆ្នាំ2016 08:49 AM ដោយ ៖ អាជ្ញាធរជាតិអប្សរា
ក្រុមការងារអភិរក្សប្រាសាទបេងមាលានៃនាយកដ្ឋានអភិរក្សប្រាសាទក្រៅឧទ្យានរបស់អាជ្ញាធរជាតិអប្សរា បានចុះសម្អាតប្រាសាទបន្ទាយក្បាលទឹកឬប្រាសាទតាគង់ ដែលមានទីតាំងនៅភូមិជប់លើ ឃុំស្វាយលើ ស្រុកស្វាយលើ ខេត្តសៀមរាប កាលពីថ្ងៃទី០៨ ខែកក្កដា ឆ្នាំ២០១៦ ដើម្បីការពាររចនាសម្ពន្ធប្រាសាទនិងសោភ័ណភាពនៃប្រាសាទ។

តាមការបញ្ជាក់ពីលោកបណ្ឌិត ឈាន រដ្ឋា ប្រធានស្តីទីនាយកដ្ឋានអភិរក្សប្រាសាទក្រៅឧទ្យានអង្គរបានប្រាប់នៅព្រឹកថ្ងៃទី០៩ ខែកក្កដា ឆ្នាំ២០១៦ថា៖ ការងារសម្អាតប្រាសាទនៅតំបន់បេងមាលា យើងធ្វើជាប្រចាំគ្រប់ប្រាសាទ ផ្លូវបុរាណ ស្ពានទាំងអស់ មិនចំពោះតែប្រាសាទតាគង់ហ្នឹងទេ ពិសេសគឺរដូវវស្សា ព្រោះកូនរុក្ខជាតិតូចធំដុះលូតលាស់លឿន ដូច្នេះត្រូវកាត់មែកឬដកចោលវាឱ្យទាន់ពេលវេលា ដើម្បីបង្ការកុំឱ្យមានហានិភ័យដល់តួប្រាសាទទាំងមូល។ ម្យ៉ាងទៀតក៏ដើម្បីឱ្យប្រាសាទ មានភាពស្រស់ស្អាតផងដែរ ហើយការងារសម្អាតប្រាសាទតាគង់នេះនឹងបញ្ចប់នៅថ្ងៃទី១១ខាងមុខនេះ ដោយប្រើកម្លាំងកម្មករ៩នាក់។

លោក រដ្ឋា បន្តទៀតថា៖ រាល់ពេលចុះទៅសម្អាតម្តងៗ យើងមានបុគ្គលិកបច្ចេកទេសខាងបុរាណវិទ្យានៃអាជ្ញាធរជាតិអប្សរាពីរនាក់ ដែលមានជំនាញខាងមើលហានិភ័យនិងលំងាកនៃប្រាសាទទៅជាមួយនឹងក្រុមកម្មករដែរ ដើម្បីមើលថាប្រាសាទមានគ្រោះថ្នាក់ឬអត់ ហើយធ្វើរបាយការណ៍ឱ្យខាងនាយកដ្ឋានទៅទល់ទ្រនិងសង្គ្រោះប្រាសាទបានទាន់ពេលវេលា៕








ក្នុងពេលថ្មីៗកន្លងមកនេះ លោកជំទាវ លី អ៊ុអេង តាមរយៈប្រព័ន្ធសារព័ត៌មានសង្គមមួយចំនួន បានលើកឡើងនូវមតិដែលអាចនាំមកនូវការភ័ន្តច្រឡំជាសាធារណៈមកលើស្ថាប័នអាជ្ញាធរជាតិអប្សរា ពាក់ព័ន្ធនឹងទីតាំងសំណង់ការិយាល័យលក់ដីឡូតិ៍របស់គាត់ លើក្បាលដីលេខ៥២២៩ ស្ថិតនៅភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។
បន្ទាប់ពីមានយុទ្ធនាការដាំកូនឈើឡើងវិញនៅក្នុងរមណីយដ្ឋានបេតិកភណ្ឌពិភពលោកអង្គ មានប្រជាពលរដ្ឋគ្រប់មជ្ឈដ្ឋាន រួមទាំងព្រះសង្ឃ និងវិស័យឯកជនបានបង្ហាញស្មារតីចូលរួមយ៉ាងច្រើនកុះករដើម្បីបំផុសគំនិតនិងដាស់តឿនស្មារតីមហាជនឲ្យចូលរួមដាំដើមឈើឡើងវិញ។ ជាពិសេស ផ្សព្វផ្សាយទស្សនៈចូលរួមធ្វើ និងចូលរួមទទួលខុសត្រូវទាំងអស់គ្នា ក្នុងសកម្មភាពទប់ស្កាត់ និងការកាប់បំផ្លាញព្រៃក្នុងរមណីយដ្ឋានអង្គរ។
តាមរបាយការណ៍របស់នាយកដ្ឋានគ្រប់គ្រងទឹកនៃអាជ្ញាធរជាតិអប្សរាបានបង្ហាញថា មុនរដូវវស្សាឆ្នាំនេះចូលមកដល់ ក្រុមការងារបានចុះពិនិត្យមើលស្ថានភាព ប្រព័ន្ធប្រឡាយរំដោះទឹកភ្លៀង និងលូរំដោះទឹក និងបានស្តារសម្អាតឡើងវិញនូវកកកំណកដីដែលអាចធ្វើឱ្យស្ទះដល់លំហូរទឹកបាន។
ដូចសព្វមួយដង ឱ្យតែមានគ្រោះរាំងស្ងួត ឬខ្សត់ភ្លៀង អ្នកភូមិលាងដៃ បានកៀងគរគ្នាដើម្បីរៀបចំប្រារព្ធពិធីបួងសួងសុំទឹកភ្លៀងនៅបរិវេណប្រាសាទនាគព័ន្ធដែលជាទំនៀមពីបុរាណ។ នៅឆ្នាំនេះ កម្មវិធីនេះត្រូវបានរៀបចំធ្វើនៅថ្ងៃទី១៣ និង១៤ ខែសីហា ដោយមានអ្នកចូលរួមប្រមាណ២០០អង្គ/នាក់។
រហាត់ទឹកឈើដ៏ធំមួយស្ថិតក្នុងទីតាំងបណ្តុះកូនឈើប្រាសាទតាកែវក្នុងឧទ្យានអង្គរ គឺបានកសាងឡើងតាំងពីសម័យសង្គមរាស្ត្រនិយមមកហើយ អមដោយផ្ទះលម្ហែកាយមួយនៅក្បែរនោះ ប៉ុន្តែត្រូវបានរងនូវការខូចខាតស្ទើរបាត់រូបរាងដោយសារអាយុកាល និងសង្គ្រាមនាសម័យប៉ុលពត។ នេះបើតាមការរៀបរាប់របស់លោក ម៉ៃ មួន ដែលជាអតីតអ្នកគ្រប់គ្រងរដ្ឋបាលព្រៃឈើ ខេត្តសៀមរាប ដែលសព្វថ្ងៃបម្រើការនៅនាយកដ្ឋានគ្រប់គ្រងព្រៃឈើទេសភាពវប្បធម៌និងបរិស្ថាននៃអាជ្ញាធរជាតិអប្សរា។
ដើមដំបូងមុន12345...236237បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
0785
ម្សិលមិញ
:
2464
សប្តាហ៍នេះ
:
03249
ខែនេះ
:
0070858
សរុប
:
008915001