ព័ត៌មានថ្មីៗ

សិស្សានុសិស្សមកពីអូស្ត្រាលីដាំដើមស្វាយ១០០ដើមនៅភូមិធម្មជាតិរុនតាឯក

បានផ្សាយនៅ ថ្ងៃទី 08 ខែ កក្កដា ឆ្នាំ2016 01:47 PM ដោយ ៖ អាជ្ញាធរជាតិអប្សរា

សិស្សានុសិស្សចំនួន៤៧នាក់មកពីសាលានៅទីក្រុងស៊ីដនី ប្រទេសអូស្ត្រាលី ដឹកនាំដោយលោក យស សា ប្រធានអង្គការរួបរួមគ្នាប្រឆាំងភាពក្រីក្រ បានចុះមកដាំដើមស្វាយចំនួន១០០ដើមនៅភូមិធម្មជាតិរុនតាឯក នាថ្ងៃទី០៧ ខែកក្កដា ឆ្នាំ២០១៦ ដើម្បីអបអរទិវាដាំកូនឈើ និងចូលរួមការងារសង្គម។

អាជ្ញាធរជាតិអប្សរាគាំទ្រជានិច្ចចំពោះការដាំដើមឈើ ហើយតែងតែដាំដើមឈើជាច្រើនប្រភេទនៅតំបន់អង្គរ ពិសេសរុនតាឯក រហូតដល់រុនតាឯកបានឈ្នះរង្វាន់ចំនួន៣ ដែលពីររង្វាន់ទទួលបានពីក្រសួងទេសចរណ៍គឺ រង្វាន់ធុរកិច្ចបៃតងក្នុងវិស័យទេសចរណ៍ ផ្នែកអនាម័យនិងបរិស្ថាន និងរង្វាន់ធុរកិច្ចបៃតងក្នុងវិស័យទេសចរណ៍ ផ្នែកធុរកិច្ចសុខុមាលភាពសង្គម និងបេតិកភណ្ឌវប្បធម៌។ ឯរង្វាន់ទីបីជាពានរង្វាន់ពិសេសបន្ថែមទៅលើរង្វាន់ទាំងពីរខាងដើមមានឈ្មោះថា “រង្វាន់សម្តេចតេជោនាយករដ្ឋមន្ត្រីសម្រាប់ធុរកិច្ចបៃតង ក្នុងវិស័យទេសចរណ៍”។

មានមតិសំណេះសំណាលពេលបញ្ចប់ការដាំដើមស្វាយ ឯកឧត្តម ម៉ី ម៉ារ៉ាឌី ទីប្រឹ ក្សាអាជ្ញាធរជាតិអប្សរានិងជាប្រធានគម្រោងភូមិធម្មជាតិរុនតាឯក បានថ្លែងអំណរគុណយ៉ាងជ្រាលជ្រៅចំពោះសិស្សានុសិស្ស លោកគ្រូអ្នកគ្រូមកពីអូស្ត្រាលីទាំងអស់ រួមទាំងលោក យស សា ផង ដែលបានមកដាំដើមស្វាយចំនួន១០០ដើមនៅកន្លែងបាល់ទាត់និងជុំវិញសាលារៀនទាំងកណ្តាលភ្លៀង។ នេះជាការរួមចំណែកលើកទី២ហើយរបស់អង្គការរួបរួមគ្នាប្រឆាំងភាពក្រីក្រដែលបានដឹកនាំសិស្សបរទេសមកជួយការងារសង្គមនៅទីនេះ។

ឯកឧត្តមក៏បានប្រាប់ដែរអំពីការកកើតនៃភូមិធម្មជាតិរុនតាឯក គឺដើម្បីឱ្យប្រជាជនក្នុងតំបន់អង្គរដែលមានគ្រួសារតែមិនអាចពង្រីកខ្នងផ្ទះបាន ត្រូវដាក់ពាក្យសុំមករស់នៅទីនេះ។ អាជ្ញាធរជាតិអប្សរាបានបើកវគ្គបណ្តុះបណ្តាលជាច្រើនទាក់ទងនឹងកសិកម្មដាំដុះ ការចិញ្ចឹមសត្វដើម្បីឱ្យប្រជាជនមានមុខរបរអាចចិញ្ចឹមជីវិតបាន តែអាជ្ញាធរជាតិអប្សរាក៏ត្រូវការការជួយជ្រោមជ្រែងពីអង្គការខាងក្រៅដើម្បីជួយអភិវឌ្ឍន៍ភូមិធម្មជាតិនេះផងដែរ។ ឯកឧត្តមជឿជាក់ថា តាមរយៈសកម្មភាពទាំងអស់នៅថ្ងៃនេះនិងកន្លងមក នឹងធ្វើឱ្យភ្ញៀវទេសចរទាំងអស់នាំយកនូវបទពិសោធន៍ថ្មីៗពីទីនេះទៅកាន់ប្រទេសខ្លួន ហើយក៏អាចទាញទេសចរឱ្យមកកាន់ទីនេះ កាន់តែច្រើនផងដែរ។

លោក យស សា ជាមគ្គុទ្ទេសក៍ទេសចរនិងជានាយកអង្គការរួបរួមគ្នាប្រឆាំងភាពក្រីក្រ បានប្រាប់ថា៖ នេះជាលើកទី២ហើយដែលខ្ញុំបាននាំសិស្សបរទេសមករុនតាឯកដើម្បីធ្វើការងារសង្គម ដែលលើកទី១គឺពួកយើងបានលាបថ្នាំជញ្ជាំងសាលា។ ការដាំដើមឈើជាផ្នែកមួយនៃការងារសង់ផ្ទះជូនប្រជាជនក្រីក្រីដែលជាការងារស្នូល។ ខ្ញុំបានចាប់ផ្តើមការងារជួយសហគមន៍តាំងពីឆ្នាំ២០១០ម្ល៉េះ ដោយថវិការបស់ខ្ញុំផ្ទាល់និងថវិកាសប្បុរសជនដែលបានស្គាល់ខ្ញុំ។ ក្នុងនាមជាមគ្គុទ្ទេសក៍ខ្ញុំតែងនាំភ្ញៀវឱ្យស្គាល់ប្រាសាទជាច្រើន ក្រៅពីនោះខ្ញុំក៏ឆ្លៀតឱ្យពួកគេបានចូលរួមជួយសង្គមយើងផងដែរ ដូចជាធ្វើផ្ទះ ចែកថ្នាំពេទ្យ ចែកខោអាវជាដើម។ ខ្ញុំនឹងបន្តជួយភូមិធម្មជាតិរុនតាឯកទៀត ដោយនាំភ្ញៀវមកទស្សនកិច្ចទីនេះ ហើយឱ្យអាជ្ញាធរជាតិអប្សរាបង្កើតការងារដោយដៃ ដើម្បីបញ្ជាក់ពីអត្តសញ្ញាណជាតិ ពិសេសទាក់ទងនឹងការគោរពព្រះពុទ្ធសាសនាជាសាសនារបស់រដ្ឋឱ្យុភ្ញៀវបានដឹងពីខ្មែរ។

អ្នកគ្រូ លី ជាគ្រូដឹកនាំសិស្សានុស្សទាំងអស់បានប្រាប់ថា នេះជាវិស្សមកាលរយៈពេល២សប្តាហ៍របស់សាលា ដែល១សប្តាហ៍នៅកម្ពុជា (សៀមរាបនិងភ្នំពេញ) ១សប្តាហ៍ទៀតនៅវៀតណាម។ ពួកយើងមកកម្សាន្តផង មកជួយការងារសហគមន៍ផង ដើម្បីបានឈ្វេងយល់ពីការរបស់នៅ ទំនៀមទម្លាប់ ប្រពៃណីរបស់ប្រទេសដែលយើងទៅដល់។ ខ្ញុំរីករាយដែលបានដឹកនាំសិស្សការមកកាន់ទីនេះដើម្បីដាំដើមស្វាយ វាសប្បាយ ប្រជាជនរួសរាយ នេះវាជាបទពិសោធន៍ថ្មីមួយដែលពួកយើងមិនធ្លាប់ធ្វើឡើយ ហើយខ្ញុំតែងតែនាំសិស្សផ្សេងៗគ្នាមកកាន់ស្រុកខ្មែរជារៀងរាល់ឆ្នាំដើម្បីដកស្រង់បទពិសោធន៍នៃការរស់នៅរបស់ប្រជាជនខ្មែរ។

មិនខុសគ្នាពីនោះ ក្រុមសិស្សានុស្សថ្នាក់ទី១១នេះបានសម្តែងនូវភាពរីករាយដែលបានចូលរួមដាំដើមស្វាយនៅភូមិធម្មជាតិរុនតាឯកថា នេះជាបទពិសោធលើកទី១ក្នុងជីវិតរបស់ពូកយើងដែលចូលមកធ្វើការងារដូចកសិករ ផ្ទះពួកយើងនៅឆ្ងាយពីជនបទ ទើបមិនធ្លាប់ធ្វើការងារដែលប្រើកម្លាំងដូច្នេះ។ ពួកយើងធ្វើទាំងភ្លៀង ប្រឡាក់ដីពេញខ្លួននិងសម្លៀកបំពាក់ ហត់នឿយ តែពួកយើងសប្បាយនឹងការងារនេះ ពិសេសនៅទីនេះមានទេសភាពស្អាត នៅទីនេះមានទាំងសាលា ហើយយើងអាចដាំដើមឈើបានទៀត ដោយមិនបង្ករការរំខានដល់ការសិក្សារបស់ក្មេងៗ។ នេះជាបទពិសោធន៍ថ្មីមួយនៃជីវិតរបស់ពួកយើងគ្រប់ៗគ្នា៕
















អាជ្ញាធរជាតិអប្សរា បានបន្តចែកជូនកូនឈើដល់សាធារណជនជិតឆ្ងាយ ដើម្បីយកទៅដាំក្នុងបំណងបង្កើនគម្របព្រៃឈើឡើងវិញនៅក្នុងប្រទេសកម្ពុជា។ នៅថ្ងៃទី៧ និងទី៨ ខែសីហា ឆ្នាំ២០២០ កូនឈើចំនួន ៤,៦២០ដើមទៀត បានចែកជូនដល់សាធារណជនក្នុងខេត្តសៀមរាប ខេត្តបន្ទាយមានជ័យ និងខេត្តតាកែវ។
សេចក្ដីគោរពជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ក្នុងឱកាសដ៏សែនមហានក្ខត្តឫក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ប្រាសាទបាយក្អែក មានទីតាំងនៅខាងលិចប្រាសាទអង្គរវត្ត ដែលមិនសូវមានអ្នកស្គាល់ ហើយទេសចរភាគច្រើនឆ្លងកាត់ទៅហួសមកហួស។
តំណាងស្ថាប័ន វត្តអារាម ក៏ដូចជាប្រជាពលរដ្ឋជាបន្តបន្ទាប់ បានស្នើសុំកូនឈើពីអាជ្ញាធរជាតិអប្សរា ដើម្បីយកទៅដាំនៅតាមដីភូមិ ចម្ការ វត្តអារាម និងសាលារៀន។ល។ ក្នុងថ្ងៃទី៥ ខែសីហា ឆ្នាំ២០២០ អាជ្ញាធរជាតិអប្សរា បានផ្តល់កូនឈើដល់តំណាងវត្តអារាម និងស្ថាប័នសរុបចំនួន ១,៤០០ដើម។
ក្នុងឱកាសដ៏សែនមហានក្ខត្តឬក្សថ្លៃថ្លានៃខួបកំណើតគម្រប់ ៦៨ឆ្នាំ ឈានចូល៦៩ឆ្នាំ នាថ្ងៃទី ០៥ ខែសីហា ឆ្នាំ២០២០នេះ តាងនាមថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃអាជ្ញាធរជាតិអប្សរា និងក្នុងនាមខ្ញុំផ្ទាល់ ខ្ញុំបាទសូមសម្ដែងនូវមនោសញ្ចេតនារីករាយឥតឧបមា និងសេចក្ដីគោរពស្រលាញ់ដ៏ជ្រាលជ្រៅបំផុត ព្រមទាំងសូមគោរពជូនពរ បវរមហាប្រសើរជូន សម្ដេចតេជោនាយករដ្ឋមន្ត្រី ជាទីគោរពដ៏ខ្ពង់ខ្ពស់ សូមមានជន្មាយុយឺនយូរមានសុខុមាលភាពល្អបរិបូរណ៍ បញ្ញាញាណភ្លឺថ្លា ដើម្បីដឹកនាំរាជរដ្ឋាភិបាល និងប្រទេសជាតិទទួលជោគជ័យដ៏ត្រចះត្រចង់ថ្មីៗថែមទៀត ជាពិសេសវឌ្ឍនភាព និងកិត្យានុភាពល្បីរន្ទឺលើឆាកអន្តរជាតិ
ដើមដំបូងមុន12345...337338បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
5490
ម្សិលមិញ
:
5927
សប្តាហ៍នេះ
:
11417
ខែនេះ
:
0238281
សរុប
:
012063912