ព័ត៌មានថ្មីៗ

អគ្គនាយកអាជ្ញាធរជាតិអប្សរាចុះពិនិត្យការដ្ឋានជួសជុលបារាយណ៍ទឹកថ្លា

បានផ្សាយនៅ ថ្ងៃទី 08 ខែ កក្កដា ឆ្នាំ2016 07:58 AM ដោយ ៖ អាជ្ញាធរជាតិអប្សរា

ព្រឹកថ្ងៃទី៧ ខែកក្កដា ឆ្នាំ២០១៦នេះ ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា រួមដំណើរដោយអ្នកជំនាញអន្តរជាតិលោកសាស្ត្រាចារ្យ Azedine Beschaouch លេខាធិការវិទ្យាសាស្ត្រនៃICC-Angkor និងថ្នាក់ដឹកនាំមួយចំនួនទៀត បានចុះពិនិត្យការដ្ឋានជួសជុលទំនប់បារាយណ៍ទឹកថ្លាផ្នែកខាងលិច ដែលបានជួសជុល៣ដំណាក់កាលរួចមកហើយ ដែលមានប្រវែងសរុប១០៦០ម ហើយគ្រោងនឹងបន្តដំណាក់កាលទី៤ទៀត។

ឯកឧត្តម ហង់ ពៅ អគ្គនាយករងទទួលបន្ទុកនាយកដ្ឋានគ្រប់គ្រងទឹក បានពន្យល់ថា ទំនប់បារាយណ៍ដែលមានអាយុកាលតាំងពីសតវត្សទី១១មកនេះ បានទ្រុឌទ្រោមជាលំដាប់​ ដោយសាររលកទឹក និងទឹកហូរច្រោះ​ដាច់ខ្លាំង​ ដែលទាមទារការជួសជុលឡើងវិញ។ ចាប់ពីឆ្នាំ២០០៧មក ក្រុមអ្នកជំនាញអាជ្ញាធរជាតិអប្សរា ដោយមានកិច្ចសហប្រតិបត្តិការដ៏ជិតស្និទ្ធជាមួយគណៈកម្មាធិការអាយស៊ីស៊ី-អង្គរ បានរៀបចំការជួសជុលទំនប់បារាយណ៍ផ្នែកខាងលិច។ ដំណាក់កាលទី១ ជាការជួសជុលដោយប្រើបច្ចេកទេសបុរាណ បានប្រវែង៦០ម៉ែត្រ។ ក៏ប៉ុន្តែ វិធីសាស្ត្រជួសជុលបែបនេះ ទាមទារពេលវេលាយូរ និងចំណាយថវិកាច្រើន ទើបនៅឆ្នាំ២០១១ ក្រុមជំនាញបានលើកយកវិធីសាស្ត្រថ្មីដោយប្រើប្រាស់គ្រឿងចក្រ។​ វិធីសាស្ត្រ​ថ្មី​នេះក៏​បានទទួល​នូវការ​គាំទ្រ​ និងយល់ព្រមពីគណៈកម្មាធិការអាយស៊ីស៊ី-អង្គរ។

ជាមួយគ្នានឹងការអនុម័តយល់ព្រមឲ្យប្រើប្រាស់គ្រឿងចក្រ ក្នុងការជួសជុលពង្រឹងទំនប់បុរាណនេះ ក្រុមអ្នកបុរាណវិទ្យាក៏បានធ្វើកំណាយ ដើម្បីសិក្សាបន្ថែមអំពីវិធីសាស្ត្របង្ហាប់ដីបុរាណ រចនាសម្ព័ន្ធ និងប្រភេទដីទំនប់ដើម្បីធានាថា ការជួសជុលនេះមិនប៉ះពាល់ដល់បុរាណដ្ឋាន និងធានាគុណភាពយូរអង្វែង។ ឆ្នាំ២០១៦នេះ ក្រុមការងារគ្រោងនឹងបន្តជួសជុលប្រវែង៦០០មបន្ថែមទៀត ដែលនឹងចាប់ផ្តើមមុនទឹកបារាយណ៍ឡើងមកដល់ ហើយគ្រោងនឹងបញ្ចប់នៅរដូវប្រាំងឆ្នាំក្រោយ។

ក្នុងន័យលើកតម្លៃបុរាណវិទ្យាក្នុងរមណីយដ្ឋានអង្គរ គ្រប់ការជួសជុលទាំងអស់គឺត្រូវមានការស្រាវជ្រាវ និងការធ្វើកំណាយបុរាណវិទ្យាជាដើម។ ក្នុងន័យនេះ លោក លី វណ្ណា ប្រធាននាយកដ្ឋានអភិរក្សប្រាសាទក្នងឧទ្យានអង្គរ និងបុរាណវិទ្យាបង្ការ បានបញ្ជាក់ថា ការជួសជុលបារាយណ៍ទឹកថ្លា ក៏ដូចជាការងារជួសជុលប្រាសាទដែរ គឺក្រុមអ្នកជំនាញបុរាណវិទ្យារបស់នាយកដ្ឋានបានចុះមកធ្វើកំណាយស្រាវជ្រាវ ដើម្បីសិក្សាអំពីរចនាសម្ព័ន្ធស្រទាប់ដី និងលក្ខណៈបុរាណវិទ្យា ដើម្បីកំណត់ និងចងក្រងទុកជាឯកសារប្រវត្តិសាស្ត្រ មុននឹងដំណើរការជួសជុលកន្លងមក។ ដូចគ្នាដែរ ក្នុងគម្រោងថ្មីបន្តនេះ ក្រុមការងារនឹងចុះមកធ្វើកំណាយស្រាវជ្រាវបុរាណវិទ្យាបន្តទៀត ព្រោះថា ទំនប់បារាយណ៍ទាំងមូល មិនមែនដូចគ្នាគ្រប់ទីកន្លែងនោះទេ។ កំណាយស្រាវជ្រាវទីតាំងផ្សេងគ្នានឹងជួយឲ្យយើងដឹងអំពីលក្ខណៈសម្បូរបែបនៃបច្ចេកទេសបុរាណក្នុងការជួសជុល និងបានជាឯកសារដ៏សំខាន់សម្រាប់ការសិក្សារបស់មនុស្សជំនាន់ក្រោយៗ។

ក្នុងដំណើរពិនិត្យការដ្ឋាននេះដែរ ឯកឧត្តមអគ្គនាយកបានកោតសរសើរ និងគាំទ្រចំពោះគម្រោងដែលសម្រេចបានកន្លងមក។ ឯកឧត្តមបញ្ជាក់ថា ក្នុងនាមថ្នាក់ដឹកនាំនឹងបន្តជំរុញការងារជួសជុលទំនប់បារាយណ៍នេះឲ្យបានចប់សព្វគ្រប់ទាំងអស់ ព្រមទាំងដាំឡើងវិញនូវប្រភេទឈើដែលអាចជួយទប់ដីកុំឲ្យហូរច្រោះដោយសាររលក ឬទឹកភ្លៀងជាដើម។ ជាមួយគ្នាឯកឧត្តមក៏បានគាំទ្រគម្រោងស្រាវជ្រាវបុរាណវិទ្យា ដើម្បីចងក្រងទុកជាឯសារ ដើម្បីបង្កលក្ខណៈងាយស្រួលដល់ការងារស្រាវជ្រាវផ្សេងៗ ក៏ដូចជាទុកជាឯកសារនាពេលអនាគត ក្នុងករណីមានការកែលម្អ ឬជួសជុលបន្ថែមទៀត៕
















រឿងរ៉ាវប្រវត្តិសាស្រ្ដខ្មែរជាច្រើនសន្ធឹក ត្រូវបានអ្នកស្រាវជ្រាវសិក្សាតាមរយៈវត្ថុតាងជាច្រើន ក្នុងនោះសិលាចារឹកក៏ជាភស្ដុតាងដ៏សំខាន់មួយដែរ។ សិលាចារឹកដែលចារដោយបុព្វបុរសខ្មែរ បានរៀបរាប់នូវរឿងរ៉ាវជាច្រើនដែលអាចឱ្យមនុស្សសម័យថ្មីដឹងពីសាច់រឿងនិងរបៀបរស់នៅរបស់មនុស្សបុរាណ។ អ្នកសិក្សាស្រាវជ្រាវយល់ថា មនុស្សពីដើមចារអក្សរលើថ្មដើម្បីមូលហេតុសាសនា។
គ្រឹះស្ថានបោះពុម្ពសៀវភៅសិក្សាប្រចាំប្រទេសជប៉ុន TAISHUKAN (តៃស៊ូកាន់) បានស្នើសុំអ្នកស្រាវជ្រាវបុរាណវិទ្យារបស់អាជ្ញាធរជាតិអប្សរា ដើម្បីជ្រើសរើសអត្ថបទមួយដែលលទ្ធផលនៃកិច្ចការស្រាវជ្រាវអំពីបណ្តាញគមនាគមន៍បុរាណសម័យអង្គរ យកទៅប្រែសម្រួលបោះពុម្ពផ្សាយក្នុងសៀវភៅសិក្សាអប់រំថ្មី។ អត្ថបទដែលគ្រឹះស្ថាន TAISHUKAN ស្នើយកទៅបកប្រែនិងបោះពុម្ពនេះ គឺបានផ្សព្វផ្សាយនៅប្រទេសសិង្ហបុរីនៅឆ្នាំ២០១៦ មានចំណងជើងជាភាសាអង់គ្លេសថា «From Living Angkor Road Project to Cultural Relationship Study in Mainland Southeast Asia Research Center: Cross Culture and Cross Border ឬប្រែសម្រួលជាភាសាខ្មែរមានន័យថា «ពីបណ្ដាញផ្លូវសម័យអង្គរទៅកាន់ទំនាក់ទំនងវប្បធម៌ក្នុងតំបន់អាស៊ីអាគ្នេយ៍ដីគោក៖ គម្រោងស្រាវជ្រាវទំនាក់ទំនងវប្បធម៌និងការអភិវឌ្ឍន៍ឆ្លងព្រំដែន»។
តាមរយៈកម្មវិធីយុវជនស្ម័គ្រចិត្តដើម្បីបេតិកភណ្ឌពិភពលោកនៅអង្គរ យុវជន១៨នាក់ មកពី៨ប្រទេស រួមមានកម្ពុជា កូរ៉េ បារាំង អូស្ត្រាលី កូឡុំប៊ី ប៊ុលហ្ការី ឥណ្ឌា និងចិន បានទទួលការបណ្តុះបណ្តាលអំពីការគ្រប់គ្រង ការអភិរក្ស និងការអភិវឌ្ឍប្រកបដោយចីរភាពក្នុងរមណីយដ្ឋានអង្គរ ព្រមទាំងបានធ្វើការផ្លាស់ប្តូរបទពិសោធន៍យ៉ាងច្រើនពាក់ព័ន្ធនឹងជាមួយវិស័យបេតិកភណ្ឌ ក៏ដូចជាការងារចូលរួមជាមួយសហគមន៍។
ក្នុងពេលថ្មីៗកន្លងមកនេះ លោកជំទាវ លី អ៊ុអេង តាមរយៈប្រព័ន្ធសារព័ត៌មានសង្គមមួយចំនួន បានលើកឡើងនូវមតិដែលអាចនាំមកនូវការភ័ន្តច្រឡំជាសាធារណៈមកលើស្ថាប័នអាជ្ញាធរជាតិអប្សរា ពាក់ព័ន្ធនឹងទីតាំងសំណង់ការិយាល័យលក់ដីឡូតិ៍របស់គាត់ លើក្បាលដីលេខ៥២២៩ ស្ថិតនៅភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។
បន្ទាប់ពីមានយុទ្ធនាការដាំកូនឈើឡើងវិញនៅក្នុងរមណីយដ្ឋានបេតិកភណ្ឌពិភពលោកអង្គ មានប្រជាពលរដ្ឋគ្រប់មជ្ឈដ្ឋាន រួមទាំងព្រះសង្ឃ និងវិស័យឯកជនបានបង្ហាញស្មារតីចូលរួមយ៉ាងច្រើនកុះករដើម្បីបំផុសគំនិតនិងដាស់តឿនស្មារតីមហាជនឲ្យចូលរួមដាំដើមឈើឡើងវិញ។ ជាពិសេស ផ្សព្វផ្សាយទស្សនៈចូលរួមធ្វើ និងចូលរួមទទួលខុសត្រូវទាំងអស់គ្នា ក្នុងសកម្មភាពទប់ស្កាត់ និងការកាប់បំផ្លាញព្រៃក្នុងរមណីយដ្ឋានអង្គរ។
ដើមដំបូងមុន12345...237238បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
2866
ម្សិលមិញ
:
3825
សប្តាហ៍នេះ
:
09155
ខែនេះ
:
0076764
សរុប
:
008920907