ព័ត៌មានថ្មីៗ

អាជ្ញាធរជាតិអប្សរានាំយកអង្ករទៅប្រគេនព្រះសង្ឃវត្តព្រះឥន្ទកោសា

បានផ្សាយនៅ ថ្ងៃទី 07 ខែ កក្កដា ឆ្នាំ2016 01:57 PM ដោយ ៖ អាជ្ញាធរជាតិអប្សរា
នៅល្ងាចថ្ងៃទី០៦ ខែកក្កដា ឆ្នាំ២០១៦ ឯកឧត្តម ខូយ គឹមទួ ទីប្រឹក្សាអាជ្ញាធរជាតិអប្សរា តំណាងឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិ និងមន្រ្តី/បុគ្គលិកនៃ អាជា្ញធរជាតិអប្សរាបាននាំយកអង្ករ១០ការុង និងបច្ច័យមួយចំនួនទៅប្រគេនព្រះសង្ឃដែលគង់នៅក្នុងវត្តព្រះឥន្ទកោសាស្ថិតនៅភូមិបឹងដូនប៉ា សង្កាត់ស្លកា្រម ក្រុង-ខេត្តសៀមរាបកំពុងជួបប្រទះការខ្វះខាតចង្ហាន់។

នៅក្នុងឱកាសនោះ ឯកឧត្តម ខូយ គឹមទួ បានមានប្រសាសន៍ថាដោយឯកឧត្តមអគ្គនាយកមើលឃើញអំពីការខ្វះខាតចង្ហាន់របស់ព្រះសង្ឃ ដែលកំពុងគង់នៅក្នុងវត្តព្រះឥន្ទកោសាដើម្បីបដិបត្តិធម៌និងបន្តការសិក្សារៀនសូត្រតទៅទៀត ទើបឯកឧត្តមអគ្គនាយកបានណែនាំឲ្យឯកឧត្តម និងមន្រ្តី/បុគ្គលិកអាជ្ញាធរជាតិអប្សរានាំយកអង្ករ និងបច្ច័យដែលជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈមន្រ្តី និងជាប្រធានអាជ្ញាធរជាតិអប្សរា និងលោកជំទាវទៅប្រគេនព្រះសង្ឃដើម្បីជួយសម្រួលការខ្វះខាតរបស់ព្រះសង្ឃ។

ឯកឧត្តមបានមានប្រសាសន៍បន្តថាថ្វីដ្បិតអង្ករ១០ការុង និងបច្ច័យមួយចំនួននេះមិនអាចជួយដោះស្រាយបញ្ហាខ្វះខាតបាន១០០%មែន ប៉ុន្តែវាក៏អាចជួយដោះស្រាយបញ្ហាខ្វះខាតចង្ហាន់នាពេលនេះបានមួយគ្រាដែរ។​

ព្រះអង្គ មាន សុមេធ គ្រូសូត្រស្តាំ តំណាងលោកគ្រូចៅអធិការបានមានថេរដីកាក្នុងឱកាសទទួលអង្ករនិងបច្ច័យថា វត្តនេះមានព្រះសង្ឃ៧០អង្គ ដូនជី៣៦នាក់ និងសិស្សនិស្សិត៥០នាក់គង់នៅ និងស្នាក់នៅដើម្បីបដិបត្តិធម៌និងបន្តការសិក្សារៀនសូត្រតទៅទៀតនោះ។ ហេតុនេះទើបនាំឲ្យជួបបញ្ហាខ្វះខាតចង្ហាន់កើតឡើងយ៉ាងនេះ។

ព្រះអង្គមានថេរដីកាបន្តថា ព្រះអង្គពិតជាមានព្រះទ័យត្រេកអរខ្លាំងណាស់និងសូមអរគុណយ៉ាងជ្រាលជ្រៅចំពោះអាជ្ញាធរជាតិអប្សរា​ ជាពិសេស​ឯកឧត្តមបណ្ឌិតសភាចារ្យ​ សុខ​ អាន​ឧបនាយករដ្ឋមន្ត្រី​ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី​ និងជាប្រធានអាជ្ញាធរជាតិអប្សរា​ និង​លោកជំទាវ​ ដែលបាននាំយកអង្ករនិងបច្ច័យមកប្រគេនចំពេលដែលព្រះសង្ឃកំពុងជួបការលំបាកបែបនេះ ហើយព្រះអង្គក៏សូមជូនពរឯកឧត្តម និងមន្ត្រី/បុគ្គលិកអាជ្ញាធរជាតិអប្សរាទាំងអស់ជួបប្រទះតែសេចក្តីសុខ សេចក្តីចម្រើនជារៀងរហូតទៅ។

នេះមិនមែនជាលើកទីមួយទេ ដែលអាជ្ញាធរជាតិអប្សរាតែងយកចិត្តទុកដាក់ចំពោះសុខទុក្ខប្រជាពលរដ្ឋ ក៏ដូចជាវត្តអារាមនានា ជាពិសេសក្នុងរមណីយដ្ឋានអង្គរតែម្តង។ កន្លងមក ក្រុមការងារសហគមន៍នៃអាជ្ញាធរជាតិអប្សរា តែងចុះជួយតាមមូលដ្ឋានរបស់ប្រជាពលរដ្ឋផ្ទាល់ ដើម្បីក្តោបបាននូវបញ្ហាលំបាក នៅពេលមានបញ្ហាកើតឡើងដូចជាភ្លើងឆេះផ្ទះ ខ្យល់រលំផ្ទះ ឬពិធីទានក្នុងសាសនាជាដើម៕








នាព្រឹកថ្ងៃ២រោច ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវថ្ងៃទី១៥ ខែតុលា ឆ្នាំ២០១៩ ថ្នាក់ដឹកនាំអាជ្ញាធរជាតិអប្សរា បានចូលរួមគោរពព្រះវិញ្ញាណក្ខន្ធគម្រប់ខួប៧ឆ្នាំនៃការសោយទិវង្គតរបស់ព្រះបរមរតនកោដ្ឋ ព្រះវររាជបិតាជាតិខ្មែរដែលប្រព្រឹត្តទៅនៅព្រះរាជដំណាក់ខេត្តសៀមរាប។
អាជ្ញាធរជាតិអប្សរាមានកិត្តិយសសូមជម្រាបជូនដំណឹងដល់អាជ្ញាធរមូលដ្ឋាន លោក លោកស្រី និងបងប្អូនប្រជាពលរដ្ឋ ដែលបានទទួលការអនុញ្ញាតឲ្យជួសជុល ឬរុះរើផ្ទះចាស់សាងសង់ផ្ទះថ្មីជំនួស មេត្តាជ្រាបថា៖ តាមរយៈការចុះត្រួតពិនិត្យបច្ចេកទេសរបស់មន្ត្រីមានសមត្ថកិច្ច អាជ្ញាធរជាតិអប្សរាសង្កេតឃើញមានសំណង់មួយចំនួនបានកំពុងអនុវត្តត្រឹមត្រូវតាមការអនុញ្ញាត និងមានមួយចំនួនទៀតពុំត្រឹមត្រូវតាមការអនុញ្ញាតឡើយ។ សូមពិនិត្យមើលសេចក្តីជូនដំណឹងដូចមានភ្ជាប់មកជាមួយខាងក្រោម៖
អាជ្ញាធរជាតិអប្សរាមានកិត្តិយសសូមជម្រាបជូនដំណឹងដល់អាជ្ញាធរមូលដ្ឋាន លោក លោកស្រី និងបងប្អូនប្រជាពលរដ្ឋ ដែលបានដាក់ពាក្យស្នើសុំសាងសង់ ឬរុះរើផ្ទាស់ចាស់សាងសង់ផ្ទះថ្មីជំនួស នៅក្នុងតំបន់ការពារនៃរមណីយដ្ឋានអង្គរ មេត្តាជ្រាបថា៖ ក្រោយពីការចុះពិនិត្យដល់ទីតាំង និងពិនិត្យនូវរាល់ឯកសារពាក់ព័ន្ធចាំបាច់ទាំងឡាយ អាជ្ញាធរជាតិអប្សរាសូមធ្វើការអនុញ្ញាតនូវពាក្យស្នើសុំទាំងនោះដូចខាងក្រោម៖
មហាអង្គកឋិនទានដើម្បីនាំយកសំពត់ចីវរ ចំនួន៤៥,៦៧៨ មកវេរប្រគេនដល់ព្រះភិក្ខុសង្ឃដែលគង់ចាំព្រះវស្សាអស់កាលត្រីមាសក្នុងព័ន្ធសីមា ទាំង២៥ខេត្ត-រាជធានី បានប្រព្រឹត្តទៅយ៉ាងអធឹកអធម នាវត្តឥន្រ្ទបត្តបុរី ( ហៅវត្ត អង្គរតូចខាងត្បូង) ដោយមានការផ្តួចផ្តើមពីលោកជំទាវឧកញ៉ា សៀង ចាន់ហេង អគ្គនាយិកាក្រុមហ៊ុន ហេង អភិវឌ្ឍន៍ និងពុទ្ធបរិស័ទជិតឆ្ងាយ២៥ខេត្ត/ក្រុង ចូលរួមប្រមាណជិត១ម៉ឺនអង្គ/នាក់។
នាព្រឹកថ្ងៃទី១២ ខែតុលា ឆ្នាំ២០១៩ ក្រុមការងារចម្រុះរួមមាន នាយកដ្ឋានទ្រទ្រង់បច្ចេកទេស និងគម្រោងអន្តរវិស័យ នាយកដ្ឋានព្រៃឈេី ទេសភាពវប្បធម៌ និងបរិស្ថាន និងនាយកដ្ឋានគ្រប់គ្រងទឹក បានចុះរៀបចំសោភ័ណភាព អនាម័យ និងបរិស្ថាន ក្នុងបរិវេណវត្តអង្គរខាងត្បូង (ក្បែរបន្ទប់អនាម័យ) ។
ដើមដំបូងមុន12345...256257បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
34069
ម្សិលមិញ
:
34420
សប្តាហ៍នេះ
:
68489
ខែនេះ
:
0149766
សរុប
:
009332048