ព័ត៌មានថ្មីៗ

ដំបូលរោងទងកូរសមុទ្រទឹកដោះនៃប្រាសាទអង្គរវត្ត ជិតមានពិតានវិញហើយ

បានផ្សាយនៅ ថ្ងៃទី 28 ខែ មិថុនា ឆ្នាំ2016 02:40 PM ដោយ ៖ អាជ្ញាធរជាតិអប្សរា
តាមការស្រាវជ្រាវ ដំបូលរោងទងនៃប្រាសាទអង្គរវត្តទាំងអស់សុទ្ធតែមានពិតានឈើ ដែលបុព្វបុរសបានឆ្លាក់ក្បាច់ភ្ជាប់នឹងដំបូល ប៉ុន្តែពិតានទាំងនោះបានរបេះធ្លាក់ជាបន្តបន្ទាប់ដោយសារពេលវេលា និងអាយុកាលដ៏យូរលង់។ អ្នកជំនាញនៃអាជ្ញាធរជាតិអប្សរាបានសិក្សាពីទម្រង់នៃពិតានទាំងនោះឡើងវិញ តាមបំណែកដែលមាននៅសេសសល់ខ្លះ ហើយបានសហការជាមួយស្ថាប័នអន្តរជាតិដើម្បីធ្វើពិតានឈើថ្មីទៅជំនួសវិញ។ ក្នុងកិច្ចប្រជុំគណៈកម្មាធិការអាយស៊ីស៊ីអង្គរកន្លងទៅថ្មីៗនេះ សំណើឆ្លងយោបល់ដើម្បីបំពាក់ពិតានឈើនៅរោងទងកូរសមុទ្រទឹកដោះនៃប្រាសាទអង្គរវត្ត បានទទួលការអនុម័តជាផ្លូវការហើយ។

លោក លី វណ្ណា ប្រធាននាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការបញ្ជាក់ថា គម្រោងសិក្សាដើម្បីបំពាក់ពិតានលើរោងទងនៃប្រាសាទអង្គរវត្តនេះ បានចំណាយពេលសិក្សាជាង៣ឆ្នាំមកហើយ ដោយកិច្ចសហការរវាងអាជ្ញាធរជាតិអប្សរា និងមូលនិធិបេតិកភណ្ឌពិភពលោក(WMF)របស់សហរដ្ឋអាមេរិក។ “យើងបានរៀបចំឯសារលម្អិតស្តីពីចម្លាក់ពិតាននៅប្រាសាទអង្គរវត្ត ក៏ដូចជាប្រាសាទផ្សេងៗទៀត ដែលនៅមានពិតានសេសសល់ ហើយបានដាក់ជូន ICC-Angkor ពិនិត្យ កាលពីកិច្ចប្រជុំបច្ចេកទេសលើកទី២៥ ហើយនៅកិច្ចប្រជុំលើកទី២៦នេះ យើងបានទទួលការអនុម័តយល់ព្រមហើយ”។

លោកបន្ថែមថា កិច្ចប្រជុំលើកនេះ បានឯកភាពគ្នាទៅលើ ប្រភេទក្បាច់ របៀបឆ្លាក់ ទំហំក្តារ ប្រភេទឈើ និងបច្ចេកទេសតំឡើង។ “កម្រាស់ឈើដែលត្រូវឆ្លាក់នឹងមានកម្រាស់១តឹក ក្រោយពីឆ្លាក់ហើយនៅសល់តែ៩ហ៊ុនទេ នឹងត្រូវលើកទៅស៊កក្នុងពិតានដែលមានប្រវែង៤៤ម៉ែត្រជាង។ កាលពីមុន យើងពិបាកនឹងរកទម្រង់ដែលឯកភាពគ្នារវាងអ្នកជំនាញអាជ្ញាធរជាតិអប្សរា WMF និងអ្នកជំនាញអាដហុក នៃអាយស៊ីស៊ីអង្គរ ព្រោះចម្លាក់ហ្នឹង ជាចម្លាក់ក្នុងន័យអភិរក្ស មិនមែនដើម្បីទាក់ទាញភ្ញៀវទេសចរហើយដាក់តាំងលក់នោះទេ។ ឥឡូវយើងបានឯកភាពគ្នាអស់ហើយ និងបានជ្រើសរើសជាងចម្លាក់ ដែលមានទឹកដៃល្អ។ បើការងារនេះ បានជោគជ័យ យើងនឹងបន្តបំពាក់ពិតានទៅលើដំបូងរោងទងដទៃៗទៀតក្នុងប្រាសាទអង្គរវត្តទាំងមូល”។

នៅកិច្ចប្រជុំរបស់អាយស៊ីស៊ីអង្គរលើកក្រោយ អ្នកជំនាញនឹងយកចម្លាក់ទៅបំពាក់សាកល្បង២ឬ៣ម៉ែត្រ លើរោងទងជាក់ស្តែង ដើម្បីជូនអ្នកជំនាញអាដហុក (ad hoc) មើលម្តងទៀត។ នេះជាសមិទ្ធផលដ៏លេចធ្លោមួយទៀតនៃកិច្ចការអភិរក្សមរតកដូនតារបស់យើង។ ដូច្នេះ រយៈពេលមួយឆ្នាំក្រោយ យើងអាចនឹងឃើញពិតានដំបូលរោងទងប្រាសាទអង្គរវត្តដ៏ស្រស់ស្អាតឡើងវិញហើយ៕






តាមទស្សនវិទ្យាឥណ្ឌា មិនថាលិទ្ធិព្រាហ្មណ៍ឬក៏ព្រះពុទ្ធសាសនាទ្បើយ វដ្តសង្សារជាចលនាកើត-ស្លាប់ដែលវិលដូចកង់ ហើយពុំចេះចប់។ វដ្តសង្សារទាក់ទងនឹងជីវិតមនុស្ស ដែលមានដំណើរជាប់គ្នាតាំងតែពីកើតដល់ស្លាប់ទៅវិញ។ តាមរយៈបាឋកថានេះនឹងបង្ហាញដំណើរវិលវង់តាមដំណាក់កាលនីមួយៗនៃជីវិតមនុស្សខ្មែរ ដោយមើលតាមសិល្បៈនិងកិច្ចពិធីនានា ដែលជាទំនៀមទម្លាប់ប្រពៃណីខ្មែរតមកតាំងពីបុរាណ។
ប្រាសាទតានៃ បានកសាងឡើងនាចុងស.វ.ទី១២ ក្នុងរជ្ជកាលព្រះបាទជ័យវរ្ម័នទី៧ ឧទ្ទិសដល់ព្រះពុទ្ធសាសនា។ ឆ្លងកាត់អាយុកាលនិងឥទ្ធិពលនៃអាកាសធាតុរាប់រយឆ្នាំ បានធ្វើឱ្យសំណង់ខ្លះនៃប្រាសាទរងនូវការខូចខាត និងដួលរលំជាច្រើនកន្លែង។
អាជ្ញាធរជាតិព្រះវិហារនិងវិទ្យាស្ថានស្រាវជ្រាវអាស៊ីអាគ្នេយ៍នៃប្រទេសហុងគ្រី នឹងធ្វើកិច្ចសហប្រតិបត្តិការសិក្សាស្រាវជ្រាវរួមគ្នានៅប្រាសាទមួយចំនួនក្នុងរមណីយដ្ឋានកោះកេរ ដែលមានរយៈពេល៣ឆ្នាំ ចាប់ផ្តើមពីឆ្នាំ២០២០។
គណៈកម្មការសម្របសម្រួល អន្តរជាតិដើម្បីអភិរក្ស និងលើកតម្លៃរមណីយដ្ឋានប្រាសាទព្រះវិហារ (អាយសីុសីុ-ព្រះវិហារ) បានបើកកិច្ចប្រជុំបច្ចេកទេសលើកទី៥ នៅព្រឹកថ្ងៃទី១៩ ខែកញ្ញា ឆ្នាំ២០១៩ នៅសាលសន្និសីទអង្គរ ក្រោមអធិបតីភាពដ៏ខ្ពង់ខ្ពស់ពីលោកជំទាវបណ្ឌិត ភឿង សកុណា រដ្ឋមន្រ្តីក្រសួងវប្បធ៌មនិងវិចិត្រសិល្បៈ តំណាងរាជរដ្ឋាភិបាលកម្ពុជា និងសហប្រធានអាយសីុសីុ-ព្រះវិហារ ឯកឧត្តម ZHOU Jiagui តំណាងរដ្ឋាភិបាលចិននិងលោកជំទាវ Manika JAIN តំណាងរដ្ឋាភិបាលឥណ្ឌា ព្រមទាំងមានការចូលរួមពីតំណាងប្រទេសជាសមាជិកស្ថាបនិករួមមាន បារាំង ប៊ែលហ្សិច ជប៉ុន ថៃឡង់ដ៏ សហរដ្ឋអាមេរិច និងអ្នកជំនាញការជាតិ អន្តរជាតិលើផ្នែកអភិវឌ្ឍន៍ អភិរក្ស ភ្ញៀវកិត្តិយសជាតិ និងអន្តរជាតិ សរុបប្រមាណ ២៥០នាក់។
ស្រះស្រង់ជាផ្នែកមួយដ៏សំខាន់នៃរមណីយដ្ឋានអង្គរ និងមានសំណង់ប្រាសាទនៅកណ្ដាលជាតំណាងឱ្យភ្នំព្រះសុមេរុ។ បច្ចុប្បន្នប្រាសាទនេះបានរងការបាក់បែកដោយសារកត្តាធម្មជាតិ។ ដើម្បីលើកតម្លៃប្រវត្តិសាស្រនិងទេសភាពវប្បធ៌មនៃស្រះស្រង់ឡើងវិញ អាជ្ញាធរជាតិអប្សរាគ្រោងនឹងជួសជុលប្រាសាទកណ្ដាលស្រះស្រង់នាពេលឆាប់ៗខាងមុខនេះ។
ដើមដំបូងមុន12345...248249បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
0958
ម្សិលមិញ
:
16977
សប្តាហ៍នេះ
:
17935
ខែនេះ
:
0206066
សរុប
:
009165637