NEWS

The English version of this website is still under construction. This section is only available in Khmer language at this stage. We apologise for any inconvenience

Published on 27 June 2016 12:45 PM Post By ៖ Apsara National Authority

បន្ទាប់ពីកិច្ចប្រជុំបច្ចេកទេស ICC-Angkor លើកទី២៦បានបញ្ចប់ទៅ នៅព្រឹកថ្ងៃទី២៤ ខែមិថុនា ឆ្នាំ២០១៦នេះ អ្នកជំនាញជាតិនិងអន្តរជាតិមកពីស្ថាប័នផ្សេងៗ បានបន្តកិច្ចពិភាក្សាចែករំលែកបទពិសោធន៍ជាបន្តទៀតនៅមជ្ឈមណ្ឌលអាជ្ញាធរជាតិអប្សរា តាមរយ:សិក្ខាសាលាស្តីពី «កិច្ចការអភិរក្សនិងបញ្ហាប្រឈមនៅភ្នំគូលែន» ដើម្បីរៀបចំផែនការមេគ្រប់គ្រងរមណីយដ្ឋាននេះ មុននឹងដាក់បញ្ចូលទៅជាបេតិកភណ្ឌពិភពលោក ។ 

កិច្ចពិភាក្សានេះចូលរួមជាអធិបតីភាពដោយឯកឧត្តម រស់ បូរ៉ាត អគ្គនាយករង តំណាងដ៏ខ្ពង់ខ្ពស់ឯកឧត្តម បណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា រួមនឹងវាគ្មិន សំខាន់ៗដូចជា ឯកឧត្តម Takahisa Tsugawa សហប្រធាន ICC-Angkor ភាគីជប៉ុន លោកសាស្ត្រាចារ្យ Azedine Beshaouch លេខាធិការវិទ្យាសាស្ត្រនៃគណៈកម្មាធិការ ICC-Angkor តំណាងក្រសួងបរិស្ថាន ក្រសួងវប្បធម៌និងវិចិត្រសិល្ប: អាជ្ញាធរជាតិអប្សរា និងស្ថាប័នស្រាវជ្រាវជាច្រើនទៀត។ បទបង្ហាញនេះធ្វើឡើងដើម្បីផ្លាស់ប្តូរបទពិសោធន៍ ក៏ដូចជាការបង្ហាញនូវទិន្នន័យថ្មីៗរបស់អ្នកស្រាវជ្រាវសម្រាប់ជាចំណេះដឹង និងការរៀបចំផែនការគ្រប់គ្រងតំបន់ប្រវត្តិសាស្រ្តមួយនេះឲ្យបានល្អទៅថ្ងៃអនាគត រួមទាំងការរៀបចំឯកសារពេញលេញមួយស្នើសុំទៅអង្គការយូណេស្កូ ដើម្បីចុះក្នុងបញ្ជីបេតិកភណ្ឌពិភពលោកផងដែរ។

ដោយចង់រំលេចឲ្យឃើញពីការរួមចំណែកដ៏សំខាន់ក្នុងកិច្ចការនេះ លោក សេង សោត អគ្គនាយករង នៃអគ្គនាយកដ្ឋានរដ្ឋបាលគាំពារ និងអភិរក្សធម្មជាតិនៃក្រសួងបរិស្ថានបានលើកឡើងថា ទាក់ទងនឹងឧទ្យានជាតិព្រះជ័យវរ្ម័ននរោត្តមភ្នំគូលែន ក្រសួងបរិស្ថានមានតួនាទីសំខាន់ក្នុងការការពារធនធានធម្មជាតិ។ ការងារថ្មីមួយទៀត គឺការពារបេតិកភ ណ្ឌវប្បធម៌នៅលើឧទ្យានជាតិ ព្រោះក្នុងឧទ្យានជាតិនីមួយៗតែងមានធនធានវប្បធម៌នៅទីនោះ ដូចជាប្រាសាទបុរាណ រមណីយដ្ឋានបុរាណ ទីតាំងសក្ការៈ រួមទាំងសហគមន៍ផង។

ចំពោះបញ្ហានេះ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ក៏បានស្នើសុំទៅកិច្ចប្រជុំ ICC-Angkor បង្កើតក្រុមការងារមួយដើម្បីជជែកគ្នារៀបចំផែនការគ្រប់គ្រងឧទ្យានជាតិភ្នំគូលែន។ សំណើនេះក៏ទទួលបានការគាំទ្រនិងឱ្យយោបល់ពីឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីនិងជាប្រធានអាជ្ញាធរជាតិអប្សរា ឱ្យក្រសួងបរិស្ថានសហការជាមួយ ស្ថាប័នពាក់ព័ន្ធផ្សេងៗ ពិសេសអាជ្ញាធរជាតិអប្សរា ដើម្បីឲ្យបង្កើតក្រុមការងារនោះឱ្យបានឆាប់ ដើម្បីធ្វើការងារនេះជាមួយគ្នា ព្រោះអាជ្ញាធរជាតិអប្សរាបានចូលទៅគ្រប់គ្រងការងារនៅភ្នំគូលែនតាំងពីឆ្នាំ២០០៥ មានជំនាញ បទពិសោធន៍ច្រើនឆ្នាំទាំងផ្នែកការពារនិងអភិរក្សប្រាសាទ។

បន្ថែមពីនោះ លោកសាស្ត្រាចារ្យ Azedine Beshaouch ក៏បានលើកឡើងផងដែរអំពីសារៈសំខាន់នៃការបង្កើតផែនការមេគ្រប់គ្រងតំបន់ភ្នំគូលែន ហើយលោកនឹងចាំចូលរួម ផ្តល់យោបល់និងកែលម្អនូវផែនការគ្រប់គ្រងនេះឱ្យបានល្អជាមួយអ្នកជំនាញ ដើម្បីធានាបាននូវការការពារធនធានធម្មជាតិ បេតិកភណ្ឌវប្បធម៌ ពិសេសសហគមន៍ឱ្យមាននិរន្តរភាពនៅលើភ្នំគូលែន៕








អាជ្ញាធរជាតិអប្សរា មានកិត្តិយស សូមជូនដំណឹងដល់ក្រសួង ស្ថាប័នជាតិ-អន្តរជាតិ អាជ្ញាធរដែនដី មន្ទីរ-អង្គភាព សមាគមទីភ្នាក់ងារទេសចរណ៍ សមាគមមគ្គុទេសទេសចរណ៍ សមាគមដឹកជញ្ជូនភ្ញៀវទេសចរណ៍ ក្រុមហ៊ុនទេសចរណ៍ភ្ញៀវទេសចរជាតិ-អន្តរជាតិ សាធារណជន ព្រមទាំងបងប្អូនប្រជាពលរដ្ឋទាំងអស់មេត្តាជ្រាបថា អាជ្ញាធរជាតិអប្សរា នឹងបើកឲ្យដំណើរការឡើងវិញ ជូនភ្ញៀវជាតិ-អន្តរជាតិ និងសារធារណជនទាំងអស់ បានចូលទស្សនា ដោយមិនគិតថ្លៃ ចាប់ពីថ្ងៃទី ០១ ខែមិថុនា ឆ្នាំ២០២០ នេះតទៅ នៅសារមន្ទីទាំងបីរបស់អាជ្ញាធរជាតិអប្សរា។
អាជ្ញាធរជាតិអប្សរាបានលើកទឹកចិត្តប្រជាពលរដ្ឋដែលរស់នៅក្នុងតំបន់ឧទ្យានអង្គរ ឱ្យចាប់អារម្មណ៍និងការសាងសង់លំនៅដ្ឋានតាមគំរូផ្ទះខ្មែរបុរាណ។ ទាំងនេះគឺ ដើម្បីរួមចំណែកថែរក្សាទំនៀមទម្លាប់ ប្រពៃណីពីបុរាណ ការពារទេសភាពវប្បធម៌ ព្រមទាំងជួយលើកគុណតម្លៃរមណីយដ្ឋានប្រវត្តិសាស្រ្តអង្គរ ដែលជាសម្បត្តិបេតិកភណ្ឌពិភពលោកផង។
អាជ្ញាធរជាតិអប្សរាអនុញ្ញាតឱ្យព្រះចៅអធិការវត្តកេតកន្យារាម ដែលស្ថិតនៅខាងក្រោយប្រាសាទបន្ទាយក្តីសាងសង់សំណង់ព្រះវិហារព្រះពុទ្ធសាសនាថ្មី ធ្វើអំពីឈើបែបបុរាណ នៅលើខឿនបេតុងមួយជាន់ ហើយគូសប្លង់ប្រគេនដោយឥតគិតថ្លៃ តាមការស្នើសុំ ក្រោយពិនិត្យឃើញថា ព្រះវិហារចាស់មានសភាពទ្រុឌទ្រោមខ្លាំង។
អាជ្ញាធរជាតិអប្សរាកំពុងរៀបចំកែលម្អផ្លូវថ្នល់ ផ្លូវដេីរ សួនច្បារ កន្លែងបដិសណ្ឋារកិច្ច និងផ្តល់សេវាកម្មកម្រិតអន្តរជាតិនៅបរិវេណមុខប្រាសាទអង្គរវត្តជាបណ្តេីរៗ។ នាព្រឹកថ្ងៃពុធ ទី២០ ខែឧសភា ឆ្នាំ២០២០ នេះ អាជ្ញាធរជាតិអប្សរាបានសម្រេចរុះរេីរោងឈេីប្រក់ក្បឿងមួយខ្នងនៅក្បែរត្រពាំងសេះ ដែលរងការខូចខាត ដេីម្បីប្រែក្លាយទីតាំងធ្វើជាវាលស្មៅនិងសួនឈេីប្រណីត សម្រាប់ជាប្រយោជន៏សាធារណជន និងភ្ញៀវទេសចរជាតិ និងអន្តរជាតិក្នុងការដេីរកម្សាន្ត ព្រមទាំងលេីកគុណតម្លៃរណីយដ្ឋានអង្គរ។
ពិធីយោងបំណែកព្រះពុទ្ធបដិមាក្នុងរណ្តៅកំណាយមុខថែវព្រះរយព្រះពាន់នៅប្រាសាទអង្គរវត្ត ត្រូវបានរៀបចំឡើងក្រោមអធិបតីភាពឯកឧត្តម ហង់ ពៅ អគ្គនាយកអាជ្ញាធរជាតិអប្សរា និងក្រុមការងារកំណាយ នាព្រឹកថ្ងៃទី១៩ ខែឧសភា ឆ្នាំ២០២០។
FirstPrev12345...316317NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
4
Today
:
7824
Yesterday
:
3125
This Week
:
07824
This Month
:
0155932
Total
:
010836585