NEWS

The English version of this website is still under construction. This section is only available in Khmer language at this stage. We apologise for any inconvenience

Published on 25 June 2016 08:13 PM Post By ៖ Apsara National Authority

“ទោះបីជាកន្លងមក មានអ្នកស្រាវជ្រាវជាតិ និងអន្តរជាតិជាច្រើនបានធ្វើកំណាយសា្រវជ្រាវនៅតាមតំបន់បុរាណស្ថាននានាក្នុងតំបន់អង្គរ និងប្រាសាទជាច្រើនទៀតក្តី តែលទ្ធផលនៃការស្រាវជ្រាវទាំងនោះ មិនសូវទទួលបានបំណែកកុលាលភាជន៍ច្រើនដូចជាការធ្វើកំណាយស្រាវជ្រាវនៅតំបន់កោះកែរនាពេលនេះទេ”។ នេះជាការលើកឡើងរបស់លោកបណ្ឌិត Kyle Latinis ក្នុងបទបង្ហាញកាលពីរសៀលថ្ងៃអង្គារទី២១ ខែមិថុនា ឆ្នាំ២០១៦ នៅសាលសិក្សាលលៃនៃមជ្ឈមណ្ឌលបណ្តុះបណ្តាលអង្គរ នៃអាជ្ញាធរជាតិអប្សរា។

បទបង្ហាញដែលបានទាញចំណាប់អារម្មណ៍អ្នកចូលរួមយ៉ាងច្រើនកុះករ ពីសំណាក់អ្នកស្រាវជ្រាវ មគ្គុទ្ទេសក៍ទេសចរណ៍ និងក្រុមអ្នកសារព័ត៌មាន បានធ្វើឡើងប្រកបដោយភាពជោគជ័យ និងទទួលបានការអបអរសាទរយ៉ាងខ្លាំងពីសំណាក់អ្នកចូលរួមស្តាប់។ ក្នុងបទបង្ហាញដែលស្តីពីលទ្ធផលបឋមថ្មីៗ ពីការស្រាវជ្រាវបុរាណវិទ្យានៅកោះកែរនេះ លោកបណ្ឌិត Kyle Latinis និងតាមរយៈការសម្របសម្រួលរបស់លោកបណ្ឌិត អ៊ា ដារិទ្ធ បញ្ជាក់ថា លទ្ធផលដែលទទួលបានពីការស្រាវជ្រាវនេះ បានវត្ថុតាងច្រើនហួសពីការរំពឹងទុក ជាពិសេស គឺបំណែកនៃបុរាណវត្ថុ។

លោកបណ្ឌិត Kyle Latinis បានលើកឡើងថា ក្រុមការងារបានរកឃើញជាង២៤២០០បំណែក ដូចជា បំណែកចាន ថូ ក្បាច់ចម្លាក់ ខួចដី កុលាលភាជន៍ ក្បាលមនុស្ស ស្នែងសត្វ ដែលបំណែកវត្ថុខ្លះធ្វើពីមាស សំរឹទ្ធ ដែក ឆ្អឹងសត្វ ស្នែងសត្វ និងដីដុត និងហេដ្ឋារចនាសម្ព័ន្ធបុរាណមួនចំនួនទៀត។ ចំនួននៃបំណែកទាំងនោះ បានមកពីការធ្វើកំណាយ ៣ កន្លែងនៅក្នុងតំបន់កោះកែរ ដែលតំបន់ទី១ ឈ្មោះ កោះកែររណ្តៅទី១ (KK1)មានទំហំ ៨ ម៉ែត្រការ៉េជីកលើទួល រកឃើញបំណែក១១០០០បំណែក តំបន់ទី២ ឈ្មោះថា កោះកែររណ្តៅទី២ (KK2) មានទំហំ ១២ ម៉ែត្រការ៉េជីកលើទួល រកឃើញបំណែក ១២០០០បំណែក និងតំបន់ទី៣ ឈ្មោះ កោះកែររណ្តៅទី៣ (KK3) មានទំហំ ៣៤.៧៥ ម៉ែត្រការ៉េដែលនៅលើប្រឡាយបង្ហូរទឹកបុរាណពីរានហាលចូលទៅគូទឹកប្រាសាទកោះកែររកឃើញបំណែក១២០០បំណែកផងដែរ។

លោកបណ្ឌិត បានបញ្ជាក់ថា នៅមានវត្ថុតាងមួយចំនួនទៀត ដូចជា សម្បកខ្យង និងធ្យូងដែលនៅលើស្រទាប់ដីធម្មជាតិដែលមានជម្រៅមួយម៉ែត្រ ដែលបង្ហាញឱ្យយើងដឹងអំពីអាយុកាលនៃការតាំងទីលំនៅរបស់មនុស្សក្នុងតំបន់កោះកែរ តាំងពីសតវត្សទី៧មកម្ល៉េះ។ លទ្ធផលទាំងនេះ បើធៀបនឹងផ្ទៃដីតំបន់ប្រាសាទកោះកែរទាំងមូល គឺមានចំនួនតិចតួចប៉ុណ្ណោះ។ ទោះជាយ៉ាងណា ក្រុមការងាររបស់លោកនឹងបន្តធ្វើកំណាយស្រាវជ្រាវនៅតំបន់នេះ ដើម្បីបានលទ្ធផលបន្ថែមមកបង្ហាញជូនពិភពលោកឱ្យបានដឹងអំពីភាពអស្ចារ្យនៅតំបន់កោះកែរ។

គួរបញ្ជាក់ថា នេះជាកិច្ចការស្រាវជ្រាវមួយដែលធ្វើឡើងដោយកិច្ចសហការរវាងអាជ្ញាធរជាតិអប្សរា និងវិទ្យាស្ថានសិក្សាអាស៊ីអាគ្នេយ៍នៃប្រទេសសិង្ហបុរី ដែលបានចាប់ផ្តើមធ្វើកាលពីថ្ងៃទី០១ ដល់ថ្ងៃទី២២ ខែធ្នូ ឆ្នាំ២០១៥ មានរយៈពេល២២ថ្ងៃ មានសមាជិកចំនួន ១២នាក់ មកពីប្រទេសចំនួន៩ ក្នុងនោះ មានប្រទេសកម្ពុជា ហ្វីលីពីន ឥណ្ឌូនេស៊ី ឡាវ វៀតណាម ហុងកុង ញ៉ូវហ្សេឡែន ភូមា និងសិង្ហបូរី ដោយផ្តោតលើតំបន់កោះកែរជាចម្បងក្នុងការធ្វើកំណាយស្រាវជ្រាវ៕

















រយៈពេលពីរសប្តាហ៍នៃខែកុម្ភៈ ឆ្នាំ២០២១នេះ ក្រុមការងារជំនាញនៃនាយកដ្ឋានរៀបចំដែន ដីនិងគ្រប់គ្រងលំនៅដ្ឋានក្នុងឧទ្យានអង្គរ បានចុះពិនិត្យលក្ខខណ្ឌនៃការរស់នៅ និងប្រើប្រាស់ទីតាំងស្នើសុំរបស់ប្រជាពលរដ្ឋចំនួន ៦១គ្រួសារ រួមមាន៖ ក្រុងសៀមរាប ២០គ្រួសារ ស្រុកបន្ទាយស្រី ១៣គ្រួសារ ស្រុកអង្គរធំ ១១គ្រួសារ ស្រុកប្រាសាទបាគង ០៨គ្រួសារ ស្រុកពួក ០៧គ្រួសារ និងស្រុកសូទ្រនិគម ០២គ្រួសារ។
ក្រុមការងារជួសជុល និងថែទាំផ្លូវ នាយកដ្ឋានទ្រទ្រង់បច្ចេកទេស និងគម្រោងអន្តរវិស័យ នៃអាជ្ញាធរជាតិអប្សរា តែងតែចុះអនុវត្តការងារថែទាំ និងជួសជុលបង្គោលស្លាកសញ្ញាតាមដងផ្លូវនានាក្នុងតំបន់រមណីយដ្ឋានអង្គរ ជាប្រចាំ ដើម្បីពង្រឹងគុណភាព និងលើកសោភ័ណភាពនៃហេដ្ឋារចនាសម្ពន្ធផ្លូវថ្នល់ សម្រួលដល់ការធ្វើចរាចរណ៍ និងសុវត្ថិភាពដល់ប្រជាជន ភ្ញៀវទេសចរណ៍ជាតិ -អន្តរជាតិ។
ប្រាង្គប្រាសាទនៅក្នុងរមណីយដ្ឋានអង្គរ គ្រប់គោលដៅទាំងអស់សុទ្ធតែមានភ្នាក់ទេសចរណ៍ប្រចាំការ ដើម្បីចាំសម្រួលហេតុការណ៍ផ្សេងៗរបស់ភ្ញៀវទេសចរដែលមានបញ្ហាពេលមកទស្សនានៅអង្គរ។
១រដ្ឋមន្ត្រីក្រសួងវប្បធម៌និងវិចិត្រសិល្បៈ និងភាគីឥណ្ឌា ជួបពិភាក្សាអំពីកិច្ចសហប្រតិបត្តិការវប្បធម៌
កាលពីថ្ងៃទី១០ ខែកុម្ភៈ ឆ្នាំ២០២១ លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្បៈ និងប្រធានក្រុមប្រឹក្សាភិបាលអាជ្ញាធរជាតិអប្សរាបានទទួលជួបពិភាក្សាតាមរយៈប្រព័ន្ធអ៊ិនធើណិតជាមួយ ឯកឧត្តម Dinesh Patnait អគ្គលេខាធិការនៃក្រុមប្រឹក្សាទំនាក់ទំនងវប្បធម៌ឥណ្ឌា។ កិច្ចប្រជុំនេះធ្វើឡើងដើម្បីពិភាក្សាអំពីកិច្ចសហប្រតិបត្តិការវប្បធម៌រវាងកម្ពុជានិងឥណ្ឌា ដែលក្នុងនោះក៏មានរួមបញ្ចូលពីការធ្វើឱ្យកាន់តែប្រសើរឡើងនូវសាមន្ទីរវាយនភណ្ឌប្រពៃណីអាស៊ីមេគង្គ-គង្គា (កម្ពុជា ឥណ្ឌា ភូមា ថៃ ឡាវ វៀតណាម) ជាពិសេសពិនិត្យលទ្ធភាពបន្ថែមសមុច័្ចយថ្មីៗដើម្បីតាំងបង្ហាញ។

២ក្រុមការងារសហគមន៍នៃអាជ្ញាធរជាតិអប្សរាចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ
ថ្ងៃពុធ ទី១០ ខែកុម្ភៈ ឆ្នាំ២០២១ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅ ដែលមានការសហការជាមួយអាជ្ញាធរមូលដ្ឋានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ បានចំនួន១៤សំណើ។ ជាក់ស្តែង គោលដៅទី១ ក្រុមការងារប្រចាំស្រុកពួក បានពិនិត្យនិងដោះស្រាយស្ថិតក្នុងភូមិគោកស្នូល ភូមិត្រមេង ភូមិស្វាយ ឃុំខ្នាត។ ក្រោយពីពិនិត្យទីតាំង និងឯកសារជាក់ស្តែងក្រុមការងារបានអនុញ្ញាតចំនួន៩សំណើ។ គោលដៅទី២ ក្រុមការងារប្រចាំក្រុងសៀមរាប ដឹកនាំដោយ លោក ឡុង កុសល បានពិនិត្យ និងដោះស្រាយចំនួន ១០សំណើ ស្ថិតក្នុងភូមិទក្សិណត្បូង ភូមិនគរក្រៅ សង្កាត់គោកចក។ ក្រោយពីពិនិត្យទីតាំង និងឯកសារជាក់ស្តែងក្រុមការងារបានអនុញ្ញាតចំនួន៥សំណើ។

៣អាជ្ញាធរជាតិអប្សរាបញ្ចប់គម្រោងជួសជុលអភិរក្សលើតួប៉មទាំងពីរនៅប្រាសាទគោកចកដែលរងនូវការខូចខាត
តួប៉មចំនួន២នៃប្រាសាទគោកចក បែរមុខទៅទិសខាងកើតដែលប្រឈមនឹងការខូចខាតកម្រិតខ្ពស់ ដោយសារការបំផ្លាញពីរុក្ខជាតិតូចធំជាច្រើនដុះលើប៉មប្រាសាទ ធ្វើឱ្យឫសឈើចាក់ចូលជ្រៅទៅក្នុងរចនាសម្ពន្ធឥដ្ឋបណ្តាលឱ្យជញ្ជាំងបែកជាពីរ ត្រូវបានអ្នកជំនាញអាជ្ញាធរជាតិអប្សរាជួសជុលពង្រឹងឱ្យផុតពីការបាក់រលំជាបន្តបន្ទាប់។
លោកស្រី ឈុន រតនា បុរាណវិទូនិងជាប្រធានគម្រោងអភិរក្សប្រាសាទគោកចកនៃនាយកដ្ឋានអភិរក្សប្រាសាទ ក្នុងឧទ្យានអង្គរនិងបុរាណវិទ្យាបង្ការ បញ្ជាក់ឱ្យដឹងថា ការខូចខាតសំណង់តួប៉មទាំងពីរនៃប្រាសាទគោកចក បណ្តាល មកពីកត្តារុក្ខជាតិ អាយុកាលសំណង់ មនុស្ស និងអាកាសធាតុ។ កាលពីឆ្នាំ២០១៥ ក្រុមការងារបានជួសជុលតួប៉មខាងត្បូង ដែលរលុះឱ្យល្អប្រសើរឡើងវិញនៅផ្នែកខាងមុខនិងជញ្ជាំងខាងត្បូង។ ចំណែកនៅឆ្នាំ២០២០ ក្រុមការងារក៏បានបញ្ចប់ការជួសជុលតួប៉មខាងជើងដែលរលុះនៅជ្រុងនិរតី។ ចំពោះការជួសជុលប្រាសាទគោកចក គឺមានជាប្រចាំ ដោយយើងនឹងជួសជុលបន្ថែមទៀតនៅជញ្ជាំងខាងជើងនិងជញ្ជាំងទិសពាយ័ព្យនៃតួប៉មខាងជើងផងដែរ។
បើគិតមកដល់ឆ្នាំ២០២១នេះ ប្រាសាទគោកចក មានអាយុកាលជាងមួយពាន់ឆ្នាំហើយ យោងតាមសិលាចារឹកប្រាសាទគោកចក (K.521) ផ្ទាល់បង្ហាញថា សំណង់ប្រាសាទនេះ សង់ឡើងនាឆ្នាំ៨៥០នៃគ.ស. ក្នុងរាជ្យព្រះបាទជ័យវរ្ម័នទី៣ សម្រាប់ឧទ្ទិសដល់ព្រះនរាយណ៍។

៤វត្ថុបុរាណចំនួន៤ត្រូវបានប្រគល់ជូនអាជ្ញាធរជាតិអប្សរាដើម្បីរក្សាទុក
វត្ថុបុរាណធ្វើពីថ្មភក់ចំនួន៤ប្រភេទ ដែលប្រជាពលរដ្ឋរក្សាទុកបណ្តោះអាសន្ននៅភូមិល្វា ឃុំស្រែណូយ ស្រុកវ៉ារិន ខេត្តសៀមរាប រួមមាន ថ្មគោលធ្វើពីថ្មភក់ចំនួន១ ព្រះហស្តឆ្វេងទេពស្រីធ្វើពីថ្មភក់ចំនួន១ និងជើងទម្រចំនួន២ ដែលជើងទម្រមួយមានចារជាអក្សរខ្មែរបុរាណចំនួន៤ជួរនៅផ្ទៃចំហៀង ត្រូវបានក្រុមការងារកំណត់បុរាណដ្ឋាននៃអាជ្ញាធរជាតិអប្សរាក្នុងគោលដៅស្រុកវ៉ារិន ស្នើសុំឱ្យយកមករក្សាទុកនៅមជ្ឈមណ្ឌលអាជ្ញាធរជាតិអប្សរា ដើម្បីសុវត្ថិភាព ដើម្បីទុកសិក្សាស្រាវជ្រាវ និងចុះបញ្ជីកំណត់អត្តសញ្ញាណវត្ថុទាំងអស់នោះផង។
លោក ឈូក សុម៉ាឡា មន្ត្រីទទួលបន្ទុកការងារចុះបញ្ជីវត្ថុសិល្បៈ នៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ បានឱ្យដឹងថា ចម្លាក់ព្រះហស្តឆ្វេងប្រាជ្ញាបារមិតា គឺត្រូវបានយកមកពីប្រាសាទទាវប៉ាត់ ភូមិរលំរុនថ្មី ឃុំស្រែណូយ រីឯជើងទម្រចំនួន២ដែលមួយមានសិលាចារិក ត្រូវបានគេយកចេញពីប្រាសាទត្រពាំងឈូក ភូមិល្វា ឃុំស្រែណូយ ស្រុកវ៉ារិន ខេត្តសៀមរាប។ លោក បានបន្តថា ការដឹកយកវវត្ថុបុរាណដ៏មានតម្លៃទាំងនេះទៅរក្សាទុកឱ្យទាន់ពេលវេលា គឺជាការប្រសើរខ្លាំងណាស់ ដ្បិតវត្ថុមួយចំនួនអាចនឹងត្រូវបែកបាក់ខូចខាតដោយប្រការណាមួយជាយថាហេតុ។
តាំងនាមឱ្យអាជ្ញាធរជាតិអប្សរា លោក សុម៉ាឡា ក៏សូមថ្លែងអំណរគុណយ៉ាងជ្រាលជ្រៅ ចំពោះបងប្អូនប្រជាពលរដ្ឋ ដែលបានជួយចូលរួមថែរក្សាប្រាសាទបុរាណ និងវត្ថុបុរាណទាំងឡាយនេះ ជាពិសេសអាជ្ញាធរមូលដ្ឋាន ភូមិឃុំ និងស្រុក ដែលបានសហការណ៍យ៉ាងកក់ក្តៅដើម្បីដឹករតនវត្ថុទាំងនេះ យកមករក្សាទុកឱ្យមានសុវត្ថិភាពសម្រាប់ជាកេរមរតកដូនតាយើងទាំងអស់គ្នា។

៥សារមន្ទីរវាយនភណ្ឌប្រពៃណីអាស៊ី បង្ហាញពីការអភិរក្សវាយនភណ្ឌ វប្បធម៌ និងពាណិជ្ជកម្មរបស់ប្រទេសជុំវិញដងទន្លេមេគង្គនិងទន្លេគង្គា
កាលពីថ្ងៃទី១០ ខែកុម្ភៈ ឆ្នាំ២០២១ លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌និងវិចិត្រសិល្បៈ និងប្រធានក្រុមប្រឹក្សាភិបាលអាជ្ញាធរជាតិអប្សរា បានទទួលជួបពិភាក្សាតាមរយៈប្រព័ន្ធអ៉ិនធើណិតជាមួយ ឯកឧត្តម Dinesh Patnait អគ្គលេខាធិការនៃក្រុមប្រឹក្សាទំនាក់ទំនងវប្បធម៌ឥណ្ឌា។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
14
Today
:
5712
Yesterday
:
20070
This Week
:
57034
This Month
:
0360542
Total
:
014803383