ព័ត៌មានថ្មីៗ

គណៈកម្មាធិការអាយស៊ីស៊ី-អង្គរ កំពុងដំណើរការកិច្ចប្រជុំបច្ចេកទេសលើកទី២៦នៅសន្និសីទអង្គរនៃអាជ្ញាធរជាតិអប្សរា

បានផ្សាយនៅ ថ្ងៃទី 22 ខែ មិថុនា ឆ្នាំ2016 03:54 PM ដោយ ៖ អាជ្ញាធរជាតិអប្សរា
គណៈកម្មាធិការអន្តរជាតិ ដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្ត្រអង្គរហៅកាត់ថា អាយស៊ីស៊ី-អង្គរ បានដំណើរការកិច្ចប្រជុំបច្ចេកទេសលើកទី២៦របស់ខ្លួនហើយ នៅព្រឹកថ្ងៃ ២២ ខែមិថុនា ឆ្នាំ២០១៦ នៅសាលសន្និសីទអង្គរនៃអាជ្ញាធរជាតិអប្សរា។ កិច្ចប្រជុំនេះគ្រោងនឹងដំណើរការរយៈពេល២ថ្ងៃគឺពីថ្ងៃទី២២ដល់២៣ ខែមិថុនា ឆ្នាំ២០១៦។

កិច្ចប្រជុំអាយស៊ីស៊ី-អង្គរ បានប្រារព្ធឡើងក្រោមអធិបតីភាព ឯកឧត្តម បណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងជាប្រធានអាជ្ញាធរជាតិអប្សរា រួមនឹងសហប្រធានគណៈកម្មាធិការអន្តរជាតិអាយស៊ីស៊ី-អង្គរ លោក តាកាហ៊ីសា ស្សូហ្គាវា (Takahisa TSUGAWA) អនុប្រធានបេសកកម្មនៃស្ថានទូតជប៉ុន និង លោកជំទាវ ប៉ាស្កាល់ តួកេ (Pascale TURQUET) ទីប្រឹក្សាផ្នែកសហប្រតិបត្តិការវប្បធម៌នៃស្ថានទូតបារាំង។ មានប្រសាសន៍បើកកិច្ចប្រជុំព្រឹកមិញនេះ ឯកកឧត្តមបណ្ឌិតសភាចារ្យបានលើកឡើងថា បច្ចុប្បន្ននេះយន្តការអាយស៊ីស៊ី-អង្គរកំពុងតែទទួលបានការចាប់អារម្មណ៍យ៉ាងខ្លាំងពីសាកលលោក។ ថ្មីៗនេះនៅក្នុងកិច្ចប្រជុំកំពូលប្រទេសអភិវឌ្ឍន៍ទាំង៧ (G7 Summit) នៅប្រទេសជប៉ុន ប្រធានាធិបតីបារាំងវលោក ហ្រ្វង់ស័រ ហូឡង់ បានលើកយកយន្តការអាយស៊ីស៊ី-អង្គរ មកបង្ហាញដើម្បីជាបទដ្ឋានដ៏ល្អក្នុងការគ្រប់គ្រងសម្បត្តិបេតិកភណ្ឌពិភពលោកនៃបណ្តាផ្សេងៗទៀត។ ឯកឧត្តមបណ្ឌិតសភាចារ្យបានបញ្ជាក់ថា សព្វថ្ងៃនេះប្រទេសអាហ្វហ្កានីស្ថាន ក៏នឹងរំពឹងយកគំរូពីអាយស៊ីស៊ី-អង្គរទៅអនុវត្តក្នុងកិច្ចការអភិរក្សបេតិកភណ្ឌរបស់ខ្លួនដែរ។ មិនយូរទេ យន្តការអាយស៊ីស៊ីអង្គរនឹងកាន់តែមានភាពល្បីល្បាញទៅកាន់ពិភពលោកទាំងមូល។ នេះជាមោទនភាពដ៏ក្រៃលែងសម្រាប់ក្រុមការងារអាយស៊ីស៊ីអង្គររបស់យើង។

ជាមួយគ្នានេះឯកឧត្តមបណ្ឌិតសភាចារ្យក៏បានរំឭកដល់ដឹកនាំ និងមន្ត្រីអាជ្ញាធរជាតិអប្សរាទាំងអស់ត្រូវយកចិត្តទុកដាក់ដោយផ្តល់អាទិភាពទៅលើប្រាសាទអង្គរវត្ត។ ក្នុងន័យនេះ ប្រាសាទអង្គរវត្តគឺជាប្រាសាទល្អឯក និងត្រូវរៀបចំផែនទីហានិភ័យដែលអាចឲ្យយើងដឹងអំពីទីតាំងហានិភ័យផ្សេងៗដែលមាននៅទីនោះ។ ត្រូវដាំដើមឈើបន្ថែមដើម្បីឲ្យអង្គរវត្តក្លាយជាតំបន់បៃតងស្រស់បំព្រង និងត្រូវគិតគូរឲ្យបានហ្មត់ចត់លើការងារសាងសង់ទីលានបដិសណ្ឋារកិច្ច (Parvis)។ ជាមួយគ្នានេះ ឯកឧត្តមបណ្ឌិតសភាចារ្យ ក៏បានជំរុញឪ្យយកចិត្តទុកដាក់បន្ថែមលើការងារបណ្តុះបណ្តាលធនធានមនុស្ស ដោយផ្តោតទៅលើអ្នកជំនាញវ័យក្មេងទាំងនៅក្នុងអាជ្ញាធរជាតិអប្សរា និងអាជ្ញាធរជាតិព្រះវិហារផង ហើយបន្តទៅមនុស្សដែលមានការងារពាក់ព័ន្ធនឹងអង្គរដូចជាមគ្គុទ្ទេសក៍ទេសចរណ៍ជាដើមឲ្យពួកគាត់យល់កាន់តែច្បាស់អំពីអង្គរផង និងអំពីដំណើរការនៃការងារអភិរក្សអង្គរផង។

សូមបញ្ជាក់ថា គណៈកម្មាធិការអាយស៊ីស៊ី-អង្គរ ICC-Angkor បានបង្កើតឡើងនៅឆ្នាំ១៩៩៣ក្រោយសនិ្នសីទអន្តរជាតិលើកទី១ស្តីពីអង្គរនៅទីក្រុងតូក្យូ ប្រទេសជប៉ុន តាមសំណូមពររបស់គណៈកម្មាធិការបេតិកភណ្ឌពិភពលោកពេលទទួលចុះអង្គរទៅក្នុងបញ្ជីបេតិកភណ្ឌពិភពលោក។ ការបង្កើតគណៈកម្មការអាយស៊ីស៊ី-អង្គរ ICC-Angkor សម្រាប់អង្គរ ក៏ជាលក្ខខណ្ឌមួយក្នុងចំណោមលក្ខខណ្ឌទាំង៥ ដែលតម្រូវឲ្យអាជ្ញាធរកម្ពុជាបំពេញក្នុងរយៈពេល៣ឆ្នាំ(១៩៩៣-១៩៩៦)៕














វត្តបូណ៌ ឬ វត្តរាជបូណ៌ ជាបូជនីយដ្ឋាននិងបុរាណដ្ឋានដ៏ល្បីមួយនៅក្នុងខេត្តសៀមរាប កសាងឡើងក្នុងរវាងឆ្នាំ១៦៥០។ បើរាប់ពីដំបូល តួព្រះវិហារ គ្រឹះ ហោជាង សន្លឹកទ្វារ សន្លឹកបង្អួច ព្រះពុទ្ធបដិមា បល្ល័ង្ក សសរ រូបគំនូរ ពណ៌ គឺសុទ្ធតែជាទីចាប់អារម្មណ៍បំផុតសម្រាប់អ្នកទេសចរ អ្នកស្រាវជ្រាវជាតិ-អន្តរជាតិ។
ជឿន គឹមហេង ប្រហែលជាស្ត្រីពិការទី១ ដែលបានឡើងទៅទស្សនានៅលើរួតបាកាណ ដែលជាជាន់ខ្ពស់ជាងគេបង្អស់នៃប្រាសាទអង្គរវត្តបានដោយជោគជ័យ កាលពីរសៀលថ្ងៃទី២០ ខែកក្កដា ឆ្នាំ២០១៦នេះ។ នេះក៏ដោយសារតែឆន្ទៈដ៏មុតមាំរបស់នាង ដែលបានទទូចស្នើសុំមកអាជ្ញាធរជាតិអប្សរាកន្លងមក។
ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា អមដំណើរដោយលោកសាស្ត្រាចារ្យ Azedine BESCHAOUCH លេខាធិការ វិទ្យាសាស្ត្រអចិន្ត្រៃយ៍នៃ ICC-Angkor ឯកឧត្តម ហង់ ពៅ អគ្គនាយករង និងថ្នាក់ដឹកនាំពាក់ព័ន្ធផ្សេងទៀតនៃអាជ្ញាធរជាតិអប្សរា បានចុះពិនិត្យការងារជួសជុលនិងអភិរក្សនៅវត្តរាជបូណ៌ និង ប្រគេនទៀនវស្សាព្រមទាំងទេយ្យទានផ្សេងៗដល់ព្រះសង្ឃគង់ចាំព្រះវស្សានៅវត្តរាជបូណ៌ នាព្រឹកថ្ងៃទី២០ ខែកក្កដា ឆ្នាំ២០១៦ ដើម្បីចាប់យកមគ្គផលនិងរួមចំណែកក្នុងការលើកតម្កើងព្រះពុទ្ធសាសនាផងដែរ។ ក្នុងឱកាសចុះទៅពិនិត្យការងារជួសជុលនិងអភិរក្សនៅព្រះវិហារវត្តរាជបូណ៌ ឯកឧត្តមអគ្គនាយក និងថ្នាក់ដឹកនាំបានពិនិត្យពីលទ្ធផលនៃការជួសជុលរូបគំនូរដែលមានក្នុងព្រះវិហារ និងលទ្ធភាពជួសជុលដំបូលព្រះវិហារ។
នៅថ្ងៃទី២០ ខែកក្កដា ឆ្នាំ២០១៦ ឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរានិងជាប្រធានក្រុមការងារអភិវឌ្ឍន៍ភូមិធម្មជាតិរុនតាឯក និងមន្ត្រី/បុគ្គលិកអាជ្ញាធរជាតិអប្សរាមួយចំនួនទៀតបានសហការគ្នាជាមួយក្រុមពេទ្យស្ម័គ្រចិត្តនៃសមាគមបេសកកម្មមនុស្សធម៌នៅកម្ពុជា(AMH) ចំនួន២៥រូប បារាំង១៦រូបនិងខ្មែរ៩រូបចុះទៅពិនិត្យសុខភាពនិងចែកថ្នាំជូនប្រជាពលរដ្ឋដោយឥតគិតថ្លៃនៅភូមិធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាប។
ក្រុមអ្នកជំនាញអភិរក្សថ្មរបស់នាយកដ្ឋានអភិរក្សប្រាសាទក្នុងឧទ្យានអង្គរនិងបុរាណ វិទ្យាបង្ការនៃអាជ្ញាធរជាតិអប្សរាកំពុងអនុវត្តគម្រោងជួសជុលចម្រឹងបង្អួចនៅរោងទងទី២ផ្នែក ខាងជើងនៃប្រាសាទអង្គរវត្ត។ ជាទូទៅស្ថានភាពចម្រឹងបង្អួចទាំងអស់នៅប្រាសាទអង្គរវត្ត ពុំមានភាពរឹងមាំល្អឡើយ ចម្រឹងខ្លះពុកផុយនិងសឹករិចរិលដោយអន្លើៗ ឯខ្លះទៀតបានបាក់ និងបាត់បង់ទាំងស្រុង។ ក្នុងដំណាក់កាលដំបូងនៃការសិក្សាលើស្ថានភាពចម្រឹងបង្អួចនៅរោង ទងទី២ផ្នែកខាងក្នុងគឺមានសរុបចំនួន១៤៩ស៊ុមស្មើនឹង១០៣៩ចម្រឹង ក្នុងនោះបានបង្ហាញពី ការខូចខាតខ្លាំងប្រមាណ២១% ខូចខាតមធ្យម ១៦% និងខូចតិចតួចចំនួន៣៩%។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
16
ថ្ងៃនេះ
:
64634
ម្សិលមិញ
:
98152
សប្តាហ៍នេះ
:
64634
ខែនេះ
:
0064634
សរុប
:
015134437