ព័ត៌មានថ្មីៗ

អាជា្ញធរជាតិអប្សរានាំយកស័ង្កសីចែកជូនដល់គ្រួសារទីទ័លក្រនៅភូមិ ថ្នល់ទទឹង ស្រុកបន្ទាយស្រី

បានផ្សាយនៅ ថ្ងៃទី 17 ខែ មិថុនា ឆ្នាំ2016 09:27 AM ដោយ ៖ អាជ្ញាធរជាតិអប្សរា
ក្រៅពីការយកចិត្តទុកដាក់លើការងារអភិរក្ស និងអភិវឌ្ឍន៍ប្រកបដោយចីរភាពក្នុងតំបន់រមណីយដ្ឋានអង្គរ ក្នុងនោះ អាជ្ញាធរជាតិអប្សរាក៏បានយកចិត្តទុកដាក់ជាប្រចាំចំពោះសុខទុក្ខបងប្អូនប្រជាពលរដ្ឋដែលរស់នៅក្នុងតំបន់រមណីយដ្ឋាននោះផងដែរ។ ជាក់ស្តែងក្រុមការងារសហគមន៍នៃអាជ្ញាធរជាតិអប្សរាប្រចាំស្រុកបន្ទាយស្រី ដឹកនាំដោយឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរា ព្រមទាំងអាជ្ញាធរមូលដ្ឋាន បានចុះសាកសួរសុខទុក្ខប្រជាពលរដ្ឋ និងបាននាំយកអំណោយជាស័ង្គសីចំនួន២០សន្លឹក ទៅឧបត្ថម្ភជូនគ្រួសារទីទ័លក្រសម្រាប់ប្រក់ដំបូលរោងបាយនៅភូមិថ្នល់ទទឹង ឃុំព្រះដាក់ ស្រុកបន្ទាយស្រី ខេត្តសៀមរាប កាលពីព្រឹកថ្ងៃទី១៦ ខែមិថុនា ឆ្នាំ២០១៦ កន្លងទៅនេះ។ ស័ង្កសីនេះ គឺជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ដែលតែងតែយកចិត្តចំពោះសុខទុក្ខប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរ។

ការចែកជូនស័ង្កសីពេលនេះ ជាការជួយសម្រួលភាពលំបាកចំពោះប្រជាពលរដ្ឋទីទ័លក្រ ខ្វះលទ្ធភាព។ ថ្វីត្បិតវាមិនអាចជួយបានទាំងស្រុង តែវាពិតជាអាចជួយរំលែកទុក្ខលំបាករបស់ប្រជាពលរដ្ឋបានខ្លះៗ ព្រោះរដូវនេះជារដូវវស្សា ហើយក៏ជារដូវមានភ្លៀងធ្លាក់ជោកជាំទៀតដែរ។ កន្លងមកអាជ្ញាធរជាតិអប្សរាក៏ធ្លាប់បានចែកជូនដល់គ្រួសារដែលរងគ្រោះដោយឧបទ្ទវហេតុផ្សេងៗ ដូចជាខ្យល់ព្យុះរលំផ្ទះ ឬ ពុលចំណីអាហារ ហើយថ្មីៗនេះ ក៏បានយកអំណោយជូនប្រជាពលរដ្ឋរងគ្រោះដោយសាររន្ទះបាញ់ផងដែរ។

លោក ហែន ជុក និងភរិយា សៀម សៀន ដែលជាជនទីទ័លក្របានលើកឡើងថា លោកសប្បាយចិត្តខ្លាំងណាស់ ដែលអាជ្ញាធរជាតិអប្សរាបានយកចិត្តទុកដាក់ នាំយកអំណោយជាស័ង្កសីមកចែកជូនដល់គ្រួសារលោក ដែលកំពុងជួបប្រទះកង្វះខាត។ ជាមួយគ្នានេះដែរ លោកក៏បានថ្លែងអំណរគុណចំពោះអាជ្ញាធរជាតិអប្សរា ជាពិសេសគឺ ឯកឧត្តមបណ្ឌិតសភាចារ្យ សុខ អាន និងលោកជំទាវ ដែលបានយកចិត្តទុកដាក់ចំពោះគ្រួសារលោក និងប្រជាពលរដ្ឋទូទៅក្នុងតំបន់រមណីយដ្ឋានអង្គរ។








 
ក្រុមអ្នកជំនាញអភិរក្សថ្មរបស់នាយកដ្ឋានអភិរក្សប្រាសាទក្នុងឧទ្យានអង្គរនិងបុរាណ វិទ្យាបង្ការនៃអាជ្ញាធរជាតិអប្សរាកំពុងអនុវត្តគម្រោងជួសជុលចម្រឹងបង្អួចនៅរោងទងទី២ផ្នែក ខាងជើងនៃប្រាសាទអង្គរវត្ត។ ជាទូទៅស្ថានភាពចម្រឹងបង្អួចទាំងអស់នៅប្រាសាទអង្គរវត្ត ពុំមានភាពរឹងមាំល្អឡើយ ចម្រឹងខ្លះពុកផុយនិងសឹករិចរិលដោយអន្លើៗ ឯខ្លះទៀតបានបាក់ និងបាត់បង់ទាំងស្រុង។ ក្នុងដំណាក់កាលដំបូងនៃការសិក្សាលើស្ថានភាពចម្រឹងបង្អួចនៅរោង ទងទី២ផ្នែកខាងក្នុងគឺមានសរុបចំនួន១៤៩ស៊ុមស្មើនឹង១០៣៩ចម្រឹង ក្នុងនោះបានបង្ហាញពី ការខូចខាតខ្លាំងប្រមាណ២១% ខូចខាតមធ្យម ១៦% និងខូចតិចតួចចំនួន៣៩%។
នាព្រឹកថ្ងៃទី១៨ ខែកក្កដា ឆ្នាំ២០១៦ នៅសាលប្រជុំនាមជ្ឈមណ្ឌលអាជ្ញាធរជាតិអប្សរា ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា ឯកឧត្តម សុខ សង្វារ អគ្គនាយករង និងក្រុមការងារ បានទទួលជួបពិភាក្សាជាមួយគណៈប្រតិភូនៃអង្គការមូលនិធិ Three Hearts Foundation របស់ប្រទេសជប៉ុន ដែលដឹកនាំដោយកញ្ញា Hisae Arai អតីតកញ្ញាឯកប្រទេសជប៉ុន ឆ្នាំ២០១១ និងជានាយកគ្រប់គ្រងទូទៅ។
ក្រៅពីការយកចិត្តទុកដាក់លើការងារអភិរក្ស និងអភិវឌ្ឍន៍ប្រកបដោយចីរភាពក្នុងតំបន់រមណីយដ្ឋានអង្គរ អាជ្ញាធរជាតិអប្សរាក៏បានយកចិត្តទុកដាក់ជាប្រចាំ ចំពោះសុខទុក្ខបងប្អូនប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរដែរ។ ជាក់ស្តែងក្រុមការងារសហគមន៍នៃអាជ្ញាធរជាតិអប្សរាប្រចាំស្រុកបន្ទាយស្រី ដឹកនាំដោយឯកឧត្តម ម៉ី ម៉ារ៉ាឌី ទីប្រឹក្សាអាជ្ញាធរជាតិអប្សរា សហការជាមួយអាជ្ញាធរមូលដ្ឋាន បានចុះសាកសួរសុខទុក្ខប្រជាពលរដ្ឋ និងបាននាំយកអំណោយជាថវិកា ទៅឧបត្ថម្ភជូនគ្រួសារដែលត្រូវភ្លើងឆេះផ្ទះ នៅភូមិប្រដាក និងគ្រួសារដែលខ្យល់កន្ត្រាក់ដួលផ្ទះ នៅភូមិព្រៃទទឹង ឃុំប្រដាក ស្រុកបន្ទាយស្រី ខេត្តសៀមរាប នៅព្រឹកថ្ងៃទី១៨ខែកក្កដា ឆ្នាំ២០១៦កន្លងទៅនេះ។ ។
មគ្គុទ្ទេសក៍ទេសចរណ៍ចំនួន២០រូប រួមនឹងមន្ត្រី៤រូបនៃអាជ្ញាធរជាតិអប្សរាផង បានចំណាយពេល៩ថ្ងៃទៅទីក្រុងម៉ាកាវ នៃសាធារណរដ្ឋប្រជាមានិតចិន កាលពីអំឡុងខែមិថុនាកន្លងទៅនេះ។ ដំណើរបេសកកម្មនេះធ្វើឡើងក្រោមការផ្តួចផ្តើមរបស់អាជ្ញាធរជាតិអប្សរា តាមរយៈកិច្ចសហការជាមួយអង្គការទេសចរណ៍ពិភពលោក (UNWTO)។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
14
ថ្ងៃនេះ
:
43462
ម្សិលមិញ
:
84683
សប្តាហ៍នេះ
:
268764
ខែនេះ
:
0572272
សរុប
:
015015113