NEWS

The English version of this website is still under construction. This section is only available in Khmer language at this stage. We apologise for any inconvenience

Published on 15 June 2016 01:46 PM Post By ៖ Apsara National Authority
អាជ្ញាធរជាតិអប្សរាសហការជាមួយវិទ្យាស្ថានសិក្សាអាស៊ីអាគ្នេយ៍ រៀបចំធ្វើបទបង្ហាញ ស្តីពីលទ្ធផលបឋមថ្មីៗ ពីការស្រាវជ្រាវបុរាណវិទ្យានៅកោះកែរ ដែលដឹកនាំដោយលោកបណ្ឌិត អ៊ា ដារិទ្ធ ជាអនុប្រធានមជ្ឈមណ្ឌលអន្តរជាតិស្រាវជ្រាវ និងតម្កល់ឯកសារនៃអាជ្ញាធរជាតិអប្សរានិងលោកបណ្ឌិត Kyle Latinis បុរាណវិទូនៃវិទ្យាស្ថានសិក្សាអាស៊ីអាគ្នេយ៍ប្រទេសសង្ហិបុរី ដែលនឹងប្រព្រឹត្តទៅ នៅថ្ងៃអង្គារទី២១ ខែមិថុនា ឆ្នាំ២០១៦ វេលាម៉ោង ១៤:៣០នាទីរសៀល នៅសាលសិក្សាលលៃនៃមជ្ឈមណ្ឌលបណ្តុះបណ្តាលអង្គរ នៃអាជ្ញាធរជាតិអប្សរា។

លោកបណ្ឌិត អ៊ា ដារិទ្ធ បានលើកឡើងថា បទបង្ហាញស្តីពីលទ្ធផលបឋមថ្មីៗ ចំពោះការស្រាវជ្រាវបុរាណវិទ្យានៅកោះកែរនោះ គឺបានរកឃើញបំណែកវត្ថុបុរាណជាច្រើន ជាង ២៥០០០ បំណែក ដូចជា បំណែកចាន ថូ ក្បាច់ចំលាក់ កុលាលភាជន៍ ដែលបំណែកវត្ថុខ្លះធ្វើពីមាស សំរិទ្ធ ដែក ឆ្អឹងសត្វ និងដីដុត និងហេដ្ឋារចនាសម្ព័ន្ធបុរាណមួនចំនួនទៀត។ ពិសេសជាងនេះទៀតនោះ តាមរយៈការធ្វើវិភាគតាមបែបវិទ្យាសាស្ត្រទៅលើបំណែកធ្យូង និងឆ្អឹងសត្វផង អាចធ្វើឱ្យយើងបានដឹងពីអាយុកាលនៃការតាំងទីលំនៅរបស់មនុស្សនៅតំបន់នោះ តាំងពីមុនសតវត្សទី១០ នៃគ.ស មកម្ល៉េះ។ វត្ថុបុរាណមួយចំនួនដែលបានរកឃើញក្នុងកំឡុងពេល ស្រាវជ្រាវត្រូវបានយកមកដាក់តាំងបង្ហាញឱ្យសាធារណជនឃើញផងដែរ។

ការធ្វើកំណាយស្រាវជ្រាវនេះ បានចាប់ផ្តើមធ្វើកាលពីថ្ងៃទី០១ ដល់ថ្ងៃទី២២ ខែធ្នូ ឆ្នាំ២០១៥ មានរយៈពេល២២ថ្ងៃ មានសមាជិកចំនួន ១២នាក់ មកពីប្រទេសចំនួន៩ ក្នុងនោះ មានប្រទេសកម្ពុជា ហ្វីលីពីន ឥណ្ឌូនេស៊ី ឡាវ វៀតណាម ហុងកុង ញ៉ូហ្សូវឡែន ភូមា និងសង្ហិបូរី។

រីឯទីតាំងធ្វើកំណាយសិក្សាស្រាវជ្រាវ ដែលបានរកឃើញវត្ថុតាងទាំងអស់នោះ រួមមាននៅ អតីតរាជធានីខ្មែរនៅអង្គរបុរី សម្បូរព្រៃគុក អង្គរវត្ត ឧត្តុង្គ និងកោះកែរ។

សូមបញ្ជាក់ថា វគ្គបណ្តុះបណ្តាលនេះ នឹងធ្វើឡើងជាភាសាអង់គ្លេស និងមានប្រែជាភាសាខ្មែរផង។ អាជ្ញាធរជាតិអប្សរាសូមអញ្ជើញអ្នកស្រាវជ្រាវជាតិ-អន្តរជាតិ សិស្ស និស្សិត មគ្គុទេសក៍ទេចរណ៍ និងសាធារណជនទាំងអស់ចូលរួមស្តាប់ ដោយសេរី៕ ព័ត៌មានលម្អិតសូមអញ្ជើញទំនាក់ទំនងតាមលេខទូរស័ព្ទលោក សេន សែត ០១៧ ៩០៤ ២១៨


ក្នុងឱកាសដ៏មហានក្ខត្តឫក្សវិសេសវិសាលនេះ ទូលព្រះបង្គំយើងខ្ញុំសូមលើកហត្ថប្រណម្យបួងសួងដល់គុណបុណ្យព្រះរតនត្រ័យ វត្ថុស័ក្កិសិទ្ធិទាំងឡាយក្នុងលោក មានទេវតារក្សាព្រះមហាស្វេតឆ្ឆ័ត្រ សូមជួយប្រោះព្រំសព្ទសាធុការពរ សិរីសួស្ដី ជ័យមង្គល វិបុលសុខ បរវមហាប្រសើរថ្វាយ
ថ្ងៃទី២៧ ខែតុលា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន៣គោលដៅ ដែលមានការចូលរួមសហការជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋទាំង១១២ភូមិ នៅក្នុងឧទ្យានអង្គរ។
ថ្ងៃទី២៧ ខែតុលា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន៣គោលដៅ ដែលមានការចូលរួមសហការជាមួយអាជ្ញាធរមូលដ្ឋាន បានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋទាំង១១២ភូមិ នៅក្នុងឧទ្យានអង្គរ។
ចាប់ផ្តើមពីថ្ងៃ២២ រហូតដល់ថ្ងៃទី២៤ ខែតុលា ឆ្នាំ២០២០ លោក Christophe GIGAUDAUT មន្ដ្រីស្ថានទូតប្រទេសបារាំងប្រចាំនៅកម្ពុជា ដែលនឹងត្រូវទទួលភារកិច្ចជាសហប្រធានបច្ចេកទេសនៃគណៈកម្មាធិការអន្ដរជាតិសម្របសម្រួលកិច្ចគាំពារ និងអភិវឌ្ឍន៍តំបន់ប្រវត្តិសាស្ត្ររមណីយដ្ឋានអង្គរ ហៅកាត់ថា «អាយស៊ីស៊ី-អង្គរ» រួមដំណើរដោយឯកឧត្តម ហង់ ពៅ អគ្គនាយកអាជ្ញាធរជាតិអប្សរា ព្រមទាំងមន្ត្រីពាក់ព័ន្ធ បានចុះពិនិត្យនិងស្វែងយល់ពីកិច្ចការអភិរក្សនិងអភិវឌ្ឍន៍ប្រកបដោយចីរភាពនៅរមណីយដ្ឋានអង្គរ។
ចាប់ផ្តើមពីថ្ងៃ២២ រហូតដល់ថ្ងៃទី២៤ ខែតុលា ឆ្នាំ២០២០ លោក Christophe GIGAUDAUT មន្ដ្រីស្ថានទូតប្រទេសបារាំងប្រចាំនៅកម្ពុជា ដែលនឹងត្រូវទទួលភារកិច្ចជាសហប្រធានបច្ចេកទេសនៃគណៈកម្មាធិការអន្ដរជាតិសម្របសម្រួលកិច្ចគាំពារ និងអភិវឌ្ឍន៍តំបន់ប្រវត្តិសាស្ត្ររមណីយដ្ឋានអង្គរ ហៅកាត់ថា «អាយស៊ីស៊ី-អង្គរ» រួមដំណើរដោយឯកឧត្តម ហង់ ពៅ អគ្គនាយកអាជ្ញាធរជាតិអប្សរា ព្រមទាំងមន្ត្រីពាក់ព័ន្ធ បានចុះពិនិត្យនិងស្វែងយល់ពីកិច្ចការអភិរក្សនិងអភិវឌ្ឍន៍ប្រកបដោយចីរភាពនៅរមណីយដ្ឋានអង្គរ។
FirstPrev12345...357358NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
9
Today
:
6323
Yesterday
:
10360
This Week
:
26611
This Month
:
0180120
Total
:
012949552