ព័ត៌មានថ្មីៗ

ការពិភាក្សាស្តីពីកិច្ចការអភិរក្ស និងបញ្ហាប្រឈមនៅភ្នំគូលែន នឹងត្រូវរៀបចំឡើងនៅមជ្ឈមណ្ឌលអាជ្ញាធរជាតិអប្សរា

បានផ្សាយនៅ ថ្ងៃទី 14 ខែ មិថុនា ឆ្នាំ2016 04:06 PM ដោយ ៖ អាជ្ញាធរជាតិអប្សរា
នៅថ្ងៃសុក្រទី២៤ ខែមិថុនា ឆ្នាំ២០១៦ ខាងមុខនេះ អាជ្ញាធរជាតិអប្សរានឹងរៀបចំសិក្ខាសាលាមួយ ក្រោមប្រធាន “ការអភិរក្ស និងបញ្ហាប្រឈមនៅភ្នំគូលែន”។ សិក្ខាសាលានេះនឹងមានការចូលរួមពីវាគ្មិនសំខាន់ៗដូចជា ឯកឧត្តម Tsugawa Takahisa សហប្រធានអាយស៊ីស៊ីអង្គរភាគីជប៉ុន លោកសាស្ត្រាចារ្យ Azedine Beshaouch លេខាវិទ្យាសាស្ត្រនៃគណៈកម្មាធិការអាយស៊ីស៊ីអង្គរ មន្ត្រីជំនាញនៃក្រសួងបរិស្ថាន រួមនឹងមន្ត្រីជំនាញជាច្រើនរូបទៀតនៃអាជ្ញាធរជាតិអប្សរា និងស្ថាប័នស្រាវជ្រាវផ្សេងៗ។ សិក្ខាសាលានេះ នឹងដំណើរការចាប់ពីម៉ោង ៧:៤៥នាព្រឹក ដល់ម៉ោង១២ថ្ងៃត្រង់ នៅសាលសន្និសីទអង្គរនៃអាជ្ញាធរជាតិអប្សរា។

ប្រធានបទសំខាន់ៗដែលនឹងត្រូវលើកមកបង្ហាញក្នុងសិក្ខាសាលានេះមានដូចជា ទស្សនវិស័យនាពេលអនាគតស្តីពីភ្នំគូលែន គំនូរលើថ្មបុរេប្រវត្តិសាស្ត្រលើភ្នំគូលែន ភ្នំមហិន្ទ្របព៌ត(ភ្នំគូលែន)ក្នុងអារ្យធម៌ខ្មែរ កំណាយស្រាវជ្រាវ និងលទ្ធផលពិសោធន៍LiDAR។ល។ មិនតែប៉ុណ្ណោះ ផែនការមេស្តីពីការគ្រប់គ្រងបរិស្ថានភ្នំគូលែន ក៏នឹងត្រូវលើកមកបង្ហាញក្នុងសិក្ខាសាលានេះដែរ ដោយមន្ត្រីជំនាញពីក្រសួងបរិស្ថាន។ ជាមួយគ្នានេះ មន្ត្រីនៃមូលនិធិស្រាវជ្រាវ និងអភិវឌ្ឍន៍ ADF ក៏នឹងបង្ហាញអំពីតំបន់ការពារបុរាណវិទ្យា និងសហគមន៍លើខ្នងភ្នំគូលែន និងដំណោះស្រាយសម្រាប់ជីវភាពរស់នៅរបស់សហគមន៍។ ជាចុងក្រោយ គឺជាវេទិកាសំណួរចម្លើយរវាងអ្នកចូលរួម និងវាគ្មិន ដែលអាចឈានដល់ការធ្វើសេចក្តីសន្និដ្ឋានរួមមួយ។

នេះជាសិក្ខាសាលាមួយ ដែលនឹងផ្តល់ឱកាសឲ្យអ្នកចូលរួមទាំងអស់បានស្តាប់ និងសួរសំណួរពាក់ព័ន្ធនានាទៅកាន់អ្នកជំនាញលើការងារអភិរក្ស និងបញ្ហាបរិស្ថានៅលើភ្នំគូលែន។ អាជ្ញាធរជាតិអប្សរាសូមអញ្ជើញអ្នកស្រាវជ្រាវជាតិ អន្តរជាតិ អ្នកសារព័ត៌មាន មគ្គុទ្ទេសក៍ទេសចរណ៍ សិស្ស និស្សិត និងសាធារណជនចូលរួមដោយមេត្រីភាព។ សូមចូលទៅកាន់អាសយដ្ឋាន http:/goo.gl/forms/1i9af8900V6xq06O2 ដើម្បីចុះឈ្មោះចូលរួម ឬទូរសព្ទទៅកាន់លោក សេន សែត មន្ត្រីនៃនាយកដ្ឋានផ្សព្វផ្សាយ ដើម្បីជ្រាបព័ត៌មានលម្អិត៕

 
រឿងរ៉ាវប្រវត្តិសាស្រ្ដខ្មែរជាច្រើនសន្ធឹក ត្រូវបានអ្នកស្រាវជ្រាវសិក្សាតាមរយៈវត្ថុតាងជាច្រើន ក្នុងនោះសិលាចារឹកក៏ជាភស្ដុតាងដ៏សំខាន់មួយដែរ។ សិលាចារឹកដែលចារដោយបុព្វបុរសខ្មែរ បានរៀបរាប់នូវរឿងរ៉ាវជាច្រើនដែលអាចឱ្យមនុស្សសម័យថ្មីដឹងពីសាច់រឿងនិងរបៀបរស់នៅរបស់មនុស្សបុរាណ។ អ្នកសិក្សាស្រាវជ្រាវយល់ថា មនុស្សពីដើមចារអក្សរលើថ្មដើម្បីមូលហេតុសាសនា។
គ្រឹះស្ថានបោះពុម្ពសៀវភៅសិក្សាប្រចាំប្រទេសជប៉ុន TAISHUKAN (តៃស៊ូកាន់) បានស្នើសុំអ្នកស្រាវជ្រាវបុរាណវិទ្យារបស់អាជ្ញាធរជាតិអប្សរា ដើម្បីជ្រើសរើសអត្ថបទមួយដែលលទ្ធផលនៃកិច្ចការស្រាវជ្រាវអំពីបណ្តាញគមនាគមន៍បុរាណសម័យអង្គរ យកទៅប្រែសម្រួលបោះពុម្ពផ្សាយក្នុងសៀវភៅសិក្សាអប់រំថ្មី។ អត្ថបទដែលគ្រឹះស្ថាន TAISHUKAN ស្នើយកទៅបកប្រែនិងបោះពុម្ពនេះ គឺបានផ្សព្វផ្សាយនៅប្រទេសសិង្ហបុរីនៅឆ្នាំ២០១៦ មានចំណងជើងជាភាសាអង់គ្លេសថា «From Living Angkor Road Project to Cultural Relationship Study in Mainland Southeast Asia Research Center: Cross Culture and Cross Border ឬប្រែសម្រួលជាភាសាខ្មែរមានន័យថា «ពីបណ្ដាញផ្លូវសម័យអង្គរទៅកាន់ទំនាក់ទំនងវប្បធម៌ក្នុងតំបន់អាស៊ីអាគ្នេយ៍ដីគោក៖ គម្រោងស្រាវជ្រាវទំនាក់ទំនងវប្បធម៌និងការអភិវឌ្ឍន៍ឆ្លងព្រំដែន»។
តាមរយៈកម្មវិធីយុវជនស្ម័គ្រចិត្តដើម្បីបេតិកភណ្ឌពិភពលោកនៅអង្គរ យុវជន១៨នាក់ មកពី៨ប្រទេស រួមមានកម្ពុជា កូរ៉េ បារាំង អូស្ត្រាលី កូឡុំប៊ី ប៊ុលហ្ការី ឥណ្ឌា និងចិន បានទទួលការបណ្តុះបណ្តាលអំពីការគ្រប់គ្រង ការអភិរក្ស និងការអភិវឌ្ឍប្រកបដោយចីរភាពក្នុងរមណីយដ្ឋានអង្គរ ព្រមទាំងបានធ្វើការផ្លាស់ប្តូរបទពិសោធន៍យ៉ាងច្រើនពាក់ព័ន្ធនឹងជាមួយវិស័យបេតិកភណ្ឌ ក៏ដូចជាការងារចូលរួមជាមួយសហគមន៍។
ក្នុងពេលថ្មីៗកន្លងមកនេះ លោកជំទាវ លី អ៊ុអេង តាមរយៈប្រព័ន្ធសារព័ត៌មានសង្គមមួយចំនួន បានលើកឡើងនូវមតិដែលអាចនាំមកនូវការភ័ន្តច្រឡំជាសាធារណៈមកលើស្ថាប័នអាជ្ញាធរជាតិអប្សរា ពាក់ព័ន្ធនឹងទីតាំងសំណង់ការិយាល័យលក់ដីឡូតិ៍របស់គាត់ លើក្បាលដីលេខ៥២២៩ ស្ថិតនៅភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។
បន្ទាប់ពីមានយុទ្ធនាការដាំកូនឈើឡើងវិញនៅក្នុងរមណីយដ្ឋានបេតិកភណ្ឌពិភពលោកអង្គ មានប្រជាពលរដ្ឋគ្រប់មជ្ឈដ្ឋាន រួមទាំងព្រះសង្ឃ និងវិស័យឯកជនបានបង្ហាញស្មារតីចូលរួមយ៉ាងច្រើនកុះករដើម្បីបំផុសគំនិតនិងដាស់តឿនស្មារតីមហាជនឲ្យចូលរួមដាំដើមឈើឡើងវិញ។ ជាពិសេស ផ្សព្វផ្សាយទស្សនៈចូលរួមធ្វើ និងចូលរួមទទួលខុសត្រូវទាំងអស់គ្នា ក្នុងសកម្មភាពទប់ស្កាត់ និងការកាប់បំផ្លាញព្រៃក្នុងរមណីយដ្ឋានអង្គរ។
ដើមដំបូងមុន12345...237238បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
4
ថ្ងៃនេះ
:
2943
ម្សិលមិញ
:
3825
សប្តាហ៍នេះ
:
09232
ខែនេះ
:
0076841
សរុប
:
008920984