ព័ត៌មានថ្មីៗ

នាយកប្រតិបត្តិក្រុមហ៊ុនអ៊ីអុងមកទស្សនាសារមន្ទីរព្រះនរោត្តមសីហនុអង្គរ ខណៈពេលដែលការជួសជុលសារមន្ទីរនេះជិតឈានមកដល់

បានផ្សាយនៅ ថ្ងៃទី 12 ខែ មិថុនា ឆ្នាំ2016 06:46 PM ដោយ ៖ អាជ្ញាធរជាតិអប្សរា

ឆ្លងផុតរដូវវស្សាឆ្នាំនេះហើយ ការជួសជុលសារមន្ទីរព្រះនរោត្តមសីហនុអង្គរ ដែលធ្វើឡើងដោយកិច្ចសហការរវាងអាជ្ញាធរជាតិអប្សរា និងមូលនិធិក្លឹប១%នៃក្រុមហ៊ុនអ៊ីងអុង(AEON) របស់ប្រទេសជប៉ុននឹងដំណើរការហើយ។ មុននឹងឈានដល់ដំណាក់កាលជួសជុលនេះ នាយកប្រតិបត្តិនៃក្រុមហ៊ុនអ៊ីអុង លោក Keiichi Tadaki បានចំណាយពេលមួយព្រឹក នាថ្ងៃទី១២ ខែឧសភា ឆ្នាំ២០១៦នេះ ដើម្បីចូលទស្សនាសារមន្ទីរព្រះនរោត្តមសីហនុអង្គរ។ ទទួលដំណើរទស្សនារបស់លោកនាយកប្រតិបត្តិនៅពេលនេះមាន ឯកឧត្តម ឈរ ថាណាត អគ្គនាយករងនៃអាជ្ញាធរជាតិអប្សរា លោក និន ចាន់សាមៀន ប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន លោក យិត ចាន់ដារដ្ឋ ប្រធានស្តីទីនៃនាយកដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ និងមន្ត្រីមួយចំនួនទៀតនៃអាជ្ញាធរជាតិអប្សរា។

ទីប្រឹក្សាជាន់ខ្ពស់នៃក្រុមហ៊ុនអ៊ីអុង និងជាអ្នកសម្របសម្រួលដំណើរទស្សនានេះគឺលោក Naoki Hayashi។ លោកបញ្ជាក់ថា មូលនិធិក្លឹប១%នៃក្រុមហ៊ុនអ៊ីងអុងបានចុះអនុស្សារណៈជាមួយអាជ្ញាធរជាតិអប្សរារួចហើយ ទាក់ទិននឹងការទទួលជួសជុលសារមន្ទីរនេះ តែដំណើរការជាក់ស្តែងនៃការជួសជុលនឹងត្រូវធ្វើឡើងនៅរដូវប្រាំងឆ្នាំនេះ ដោយហេតុថា ការជួសជុលនេះ គឺធ្វើឡើងភាគច្រើនទៅលើដំបូល និងបង្អួច។ ដូច្នេះការជួសជុលត្រូវរង់ចាំដល់រដូវអស់ភ្លៀងទើបអាចដំណើរការទៅបាន។ ចំណែកការមកទស្សនាសារមន្ទីររបស់លោកនាយកប្រតិបត្តិនៅពេលនេះ គឺមិនមានអ្វីផ្លាស់ប្តូរលើគម្រោងជួសជុលនោះទេ គ្រាន់តែឆ្លៀតដែលលោកមកបំពេញការងារនៅភ្នំពេញ ក៏ឆ្លៀតពេលចូលមកទស្សនាសារមន្ទីរមុននឹងឈានដល់ដំណាក់កាលជួសជុលប៉ុណ្ណោះ។ ជាមួយគ្នានេះ លោកនាយកប្រតិបត្តិក៏នឹងទៅទស្សនាសួនឈើអនុស្សាវរីយ៍ ដែលក្រុមហ៊ុនអ៊ីអុងបានដាំកាលពីឆ្នាំ២០០២ នៅក្បែរសួនគ្រឿងទេសនៃអាជ្ញាធរជាតិអប្សរា និងបន្តដំណើរទៅទស្សនាប្រាង្គប្រាសាទនានាក្នុងតំបន់អង្គរផង។

លោក យិត ចាន់ដារដ្ឋ ប្រធានស្តីទីនៃនាយកដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌនៃអាជ្ញាធរជាតិអប្សរា ដែលបានជូនដំណើរទស្សនានេះបានបញ្ជាក់ថា ក្រុមហ៊ុនអ៊ីអុងបានរួមចំណែកច្រើនក្នុងការងារអភិរក្សវប្បធម៌ និងបរិស្ថានជាមួយអាជ្ញាធរជាតិអប្សរា។ នៅឆ្នាំ២០០២ ក្រុមហ៊ុននេះបានចូលរួមដាំសួនឈើអនុស្សាវរីយ៍លើទំហំដីជិត១០ហិកតា នៅក្បែរសួនគ្រឿងទេសនៃអាជ្ញាធរជាតិអប្សរា, នៅឆ្នាំ២០០៧បានកសាងសារមន្ទីរព្រះនរោត្តមសីហនុអង្គរនេះឡើង ហើយនៅចុងឆ្នាំ២០១៦នេះ ក្រុមហ៊ុនអ៊ីអុងក៏ទទួលជួសជុលសារមន្ទីរនេះ ជាមួយអាជ្ញាធរជាតិអប្សរាបន្តទៀត។ ក្រៅពីនេះ ក្រុមហ៊ុនក៏ធ្លាប់ចូលរួមបណ្តុះបណ្តាលសិស្សសាលាក្នុងតំបន់អង្គរ និងក្រុងសៀមរាបអំពីការងារអភិរក្សវប្បធម៌ និងបរិស្ថានផងដែរ៕






















ព្រះពុទ្ធបដិមាមួយអង្គនៅទិសខាងត្បូងនៃរួតបាកាណកំពូលប្រាសាទអង្គរវត្តដែលមានបញ្ហាចុះខ្សោយគុណភាពសំណង់ ត្រូវបានអ្នកជំនាញអភិរក្សចម្លាក់នៃអាជ្ញាធរជាតិអប្សរាជួសជុលរួចរាល់ជាស្ថាពរ នាខែវិច្ឆិកា ឆ្នាំ២០២០នេះ។
ថ្ងៃទី២៤ ខែវិច្ឆិកា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅ ដែលមានការចូលរួមសហការជាមួយអាជ្ញាធរមូលដ្ឋាន ចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ថ្ងៃទី២៤ ខែវិច្ឆកា ឆ្នាំ២០២០ អង្គភាពប្រព័ន្ធគ្រប់គ្រងបរិស្ថាន-អង្គរនៃអាជ្ញាធរជាតិអប្សរា បានបើកកិច្ចប្រជុំសវនកម្មផ្ទៃក្នុងគ្រប់នាយកដ្ឋាននិងអង្គភាពចំណុះ ដើម្បីបញ្ជាក់នូវភាពអនុលោមជាប្រចាំនៃប្រព័ន្ធគ្រប់គ្រងបរិស្ថានអង្គរតាមតម្រូវការនៃស្តង់ដារ ISO-14001:2015 នៅក្នុងរយៈពេលនៃការអនុវត្តបន្តពីសវនកម្មឆ្នាំមុន។
ថ្ងៃទី២៣ ខែវិច្ឆិកា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅ មានការចូលរួមសហការជាមួយអាជ្ញាធរមូលដ្ឋានបានចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ ។
ការសាងសង់លំនៅដ្ឋាននៅក្នុងតំបន់រមណីយដ្ឋានអង្គរ ត្រូវតែប្រព្រឹត្តិទៅតាមលក្ខខណ្ឌដែលបានកំណត់ដោយច្បាប់ដែលគ្រប់គ្រងដោយអាជ្ញាធរជាតិអប្សរា ដើម្បីរក្សាបាននូវទេសភាពវប្បធម៌ អត្តសញ្ញាណខ្មែរ បុរាណដ្ឋានត្រូវការពារ និងចៀសវាងការបំផ្លាញផ្សេងៗនៅក្នុងតំបន់បេតិកភណ្ឌពិភពលោក។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
61988
ម្សិលមិញ
:
93709
សប្តាហ៍នេះ
:
270017
ខែនេះ
:
0588142
សរុប
:
013570456