NEWS

The English version of this website is still under construction. This section is only available in Khmer language at this stage. We apologise for any inconvenience

Published on 18 May 2016 09:01 PM Post By ៖ Apsara National Authority
ក្រុមអ្នកជំនាញអភិរក្សថ្មនៃអាជ្ញាធរជាតិអប្សរាមួយក្រុមដែលមានគ្នាប្រមាណ៣ទៅ៤នាក់ កំពុងតែប្រឹតប្រៀងផ្ចិតផ្ចង់ជួសជុលចម្លាក់ផ្តែរនៅលើប្រាសាទប្រែរូប ដែលកំពុងរងភាពពុកផុយខ្លាំង។ ផ្តែរមួយផ្ទាំងនេះធ្លាប់បានជួសជុលម្តងរួចមកហើយ ដោយក្រុម GACP ដែលកាលណោះជាការជួសជុលបែបសង្គ្រោះបឋម។

លោក រីក រ៉េត ដែលកំពុងដឹកនាំការងារជួសជុលនេះពន្យល់ថា ដោយមើលឃើញថា ផ្តែរនេះមានការពុកផុយជាបន្តទៀត ទើបក្រុមការងារសម្រេចធ្វើការជួសជុលជាថ្មី។ “ធម្មតាការជួសជុលតែប៉ុណ្ណឹងឯង បើយើងជួសជុលហើយឃើញថា វានៅមាំទាំក៏អរទៅ តែបើឃើញថា វានៅតែបន្តពុកផុយក៏ត្រូវមកមើលវាម្តងទៀត មិនមែនអាងតែជួសជុលរួចហើយ ក៏ហីទៅលែងខ្វល់នោះទេ យើងត្រូវតែត្រឡប់មកក្រោយមកតាមដានការងារនោះទៀត។ នេះហើយគឺការងារអភិរក្សនោះ”។

លោក រ៉េត ពន្យល់បន្តថា ការជួសជុលដែលក្រុមរបស់លោកកំពុងអនុវត្តនេះគឺ សម្អាតជាតិស្លែ ជាតិអំបិលលើថ្ម និងពង្រឹងសាច់ថ្មឡើងវិញ កុំឲ្យបន្តរបេះធ្លាក់ទៀត។ គម្រោងនេះនឹងត្រូវចំណាយប្រហែល៦ខែទើបរួចរាល់។ “ការងារនេះតិចទេ តែយើងត្រូវប្រើពេលវេលាសន្សឹមៗ និងថ្នាក់ថ្មមតាមបច្ចេកទេសដែលយើងធ្លាប់បានរៀនសូត្រ និងអនុវត្តកន្លងមក ដូចថែរក្សាកូនក្មេងតូចចឹង ព្រោះជាការជួសជុលរបស់បុរាណដែលមានអាយុរាប់ពាន់ឆ្នាំមកហើយ បើប្រញាប់ប្រញាល់ពេកអាចបាក់ក្បាច់ ឬរបេះធ្លាក់ខូចខាតលើសដើមទៅវិញ”។

នេះជាជំហានទីពីរហើយសម្រាប់ការងារជួសជុលរូប និងចម្លាក់នៅប្រាសាទប្រែរូប។ ជំហានទី១ ក្រុមការងារបានជួសជុលរូបតោចំនួន៣រូប ដែលបានរួចរាល់ និងដាក់លើទីតាំងដើមជាស្ថាពរ។ សម្រាប់ជំហានជាបន្ត ក្រុមការងារនឹងជួសជុលរូបតោមួយចំនួនទៀត ដែលនៅបាក់បែកលើប្រាសាទប្រែរូបនេះ។ លោក រ៉េត បញ្ជាក់ថា ក្នុងពេលដំណាលគ្នានេះ ក្រុមការងាររបស់លោកពីរក្រុមទៀតកំពុងតែជួសជុលចម្លាក់នាគនៅប្រាសាទបន្ទាយសំរ៉ែ និងចម្លាក់តោនៅប្រាសាទក្រវ៉ាន់។ ក្រុមការងារទាំង៣ការដ្ឋាននេះ មានគ្នា១៨នាក់ ដែលតែងឆ្លាស់គ្នាជាប្រចាំផ្តោះផ្តូរបទពិសោធន៍ការងារគ្នាទៅវិញទៅមក។

ភាពជោគជ័យជាបន្តបន្ទាប់នៃការជួសជុលនូវបេតិកភណ្ឌដូនតានេះ ជាការបញ្ជាក់ឲ្យឃើញពីសមត្ថភាពរបស់អ្នកជំនាញនៃអាជ្ញាធរជាតិអប្សរា ដែលមានសមត្ថភាពគ្រប់គ្រាន់ក្នុងការបំពេញបេសកកម្មរបស់ខ្លួន និងជាបទពិសោធន៍ដ៏សំខាន់ឈានទៅជួសជុល និងអភិរក្សវត្ថុសិល្បៈផ្សេងទៀត ដែលទទួលរងការខូចខាតបែបនេះ ឲ្យមានតួនាទី និង តម្លៃឡើងវិញ។

ប្រាសាទប្រែរូប ជាប្រាសាទភ្នំដែលត្រូវបានកសាងឡើងដើម្បីឧទ្ទិសដល់ព្រហ្មញ្ញសាសនា។ ប្រាសាទប្រែរូបមានទីតាំងស្ថិតនៅចម្ងាយប្រមាណ ២៣០០ម៉ែត្រ ពីផ្លូវខ្វែងវង់ធំនិងវង់តូចនៃតំបន់អង្គរក្នុងខេត្តសៀមរាប ត្រង់ជ្រុងស្រះស្រង់នៃផ្លូវកែងកាច់ទៅទិស ខាងជើង និងស្ថិតនៅចម្ងាយប្រមាណ ៥០០ម៉ែត្រ ពីខាងត្បូងតំបន់ទក្សិណនៃបារាយណ៍ ទិសបូព៌ា‌ គឺត្រង់បង្គោលគីឡូម៉ែត្រលេខ១៦។ ប្រាសាទប្រែរូបត្រូវបានកសាងឡើង នៅចុងសតវត្សរ៍ទី១០ ក្នុងគ.ស ៩៦១ ដោយព្រះបាទរាជេន្ទ្រវរ្ម័ន ដើម្បីឧទ្ទិសថ្វាយចំពោះព្រហ្មញ្ញសាសនា៕





























ចាប់ពីថ្ងៃទី២ ខែមិថុនា តទៅ សារមន្ទីរទាំង៣ដែលស្ថិតក្រោមការគ្រប់គ្រងដោយអាជ្ញាធរជាតិអប្សរា ផ្តើមបើកទ្វារស្វាគមន៍ការទស្សនារបស់ភ្ញៀវទេសចរឡើងវិញ បន្ទាប់ពីបិទទ្វារមួយរយៈអំឡុងពេលការរាតត្បាតជំងឺកូវីដ១៩។ ការបើកទ្វារឡើងវិញនេះ គឺមានការគិតគូរខ្ពស់ពីសុវត្ថិភាពភ្ញៀវទេសចរដែលអញ្ជើញមកទស្សនា។
ព្រះវិហារបុរាណនៅវត្តរាជបូណ៌ក្នុងទីរួមខេត្តសៀមរាប បានទទួលការជួសជុលដំណាក់ទី៣ ក្រោមការជួយជ្រោមជ្រែងផ្នែកបច្ចេកទេសនិងឧបត្ថម្ភជាថវិកាពីអាជ្ញាធរជាតិអប្សរា។
ក្នុងខែឧសភា ឆ្នាំ២០២០ របាយការណ៍លេខាធិការដ្ឋានសហគមន៍នៃអាជ្ញាធរជាតិអប្សរា បង្ហាញថា ក្រុមការងារសហគមន៍បានចុះសម្របសម្រួលជាមួយប្រជាពលរដ្ឋដើម្បីពិនិត្យនិងដោះស្រាយសំណើស្នើសុំជួសជុលផ្ទះ រួមទាំងសាងសង់តូចតាចតាមភូមិទាំង១១២ភូមិ ក្នុងតំបន់ឧទ្យានអង្គរ ដោយអនុញ្ញាតជូនប្រជាពលរដ្ឋបានចំនួន៤៧១គ្រួសារ។
នៅព្រឹកថ្ងៃទី២ ខែមិថុនា ឆ្នាំ២០២០នេះ ក្រុមការងាររបស់អាជ្ញាធរជាតិអប្សរា បានបន្តការងាររៀបចំសួនច្បារមុខបរិវេណប្រាសាទអង្គរវត្ត ដែលការងារនេះធ្វើឡើងក្នុងបំណងកែប្រែបរិវេណនេះឱ្យក្លាយជាសួនបៃតង។ នេះជាកិច្ចការអាទិភាពមួយក្នុងចំណោមការងារអាទិភាពជាច្រើនរបស់អាជ្ញាធរជាតិអប្សរា សំដៅធ្វើយ៉ាងណា រៀបចំតំបន់រមណីយដ្ឋានអង្គរឱ្យមានភាពស្រស់ស្អាត មានភាពបៃតង ស័ក្ដិសមជាតំបន់បេតិកភណ្ឌពិភពលោក។
នៅព្រឹកថ្ងៃទី០១ ខែមិថុនា ឆ្នាំ២០២០ នេះ អ្នកស្រី យ៉ន ចាន់ថា ដែលជាអាជីវករ និងអ្នកស្រី នង ញួន ម្ចាស់ទីតាំងតូបលក់ដូរនៅមុខប្រាសាទអង្គរ វត្ត បានស្ម័គ្រចិត្ត រុះរេីអាហារដ្ឋានរបស់ខ្លួន និងប្រគល់ទីតាំងជូនអាជ្ញាធរជាតិអប្សរា ដេីម្បីបន្តដាំដេីមឈេីប្រណិត រៀបចំសួនច្បារ និងសាងសង់កន្លែងបដិសណ្ឋារកិច្ច និងសេវាកម្មទេសចរណ៍ កម្រិតអន្តរជាតិ ដែលមានបរិស្ថាន ស្អាត និងសណ្តាប់ធ្នាប់របៀបរៀបរយ ល្អ ។
FirstPrev12345...319320NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
3
Today
:
3383
Yesterday
:
4682
This Week
:
65918
This Month
:
0065918
Total
:
011002902