NEWS

The English version of this website is still under construction. This section is only available in Khmer language at this stage. We apologise for any inconvenience

Published on 16 May 2016 08:58 AM Post By ៖ Apsara National Authority

ទំនប់ថ្នល់ដាច់ដែលទើបតែជួសជុលហើយ ដោយកិច្ចសហការរវាងអាជ្ញាធរជាតិអប្សរា និងសហគមន៍ប្រជាពលរដ្ឋដែលរស់នៅលើខ្នងភ្នំគូលែន ឃុំខ្នង ស្រុកស្វាយលើ ត្រូវបានប្រជាពលរដ្ឋប្រារព្ធពិធីបុណ្យឆ្លងតាមប្រពៃណី ដើម្បីអបអរសាទរនៅព្រឹកថ្ងៃទី១៤ ខែឧសភា ឆ្នាំ២០១៦នេះ។

ទំនប់ដែលទើបតែជួសជុលហើយជាស្ថាពរនេះមានប្រវែង៣០ម៉ែត្រ កម្ពស់៩ម៉ែត្រ បាតក្រោម៣៦ម៉ែត្រ និងផ្ទៃខាងលើប្រវែង២ម៉ែត្រកន្លះ។ នេះជាទំបន់បុរាណដែលត្រូវបានបុព្វបុរសខ្មែរសាងសង់មុនសម័យអង្គរ ដើម្បីទប់ទឹកប្រើប្រាស់ដូចនឹងបារាយណ៍ ដែលយើងឃើញសព្វថ្ងៃដែរ។ ដោយទំនប់នេះបានបាក់ខូចលែងប្រើប្រាស់កើតតាំងពីក្នុងអំឡុងទសវត្សឆ្នាំ១៩៧០។ នៅចុងឆ្នាំ២០១៥សហគមន៍ប្រជាពលរដ្ឋបានស្នើមកអាជ្ញាធរជាតិអប្សរា ដើម្បីឲ្យជួយជាបច្ចេកទេសដល់ពួកគាត់ ដោយពួកគាត់យល់ថា អាជ្ញាធរជាតិអប្សរាមានក្រុមជំនាញដែលធ្លាប់ធ្វើការស្តារនិងជួសជុលប្រព័ន្ធទឹកបុរាណជាច្រើនក្នុងតំបន់រមណីយដ្ឋានអង្គរ។

លោក ជាម តាន់ មេឃុំខ្នងភ្នំបានសម្តែងនូវការដឹងគុណយ៉ាងជ្រាលជ្រៅចំពោះអាជ្ញាធរជាតិអប្សរា ដែលបានឧបត្ថម្ភយ៉ាងពេញទំហឹងលើការងារជួសជុលនេះទាំងបច្ចេកទេស សម្ភារៈ និងថវិកា។ លោកមេឃុំបញ្ជាក់ថា ទំនប់ថ្នល់ដាច់នេះនឹងជួយឲ្យប្រជាពលរដ្ឋមានកម្រិតជីវភាពល្អប្រសើរថែមទៀត ដោយអាងនេះនឹងក្លាយជាកន្លែងផ្គត់ផ្គង់ទឹកប្រើប្រាស់ កន្លែងចិញ្ចឹមត្រី និងជាតំបន់ទេសចរណ៍ដែលអាចបន្ថែមចំណូលដល់ប្រជាពលរដ្ឋដែលរស់នៅលើខ្នងភ្នំនេះ។

ឯកឧត្តម ហង់ ពៅ អគ្គនាយករងនៃអាជ្ញាធរជាតិអប្សរា មានប្រសាសន៍ក្នុងពិធីឆ្លងសមិទ្ធផលនេះថា ទំនប់នេះជាកម្លាំងញើសឈាមរបស់បងប្អូនប្រជាពលរដ្ឋពិតៗ។ វាជាគម្រោង និងជាគំនិតផ្តួចផ្តើមរបស់ប្រជាពលរដ្ឋ ក្នុងការជួសជុលរបស់បុរាណឲ្យមានសភាពដើម អាចប្រើប្រាស់ឡើងវិញបាន។ អាជ្ញាធរជាតិអប្សរាគ្រាន់តែជាជំនួយបងប្អូនប្រជាពលរដ្ឋ ដែលមានគំនិតស្រឡាញ់បេតិកភណ្ឌដូនតាស្រាប់។ ថ្នាក់ដឹកនាំនៃអាជ្ញាធរជាតិអប្សរាគ្រប់លំដាប់ថ្នាក់ ជាពិសេស ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា តែងយកចិត្តទុកដាក់ចំពោះតម្រូវការនានារបស់សហគមន៍ ជាពិសេសគឺការលើកកម្ពស់សុខុមាលភាព និងជីវភាពប្រចាំថ្ងៃរបស់ប្រជាពលរដ្ឋ។

ឯកឧត្តម គុជ លីណា ប្រធានក្រុមការងារខេត្តចុះជួយស្រុកស្វាយលើក៏បានសម្តែងនូវអំណរសាទរចំពោះប្រជាពលរដ្ឋ អាជ្ញាធរមូលដ្ឋាន ជាពិសេសគឺអាជ្ញាធរជាតិអប្សរា ដែលបានសហការគ្នាជួសជុលទំនប់បុរាណនេះឲ្យបានប្រើប្រាស់ឡើងវិញ ស្របតាមតម្រូវការជាក់ស្តែងរបស់ប្រជាពលរដ្ឋ។ ឯកឧត្តមក៏បានសំណូមពរឲ្យអាជ្ញាធរជាតិអប្សរាជួយជួសជុលទំនប់បុរាណ២កន្លែងផ្សេងទៀតដែលស្ថិតនៅខ្នងភ្នំនេះដែរ។

គួររំឭកថា ទំនប់ថ្នល់ដាច់នេះត្រូវបានអាជ្ញាធរជាតិអប្សរាចាប់ផ្តើមធ្វើការជួសជុលចាប់ពីចុងខែមីនា ឆ្នាំ២០១៦មក ដោយមានការចូលរួមពីគម្រោងអភិវឌ្ឍន៍សេដ្ឋកិច្ច សហគមន៍ និងបេតិកភណ្ឌអង្គររបស់អាជ្ញាធរជាតិអប្សរា ហៅកាត់ថា ACHA និងមូលនិធិបុរាណវិទ្យាសម្រាប់ការអភិវឌ្ឍ (ADF)៕









ព្នៅ ជាប្រភេទរុក្ខជាតិបុរាណខ្មែរ ហើយមានសារប្រយោជន៍ច្រើនមុខ ទាំងសម្រាប់បរិភោគ និងជាឱសថផង លើសពីនេះ វាជារុក្ខជាតិដែលត្រូវបានលើកតម្កើងទាំងពិធីសាសនា និងកិច្ចពិធីផ្សេងៗក្នុងសាសនាព្រាហ្មណ៍។ ដោយយល់ពីសារប្រយោជន៍ ក៏ដូចជាដើម្បីអភិរក្សពូជដើមព្នៅកុំឱ្យបាត់បង់ អាជ្ញាធរជាតិអប្សរា មានគម្រោងរៀបចំជាចម្ការព្នៅ ដោយដាំពូជព្នៅចម្រុះនៅក្នុងតំបន់រមណីយដ្ឋានអង្គរ ក៏ដូចជាសម្រាប់ទុកឱ្យអ្នកជំនាន់ក្រោយៗបានស្គាល់ផង។
ក្រោមស្នាដៃជួសជុលដោយកូនខ្មែរនិងបរទេសក្នុងការអភិរក្សប្រាសាទភ្នំបាខែងឱ្យផុតពីគ្រោះថ្នាក់ អាជ្ញាធរជាតិអប្សរាសហការជាមួយមូលនិធិប្រាសាទពិភពលោក (World Monument Fund) តាំងពីឆ្នាំ២០០៧ បានធ្វើការអភិរក្ស ជួសជុល ប្រាសាទភ្នំបាខែង ដោយប្រែស្ថានភាពពីចាស់ទ្រុឌទ្រោម បាក់បែក មកជាសំណង់ប្រាសាទដែលមានភាពរឹងមាំ សោភ័ណភាពស្អាត និងទាក់ទាញទេសចរ។
នៅព្រឹកថ្ងៃទី២៤ ខែកញ្ញា ឆ្នាំ២០២០នេះ មន្រ្តី និងបុគ្គលិកនៃអាជ្ញាធរជាតិអប្សរា រួមមាននាយកដ្ឋានផ្សព្វផ្សាយ នាយកដ្ឋានសណ្ដាប់ធ្នាប់ និងសហប្រតិបត្តិការ និងនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន បានចូលរួមជាមួយព្រះសង្ឃ និងកម្លាំងនគរបាលបេតិកភណ្ឌ ដាំកូនឈើចំនួន៥០០ដើម នៅក្នុងបរិវេណវត្តតាំងតុ ស្ថិតនៅតាមបណ្ដោយផ្លូវឆ្ពោះទៅខ្លោងទ្វារជ័យ នៃក្រុងអង្គរធំ។
តាមរបាយការណ៍របស់នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរនៃអាជ្ញាធរជាតិអប្សរា ឱ្យដឹងថា ខែកញ្ញា ឆ្នាំ២០២០នេះ ក្រុមការងារ បានចុះពិនិត្យនិងជួយសម្រួលលក្ខណៈបច្ចេកទេសដល់ប្រជាពលរដ្ឋដែលសាងសង់លំនៅដ្ឋានចំនួន៣០៩គ្រួសារ នៅក្នុងតំបន់អង្គរ។
ព្រះមហាវិមលធម្ម សិរីសុវណ្ណោ ពិន សែម រាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយកនៃព្រះរាជាណាចក្រកម្ពុជា និងជាព្រះចៅអធិការវត្ត រាជបូណ៌ បានដឹកនាំព្រះសង្ឃប្រមាណ៦០អង្គ ចូលរួមដាំដើមព្នៅនៅបរិវេណកសិន្ធុខាងជើងនៃប្រាសាទអង្គរវត្ត។ ព្រះអង្គមានបន្ទូលថា ដើមព្នៅមានសារប្រយោជន៍ដ៏អស្ចារ្យដែលប្រជាពលរដ្ឋខ្មែរត្រូវដឹង និងចូលរួមដាំឡើងវិញកុំឱ្យបាត់បង់។ ពិសេសជាងនេះ ដើមព្នៅជារុក្ខជាតិដ៏ខ្ពង់ខ្ពស់ក្នុងសាសនាព្រាហ្មណ៍ និងប្រើប្រាស់សម្រាប់ជាឱសថព្យាបាលរោគផង។
FirstPrev12345...347348NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
6
Today
:
4702
Yesterday
:
5746
This Week
:
85127
This Month
:
0241208
Total
:
012748797