NEWS

The English version of this website is still under construction. This section is only available in Khmer language at this stage. We apologise for any inconvenience

Published on 12 May 2016 08:21 AM Post By ៖ Apsara National Authority
នៅព្រឹកថ្ងៃទី១០ ខែឧសភា ឆ្នាំ២០១៦នេះ ឯកឧត្តម ខូយ គឹមទួ ទីប្រឹក្សា និងជាប្រធានក្រុមការងារសហគមន៍អាជ្ញាធរជាតិអប្សរាប្រចាំក្រុងសៀមរាប បានដឹកនាំក្រុមការងារ បន្តចុះចែកទឹកដល់ប្រជាពលរដ្ឋដែលកំពុងខ្វះខាត នៅសង្កាត់ទឹកវិល ក្រុងសៀមរាប។

ដោយសារតែអាកាសធាតុក្តៅហួតហែងនៅតែបន្តអូសបន្លាយ បានធ្វើឱ្យប្រជាពលរដ្ឋស្ទើរពេញផ្ទៃប្រទេសជួបប្រទះបញ្ហាកង្វះខាតទឹកសម្រាប់ប្រើប្រាស់ ក្នុងនោះប្រជាពលរដ្ឋនៅតំបន់ឧទ្យានអង្គរក៏ជួបប្រទះបញ្ហាបែបនេះដែរ។ ហេតុដូច្នេះហើយ បានជាអាជ្ញាធរជាតិអប្សរានៅតែបន្តការចែកចាយទឹក សម្រាប់ប្រជាពលរដ្ឋប្រើប្រាស់ ជាក់ស្តែងទឹកស្អាតចំនួន៣៥០០លីត្រ ត្រូវបានចែកជូនដល់ប្រជាពលរដ្ឋចំនួន២៥គ្រួសារក្នុងភូមិសណ្តាន់ និងចំនួន៣៥០០លីត្រទៀតត្រូវបានចែកជូនដល់មជ្ឈមណ្ឌលកុមារកំព្រាអន្តរជាតិ។

នេះជាលើកទី៥ ហើយសម្រាប់ការចែកទឹក របស់អាជ្ញាធរជាតិអប្សរាជូនដល់ប្រជាពលរដ្ឋដែលជួបប្រទះនូវកង្វះខាតទឹកសម្រាប់ប្រើប្រាស់ ហើយការចែកជូននេះទៀតសោត នឹងនៅតែបន្ត រហូតដល់ប្រជាពលរដ្ឋមានទឹកប្រើប្រាស់ជាធម្មតាមកវិញ។ អាជ្ញាធរជាតិអប្សរាមិនត្រឹមតែមានតួនាទីគ្រប់គ្រង អភិរក្ស និងជួសជុលប្រាង្គប្រាសាទក្នុងឧទ្យានអង្គរដែលជាសម្បត្តិបេតិកភណ្ឌពិភពលោកប៉ុណ្ណោះទេ ថ្នាក់ដឹកនាំគ្រប់ជាន់ថ្នាក់តែងតែយកចិត្តទុកដាក់ជាប្រចាំចំពោះសុខទុក្ខរបស់ប្រជាពលរដ្ឋទាំងអស់ ដែលរស់នៅក្នុងតំបន់រមណីយដ្ឋានអង្គរ ជាក់ស្តែងដូចជាកន្លងមកក្រុមការងារសហគមន៍បានចុះដោះស្រាយបញ្ហារបស់ប្រជាពលរដ្ឋជាច្រើន ដល់មូលដ្ឋានផ្ទាល់ ហើយចំពោះគ្រួសារដែលឆ្លងទន្លេថ្មីៗ ក៏ទទួលបាននូវការឧបត្ថម្ភជាសម្ភារៈ និងថវិកាមួយចំនួនផងដែរ៕






ថ្ងៃទី២០ ខែវិច្ឆិកា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន៣គោលដៅ ដែលមានការចូលរួមសហការជាមួយអាជ្ញាធរមូលដ្ឋាន ចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ថ្ងៃទី១៩ ខែវិច្ឆិកា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅ ដែលមានការសហការជាមួយអាជ្ញាធរមូលដ្ឋាន ចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
ថ្ងៃទី១៧ ខែវិច្ឆិកា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន២គោលដៅ ដែលចូលរួមសហការជាមួយអាជ្ញាធរមូលដ្ឋាន ចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។
១ អាជ្ញាធរជាតិអប្សរាចូលរួមគោរពទិវាឯករាជ្យជាតិលើកទី៦៧
នាព្រឹកថ្ងៃទី០៩ ខែវិច្ឆិកា ឆ្នាំ២០២០ នៅវិមានរំឭកគុណអតីតវីរយុទ្ធជនខេត្តសៀមរាប ឯកឧត្តម គឹម សុធិន អគ្គនាយករងអាជ្ញាធរជាតិអប្សរា ដឹកនាំមន្ត្រីបុគ្គលិក នៃអាជ្ញាធរជាតិអប្សរា បានចូលរួមគោរពវិញ្ញាណក្ខន្ធអតីតវីរយុទ្ធជន រំឭកខួបអនុស្សាវរីយ៍លើកទី៦៧ នៃទិវាឯករាជ្យជាតិខ្មែរ និងការបង្កើតកងយុទ្ធពលខេមរភូមិន្ទកាលពីថ្ងៃទី០៩ វិច្ឆិកា ១៩៥៣។
ថ្ងៃទី១៣ ខែវិច្ឆិកា ឆ្នាំ២០២០ ក្រុមការងារសហគមន៍នៃអាជ្ញាធរជាតិអប្សរាចំនួន៣គោលដៅ ដែលមានការចូលរួមសហការជាមួយអាជ្ញាធរមូលដ្ឋាន ចុះពិនិត្យ និងដោះស្រាយសំណើសុំជួសជុលផ្ទះរបស់ប្រជាពលរដ្ឋក្នុងឧទ្យានអង្គរ។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
14
Today
:
4889
Yesterday
:
10457
This Week
:
25077
This Month
:
0343202
Total
:
013325516