NEWS

The English version of this website is still under construction. This section is only available in Khmer language at this stage. We apologise for any inconvenience

Published on 11 May 2016 11:24 AM Post By ៖ Apsara National Authority
នាព្រឹកថ្ងៃទី១០ ខែឧសភា ឆ្នាំ២០១៦ Miss Global 2015 ចំនួន៣រូប មកពីប្រទេសអូស្ត្រាលី ប្រទេសអៀរឡង់ និងសហរដ្ឋអាមេរិក (មានសញ្ជាតិខ្មែរ) រួមនឹងគណៈប្រតិភូអមដំណើរ បានចូលជួបសម្តែងការគួរសមជាមួយឯកឧត្តម សុខ សង្វារ អគ្គនាយករង និងថ្នាក់ដឹកនាំនៃអាជ្ញាធរជាតិអប្សរាជាច្រើននាក់ នៅមជ្ឈមណ្ឌលអាជ្ញាធរជាតិអប្សរា ដើម្បីស្តាប់បទបង្ហាញមួយចំនួនអំពីអង្គរនិងការគ្រប់គ្រងតំបន់អង្គរ។

បទបង្ហាញដែលបកស្រាយដោយអ្នកជំនាញអាជ្ញាធរជាតិអប្សរានៅក្នុងជំនួបនេះមាន ការជួសជុលប្រាសាទ ផែនការគ្រប់គ្រងទេសចរណ៍អង្គរ និងអាជ្ញាធរជាតិអប្សរាជាមួយការងារសហគមន៍ រួមទាំងវីដេអូខ្លីអំពីការផ្សព្វផ្សាយក្រមប្រតិបត្តិអង្គរ។

បន្ទាប់ពីសម្តែងការស្វាគមន៍ទៅកាន់ Miss Globle 2015 រួមនឹងគណៈប្រតិភូអមដំណើរទាំងអស់ហើយ ឯកឧត្តម សុខ សង្វារ ក៏បានជម្រាបជូនភ្ញៀវអំពីការទទួលបានចំណាត់ថ្នាក់លេខ១ស្ទួនៗជាបន្តបន្ទាប់នៃតំបន់រមណីយដ្ឋានប្រវត្តិសាស្រ្តអង្គរ ពោលគឺកាលពីឆ្នាំង២០១៤ អង្គរបានជាប់ចំណាត់ថ្នាក់លេខ១ នៅលើគេហទំព័រ Archaeo Madness ដែលតែងតែយកតំបន់បុរាណវិទ្យានិងប្រវត្តិសាស្រ្តទាំងអស់លើពិភពលោកមកប្រៀបធៀបគ្នា។ បន្ទាប់មកទៀត នៅដើមឆ្នាំ២០១៥ អង្គរទទួលបានចំណាត់ថ្នាក់លេខ១ម្តងទៀត នៅលើគេហទំព័រអន្តរជាតិ Trip advisor ជាគេហទំព័រផ្សព្វផ្សាយពីតំបន់ទេសចរណ៍ល្បីៗលើពិភពលោក ហើយថ្មីៗនេះអង្គរបានបន្តជាប់លេខ១បន្ថែមទៀត នៅលើគេហទំព័ររបស់ក្រុមហ៊ុន Lonely Planet ជាគេហទំព័រផ្សព្វផ្សាយនិងជាប្រភពព័ត៌មានទេសចរណ៍ដ៏ល្បីមួយលើពិភពលោក មានទាំងព័ត៌មានតាមរយៈវេបសាយ ទស្សនាវដ្តី និងសៀវភៅជាដើម។

ឯកឧត្តមបន្តទៀតថា ភាពជោគជ័យដែលជម្រុញឲ្យអង្គរទទួលបានចំណាត់ថ្នាក់ទាំងនេះរួមមាន ការខិតខំប្រឹងប្រែងរបស់រាជរដ្ឋាភិបាល អាជ្ញាធរជាតិអប្សរា វិស័យឯកជន និងគ្រប់ផ្នែកពាក់ព័ន្ធទាំងអស់ ជាពិសេសប្រជាជននិងភ្ញៀវទេសចរគ្រប់រូប ក្នុងការរួមចំណែកលើការគ្រប់គ្រង ការអភិវឌ្ឍ និងការអភិរក្សសម្បត្តិបេតិកភណ្ឌពិភពលោកនៃតំបន់ឧទ្យានអង្គរប្រកបដោយចីរភាព។

តាមរយៈវត្តមានរបស់ Miss Global 2015 ៣រូបនៅលើទឹកដីប្រវត្តិសាស្ត្រអង្គរ ឯកឧត្តម រំពឹងថានឹងធ្វើឱ្យវិស័យទេសចរណ៍នៅកម្ពុជាកាន់តែទទួលបានប្រជាប្រិយភាពនិងភាពល្បីល្បាញកាន់តែខ្លាំងឡើងៗ ហើយអរគុណចំពោះការចាប់យកកម្ពុជា ក៏ដូចជាខេត្តសៀមរាបជាគោលដៅទេសចរណ៍ក្នុងដំណើរកម្សាន្តដ៏មានតម្លៃនេះ។

បវរកញ្ញាទាំង៣ ក៏បានសម្តែងនូវភាពសប្បាយរីករាយ ចំពោះវត្តមានជាប្រវត្តិសាស្ត្រលើកដំបូងនៅលើទឹកដីអង្គរនៃខេត្តសៀមរាប ដែលបានមកឃើញម្តងហើយ ចង់មកលេងម្តងទៀត។ នៅទីនេះមានសុខសុវត្ថិភាព មិនមានអ្វីដែលគួរឱ្យភ័យខ្លាចចំពោះសន្តិសុខនោះទេ។ ពិសេសជាងនេះទៅទៀត បវរកញ្ញាទាំង៣ក៏បានគាំទ្រនិងសំណូមពរឱ្យភ្ញៀវទេសចរទាំងអស់ចូលរួមគោរពក្រមប្រតិបត្តិអង្គរឱ្យបានគ្រប់ៗគ្នា។

គួរបញ្ជាក់ផងដែរថា វត្តមានរបស់ Miss Global 2015 ទាំងអស់នៅលើទឹកដីខេត្តសៀមរាប មានរយៈពេល៣ថ្ងៃ ដើម្បីឈ្វេងយល់ពីតំបន់ប្រវត្តិសាស្ត្រនិងជាទិសដៅទេសចរណ៍លេខ១លើពិភពលោក ដោយមានអ្នកជំនាញនៃអាជ្ញាធរជាតិអប្សរា ជាមគ្គុទ្ទេសក៍ក្នុងដំណើរទស្សនកិច្ចនេះ៕















Volunteer doctors come from other countries around the world and 15 volunteer staffs from the University of Alaska, the United States have been working with Cambodian doctors, APSARA and local authority to provide free medical check and treatment for the villagers in Ta Kos village, Bradak commune, Banteay Srei district, Siem Reap.
APSARA Authority, led by H.E Mr. Sok Sangvar, Deputy Director General, participates in paying respect to former veterans, who sacrificed their life in the war, at memorial monument in Siem Reap province. This ceremony is held with the presence of H.E General Tea Banh, Deputy Prime Minister and Minister of National Defence.
Preah Norodom Sihanouk-Angkor Museum is being restored smoothly with the completion by 60 percent. This restoration project is the cooperation between four institutions, including APSARA Authority, AEON 1% Club Foundation, industrial company Sato (Cambodia) and the Center for Asian Research and Human Resources of Sofia University.
On the morning of 5 January 2017, Community working group of APSARA continues to promote the awareness of health, especially reminding the villagers to use the toilet in the family in Leang Dai village, which is located in the west of Angkor Thom.

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
9
Today
:
4667
Yesterday
:
6412
This Week
:
22808
This Month
:
0249672
Total
:
012075303