NEWS

The English version of this website is still under construction. This section is only available in Khmer language at this stage. We apologise for any inconvenience

Published on 10 May 2016 04:37 PM Post By ៖ Apsara National Authority

កាលពីព្រឹកថ្ងៃទី១០ ខែ ឧសភា ឆ្នាំ ២០១៦ ឯកឧត្តមបណ្ឌិត ស៊ុំ ម៉ាប់ អគ្គនាយកនៃអាជ្ញាធរជាតិអប្សរា និងតំណាងស្ថានទូតបារាំង ក្នុងនាមសហប្រធានគណៈកម្មការដឹកនាំនិងតាមដានគម្រោងជួសជុលប្រាសាទមេបុណ្យខាងលិចបានដឹកនាំក្រុមការងារចំរុះនៃអាជ្ញាធរជាតិអប្សរានិងអ្នកជំនាញសាលាបារាំងចុងបូព៌ាចុះទៅពិនិត្យការងារជួសជុលប្រាសាទមេបុណ្យខាងលិច។

ការជួសជុលប្រាសាទមេបុណ្យខាងលិចគឺជាគម្រោងសហការរួមរវាងអាជ្ញាធរជាតិអប្សរា និង រដ្ឋាភិបាលបារាំង។ គម្រោងនេះត្រូវបានអនុវត្តតាំងពីឆ្នាំ២០១២ ដែលគ្រោងនឹងបញ្ចប់នៅឆ្នាំ២០១៩ ហើយបច្ចុប្បន្ននៅទីនោះមានកម្មករ និងបុគ្គលិកជំនាញខ្មែរចំនួន១៣១នាក់ និងអ្នកជំនាញបារាំងមួយចំនួនទៀតទៅតាមតម្រូវការជាក់ស្តែង។ ការចុះពិនិត្យតាមដានការងារជួសជុលពេលនេះ គណៈកម្មការដឹកនាំបានពិនិត្យឃើញថាការដ្ឋានជួសជុលប្រាសាទមេបុណ្យមានដំណើការល្អប្រសើ ព្រមទាំងសម្រេចបានការងារជាវិជ្ជមានជាច្រើន។ ក្នុងកំឡុងពេលដែលចុះត្រួតពិនិត្យគណៈកម្មការដឹកនាំបានសង្កេតឃើញនូវសកម្មភាពជាច្រើនដូចជា៖ ការដាប់ថ្ម ការរៀបថ្មនិងចាក់ដីខ្សាច់ជាស្រទាប់ៗដើម្បីបង្ហាប់គ្រឹះប្រាសាទ។

ឯកឧត្តម ហង់ ពៅ អគ្គនាយករង និងជាអ្នកគ្រប់គ្រងគម្រោងនៃអាជ្ញាធរជាតិអប្សរាបានមានប្រសាសន៍ថា ការចុះពិនិត្យការដ្ឋានជួសជុលនេះគឺគណៈកម្មការដឹកនាំចង់ដឹងពីការជួសជុលប្រាសាទបានដំណើរការដល់ណា ហើយបន្ទាប់ពីពិនិត្យតាមដានគណៈកម្មការសង្កេតឃើញថាការដ្ឋានមានដំណើរការលឿនមែនទែនក្នុងរយៈពេល៦ខែនេះដោយសារយើងមានការយល់ច្បាស់ពីគ្រឹះប្រាសាទ។

ប្រាសាទមេបុណ្យខាងលិចជាប្រាសាទបុរាណខ្មែរ មានទីតាំងស្ថិតនៅលើដីទួលមួយកន្លែង ចំកណ្តាលបារាយណ៍ខាងលិច។ ប្រាសាទនេះត្រូវបានស្ថាបនាឡើងនៅអំឡុងពាក់កណ្តាលសតវត្សរ៍ ទី១១នៃគ្រិស្តសករាជក្នុងរាជ្យព្រះបាទឧទយាទិត្យវរ្ម័នទី២ ឧទ្ទិសចំពោះព្រហ្មញ្ញសាសនាដែលមាន លក្ខណៈប្លែកពិសេស ដោយហេតុថា សំណង់ប្រាសាទផ្សំឡើងដោយកំពែងមួយជាន់ធ្វើអំពីថ្មភក់ ហ៊ុមព័ទ្ធស្រះទឹកធំមួយដែលគេជីកនៅលើដីទួលនោះ។ តាមរយៈការធ្វើកំណាយនៅឆ្នាំ១៩៣៩ គេបានរកឃើញរូបបដិមាជាព្រះវិស្ណុ ក្នុងឥរិយាបថផ្ទំមួយអង្គ ។

























Seeing the complexity and accident risk at the intersection point, which is located in the south of Angkor Wat, Apsara Authority will change the triangleabout into mini roundabout based on the advice of the experts, ICC - Angkor.
Apsara Authority is pleased to commemorate the 63rd Independence Day, 9 November 2016 as the commitment and hard work of King Norodom Sihanouk, the former king as integral to Cambodia’s independence.
ដើមគ្រញូងចំណាស់មួយដើម ដែលមានអង្កត់ផ្ចិត ៨៣សង់ទីម៉ែត្រ (៨,៣តឹក) ប្រវែងជាង៨ម៉ែត្រ នៅមាត់កសិន្ធុអង្គរធំ ខាងកើតវត្តថ្មីដំរីសែនជ័យ ស្ថិតនៅភូមិនគរក្រៅ សង្កាត់គោកចក ក្រុងសៀមរាប ត្រូវបានជនខិលខូចលួចអារដោយរណារយន្ត កាលពីយប់ថ្ងៃទី៤ ខែវិច្ឆិកា​ ឆ្នាំ២០១៦។
ការថែរក្សាបេតិកភណ្ឌ គឺទាមទារឲ្យមានការចូលរួមពីប្រជាពលរដ្ឋនិងគ្រប់គូភាគីដែលពាក់ព័ន្ធទាំងអស់ដើម្បីលើកកម្ពស់នូវតម្លៃ និងភាពយូរអង្វែងនៃសម្បត្តិបេតិកភណ្ឌដ៏ល្អឯកដល់មនុស្សជាតិជំនាន់ក្រោយទៀត ។ ក្នុងហេតុផលនេះ អាជា្ញធរជាតិអប្សរាបានបង្កើតក្រុមការងារសហគមន៍ ដើម្បីផ្សព្វផ្សាយអំពីបេតិកភណ្ឌដល់ប្រជាពលរដ្ឋក្នុងតំបន់រមណីយដ្ឋានអង្គរ សាលារៀន និងតាមបណ្តាសាកលវិទ្យាល័យនានាក្នុងក្រុងខេត្តសៀមរាបទាំងមូលជាប្រចាំ ឲ្យគ្រប់គ្នាបានយល់ហើយចូលរួមគ្នាជួយថែរក្សាការពារនិងអភិរក្សនូវបេតិកភណ្ឌដូនតា ។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
22
Today
:
20563
Yesterday
:
98152
This Week
:
20563
This Month
:
0020563
Total
:
015090366