NEWS

The English version of this website is still under construction. This section is only available in Khmer language at this stage. We apologise for any inconvenience

Published on 10 May 2016 04:37 PM Post By ៖ Apsara National Authority

កាលពីព្រឹកថ្ងៃទី១០ ខែ ឧសភា ឆ្នាំ ២០១៦ ឯកឧត្តមបណ្ឌិត ស៊ុំ ម៉ាប់ អគ្គនាយកនៃអាជ្ញាធរជាតិអប្សរា និងតំណាងស្ថានទូតបារាំង ក្នុងនាមសហប្រធានគណៈកម្មការដឹកនាំនិងតាមដានគម្រោងជួសជុលប្រាសាទមេបុណ្យខាងលិចបានដឹកនាំក្រុមការងារចំរុះនៃអាជ្ញាធរជាតិអប្សរានិងអ្នកជំនាញសាលាបារាំងចុងបូព៌ាចុះទៅពិនិត្យការងារជួសជុលប្រាសាទមេបុណ្យខាងលិច។

ការជួសជុលប្រាសាទមេបុណ្យខាងលិចគឺជាគម្រោងសហការរួមរវាងអាជ្ញាធរជាតិអប្សរា និង រដ្ឋាភិបាលបារាំង។ គម្រោងនេះត្រូវបានអនុវត្តតាំងពីឆ្នាំ២០១២ ដែលគ្រោងនឹងបញ្ចប់នៅឆ្នាំ២០១៩ ហើយបច្ចុប្បន្ននៅទីនោះមានកម្មករ និងបុគ្គលិកជំនាញខ្មែរចំនួន១៣១នាក់ និងអ្នកជំនាញបារាំងមួយចំនួនទៀតទៅតាមតម្រូវការជាក់ស្តែង។ ការចុះពិនិត្យតាមដានការងារជួសជុលពេលនេះ គណៈកម្មការដឹកនាំបានពិនិត្យឃើញថាការដ្ឋានជួសជុលប្រាសាទមេបុណ្យមានដំណើការល្អប្រសើ ព្រមទាំងសម្រេចបានការងារជាវិជ្ជមានជាច្រើន។ ក្នុងកំឡុងពេលដែលចុះត្រួតពិនិត្យគណៈកម្មការដឹកនាំបានសង្កេតឃើញនូវសកម្មភាពជាច្រើនដូចជា៖ ការដាប់ថ្ម ការរៀបថ្មនិងចាក់ដីខ្សាច់ជាស្រទាប់ៗដើម្បីបង្ហាប់គ្រឹះប្រាសាទ។

ឯកឧត្តម ហង់ ពៅ អគ្គនាយករង និងជាអ្នកគ្រប់គ្រងគម្រោងនៃអាជ្ញាធរជាតិអប្សរាបានមានប្រសាសន៍ថា ការចុះពិនិត្យការដ្ឋានជួសជុលនេះគឺគណៈកម្មការដឹកនាំចង់ដឹងពីការជួសជុលប្រាសាទបានដំណើរការដល់ណា ហើយបន្ទាប់ពីពិនិត្យតាមដានគណៈកម្មការសង្កេតឃើញថាការដ្ឋានមានដំណើរការលឿនមែនទែនក្នុងរយៈពេល៦ខែនេះដោយសារយើងមានការយល់ច្បាស់ពីគ្រឹះប្រាសាទ។

ប្រាសាទមេបុណ្យខាងលិចជាប្រាសាទបុរាណខ្មែរ មានទីតាំងស្ថិតនៅលើដីទួលមួយកន្លែង ចំកណ្តាលបារាយណ៍ខាងលិច។ ប្រាសាទនេះត្រូវបានស្ថាបនាឡើងនៅអំឡុងពាក់កណ្តាលសតវត្សរ៍ ទី១១នៃគ្រិស្តសករាជក្នុងរាជ្យព្រះបាទឧទយាទិត្យវរ្ម័នទី២ ឧទ្ទិសចំពោះព្រហ្មញ្ញសាសនាដែលមាន លក្ខណៈប្លែកពិសេស ដោយហេតុថា សំណង់ប្រាសាទផ្សំឡើងដោយកំពែងមួយជាន់ធ្វើអំពីថ្មភក់ ហ៊ុមព័ទ្ធស្រះទឹកធំមួយដែលគេជីកនៅលើដីទួលនោះ។ តាមរយៈការធ្វើកំណាយនៅឆ្នាំ១៩៣៩ គេបានរកឃើញរូបបដិមាជាព្រះវិស្ណុ ក្នុងឥរិយាបថផ្ទំមួយអង្គ ។

























កាលពីថ្ងៃទី១៨ ខែវិច្ឆកា ឆ្នាំ២០១៩ ក្រុមការងារជួសជុល និងថែទាំផ្លូវ នាយកដ្ឋានទ្រទ្រង់បច្ចេកទេស និងគម្រោងអន្តរវិស័យ នៃអាជ្ញាធរជាតិអប្សរា បានចុះអនុវត្តការងារថែទាំ និងកែលម្អស្លាកសញ្ញាតាមដងផ្លូវវង់ធំ ក្នុងតំបន់រមណីយដ្ឋានអង្គរ ដើម្បីពង្រឹងគុណភាព និងលើកសោភ័ណភាពនៃហេដ្ឋារចនាសម្ពន្ធផ្លូវថ្នល់ សម្រួលដល់ការធ្វើចរាចរណ៍ និងសុវត្ថិភាពដល់ប្រជាជន ភ្ញៀវទេសចរណ៍ជាតិ -អន្តរជាតិ។
ទូលព្រះបង្គំយើងខ្ញុំទាំងអស់គ្នាដែលជាថ្នាក់ដឹកនាំ មន្ត្រីរាជការ បុគ្គលិក និងពលករគ្រប់លំដាប់ថ្នាក់នៃអាជ្ញាធរជាតិអប្សរា សូមក្រាបបង្គំចូលរួមចែករំលែកនូវព្រះរាជមរណទុក្ខដ៏សែនក្រៀមក្រំដោយក្តីសោកសង្រេងជាទីបំផុតជាមួយព្រះករុណាជាអម្ចាស់ជីវិតតម្កល់លើត្បូង ព្រះមហាក្សត្រនៃព្រះរាជាណាចក្រកម្ពុជា
នៅព្រឹកថ្ងៃទី១៨ ខែវិច្ឆកា ឆ្នាំ២០១៩ អង្គភាពប្រព័ន្ធគ្រប់គ្រងបរិស្ថាន-អង្គរនៃអាជ្ញាធរជាតិអប្សរា បានបើកកិច្ចប្រជុំសវនកម្មផ្ទៃក្នុងគ្រប់នាយកដ្ឋាន និងអង្គភាពចំណុះ ដើម្បីបញ្ជាក់នូវភាពអនុលោមជាប្រចាំនៃប្រព័ន្ធគ្រប់គ្រងបរិស្ថានអង្គរតាមតម្រូវការនៃស្តង់ដារ ISO-14001:2015 នៅក្នុងរយៈពេលនៃការអនុវត្តបន្តពីសវនកម្មឆ្នាំមុន។
នៅថ្ងៃទី១៥ ខែវិច្ឆិកា ឆ្នាំ២០១៩ ក្រុមការងារបច្ចេកទេសរបស់អាជ្ញាធរជាតិអប្សរាប្រចាំប្រាសាទចៅស្រីវិបុលបានសហការជាមួយអភិបាលរងស្រុកប្រាសាទបាគង ប្រធានការិយាល័យមន្ទីរវប្បធម៌ខេត្តសៀមរាប នគរបាលបេតិកភណ្ឌ នគរបាលប៉ុស្ត៍រដ្ឋបាលស្រុកប្រាសាទបាគង មន្រ្តីធម្មការនិងសាសនាស្រុកប្រាសាទបាគង បានចុះហាមឃាត់ការសាងសង់សំណង់ឥដ្ឋ និងការត្រួសត្រាយដីទួលប្រាសាទកូងបូង ដែលមានទីតាំងស្ថិតនៅក្នុងភូមិតាភោគ ឃុំបាគង ស្រុកប្រាសាទបាគង ខេត្តសៀមរាប។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
5
Today
:
2178
Yesterday
:
16199
This Week
:
18377
This Month
:
0150503
Total
:
009619260