NEWS

The English version of this website is still under construction. This section is only available in Khmer language at this stage. We apologise for any inconvenience

Published on 09 May 2016 05:38 PM Post By ៖ Apsara National Authority

ស្ពានហាលមុខប្រាសាទអង្គរវត្ត ដែលនៅសល់មិនទាន់បានជួសជុលក្នុងពេលមុនៗ នឹងត្រូវចាប់ផ្តើមការដ្ឋានជួសជុលពីថ្ងៃទី៩ ខែឧសភា ឆ្នាំ២០១៦នេះហើយ។ ការជួសជុលស្ពានហាលប្រវែង៩០ម៉ែត្រនេះ គឺជាគម្រោងសហការរវាងអាជ្ញាធរជាតិអប្សរាជាមួយសាកលវិទ្យាល័យសូហ្វីយ៉ានៃប្រទេសជប៉ុន ហើយគ្រោងនឹងចំណាយពេល៤ឆ្នាំ។

ពិធីចុះហត្ថលេខា និងបើកការដ្ឋាននៅព្រឹកមិញនេះបានប្រារព្ធឡើងជាផ្លូវការ ក្រោមអធិបតីភាពឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងឯកឧត្តម Kumamaru Yuji អគ្គរាជទូតជប៉ុនប្រចាំកម្ពុជា ដោយមានការចូលរួមពីមន្ត្រីរាជរដ្ឋាភិបាល អាជ្ញាធរជាតិអប្សរា អាជ្ញាធរខេត្តសៀមរាប តំណាងស្ថានទូតនៃប្រទេសមួយចំនួនទៀត ព្រមទាំងប្រជាពលរដ្ឋ សិស្ស និស្សិតយ៉ាងច្រើនកុះករ។

ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរាបានបញ្ជាក់ថា រហូតមកដល់ពេលនេះមានប្រទេសចំនួន២៣ ដែលកំពុងជួយលើការងារអភិរក្សជួសជុលប្រាង្គប្រាសាទក្នុងរមណីយដ្ឋានអង្គរ។ ដោយឡែកប្រទេសជប៉ុនមានស្ថាប័នចំនួន៣ ដែលកំពុងអនុវត្តការងារស្រាវជ្រាវ និងជួសជុលក្នុងតំបន់អង្គរសព្វថ្ងៃគឺ ស្ថាប័ន JASA កំពុងជួសជុលប្រាសាទបាយ័ន សាកលវិទ្យាល័យណារ៉ា កំពុងជួសជុលប្រាសាទតុបខាងលិច និងសាកលវិទ្យាល័យសូហ្វីយ៉ា កំពុងរៀបគម្រោងជួសជុលស្ពានហាលមុខអង្គរវត្តនៅពេលនេះ។ នេះគឺជាជំហានទី២ហើយដែលអាជ្ញាធរជាតិអប្សរាបានសហការជាមួយសាកលវិទ្យាល័យសូហ្វីយ៉ា ក្នុងការជួសជុលស្ពានហាលមុខប្រាសាទអង្គរវត្ត បន្ទាប់ពីស្ពានហាលនេះត្រូវបានជួសជុលប្រវែង១០០ម៉ែត្រក្នុងដំណាក់កាលទី១ នៅឆ្នាំ១៩៩៦ រហូតដល់ឆ្នាំ២០០៧។

ឯកឧត្តមក៏បានសង្កត់ធ្ងន់ថា ដើម្បីធានាសុវត្តិភាពភ្ញៀវទេសចរដែលចេះតែកើនឡើងឥតឈប់ អាជ្ញាធរជាតិអប្សរាទទួលបន្ទុកកសាងផ្លូវវាងបណ្តោះអាសន្នមួយដែលអាចជំនួសស្ពានហាលបានក្នុងការធ្វើដំណើចេញចូលប្រាសាទអង្គរវត្ត។ បន្ទាប់ពីស្ពានវាងបណ្តោះអាសន្នសាងសង់រួចរាល់ ស្ពានហាលទាំងមូលនឹងត្រូវបិទទាំងស្រុងដើម្បីជួសជុល។ រីឯស្ពានបណ្តោះអាសន្ននេះក៏ត្រូវកសាងឡើងតាមបទដ្ឋានបេតិកភណ្ឌដើម្បីបញ្ជៀសនូវផលប៉ះពាល់បុរាណវិទ្យា និងសោភ័ណភាពដើមរបស់ប្រាសាទអង្គរឱ្យបានក្នុងកំរិតអតិបរិមា ព្រមទាំងធានាបាននូវសុវត្តិភាពជូនភ្ញៀវទេសចរ។

លោកសាស្រ្តាចារ្យ Toshiaki Koso ប្រធានក្រុមប្រឹក្សាភិបាលនៃគ្រឹះស្ថានអប់រំសូហ្វីយ៉ា បានលើកឡើងថា វាជាមោទនភាពណាស់ដែលប្រទេសជប៉ុនបានមកសហការជាមួយកម្ពុជា ក្នុងការជួសជុលនិងស្តារឡើងវិញនូវបណ្តាប្រាង្គប្រាសាទ ដែលជាបេតិកភណ្ឌពិភពលោកដ៏អច្ឆរិយៈនេះ។ ប្រាសាទខ្មែរត្រូវតែជួសជុលឡើងវិញដោយដៃកូនខ្មែរ និងដើម្បីខ្មែរ។ ក្នុងន័យនេះ កិច្ចសហការលើការងារជួសជុលស្ពានហាលនេះ គឺដឹកនាំអនុវត្តផ្ទាល់ដោយអ្នកជំនាញនៃអាជ្ញាធរជាតិអប្សរា។ លោកសាស្ត្រាចារ្យបន្ថែមថា តាមរយៈកិច្ចសហការនេះមិនត្រឹមតែបានរឹតចំណងមិត្តភាពកាន់តែជិតស្និទ្ធរវាងអាជ្ញាធរជាតិអប្សរា និងសាកលវិទ្យាលសូហ្វីយ៉ាទេ តែរវាងប្រទេសកម្ពុជា និងប្រទេសជប៉ុនតែម្តង។

មានប្រសាសន៍ក្នុងពិធីនេះ ឯកឧត្តមបណ្ឌិតសភាចារ្យ សុខ អាន បញ្ជាក់ថា ស្ពានហាលនេះគឺជាផ្លូវចេញចូលដ៏សំខាន់នៃប្រាសាទអង្គរវត្ត ដែលជាប្រាសាទមួយប្រកបដោយអត្ថន័យយ៉ាងជ្រាជ្រៅសម្រាប់ប្រជាជាតិខ្មែរ ព្រោះជានិមិត្តរូបជាតិ ជាស្នាដៃស្ថាបត្យកម្ម និងវិស្វកម្មដ៏កំពូលរបស់បុព្វបុរសខ្មែរនាសម័យនោះ។ ជាងនេះទៅទៀត គេជឿថា ស្ពានហាលនេះ គឺជាស្ពានដែលអតីតព្រះមហាក្សត្រខ្មែរព្រះបាទសុរិយវ្ម័នទី២ ធ្លាប់បានយាងចេញចូលប្រាសាទ កាលពីប្រមាណ១ពាន់ឆ្នាំមុន ដើម្បីបំពេញកិច្ចសាសនា និងពិធីផ្សេងៗ។ ឯកឧត្តមក៏បានថ្លែងអំណរគុណយ៉ាងជ្រាលជ្រៅចំពោះប្រទេសជប៉ុន ដែលជានិច្ចកាលតែងយកចិត្តទុកដាក់លើការងារអភិរក្ស និងអភិវឌ្ឍន៍ជាមួយអាជ្ញាធរជាតិអប្សរាក៏ដូចជាប្រទេសកម្ពុជាទាំងមូល។ ឯកឧត្តមបញ្ជាក់ថា ការបើកការដ្ឋាននៅពេលនេះជាការបញ្ជាក់ឲ្យឃើញយ៉ាងច្បាស់នូវស្មារតីសហប្រតិបត្តិការ និងសាមគ្គីភាពជាអន្តរជាតិយ៉ាងរឹងមាំ ក្នុងបុព្វហេតុការពារ ថែរក្សា និងអភិរក្សបេតិកភណ្ឌមនុស្សជាតិ ស្របតាមទិសដៅពាក្យស្លោកថា “បេតិកភណ្ឌដើម្បីទាំងអស់គ្នា ទាំងអស់គ្នាដើម្បីបេតិកភណ្ឌ”។ ជាមួយគ្នានេះ ឯកឧត្តមបណ្ឌិតសភាចារ្យក៏បានថ្លែងអំណរគុណដល់បណ្តាប្រទេសដទៃទៀត ដែលបានខិតខំប្រឹងប្រែងចូលរួមលើកិច្ចការអភិរក្សថែរក្សាបេតិកភណ្ឌអង្គរតាំងពីដើមរៀងមក ហើយនឹងអំពាវឲ្យមានការចូលរួមជាបន្តទៀត។ “ដោយហេតុថា ការថែរក្សាការពារ និងការអភិវឌ្ឍបេតិកភណ្ឌវប្បធម៌ គឺជាកិច្ចការគ្មានទីបញ្ចប់ ប្រកបដោយវិសាលភាពធំធេង ដែលត្រូវការនូវធនធានមនុស្សប្រកបដោយចំណេះដឹង និងជំនាញពិតប្រាកដ និងថវិកាសមស្រប។ ជាងនេះទៅទៀត វាទាមទារនូវការចូលរួមជាប្រចាំពីសំណាក់ដៃគូអភិវឌ្ឍន៍ជាតិនិងអន្តរជាតិ វិស័យឯកជន និងប្រជាពលរដ្ឋទាំងអស់”។






















The professional officers run training to the villagers in Leang Dai village, which is located in the region of Angkor under the theme "Preventing and contamination." This training gets all the villagers understood the reasons that cause water pollution and how to prevent water pollution problems in the community.
Working group of Apsara Authority has helped the villagers to harvest in the rice field in Tropeang Laberk region of Run Ta Ek Eco-village that led by H.E Mr. Mey Marady, advisor of Apsara and Chairman of Run Ta Ek Eco-Village Development Project.
A temporarily floating bridge at Angkor Wat will be started to construct from 28 November 2016 and it will be completed in May next year. Also, this bridge will be constructed from the floating airbags, which have been brought from Canada and get guarantee of the quality and safety for 5 years.
After Angkor was listed as a World Heritage Site in 1992, national and international organizations have begun to join conservation and repaired ancient temples in the region of Angkor. Thus, Japanese Government Team for Safeguarding Angkor has selected Bayon temple for conservation and restoration project since 1994. However, in 2005 JSA cooperated with Apsara to create a working group called JAPAN-APSARA team for Safeguarding Angkor. Also, in the process of restoration, JASA always primarily thinks about the safety of its workers and tourists in each construction site.

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
8
Today
:
12472
Yesterday
:
23309
This Week
:
78575
This Month
:
0035781
Total
:
011498377