NEWS

The English version of this website is still under construction. This section is only available in Khmer language at this stage. We apologise for any inconvenience

Published on 05 April 2016 01:36 PM Post By ៖ Apsara National Authority
ប្រជាពលរដ្ឋពីរគ្រួសារដែលមានផ្ទះនៅជាប់គ្នា ស្ថិតនៅក្នុងភូមិតាស្នេហ៍ ឃុំដូនកែវ ស្រុកពួក ដែលរងគ្រោះដោយសារភ្លើងឆាបឆេះផ្ទះ បានទទួលអំណោយសង្គ្រោះបឋមរបស់ឯកឧត្តមបណ្ឌិតសភាចារ្យ សុខ អាន ឧបនាយកដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា។

ក្នុងពិធីប្រគល់អំណោយនារសៀលថ្ងៃទី៤ ខែមេសា ឆ្នាំ២០១៦នេះ ឯកឧត្តម ឈរ ថាណាត អគ្គនាយករង និងជាប្រធានក្រុមការងារសហគមន៍របស់អាជ្ញាធរជាតិអប្សរាប្រចាំស្រុកពួក បានសម្តែងការសោកស្តាយយ៉ាងខ្លាំងចំពោះការខូចខាតរបស់ប្រជាពលរដ្ឋ ដោយសារអគ្គិភ័យនេះ។ ឯកឧត្តមបានផ្តាំផ្ញើសុំឲ្យប្រជាពលរដ្ឋគ្រប់រូប ប្រុងប្រយ័ត្នខ្ពស់ដើម្បីជៀសផុតពីឧបទ្ទហេតុផ្សេងៗ ជាពិសេស ក្នុងរដូវក្តៅនេះងាយនឹងបង្កការឆាបឆេះណាស់។ ឯកឧត្តមបន្ថែមថា បើទោះជាអំណោយនៅពេលនេះមិនច្រើន តែវាជាអំណោយសង្គ្រោះបឋមដែលអាចជួយសម្រាលទុក្ខលំបាកបានខ្លះនៅគ្រាអាសន្នបែបនេះ។

អ្នកស្រី ព្រំ មឿត កម្មករសំណង់ និងជាម្ចាស់ផ្ទះដែលត្រូវភ្លើងឆេះរៀបរាប់ថា ផ្ទះអ្នកស្រីត្រូវបានភ្លើងឆេះនៅថ្ងៃទី៣១ ខែមីនា ឆ្នាំ២០១៦ តែអ្នកស្រីពុំដឹងថាភ្លើងបង្កឡើងដោយហេតុណាពិតប្រាកដទេ ព្រោះអ្នកស្រី និងស្វាមីទៅធ្វើសំណង់នៅក្រុងសៀមរាប ហើយទុកកូនតូចៗនៅផ្ទះ ជាមួយនឹងម្តាយអាយុជាង៧០ឆ្នាំ។ អគ្គិភ័យបានបំផ្លាញផ្ទះទ្រព្យសម្បត្តិ និងស្រូវជាង១០ការ៉ុងខ្ទេចគ្មានសល់។ អ្នកស្រីលើកឡើងថា ពេលនេះអ្នកស្រីរំភើបចិត្តណាស់ដែលបានទទួលអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន និងលោកជំទាវ ក្នុងពេលក្រុមគ្រួសាររបស់អ្នកស្រីកំពុងជួបហេតុអាក្រក់បែបនេះ។

គួររំឭកថា កាលពីថ្ងៃទី៣១ ខែមីនា ឆ្នាំ២០១៦ អគ្គិភ័យបានឆាបឆេះផ្ទះមួយខ្នងទាំងស្រុងរបស់អ្នកស្រី ព្រំ មឿត ប្រហែលជាដោយសារក្មេងលេងភ្លើង ហើយឆាបទៅឆេះផ្ទះអ្នកស្រីព្រំ រ៉ន ដែលត្រូវជាប្អូនបង្កើតអស់ពាក់កណ្តាលទៀត តែត្រូវបានអ្នកស្រុកមកជួយពន្លត់ទាន់។ ចំណែកអំណោយដែលបានផ្តល់ជូនគ្រួសារជនរងគ្រោះទាំងពីរគ្រួសារនេះ ក្នុងមួយគ្រួសារទទួលបានអង្ករ ៥០គីឡូក្រាម, មីខ្លាឃុំ ៣កេស , ត្រីខកំប៉ុង៤យួរ,ទឹកត្រី ៣យួរ,ទឹកម្ទេស២ដបធំ, ទឹកស៊ីអ៊ីវ៣យួរ, ប៊ីចេង៥កញ្ចប់, អំបិល៣កញ្ចប់, ស្ករស ៥គីឡូក្រាម, តង់១ , កន្ទេល១ និងថវិកាចំនួន៦០ម៉ឺនរៀលសម្រាប់ផ្ទះដែលឆេះទាំងស្រុង និង៤០ម៉ឺនសម្រាប់ផ្ទះដែលឆេះពាក់កណ្តាល៕








ក្រុមការងារសហគមន៍ប្រចាំស្រុកប្រាសាទបាគងដឹកនាំដោយ ឯកឧត្តម សុខ លក្ខិណា ទីប្រឹក្សាអាជ្ញាធរជាតិអប្សរា និងជាប្រធានក្រុមការងារសហគមន៍ប្រចាំស្រុកប្រាសាទបាគង បានចុះពិនិត្យ លទ្ធភាពជាក់ស្តែងការជួសជុលទំនប់ទឹកប្រវែង ១៦ម x ១២ម ជម្រៅ ៧ម ដែលបានដាច់ខូចខាតកាលពីឆ្នាំ២០១៣ ដោយគ្រោះទឹកជំនន់។ ការចុះពិនិត្យនេះប្រព្រឹត្តទៅកាលពីថ្ងៃទី០៥ ខែមេសា ឆ្នាំ២០១៦ ដោយមានការចូលរួមពីនាយកដ្ឋានជំនាញពាក់ព័ន្ធនានានៃអាជ្ញាធរជាតិអប្សរា និងលោក ស៊ត់ ដន ជាមេភូមិត្រាច តំណាងឱ្យប្រជាពលរដ្ឋ។
ក្រុមការងារសហគមន៍ទី១ នៃអាជ្ញាធរជាតិអប្សរាប្រចាំស្រុកប្រាសាទបាគង នៅព្រឹកថ្ងៃទី២៩ខែមីនាឆ្នាំ២០១៦នេះបាននាំយកនូវសម្ភារៈ និងគ្រឿងបរិភោគមួយចំនួន ដែលជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ទៅចែកជូនគ្រួសារដែលរងគ្រោះដោយអគ្គិភ័យ ភ្លើងឆេះផ្ទះស្ថិតនៅក្នុងភូមិស្ទឹង ឃុំបាគង ស្រុកប្រាសាទបាគង ខេត្តសៀមរាប។
ក្រុមការងារសហគមន៍ក្រុមទី១របស់អាជ្ញាធរជាតិអប្សរា ប្រចាំក្រុងសៀមរាប កាលពីព្រឹក ថ្ងៃទី២៤ ខែមីនា ឆ្នាំ២០១៦ បានបន្តចុះដោះស្រាយបញ្ហារបស់ប្រជាពលរដ្ឋ ដែលបានស្នើសុំជួសជុលផ្ទះ ធ្វើបង្គន់ និងសាងសង់សំណង់ចាំបាច់ផ្សេងៗ របស់ពួកគាត់ ព្រមទាំងសុំជួសជុលផ្លូវក្នុងភូមិជាដើម។ល។
អំណោយជាសម្ភារៈប្រើប្រាស់រួមទាំងអង្ករចំនួន៥គីឡូក្រាម ដែលផ្តល់ជូនដោយអង្គការសប្បុរសធម៌ជប៉ុន ក្តីសង្ឃឹមនៃកម្ពុជា (Hope of Cambodia) ត្រូវបានចែកជូនដល់ប្រជាពលរដ្ឋចំនួន២៦០ គ្រួសារ មកពីភូមិចំនួន១០ ក្នុងឃុំលាងដៃ និងឃុំស្វាយចេក ស្រុកអង្ករធំ នៅព្រឹកថ្ងៃទី១៧ ខែកុម្ភៈឆ្នាំ២០១៦។
ក្រុមលេខាធិការដ្ឋានសហគមន៍នៃអាជ្ញាធរជាតិអប្សរាបាននាំយកឃីតចំនួន ៣២ ទៅចែកជូនប្រជាពលរដ្ឋ ៣២ គ្រួសារ ដែលស្ថិតនៅក្នុងឃុំដូនកែវ ស្រុកពួក ខេត្តសៀមរាប កាលពីថ្ងៃទី១០ខែកុម្ភៈឆ្នាំ២០១៦។
FirstPrev123456NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
4
Today
:
1315
Yesterday
:
1368
This Week
:
01315
This Month
:
0165244
Total
:
009347526