ព័ត៌មានថ្មីៗ

ស្ថានភាពទឹកក្នុងឧទ្យានអង្គរស្ថិតក្នុងការគ្រប់គ្រងបានល្អ

បានផ្សាយនៅ ថ្ងៃទី 29 ខែ មិនា ឆ្នាំ2016 02:37 PM ដោយ ៖ អាជ្ញាធរជាតិអប្សរា

ក្នុងឆ្នាំ២០១៦នេះ រដូវប្រាំងបានអូសបន្លាយពេល ហើយស្ថានភាពអាកាសធាតុក្ដៅហួតហែង បានបង្កឲ្យប្រទេសមួយចំនួនក្នុងតំបន់ ក៏ដូចជាកម្ពុជាដែរ ត្រូវប្រឈមនឹងបញ្ហាកង្វះទឹកសម្រាប់ការប្រើប្រាស់ប្រចាំថ្ងៃ និងក្នុងការងារកសិកម្មជាដើម។ ឆ្លើយតបចំពោះបញ្ហានេះ រាជរដ្ឋាភិបាលបានចេញសារាចរណែនាំស្ដីពីការចាត់វិធានការថែរក្សាទឹកទុក ក្នុងន័យដាស់តឿនស្ថាប័នពាក់ព័ន្ធ ក៏ដូចជាប្រជាពលរដ្ឋទាំងអស់ឲ្យបង្កើនការប្រុងប្រយ័ត្ន ថែរក្សាទឹកទុកឲ្យបានល្អសម្រាប់ការប្រើប្រាស់ចាំបាច់ប្រចាំថ្ងៃ។

ដោយឡែក ក្នុងរមណីយដ្ឋានអង្គរ ទឹកគឺជាប្រភពដ៏សំខាន់សម្រាប់កិច្ចការអភិរក្សប្រាង្គប្រាសាទក៏ដូចជាការលើកតម្លៃទេសភាពវប្បធម៌របស់ឧទ្យានអង្គរទាំងមូល។ ឆ្លើយតបចំពោះការកង្វល់ពីបញ្ហាខ្វះទឹកនេះ ឯកឧត្តម ហង់ ពៅ អគ្គនាយករងទទួលបន្ទុកនាយកដ្ឋាន គ្រប់គ្រងទឹក បានបញ្ជាក់ឲ្យដឹងថា អាជ្ញាធរជាតិអប្សរាមិនមានការព្រួយបារម្ភទេ ចំពោះការ រក្សាទឹកទុកដើម្បីអភិរក្សប្រាង្គប្រាសាទក្នុងឧទ្យានអង្គរ ដោយហេតុថា កន្លងមកអាជ្ញាធរជាតិអប្សរាបានស្ដារប្រើប្រាស់ឡើងវិញបានល្អនូវប្រព័ន្ធធារាសាស្ដ្របុរាណ ហើយប្រព័ន្ធនេះ បានបង្ហាញពីប្រសិទ្ធភាពក្នុងការរំដោះទឹកជំនន់ចេញពីរមណីយដ្ឋានអង្គរ ក៏ដូចជាតំបន់ក្រុងសៀមរាប ទាំងមូល។ មិនតែប៉ុណ្ណោះ ការស្ដារឡើងវិញនូវប្រព័ន្ធប្រឡាយតូចៗជាច្រើនទៀត ដែលអាចធានាបាននូវការបញ្ចូលទឹកក្នុងកសិណប្រាសាទ ក៏ដូចជាបារាយណ៍បុរាណជាដើមនេះ ធ្វើឲ្យស្ថានភាពទឹកមានការគ្រប់គ្រងបានល្អចំពោះតំបន់ឧទ្យានអង្គរដែលជាបេតិកភណ្ឌពិភពលោក។ ឯកឧត្តមបានបន្ថែមថា កសិណអង្គរធំ កសិណអង្គរវត្ត និងបារាយណ៍ជ័យតដាកជាដើមនោះ ស្ថានភាពទឹកនៅមានលក្ខណៈប្រសើរ ហើយទឹកក្រោមដីដែលមានក្នុងតំបន់ជុំវិញប្រាសាទធំៗក៏មិនមានបញ្ហាចោទដែរ ក្នុងពេលបច្ចុប្បន្ន ក៏ដូចជាក្នុងរយៈពេលមួយខែ ឬពីរខែទៀត ទម្រាំរដូវវស្សាចូលមកដល់។

តែទោះជាក្នុងពេលបច្ចុប្បន្ននេះ ការគ្រប់គ្រងទឹកមានភាពល្អប្រសើរយ៉ាងណាក៏ដោយ អាជ្ញាធរជាតិអប្សរានៅតែបន្តការយកចិត្តទុកដាក់បន្ថែមទៀត ដោយហេតុថា ពីមួយថ្ងៃទៅមួយថ្ងៃធម្មជាតិក៏មានការប្រែប្រួល មនុស្សរស់នៅនិងប្រើប្រាស់ទឹកក៏មានការកើនឡើង។ ចំពោះការប្រើប្រាស់ទឹកបារាយណ៍ដែល ជាអាងស្តុកទឹកដ៏ធំមួយដោយផ្ទាល់នេះ អាចជួបនឹងបញ្ហាប្រឈម តែយើងកំពុងជំរុញឲ្យប្រជាពលរដ្ឋ ដាំដំណាំរួមផ្សំផ្សេងៗវិញ ដើម្បីកាត់បន្ថយការប្រើប្រាស់ទឹកដោយផ្ទាល់ហើយទុកទឹកបារាយណ៍នេះសម្រាប់ផ្គត់ផ្គង់ការប្រើប្រាស់ក្នុងទីក្រុងវិញ។ ម្យ៉ាងទៀត អាជ្ញាធរជាតិអប្សរា មានគម្រោងក្នុងការស្ដារឡើងវិញ នូវអាងស្ដុកទឹកចាស់ៗមួយចំនួនទៀតដូចជា ទន្លេស្ងួត ដែលស្ថិតនៅខាងលិចប្រាសាទព្រះខ័ន និងបារាយណ៍ឥន្ទ្រតដាកជាដើម ដើម្បីធានាឲ្យមានសមាមាត្រជាមួយនឹងកំណើនភ្ញៀវទេសចរក្នុងពេលអនាគត៕






និស្សិតវិស្វករឆ្នាំទី៥នៃមហាវិទ្យាល័យទេពកោសល្យជនបទរបស់វិទ្យាស្ថានបច្ចេកវិទ្យាកម្ពុជា (តិចណូ) បានចុះមកធ្វើទស្សនកិច្ចសិក្សាឈ្វេងយល់អំពីប្រព័ន្ធផ្លូវទឹក ពីនាយកដ្ឋានគ្រប់គ្រងទឹកនៃអាជ្ញាធរជាតិអប្សរា រយៈពេល២ថ្ងៃ ចាប់ពីថ្ងៃទី១១-១២ ខែកុម្ភៈ ឆ្នាំ២០១៦។
អាជ្ញាធរជាតិអប្សរា បានបង្កើតនូវស្ថានីយសាកអាគុយចំនួនបីកន្លែងក្នុងតំបន់អង្គរ ដែលប្រើប្រាស់ថាមពលពន្លឺព្រះអាទិត្យ(បន្ទះសូឡា) ក្រោមគម្រោងអភិវឌ្ឍន៍សេដ្ឋកិច្ចសហគមន៍ និងបេតិកភណ្ឌអង្គរហៅកាត់ថា ACHA ដែលជាជំនួយឧបត្ថម្ភរបស់ប្រទេសញូវហ្ស៊ីឡែន ដើម្បីចូលរួមចំណែកជួយសម្រួលជីវភាពរបស់ប្រជាពលរដ្ឋដែលរស់នៅក្នុងឧទ្យានអង្គរ។
គណៈកម្មការចម្រុះគ្រប់គ្រង អភិរក្ស និងការពារព្រៃឈើនៅតំបន់ប្រាសាទកោះកេរ បានលេចចេញរូបរាងជាផ្លូវការហើយ។ ពិធីប្រកាស សមាសភាពគណៈកម្មការថ្មី នេះ ត្រូវបានរៀបចំឡើងនៅរដ្ឋបាលខេត្តព្រះវិហារ ក្រោមអធិបតីភាពឯកឧត្តម អ៊ុំ ម៉ារ៉ា អភិបាលនៃគណៈអភិបាលខេត្តព្រះវិហារ នាព្រឹកថ្ងៃទី០៣ ខែកុម្ភៈ ឆ្នាំ២០១៦នេះ។ សមាសភាពនៃគណៈកម្មការចម្រុះនេះ មានឯកឧត្តម ឈរ ថាណាត អគ្គនាយករង ទទួលបន្ទុកនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរាជាប្រធាន អមដោយអនុប្រធាន៥រូប ដែលមានអភិបាលរងខេត្តព្រះវិហារ មេបញ្ជាការកងរាជអាវុធហត្ថខេត្តព្រះវិហារ ស្នងការនគរបាលខេត្តព្រះវិហារ ប្រធាននាយកដ្ឋានគ្រប់គ្រងព្រៃឈើនៃអាជ្ញាធរជាតិអប្សរា អភិបាលស្រុកគូលែន រួមនឹងសមាជិកទាំងអស់ជាង១០រូបទៀត។
ចាប់ពីឆ្នាំ២០១៣មក មានមន្ត្រី និងបុគ្គលិកបច្ចេកទេសជាង១០នាក់ហើយ ដែលត្រូវបានបណ្តុះបណ្តាលសមត្ថភាព ដើម្បីអាចប្រើប្រាស់បច្ចេកវិទ្យាអវកាស (Remote Sensing) ក្នុងការងារអភិរក្សរមណីយដ្ឋានអង្គរ។
នាយកដ្ឋានគ្រប់គ្រងទឹកនៃអាជ្ញាធរជាតិអប្សរា បានបញ្ចាល់ទឹកស្ទឹងសៀមរាបត្រង់ទំនប់បារាំង ដើម្បីបញ្ចូលទឹកទៅក្នុងកសិណអង្គរធំនិងអង្គរតូច។ ការបញ្ចូលទឹកនេះ អាចនឹងប្រើរយៈពេលប្រហែល១០ថ្ងៃទើបពេញកសិណទាំងពីរ។ នេះជាការអះអាងរបស់លោក ភឿន សុឃីម អនុប្រធាននាយកដ្ឋានគ្រប់គ្រងទឹកនៃអាជ្ញាធរជាតិអប្សរា កាលពីរសៀលថ្ងៃទី២៦ ខែមករា ឆ្នាំ២០១៦។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
16
ថ្ងៃនេះ
:
62699
ម្សិលមិញ
:
98152
សប្តាហ៍នេះ
:
62699
ខែនេះ
:
0062699
សរុប
:
015132502