NEWS

The English version of this website is still under construction. This section is only available in Khmer language at this stage. We apologise for any inconvenience

Published on 28 March 2016 10:01 AM Post By ៖ Apsara National Authority
នាយកដ្ឋានគ្រប់គ្រងទឹកនៃអាជ្ញាធរជាតិអប្សរា សហការជាមួយអាជ្ញាធរភូមិឃុំដែលស្ថិតនៅក្នុងឃុំ-សង្កាត់ចំនួន៧ ក្នុងស្រុកស្រុកពួក និងក្រុងសៀមរាប បានចុះវាស់វែងដីកសិកម្មនៃសហគមន៍ដែលប្រើប្រាស់ទឹកបារាយណ៍ទឹកថ្លា ដើម្បីងាយស្រួលដល់ការងារគ្រប់គ្រងទឹក និងរៀបចំប្រព័ន្ធផ្លូវទឹកឲ្យបានកាន់តែល្អប្រសើរ។ ក្រុមការងារបានចាប់ផ្តើមចុះវាស់វែងពីពាក់កណ្តាលខែមីនា ឆ្នាំ២០១៦ ហើយគ្រោងនឹងបញ្ចប់ក្នុងរយៈពេល៣ខែខាងមុខ។

អនុប្រធាននាយកដ្ឋានគ្រប់គ្រងទឹក លោក ភឿន សុឃីម បញ្ជាក់ថា ការចុះរៀបចំវាស់វែងដីកសិកម្មរបស់ប្រជាពលរដ្ឋដែលប្រើប្រាស់ទឹកបារាយណ៍នេះ គឺដើម្បីក្រុមការងារអាចក្តោបបានទិន្នន័យច្បាស់លាស់ថាតើផ្ទៃដីជាក់ស្តែងដែលប្រើប្រាស់ទឹកនេះ មានចំនួនប៉ុន្មានពិតប្រាកដ ព្រោះកន្លងមក ក្រុមការងារប្រើប្រាស់តែទិន្នន័យចាស់ ដែលទទួលបានពីមន្ទីរកសិកម្មប៉ុណ្ណោះ។ “តាមឯកសារផ្លូវការដែលយើងទទួលបានពេលដែលអាជ្ញាធរជាតិអប្សរាទទួលភារកិច្ចគ្រប់គ្រងទឹកក្នុងឆ្នាំ២០១៤ ផ្ទៃដីដែលប្រើប្រាស់ទឹកបារាយណ៍មានចំនួន១ម៉ឺន៣ពាន់ហិកតា ដោយក្នុងនោះស្រែវស្សាចំនួន៨ពាន់ហិកតា ស្រែប្រាំង៤ពាន់ហិកតា និងដំណាំរួមផ្សំចំនួន១ពាន់ហិកតា។ តែដោយជាក់ស្តែង ស្រែខ្លះត្រូវបានអភិវឌ្ឍន៍ជាភូមិដ្ឋាន និងតំបន់អភិវឌ្ឍន៍ផ្សេងៗ ចំណែកដីខ្លះទៀតដែលមិនធ្លាប់ធ្វើស្រែ ក៏ត្រូវបានប្រជាពលរដ្ឋកែច្នៃជាដីស្រែ ឬដំណាំ ដែលធ្វើឲ្យឃ្លៀងឃ្លាតពីទិន្នន័យដើម”

លោក សុឃីម បន្ថែមថា “ធម្មតាគោលការណ៍ស្រោចស្រព ដំបូងគេត្រូវសិក្សាពីទំហំដីដែលត្រូវស្រោចស្រព បន្ទាប់មក គេត្រូវសិក្សាពីប្រភពទឹក តើទឹកប៉ុណ្ណឹងអាចផ្គត់ផ្គង់ផ្ទៃដីហ្នឹងបានឬអត់? រួចហើយទើបត្រូវសិក្សាប្រព័ន្ធបង្ហូរទឹក តើទំហំប្រឡាយប៉ុណ្ណឹងស្រោចស្រពបានប៉ុន្មានហិកតា បើប្រឡាយតូចហើយផ្ទៃដីច្រើនពេកនឹងធ្វើឲ្យទឹកមិនគ្រប់គ្រាន់ ហើយខូចខាតដល់កសិកម្ម។ ដូច្នេះហើយទើបក្រុមការងារចុះវាស់វែងឲ្យបានជាក់លាក់ ដើម្បីងាយស្រួលរៀបចំផែនការប្រើប្រាស់ទឹកបារាយណ៍ ក្នុងន័យសន្សំសំចៃផង មិនឲ្យប៉ះពាល់ដល់ដំណាំកសិកម្មប្រជាពរលដ្ឋផង។ យើងមានផែនការច្បាស់លាស់ ព្រោះទឹកបារាយណ៍មិនមែនប្រើសម្រាប់តែស្រោចស្រពដំណាំកសិកម្មនោះទេ តែត្រូវការរក្សាទឹកទុកសម្រាប់ទ្រទ្រង់គ្រឹះប្រាសាទនានាផង ហើយក្នុងពេលខាងមុខ គ្រោងនឹងប្រើប្រាស់សម្រាប់ផ្គត់ផ្គង់ទឹកស្អាតក្នុងក្រុងសៀមរាបទាំងមូលផង។ លើសពីនេះទៀត ទឹកបារាយណ៍ក៏ជាចំណុចទាក់ទាញភ្ញៀវទេសចរដ៏សំខាន់ដែរ”

លោក បូ ប៊ត់ សមាជិកក្រុមប្រឹក្សាសង្កាត់ក្របីរៀលទទួលបន្ទុកសិកម្មរៀបរាប់ថា លោកសប្បាយចិត្តដែលក្រុមការងាររបស់អាជ្ញាធរជាតិអប្សរា បានចុះមកធ្វើការវាស់វែងដីជាក់ស្តែង ព្រោះកន្លងមក ដីកសិកម្មមានការប្រែប្រួលច្រើន ដោយដីខ្លះត្រូវបានអ្នកមានធនធានប្រមូលទិញ ហើយដីខ្លះទៀងលែងជាដីកសិកម្មទៅហើយ តែកន្លងមកយើងនៅប្រើបញ្ជីចាស់នៅឡើយ ដែលធ្វើឲ្យក្រុមសហគមន៍របស់លោកពិបាកក្នុងប្រមូលថវិកាមកផ្គត់ផ្គង់សហគមន៍ដូចជា ជួសជុលប្រព័ន្ធទឹក និងដាក់ទ្វារទឹកជាដើម។ “ខ្ញុំបានឲ្យមេភូមិ និងក្រុមការងារចុះធ្វើការជាមួយអាជ្ញាធរហើយ។ ពួកគាត់ជាអ្នកមូលដ្ឋានផ្ទាល់ ដឹងរឿងច្បាស់ ចឹងគាត់ចុះជាមួយក្រុមការងាររបស់អាជ្ញាធរទៅនឹងទទួលបានទិន្នន័យជាក់លាក់។ ពួកខ្ញុំក៏បានជម្រាបទៅប្រជាពលរដ្ឋឲ្យបានជ្រាបអំពីការចុះវាស់វែងនេះដែរ កុំឲ្យមានពួកគាត់មានការងឿងឆ្ងល់ថាគេវាស់ដីធ្វើអី”

លោក ហួត ហៃ ប្រធានសហគមន៍ប្រើប្រាស់ទឹកបារាយណ៍រៀបរាប់ថា សហគមន៍របស់លោកបានបង្កើតឡើង ដើម្បីគ្រប់គ្រងការប្រើប្រាស់ទឹកឲ្យមានប្រសិទ្ធភាព។ លោកនិងក្រុមការងារនឹងសហការពេញដៃពេញជើងជាមួយក្រុមការងារអាជ្ញាធរជាតិអប្សរា ក្នុងការចុះវាស់វែងដីកសិកម្មនេះ ព្រោះវាក៏ជួយសម្រួលដល់សហគមន៍របស់លោកក្នុងការប្រមូលសេវាកម្ម ឲ្យបានត្រឹមត្រូវដែរ៕








រមណីយដ្ឋានកោះកេរដែលលាតសន្ធឹងលើផ្ទៃដី ៨១គីឡូម៉ែត្រក្រឡា មានប្រាសាទ និងបុរាណដ្ឋានជាច្រើន ព្រមទាំងហ៊ុមព័ទ្ធដោយព្រៃល្បោះជុំវិញ គួរជាទីគយគន់ពន់ពេក។ សព្វថ្ងៃអ្នកអភិរក្សកំពុងញាប់ដៃញាប់ជើង រិះរកវិធីសាស្ត្រថែរក្សាព្រៃនេះឲ្យបានគង់វង្ស ដោយសារព្រៃនេះនៅមានឈើប្រណីតល្អៗច្រើន ដែលពួកជនទុច្ចរិតមួយចំនួនកំពុងផ្តោតទិសដៅតម្រង់។
អាជ្ញាធរជាតិអប្សរាមានកិត្តិយស សូមជម្រាបជូនដំណឹងដល់គ្រប់ក្រសួង ស្ថាប័ន អង្គភាព សមាគមពាក់ព័ន្ធវិស័យទេសចរណ៍ ក្រុមហ៊ុនទេសចរណ៍ និងប្រតិបត្តិករទេសចរណ៍ទាំងអស់ មេត្តាជ្រាបថា អាជ្ញាធរជាតិអប្សរាបានសហការជាមួយក្រសួងទេសចរណ៍ ក្រសួងវប្បធម៌និងវិចិត្រសិល្បៈ អង្គការ UNESCO និងអង្គការទេសចរណ៍ពិភពលោក(UNWTO) រៀបចំ ក្រមប្រតិបត្តិអង្គរ ដើម្បីណែនាំភ្ញៀវទេសចរជាតិ និងអន្តរជាតិអំពីឥរិយាបថល្អប្រសើរក្នុងការមកទស្សនារមណីយដ្ឋានអង្គរ ក្នុងគោលបំណងកាត់បន្ថយផលប៉ះពាល់អវិជ្ជមានមកលើគុណតម្លៃរមណីយដ្ឋានអង្គរ ជាពិសេសមកលើ ប្រាសាទ វប្បធម៌ និងបរិស្ថានដែលបង្កមកពីការប្រព្រឹត្តមិនសមរម្យរបស់ភ្ញៀវទេសចរមួយចំនួន។
rnrnrn
rnrnrnដូច្នេះ ដើម្បីឲ្យភ្ញៀវទេសចរជាតិ និងអន្តរជាតិបានយល់ជ្រួតជ្រាប និងអនុវត្តតាមក្រមប្រតិបត្តិអង្គរ ឲ្យមានប្រសិទ្ធភាពនិងចីរភាព អាជ្ញាធរជាតិអប្សរាស្នើសុំគ្រប់ក្រសួង ស្ថាប័ន អង្គភាព សមាគមពាក់ព័ន្ធ វិស័យទេសចរណ៍ ក្រុមហ៊ុនទេសចរណ៍ និងប្រតិបត្តិករទេសចរណ៍ទាំងអស់ មេត្តាសហការនិងជួយផ្សព្វផ្សាយឲ្យបានទូលំទូលាយដល់ភ្ញៀវទេសចរ តាមរយៈការផ្ដល់ព័ត៌មាន និងការដាក់តាំងផ្សព្វផ្សាយព័ត៌មាន ក្រមប្រតិបត្តិអង្គរ ឲ្យបានជ្រួតជ្រាបជូនភ្ញៀវទេសចរគ្រប់ៗរូប។
rnrnrn
rnrnrnអាជ្ញាធរជាតិអប្សរារីករាយនឹងផ្ដល់ឯកសារក្រមប្រតិបត្តិអង្គរជូនដោយផ្ទាល់ ដោយលោក/លោកស្រីគ្រាន់តែទំនាក់ទំនងមកក្រុមការងារអាជ្ញាធរជាតិអប្សរាតាមរយៈទូរស័ព្ទលេខ ០១២ ៨៧០ ១៥៦, ០១៧ ៧៣១ ០០៩, ០១៧ ៩៦ ៩៦ ៦១, សារអេឡិចត្រនិចៈ tmpangkor@gmail.com ឬគេហទំព័រ apsaraauthority.gov.kh។
rnrnrn
rnrnrnអាជ្ញាធរជាតិអប្សរាសូមថ្លែងអំណរគុណយ៉ាងជ្រាលជ្រៅចំពោះស្មារតីយកចិត្តទុកដាក់ខ្ពស់ ក្នុងការជួយផ្សព្វផ្សាយព័ត៌មាន ក្រមប្រតិបត្តិអង្គរ ដល់ភ្ញៀវទេសចរជាតិនិងអន្តរជាតិ ក៏ដូចជាការចូលរួមអភិរក្ស និងអភិវឌ្ឍន៍ឧទ្យានអង្គរប្រកបដោយចីរភាព។
អាជ្ញាធរជាតិអប្សរាមានកិត្តិយស សូមជម្រាបជូនដំណឹងដល់គ្រប់ក្រសួង ស្ថាប័ន អង្គភាព សមាគមពាក់ព័ន្ធវិស័យទេសចរណ៍ ក្រុមហ៊ុនទេសចរណ៍ និងប្រតិបត្តិករទេសចរណ៍ទាំងអស់ មេត្តាជ្រាបថា អាជ្ញាធរជាតិអប្សរាបានសហការជាមួយក្រសួងទេសចរណ៍ ក្រសួងវប្បធម៌និងវិចិត្រសិល្បៈ អង្គការ UNESCO និងអង្គការទេសចរណ៍ពិភពលោក(UNWTO) រៀបចំ ក្រមប្រតិបត្តិអង្គរ ដើម្បីណែនាំភ្ញៀវទេសចរជាតិ និងអន្តរជាតិអំពីឥរិយាបថល្អប្រសើរក្នុងការមកទស្សនារមណីយដ្ឋានអង្គរ ក្នុងគោលបំណងកាត់បន្ថយផលប៉ះពាល់អវិជ្ជមានមកលើគុណតម្លៃរមណីយដ្ឋានអង្គរ ជាពិសេសមកលើ ប្រាសាទ វប្បធម៌ និងបរិស្ថានដែលបង្កមកពីការប្រព្រឹត្តមិនសមរម្យរបស់ភ្ញៀវទេសចរមួយចំនួន។
rn
rnដូច្នេះ ដើម្បីឲ្យភ្ញៀវទេសចរជាតិ និងអន្តរជាតិបានយល់ជ្រួតជ្រាប និងអនុវត្តតាមក្រមប្រតិបត្តិអង្គរ ឲ្យមានប្រសិទ្ធភាពនិងចីរភាព អាជ្ញាធរជាតិអប្សរាស្នើសុំគ្រប់ក្រសួង ស្ថាប័ន អង្គភាព សមាគមពាក់ព័ន្ធ វិស័យទេសចរណ៍ ក្រុមហ៊ុនទេសចរណ៍ និងប្រតិបត្តិករទេសចរណ៍ទាំងអស់ មេត្តាសហការនិងជួយផ្សព្វផ្សាយឲ្យបានទូលំទូលាយដល់ភ្ញៀវទេសចរ តាមរយៈការផ្ដល់ព័ត៌មាន និងការដាក់តាំងផ្សព្វផ្សាយព័ត៌មាន ក្រមប្រតិបត្តិអង្គរ ឲ្យបានជ្រួតជ្រាបជូនភ្ញៀវទេសចរគ្រប់ៗរូប។
rn
rnអាជ្ញាធរជាតិអប្សរារីករាយនឹងផ្ដល់ឯកសារក្រមប្រតិបត្តិអង្គរជូនដោយផ្ទាល់ ដោយលោក/លោកស្រីគ្រាន់តែទំនាក់ទំនងមកក្រុមការងារអាជ្ញាធរជាតិអប្សរាតាមរយៈទូរស័ព្ទលេខ ០១២ ៨៧០ ១៥៦, ០១៧ ៧៣១ ០០៩, ០១៧ ៩៦ ៩៦ ៦១, សារអេឡិចត្រនិចៈ tmpangkor@gmail.com ឬគេហទំព័រ apsaraauthority.gov.kh។
rn
rnអាជ្ញាធរជាតិអប្សរាសូមថ្លែងអំណរគុណយ៉ាងជ្រាលជ្រៅចំពោះស្មារតីយកចិត្តទុកដាក់ខ្ពស់ ក្នុងការជួយផ្សព្វផ្សាយព័ត៌មាន ក្រមប្រតិបត្តិអង្គរ ដល់ភ្ញៀវទេសចរជាតិនិងអន្តរជាតិ ក៏ដូចជាការចូលរួមអភិរក្ស និងអភិវឌ្ឍន៍ឧទ្យានអង្គរប្រកបដោយចីរភាព។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
5
Today
:
3709
Yesterday
:
5850
This Week
:
73769
This Month
:
0229850
Total
:
012737439