ព័ត៌មានថ្មីៗ

ក្រុមការងារសហគមន៍របស់អាជ្ញាធរជាតិអប្សរាបន្តដោះស្រាយ សំណូមពរចាំបាច់ដើម្បីលើកកម្ពស់ជីវភាពរស់នៅរបស់ពលរដ្ឋក្នុងឧទ្យានអង្គរ

បានផ្សាយនៅ ថ្ងៃទី 25 ខែ មិនា ឆ្នាំ2016 10:51 AM ដោយ ៖ អាជ្ញាធរជាតិអប្សរា
ក្រុមការងារសហគមន៍ក្រុមទី១របស់អាជ្ញាធរជាតិអប្សរា ប្រចាំក្រុងសៀមរាប កាលពីព្រឹក ថ្ងៃទី២៤ ខែមីនា ឆ្នាំ២០១៦ បានបន្តចុះដោះស្រាយបញ្ហារបស់ប្រជាពលរដ្ឋ ដែលបានស្នើសុំជួសជុលផ្ទះ ធ្វើបង្គន់ និងសាងសង់សំណង់ចាំបាច់ផ្សេងៗ របស់ពួកគាត់ ព្រមទាំងសុំជួសជុលផ្លូវក្នុងភូមិជាដើម។ល។

កន្លងមកសំណើផ្សេងៗ ត្រូវបានដោះស្រាយជូនជាបន្តបន្ទាប់រួចមកហើយ ដោយឡែកថ្ងៃនេះ គឺមានសំណើរបស់ប្រជាពលរដ្ឋចំនួន ៨គ្រួសារទៀត ដែលរស់នៅភូមិជ័យ សង្កាត់ ទឹកវិល ក្រុងសៀមរាប ដែលមូលដ្ឋានរស់នៅរបស់ពួកគាត់ទាំងនេះ ស្ថិតក្នុងតំបន់ការពារឧទ្យានអង្គរ។ ពួកគាត់បានដាក់សំណើតាមរយៈអាជ្ញាធរដែនដីភូមិ សង្កាត់ ដែលពួកគាត់កំពុងរស់នៅ ដើម្បីសុំឲ្យអាជ្ញាធរជាតិអប្សរា ពិនិត្យលទ្ធភាពផ្ដល់យោបល់ ក៏ដូចជាការអនុញ្ញាតផ្សេងៗជូនពួកគាត់។

ឯកឧត្តម ខូយ គឹមទួ ប្រធានក្រុមការងារសហគមន៍ក្រុមទី១ របស់អាជ្ញាធរជាតិអប្សរាបានបញ្ជាក់ថា សំណើរបស់ពួកគាត់ទាំងអស់ គឺទទួលបានការឯកភាពដើម្បីឲ្យពួកគាត់ជួសជុលដំបូល ធ្វើបង្អួច ធ្វើបង្គន់ សាងសង់រោងគោ និងចាក់បំពេញដីផ្លូវចូលក្នុងភូមិជាដើម។ ឯកឧត្តមបានបន្ថែមថា ពួកគាត់សុទ្ធតែជាប្រជាពលរដ្ឋចាស់រស់នៅពីយូរលង់មកហើយ ដែលអាជ្ញាធរជាតិអប្សរាមានគោលការណ៍ច្បាស់លាស់ ជូនពួកគាត់ដើម្បីបន្តការរស់នៅតទៅទៀត។

ចំណែកលោក ប៊ី សុន មេភូមិជ័យ សង្កាត់ទឹកវិលបានថ្លែងដោយក្ដីរំភើប និងអរគុណដល់រាជរដ្ឋាភិបាលកម្ពុជាជាពិសេស អរគុណចំពោះឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ដែលកន្លងមកក៏ដូចជាបច្ចុប្បន្ន តែងតែយកចិត្តទុកដាក់ចំពោះសុខទុក្ខរបស់ប្រជាពលរដ្ឋ ដោយបានផ្ដល់ជាអំណោយ តាមរយៈការកសាងសមិទ្ធិផលផ្សេងៗ នៅក្នុងមូលដ្ឋានរស់នៅរបស់ប្រជាពលរដ្ឋ ជាពិសេស គឺការផ្ដល់នូវសម្ភារៈ ទារកសម្រាប់ស្ដ្រីដែលទើបឆ្លងទន្លេហើយជាដើម។

គួររំឭកថាដើម្បីជួយសម្រួលដល់ការស្នើសុំរបស់ប្រជាពលរដ្ឋ និងដើម្បីដឹងសុខទុក្ខរបស់ ប្រជាពលរដ្ឋជាប្រចាំនោះ អាជ្ញាធរជាតិអប្សរា បានបង្កើតក្រុមការងារសហគមន៍ ដែលមាន គ្រប់នាយកដ្ឋានជំនាញរបស់អាជ្ញាធរជាតិអប្សរាចុះតាមមូលដ្ឋានប្រជាពលរដ្ឋជាប្រចាំ។ ក្រុមការងារ នេះតែងផ្សព្វផ្សាយអំពីច្បាប់ការអប់រំបេតិកភណ្ឌ និងការងារសំខាន់ៗ របស់អាជ្ញាធរជាតិអប្សរា ជាពិសេស ក្រុមនេះតែងដោះស្រាយនូវរាល់សំណូមពររបស់ប្រជាពលរដ្ឋនៅនឹងកន្លែងភ្លាមៗ ចំពោះសំណើតូចៗដូចជា ធ្វើបង្គន់ តសំយ៉ាបផ្ទះ ឬជួសជុលខ្នាតតូចជាដើម។ ចំពោះសំណើធំៗដូចជា ការរើដំបូល ផ្តូរទីតាំងផ្ទះ ឬសង់ផ្ទះថ្មីជំនួសផ្ទះចាស់ជាដើម ក្រុមការងារសហគមន៍តែងនាំយកសំណើទាំងនោះមកជូនថ្នាក់ដឹកនាំពិនិត្យ និងសម្រេច៕












នៅព្រឹកថ្ងៃទី២៣ ខែវិច្ឆិកា ឆ្នាំ២០១៥ ឯកឧត្តម ឈរ ថាណាត អគ្គនាយករង និងជា តំណាងដ៏ខ្ពង់ខ្ពស់របស់ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា បានដឹកនាំក្រុមការងារ នាំយកថវិកា អាវយឺត និងមួក ជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រី ទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរាទៅប្រគល់ជូនកីឡាករ កីឡាការិនីអុំទូកចំនួន១៨០នាក់ ដែលត្រូវជា០៦ទូក មក ពីស្រុកបន្ទាយស្រី ស្រុកអង្គរធំ ស្រុកបាគង ស្រុកពួក និងក្រុងសៀមរាប ដោយកីឡាករកីឡាការិនី ម្នាក់ៗ ទទួល បានមួក១ អាវយឺត៣ និងថវិកា៣០.០០០រៀល។
អាជ្ញាធរជាតិអប្សរា និងកិច្ចការសង្គម
( ថ្ងៃទី 06 ខែ វិច្ឆិកា ឆ្នាំ2015 )
អាជ្ញាធរជាតិអប្សរា មានគោលបំណងលើកស្ទួយជីវភាពប្រជាពលរដ្ឋដែលជូបប្រទះការលំបាក ជាពិសេសគឺប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរ។ ជាក់ស្ដែង ក្រុមការងារសហគមន៍ទាំងអស់ របស់អាជ្ញាធរជាតិអប្សរា បានចុះជួយដោះស្រាយបញ្ហារបស់ប្រជាពលរដ្ឋក្នុងភូមិ ឃុំនានា ដែលស្ថិតក្នុងតំបន់រមណីយដ្ឋានអង្គរជាប្រចាំ តាមភាពជាក់ស្ដែង។
ស័ង្កសី៧៥សន្លឹក ចំណាយថវិការអស់ជិត៣លានរៀលត្រូវបានឯកឧត្តម ខួយ គឹមទួ ទីប្រឹក្សានិងជាប្រធានក្រុមសហគមន៍ក្រុមទី៤នៃអាជ្ញាធរជាតិអប្សរាបានយកទៅជូនប្រជាពលរដ្ឋតាមសំណូមពរ ដើម្បីជួសជុលសាលាឆទាន នៅភូមិតាប៉ាង សង្កាត់អំពិល ក្រុងសៀមរាប។
ស្ពានបេតុងទទឹង៣,៥ម៉ែត្រ និងបណ្តោយ២៥ម៉ែត្រ ដែលជាសំណូមពរបស់ប្រជាពលរដ្ឋ និងអាជ្ញាធរភូមិពាម ឃុំដូនកែវ ស្រុកពួក ស្នើសុំឲ្យអាជ្ញាធរជាតិអប្សរាជួយសាងសង់នោះ បច្ចុប្បន្នសម្រេចបាន៩៩% និងអាចធ្វើដំណើឆ្លងកាត់បានហើយ។
ឯកឧត្តម ហង់ ពៅ អគ្គនាយករងអាជ្ញាធរជាតិអប្សរា និងជាប្រធានក្រុមការងារសហគមន៍ប្រចាំស្រុកអង្គរធំ បានជំរុញឲ្យបងប្អូនប្រជាពលរដ្ឋចេះស្រឡាញ់ និងចូលរួមថែរក្សា បេតិកភណ្ឌ ពិភពលោកអង្គរ ដែលជាសម្បត្តិវប្បធម៌ដ៏មានតម្លៃរបស់មនុស្សជាតិ មិនអាចកាត់ថ្លៃបាន ដែលដូនតាខ្មែរបានបន្សល់ទុកឲ្យ។ ការជំរុញនេះ ធ្វើឡើងនៅក្នុងឱកាសជួបសំណេះសំណាលជាមួយប្រជាពលរដ្ឋនៅភូមិព្រះគោថ្មី ឃុំស្វាយចេក ស្រុកអង្គរធំ កាលពីព្រឹកថ្ងៃទី២៦ ខែតុលា ឆ្នាំ២០១៥។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
0691
ម្សិលមិញ
:
1469
សប្តាហ៍នេះ
:
03839
ខែនេះ
:
0167768
សរុប
:
009350050