អាជ្ញាធរជាតិអប្សរាសូមជូននូវព័ត៌មានសំខាន់ៗប្រចាំសប្តាហ៍ទី៤ ខែកុម្ភៈ ឆ្នាំ២០២១ ដែលមានខ្លឹមសារដូចខាងក្រោម៖បច្ចេកវិទ្យាអវកាសអាចនឹងត្រូវពង្រីកវិសាលភាពហួសពីរមណីយដ្ឋានអង្គរ
បានផ្សាយនៅ
ថ្ងៃទី 23 ខែ មិនា ឆ្នាំ2016 03:38 PM ដោយ ៖ អាជ្ញាធរជាតិអប្សរា
បច្ចេកវិទ្យាអវកាស (Remote Sensing) ដែលកំពុងអនុវត្តលើការងារអភិរក្សក្នុងរមណីយដ្ឋានអង្គរសព្វថ្ងៃ អាចនឹងត្រូវពង្រីកវិសាលភាពរបស់ខ្លួនទៅកាន់តំបន់បេតិកភណ្ឌដទៃទៀត ដូចជា ប្រាសាទព្រះវិហារ ប្រាសាទកោះកេរ និងប្រាសាទបេងមាលាជាដើម។ នេះបើយោងតាមលទ្ធផលនៃកិច្ចពិភាក្សារវាងឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ជាមួយលោកសាស្ត្រាចារ្យ Bai Chunli ប្រធានបណ្ឌិតសភាវិទ្យាសាស្ត្រចិន នៅទីស្នាក់ការអាជ្ញាធរជាតិអប្សរា នាល្ងាចថ្ងៃទី២២ ខែមីនា ឆ្នាំ២០១៦កន្លងទៅនេះ។
ផ្តល់បទសម្ភាសន៍ជូនអ្នកសារព័ត៌មានក្រោយកិច្ចប្រជុំពិភាក្សានេះ ឯកឧត្តម ហង់ ពៅ អគ្គនាយករងនៃអាជ្ញាធរជាតិអប្សរា ទទួលបន្ទុកលើការប្រើប្រាស់បច្ចេកវិទ្យាអវកាសនេះបញ្ជាក់ថា បច្ចេកវិទ្យាអវកាសគឺជាបច្ចេកវិទ្យាផ្កាយរណប ដែលអាចឲ្យយើងដឹងពីបម្រែបម្រួលក្នុងតំបន់អង្គរជាប្រចាំ។ បច្ចេកវិទ្យានេះប្រើប្រាស់ដើម្បីគ្រប់គ្រងទឹក ព្រៃឈើ និងប្រជាជនដែលរស់នៅក្នុងតំបន់រមណីយដ្ឋានអង្គរ។ តាមរយៈបច្ចេកវិទ្យានេះ យើងបានទទួលព័ត៌មានរៀងរាល់៤ថ្ងៃម្តងអំពីបម្រែបម្រួលក្នុងតំបន់អង្គរ។
ឯកឧត្តមបញ្ជាក់ថា ក្នុងកិច្ចប្រជុំនេះឯកឧត្តមបណ្ឌិតសភាចារ្យបានស្នើឲ្យបណ្ឌិតសភាវិទ្យាសាស្ត្រចិន ជួយពង្រីកវិសាលភាពបច្ចេកវិទ្យានេះទៅកាន់តំបន់បេតិកភណ្ឌដទៃទៀត ដូចជាតំបន់ព្រះវិហារ កោះកេរ និងបេងមាលាជាដើម និងស្នើឲ្យមានការបណ្តុះបណ្តាលបន្ថែមទៀតដល់មន្ត្រី បុគ្គលិកដែលពាក់ព័ន្ធ ដោយមជ្ឈមណ្ឌលអាជ្ញាធរជាតិអប្សរាជាតំបន់ស្នូល។ ទន្ទឹមនេះដែរ ឯកឧត្តមបណ្ឌិតសភាចារ្យក៏បានស្នើសុំភាគីចិន ធ្វើយ៉ាងណាឲ្យមន្ត្រីបុគ្គលិកនៃអាជ្ញាធរជាតិអប្សរា ឬភាគីដែលពាក់ព័ន្ធអាចទទួលបានអាហារូបករណ៍ទៅសិក្សាយកជំនាញ នៃការប្រើប្រាស់បច្ចេកវិទ្យានេះនៅប្រទេសចិន ដើម្បីមកអនុវត្តនៅទីនេះ។
ជាការឆ្លើយតបបណ្ឌិតសភាវិទ្យាសាស្ត្រចិនសម្តែងការរីករាយ ដោយទទួលរាល់សំណូមពររបស់ឯកឧត្តមឧបនាយករដ្ឋមន្ត្រី។ ឯកឧត្តម ហង់ ពៅ បន្ថែមដូច្នេះ “ភាគីចិនគេពេញចិត្តនឹងទទួលនូវអ្វីដែលជាសំណូមពររបស់ឯកឧត្តមបណ្ឌិសភាចារ្យ ព្រោះវាជាផ្លូវមួយថ្មីរបស់បណ្ឌិតសភាវិទ្យាសាស្ត្រចិន។ យើងដឹងថា អាជ្ញាធរជាតិអប្សរានិងបណ្ឌិតសភាវិទ្យាសាស្ត្រចិនប្រើប្រាស់លទ្ធផលវិទ្យាសាស្ត្រនេះ ដើម្បីតាមដានការបម្រែបម្រួលផេ្សងៗនៅក្នុងតំបន់បេតិកភណ្ឌ ដូច្នេះមានន័យថា ទាំងយើងនិងភាគីចិនបានការអនុវត្តមួយដ៏ធំក្នុងតំបន់បេតិកភណ្ឌពិភពលោកដ៏ល្បីល្បាញ”។
អាជ្ញាធរជាតិអប្សរាបានចុះអនុស្សរណៈកាលពីថ្ងៃទី១៤ ខែ មិថុនា ឆ្នាំ២០១៣ជាមួយមជ្ឈមណ្ឌលអន្តរជាតិបច្ចេកវិទ្យាអវកាសសម្រាប់បេតិកភណ្ឌវប្បធម៌ និងធម្មជាតិ ក្រោមការសម្របសម្រួលដោយអង្គការយូណេស្កូ ស្តីពីគម្រោងសហប្រតិបត្តិការប្រើប្រាស់បច្ចេកវិទ្យាអវកាសសម្រាប់អភិរក្សនិងគ្រប់គ្រងរមណីយដ្ឋានបេតិកភណ្ឌពិភពលោកអង្គរ និងការអភិវឌ្ឍប្រកបដោយចីរភាពនៅតំបន់សៀមរាប។ តាំងពីឆ្នាំ២០១៣មក អាជ្ញាធរជាតិអប្សរាតាមរយៈ មជ្ឈមណ្ឌល HIST (International Center on Space Technologies for Natural and Cultural Heritage) និងវិទ្យាស្ថាន RADI (Institute of Remote Sensing and Digital Earth) បានក្លាយជាដៃគូទីមួយនៃបណ្ឌិតសភាវិទ្យាសាស្ត្រនេះ។ ក្នុងពេលឆាប់ៗខាងមុខនេះ អាជ្ញាធរជាតិអប្សរានិងបណ្ឌិតសភាវិទ្យាសាស្ត្រចិននឹងចុះអនុស្សរណៈជាថ្មី ដោយត្រូវពង្រីកកិច្ចសហប្រតិបត្តិការមួយកម្រឹតទៀត នោះគឺ អាជ្ញាធរជាតិអប្សរាអាចនឹងក្លាយជាមជ្ឈមណ្ឌលបណ្តុះបណ្តាលប្រចាំតំបន់សម្រាប់ការងារស្រាវជ្រាវដោយប្រព័ន្ធបច្ចេកវិទ្យាអវកាសទៀតផង។
សូមបញ្ជាក់ថា បណ្ឌិតសភាវិទ្យាសាស្ត្រចិន (Chinese Academy of Science) ជាស្ថាប័នស្រាវជ្រាវផ្នែកវិទ្យាសាស្ត្រដ៏ធំនៃប្រទេសចិន ដែលមានសាកលវិទ្យាល័យចំនួន៣ជាចំណុះ និងមាន ក្រុមអ្នកស្រាវជ្រាវ បម្រើការក្នុងស្ថាប័ននេះ ដល់ទៅជាង៧ម៉ឺននាក់ ដែលក្នុងនោះចំនួន៥ម៉ឺនជាអ្នកស្រាវជ្រាវវិទ្យាសាស្ត្រ និងមានសភាចារ្យចំនួន៧០០ ព្រមទាំងសាខាទូទាំងប្រទេសចិន៕
ផ្តល់បទសម្ភាសន៍ជូនអ្នកសារព័ត៌មានក្រោយកិច្ចប្រជុំពិភាក្សានេះ ឯកឧត្តម ហង់ ពៅ អគ្គនាយករងនៃអាជ្ញាធរជាតិអប្សរា ទទួលបន្ទុកលើការប្រើប្រាស់បច្ចេកវិទ្យាអវកាសនេះបញ្ជាក់ថា បច្ចេកវិទ្យាអវកាសគឺជាបច្ចេកវិទ្យាផ្កាយរណប ដែលអាចឲ្យយើងដឹងពីបម្រែបម្រួលក្នុងតំបន់អង្គរជាប្រចាំ។ បច្ចេកវិទ្យានេះប្រើប្រាស់ដើម្បីគ្រប់គ្រងទឹក ព្រៃឈើ និងប្រជាជនដែលរស់នៅក្នុងតំបន់រមណីយដ្ឋានអង្គរ។ តាមរយៈបច្ចេកវិទ្យានេះ យើងបានទទួលព័ត៌មានរៀងរាល់៤ថ្ងៃម្តងអំពីបម្រែបម្រួលក្នុងតំបន់អង្គរ។
ឯកឧត្តមបញ្ជាក់ថា ក្នុងកិច្ចប្រជុំនេះឯកឧត្តមបណ្ឌិតសភាចារ្យបានស្នើឲ្យបណ្ឌិតសភាវិទ្យាសាស្ត្រចិន ជួយពង្រីកវិសាលភាពបច្ចេកវិទ្យានេះទៅកាន់តំបន់បេតិកភណ្ឌដទៃទៀត ដូចជាតំបន់ព្រះវិហារ កោះកេរ និងបេងមាលាជាដើម និងស្នើឲ្យមានការបណ្តុះបណ្តាលបន្ថែមទៀតដល់មន្ត្រី បុគ្គលិកដែលពាក់ព័ន្ធ ដោយមជ្ឈមណ្ឌលអាជ្ញាធរជាតិអប្សរាជាតំបន់ស្នូល។ ទន្ទឹមនេះដែរ ឯកឧត្តមបណ្ឌិតសភាចារ្យក៏បានស្នើសុំភាគីចិន ធ្វើយ៉ាងណាឲ្យមន្ត្រីបុគ្គលិកនៃអាជ្ញាធរជាតិអប្សរា ឬភាគីដែលពាក់ព័ន្ធអាចទទួលបានអាហារូបករណ៍ទៅសិក្សាយកជំនាញ នៃការប្រើប្រាស់បច្ចេកវិទ្យានេះនៅប្រទេសចិន ដើម្បីមកអនុវត្តនៅទីនេះ។
ជាការឆ្លើយតបបណ្ឌិតសភាវិទ្យាសាស្ត្រចិនសម្តែងការរីករាយ ដោយទទួលរាល់សំណូមពររបស់ឯកឧត្តមឧបនាយករដ្ឋមន្ត្រី។ ឯកឧត្តម ហង់ ពៅ បន្ថែមដូច្នេះ “ភាគីចិនគេពេញចិត្តនឹងទទួលនូវអ្វីដែលជាសំណូមពររបស់ឯកឧត្តមបណ្ឌិសភាចារ្យ ព្រោះវាជាផ្លូវមួយថ្មីរបស់បណ្ឌិតសភាវិទ្យាសាស្ត្រចិន។ យើងដឹងថា អាជ្ញាធរជាតិអប្សរានិងបណ្ឌិតសភាវិទ្យាសាស្ត្រចិនប្រើប្រាស់លទ្ធផលវិទ្យាសាស្ត្រនេះ ដើម្បីតាមដានការបម្រែបម្រួលផេ្សងៗនៅក្នុងតំបន់បេតិកភណ្ឌ ដូច្នេះមានន័យថា ទាំងយើងនិងភាគីចិនបានការអនុវត្តមួយដ៏ធំក្នុងតំបន់បេតិកភណ្ឌពិភពលោកដ៏ល្បីល្បាញ”។
អាជ្ញាធរជាតិអប្សរាបានចុះអនុស្សរណៈកាលពីថ្ងៃទី១៤ ខែ មិថុនា ឆ្នាំ២០១៣ជាមួយមជ្ឈមណ្ឌលអន្តរជាតិបច្ចេកវិទ្យាអវកាសសម្រាប់បេតិកភណ្ឌវប្បធម៌ និងធម្មជាតិ ក្រោមការសម្របសម្រួលដោយអង្គការយូណេស្កូ ស្តីពីគម្រោងសហប្រតិបត្តិការប្រើប្រាស់បច្ចេកវិទ្យាអវកាសសម្រាប់អភិរក្សនិងគ្រប់គ្រងរមណីយដ្ឋានបេតិកភណ្ឌពិភពលោកអង្គរ និងការអភិវឌ្ឍប្រកបដោយចីរភាពនៅតំបន់សៀមរាប។ តាំងពីឆ្នាំ២០១៣មក អាជ្ញាធរជាតិអប្សរាតាមរយៈ មជ្ឈមណ្ឌល HIST (International Center on Space Technologies for Natural and Cultural Heritage) និងវិទ្យាស្ថាន RADI (Institute of Remote Sensing and Digital Earth) បានក្លាយជាដៃគូទីមួយនៃបណ្ឌិតសភាវិទ្យាសាស្ត្រនេះ។ ក្នុងពេលឆាប់ៗខាងមុខនេះ អាជ្ញាធរជាតិអប្សរានិងបណ្ឌិតសភាវិទ្យាសាស្ត្រចិននឹងចុះអនុស្សរណៈជាថ្មី ដោយត្រូវពង្រីកកិច្ចសហប្រតិបត្តិការមួយកម្រឹតទៀត នោះគឺ អាជ្ញាធរជាតិអប្សរាអាចនឹងក្លាយជាមជ្ឈមណ្ឌលបណ្តុះបណ្តាលប្រចាំតំបន់សម្រាប់ការងារស្រាវជ្រាវដោយប្រព័ន្ធបច្ចេកវិទ្យាអវកាសទៀតផង។
សូមបញ្ជាក់ថា បណ្ឌិតសភាវិទ្យាសាស្ត្រចិន (Chinese Academy of Science) ជាស្ថាប័នស្រាវជ្រាវផ្នែកវិទ្យាសាស្ត្រដ៏ធំនៃប្រទេសចិន ដែលមានសាកលវិទ្យាល័យចំនួន៣ជាចំណុះ និងមាន ក្រុមអ្នកស្រាវជ្រាវ បម្រើការក្នុងស្ថាប័ននេះ ដល់ទៅជាង៧ម៉ឺននាក់ ដែលក្នុងនោះចំនួន៥ម៉ឺនជាអ្នកស្រាវជ្រាវវិទ្យាសាស្ត្រ និងមានសភាចារ្យចំនួន៧០០ ព្រមទាំងសាខាទូទាំងប្រទេសចិន៕
អត្ថបទផ្សេងទៀត
អាជ្ញាធរជាតិអប្សរាចាត់វិធានការរក្សាទឹកនៅស្រះស្រង់
ស្រះស្រង់ មានបណ្តោយ៧៨០ម និងទទឹង៣៨០ម ត្រូវបានដូនតាខ្មែរជីកឡើង នៅចុងសតវត្សទី១២ ដើមសតវត្សទី១៣ ដោយមិនមានប្រព័ន្ធបង្ហូរទឹកចូលនោះទេ។ ស្រះនេះពឹងលើទឹកភ្លៀង និងទឹកក្រោមដី ដែលជ្រាបចូលពីបារាយណ៍ខាងកើត។( ថ្ងៃទី 21 ខែ ធ្នូ ឆ្នាំ2015 )
អាជ្ញាធរជាតិអប្សរាបូមទឹកបញ្ចូលស្រះមុខអង្គរ ដើម្បីបង្កើនភាពស្រស់ស្អាត និងទាក់ទាញភ្ញៀវទេចរណ៍
ដោយសាររដូវវស្សាឆ្នាំនេះមានភ្លៀងធ្លាក់មិនគ្រប់គ្រាន់ បានធ្វើឱ្យទឹកក្នុងស្រះប្រុស ស្រះស្រីមុខអង្គរវត្តនារដូវប្រាំងស្រក ខ្វះ បាត់បង់ភាពស្រស់ស្អាត។ ដូច្នេះដើម្បីរក្សាទឹកឱ្យនៅមានដូចរដូវវស្សានិងធ្វើឱ្យស្រះមានសោភ័ណភាពស្រស់បំព្រងឡើងវិញ នាយកដ្ឋានគ្រប់គ្រងទឹកនៃអាជ្ញាធរជាតិអប្សរាបានបូមទឹកពីកសិណមកបញ្ចូលស្រះទាំងពីរនេះកាលពីថ្ងៃទី១៥ ខែធ្នូ ឆ្នាំ២០១៥។( ថ្ងៃទី 17 ខែ ធ្នូ ឆ្នាំ2015 )
អាជ្ញាធរជាតិអប្សរាដោះស្រាយបញ្ហាខ្វះទឹកធ្វើកសិកម្ម ជូនប្រជាពលរដ្ឋបួនឃុំ ក្នុងស្រុកពួក
ប្រជាពលរដ្ឋប្រមាណ៦០រូប ដែលតំណាងឲ្យអ្នកស្រុកចំនួនបួនឃុំ នៅស្រុកពួក គឺឃុំសំរោងយារ ឃុំពួក ឃុំកែវព័ណ៌ និងឃុំខ្នាត បានជួបពិភាក្សាជាមួយមន្ត្រីជំនាញគ្រប់គ្រងទឹកអាជ្ញាធរជាតិអប្សរា ដើម្បីរកមធ្យោបាយដោះស្រាយបញ្ហាដែលពួកគាត់កំពុងប្រឈមក្នុងការខ្វះទឹកបង្កបង្កើនផល។( ថ្ងៃទី 16 ខែ ធ្នូ ឆ្នាំ2015 )
អាជ្ញាធរជាតិអប្សរាដឹកនាំប្រជាពលរដ្ឋជាង៨០០នាក់ សម្អាតប្រឡាយទឹកសម្រាប់ការងារកសិកម្ម
ប្រជាពលរដ្ឋជាង៨០០នាក់មកពី៤ឃុំសង្កាត់ នៅព្រឹកថ្ងៃទី៩ ខែធ្នូ ឆ្នាំ២០១៥នេះ បានចូលរួមជាមួយអាជ្ញាធរជាតិអប្សរា ធ្វើការសម្អាតប្រព័ន្ធប្រឡាយបង្ហូរទឹក ចេញពីបារាយណ៍ខាងលិច ដែលជាប្រភពទឹកដ៏សំខាន់ សម្រាប់ប្រជាសហគមន៍ចំនួន៩ឃុំសង្កាត់ក្នុងក្រុងសៀមរាប និងស្រុកពួកប្រើប្រាស់ក្នុងវិស័យកសិកម្ម។( ថ្ងៃទី 09 ខែ ធ្នូ ឆ្នាំ2015 )
អាជ្ញាធរជាតិអប្សរាបើកសវនកម្មផ្ទៃក្នុងលើប្រព័ន្ធគ្រប់គ្រងបរិស្ថាន ស្របតាមស្តង់ដារ ISO14001
អង្គភាពគ្រប់គ្រងបរិស្ថានអង្គរនៃអាជ្ញាធរជាតិអប្សរា បានរៀបចំបើកសវនកម្មផ្ទៃក្នុង លើប្រព័ន្ធគ្រប់គ្រងបរិស្ថានស្របតាមស្តង់ដារ ISO14001 នៅគ្រប់នាយកដ្ឋាន និងអង្គភាពចំណុះអាជ្ញាធរជាតិអប្សរា។ សវនកម្មផ្ទៃក្នុងនេះធ្វើឡើងរយៈពេល២ថ្ងៃកន្លះ គឺចាប់ផ្តើមពីថ្ងៃទី២៦ ដល់២៨ ខែតុលា ឆ្នាំ២០១៥។( ថ្ងៃទី 26 ខែ តុលា ឆ្នាំ2015 )
ប្រសាសន៍លោកជំទាវប្រធានអាជ្ញាធរជាតិអប្សរា
ការព្យាករណ៍អាកាសធាតុ
ក្រមប្រតិបត្តិអង្គរ / Angkor Code of Conduct (Width = 230)
វីដេអូក្រមប្រតិបត្តិអង្គរ
.jpg){kind=small}
