ព័ត៌មានថ្មីៗ

លទ្ធផលកំណាយបុរាណវិទ្យារបស់ អាជ្ញាធរជាតិអប្សរានិងសាលាបារាំងចុងបូព៌ានៅប្រាសាទអកយំ

បានផ្សាយនៅ ថ្ងៃទី 22 ខែ មិនា ឆ្នាំ2016 07:53 AM ដោយ ៖ អាជ្ញាធរជាតិអប្សរា

អកយំ ជាឈ្មោះប្រាសាទសង់អំពីឥដ្ឋមុនសម័យអង្គរ រាងសាជី (Pyramide) ស្ថិតនៅលើខឿនបីជាន់ មានទំហំ១០០ម៉ែត្របួនជ្រុងស្មើ កសាងឡើងក្នុងរាជព្រះបាទភវវរ្ម័ន ដែលឧទ្ទិសចំពោះទេព «កុម្ភីរេស្វរៈ» ក្នុងអំឡុងសតវត្សទី៦នៃគ.ស។ គេបានរកឃើញសិលាចារឹកចំនួនបីផ្ទាំងនៅក្នុងប្រាសាទនេះ គឺផ្ទាំងទី១នៅលើស៊ុមទ្វារចូលប្រាង្គកណ្តាលផ្នែកខាងកើត ដែលបានបញ្ជាក់អំពីកាលបរិច្ឆេទស្ថិតក្នុងឆ្នាំ៦៧៤នៃគ.ស។ ផ្ទាំងទី២នៅលើស៊ុមទ្វារចូលប្រាង្គកណ្តាលផ្នែកខាងត្បូង បញ្ជាក់កាលបរិច្ឆេទនាដើមសតវត្សទី៨ និងផ្ទាំងទី៣ជាអក្សរចារមួយខ្សែលើជើងទម្រកប់ក្រោមដីកាលលើកទំនប់បារាយណ៍ ដែលបង្ហាញអំពីកាលបរិច្ឆេទឆ្នាំ១០០១នៃគ.ស។

ជាមួយគ្នានោះ អាជ្ញាធរជាតិអប្សរាសហការជាមួយក្រុមការងារវិទ្យាស្ថានសាលាបារាំងចុងបូព៌ា (EFEO) បានធ្វើកំណាយជាថ្មីម្តងទៀតនៅប្រាសាទអកយំកាលពីថ្ងៃទី២៩ ខែកុម្ភៈ ឆ្នាំ២០១៦ ក្រោមគម្រោងកំណាយស្រាវជ្រាវរបស់ MAFKATA (ក្រុមការងារបេសកម្មបុរាណវិទ្យាខ្មែរបារាំងសម្រាប់ការស្រាវជ្រាវពីការរៀបចំក្រុងនៅតំបន់អង្គរ) ដើម្បីសិក្សាបន្ថែមលើការចាក់បង្គរស្រទាប់ដី ហើយគម្រោងនេះបានបញ្ចប់ទៅកាលពីថ្ងៃទី១៨ ខែមីនា ឆ្នាំ ២០១៦។

លោកបណ្ឌិត Christophe Pottire អ្នកស្រាវជ្រាវនៃវិទ្យាស្ថានបារាំងចុងបូព៌ា (EFEO) បានប្រាប់ថា ក្នុងឆ្នាំ១៩៣២-១៩៣៥ លោក G.Trouvé គេបានធ្វើកំណាយម្តងរួចទៅហើយនៅប្រាសាទអកយំនេះ ហើយតាមរយៈការធ្វើកំណាយរបស់គាត់គឺបានសិក្សាលើហេដ្ឋារចនាសម្ពន្ធនិងសិល្បៈសំណង់។ ចំណែកការធ្វើកំណាយស្រាវជ្រាវរបស់គម្រោង MAFKATA នៃវិទ្យាស្ថានបារាំងចុងបូព៌ា (EFEO) ក្នុងឆ្នាំ២០០១, ២០១២ និង២០១៦នេះ ក៏រកឃើញដូចលើកមុនដែរ គ្រាន់តែបំពេញបន្ថែមទៅលើរបាយណ៍កំណាយស្រាវជ្រាវរបស់អ្នកមុនតែប៉ុណ្ណោះ ដោយសិក្សាលម្អិតលើស្រទាប់ដីតាមវិធីសាស្ត្រសម័យទំនើប ហើយក្នុងនោះក៏បានរកឃើញបំណែកភាជន៍និងបំណែកក្បឿងបន្តិចបន្តួចផងដែរសម្រាប់វិភាគ។

លោក Pottire បន្តទៀតថា តាមរយៈការធ្វើពិសោធន៍ធ្យូង Carbone14 (C14) បានបង្ហាញអំពីកាលបរិច្ឆេទនៅចន្លោះសតវត្សទី៦នៃគស ដែលជាកាលបរិច្ឆេទមុនកាលបរិច្ឆេទដែលបានបង្ហាញនៅលើសិលាចារឹកទាំង៣ផ្ទាំងនៅប្រាសាទអកយំទៅទៀត។ ចំពោះសភាពនៃប្រាសាទនេះតាំងពីឆ្នាំ១៩៣២មកដល់បច្ចុប្បន្ន កន្លែងខ្លះនៃប្រាសាទត្រូវពុកផុយដោយសារអាកាសធាតុ ធម្មជាតិ និងខ្លះទៀតកប់ក្នុងដី ព្រោះការហូរច្រោះដីនៃខ្នងបារាយណ៍ ព្រមទាំងការសាងសង់ទំនប់បារាយណ៍។ ដួច្នេះ ដើម្បីរក្សាប្រាសាទនេះបន្ត បន្ទាប់ពីគម្រោងកំណាយនេះចប់ហើយ ក្រុមការងារនឹងលុបកន្លែងកំណាយនេះវិញ ដើម្បីការពារប្រាសាទពីការពុកផុយដោយសារអាកាសធាតុនិងធម្មជាតិតទៅទៀត៕








ភ្នំគូលែន គឺរមណីយដ្ឋានវប្បធម៌ ប្រវត្តិសាស្រ្ត និងធម្មជាតិ ដែលកំពុងទទួលបាននូវការចាប់អារម្មណ៍ពីសំណាក់ទេសចរជាតិនិងអន្តរជាតិ។ ទន្ទឹមនឹងនេះ ដើម្បីបញ្ជៀសនូវផល ប៉ះពាល់ជាអតិបរមា អាជ្ញាធរជាតិអប្សរាបានខិតខំយកចិត្ត ទុកដាក់យ៉ាងខ្លាំង ចំពោះការអភិរក្សប្រាសាទនិងបុរាណនានាដែលមាននៅលើរមណីយដ្ឋានភ្នំគូលែននេះ ធ្វើយ៉ាងណាឲ្យការអភិរក្សនិងអភិវឌ្ឍន៍ប្រកបដោយចីរភាព។
ក្រុមអ្នកជំនាញនៃអាជ្ញាធរជាតិអប្សរា កំពុងរៀបចំសម្រង់ប្លង់ប្រាសាទតានៃតាមរយៈរូបថត3D ដើម្បីបម្រើដល់ការងារអភិរក្ស ជួសជុល និងលើកតម្លៃប្រាសាទតានៃទាំងមូលក្នុងពេលអនាគត។ នេះជាផ្នែកមួយនៃគម្រោងសហប្រតិបត្តិការរវាងអាជ្ញាធរជាតិអប្សរា និងវិទ្យាស្ថានស្រាវជ្រាវជាតិសម្រាប់ការងារអភិរក្សវប្បធម៌នៃសាកលវិទ្យាល័យតូក្យូ (NRICPT)។
បន្តោងសេរ៉ូមឲ្យថ្ម
( ថ្ងៃទី 16 ខែ តុលា ឆ្នាំ2015 )
ថ្មដែលមានអាយុកាលយូរ ដូចជាថ្មប្រាសាទជាដើម មានភាពពុកផុយ ត្រូវការការព្យាបាលដើម្បីពង្រឹងសាច់ថ្មឡើងវិញ ប្រៀបដូចជាមនុស្សឈឺ អស់កម្លាំង ឬមនុស្សចាស់មានកម្លាំងខ្សោយត្រូវការថ្នាំជំនួយកម្លាំងដូច្នោះដែរ។ នេះជាការលើកឡើងរបស់លោក ឡុង ណារី ប្រធានក្រុមអភិរក្សថ្មរបស់អាជ្ញាធរជាតិអប្សរា ក្នុងឱកាសដែលលោក និងក្រុមការងារកំពុងតែបាញ់ថ្នាំតាមបំពង់សេរ៉ូមចូលទៅក្នុងសាច់ថ្មបង្កាន់ដៃនាគ ដែលលោកកំពុងជួសជុលនៅប្រាសាទបន្ទាយសំរែ។
ពុទ្ធបាទទម្ងន់ប្រហែលជាង២តោន មានទីតាំងដើមនៅរួតព្រះពាន់ប្រាសាទអង្គរវត្ត ដែលរងការបាក់បែកជា៦៤បំណែក តម្កល់ទុកនៅអភិរក្សដ្ឋានអង្គរតាំងពីឆ្នាំ១៩៨៥ ត្រូវបានក្រុមជំនាញជួសជុលចម្លាក់សិល្បៈ របស់អាជ្ញាធរជាតិអប្សរា ដែលបណ្តុះបណ្តាលដោយសាកលវិទ្យាល័យ Palermo ប្រទេសអ៊ីតាលី ធ្វើការជួសជុលផ្គុំឡើងវិញ តាមទម្រង់ដើម ដើម្បីតម្កល់ទុកជាមរកបេតិកភណ្ឌរបស់ជាតិ។
ក្រុមជំនាញអភិរក្សបេតិកភណ្ឌនៃអាជ្ញាធរជាតិអប្សរា និងអាជ្ញាធរជាតិព្រះវិហារ ដែលបានបណ្តុះបណ្តាលដោយសាកលវិទ្យាល័យ Palermo ប្រទេសអ៊ីតាលី កំពុងបំពេញការងារជួសជុល និងការងារអភិរក្សចម្រឹងបង្អួចនៃប្រាសាទអង្គរវត្ត។ ក្រុមនេះបានជួសជុលចម្រឹងបង្អួចចំនួន២ស៊ុម ជិតរួចរាល់ហើយ ក្រោយចំណាយពេលជាង៦ខែមក។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
0787
ម្សិលមិញ
:
16977
សប្តាហ៍នេះ
:
17764
ខែនេះ
:
0205895
សរុប
:
009165466