NEWS

The English version of this website is still under construction. This section is only available in Khmer language at this stage. We apologise for any inconvenience

Published on 11 March 2016 08:59 AM Post By ៖ Apsara National Authority
រសៀលថ្ងៃទី១០ ខែមីនា ឆ្នាំ២០១៦ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានដឹកនាំគណ:ប្រតិភូកាកបាទក្រហមកម្ពុជា ធ្វើទស្សនកិច្ចសារមន្ទីរសព្វទស្សន៍អង្គរ។ មានវត្តមានទទួល សម្តេចកិត្តិព្រឹទ្ធបណ្ឌិត និងគណ:ប្រតិភូទាំងអស់គឺ ឯកឧត្តមបណ្ឌិត ឃឹម ប៊ុនសុង អភិបាលនៃគណ:អភិបាលខេត្តសៀមរាប ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា ថ្នាក់ដឹកនាំ មន្ត្រីបុគ្គលិក របស់សាលាខេត្តសៀមរាប និងអាជ្ញាធរជាតិអប្សរាជាច្រើនរូបទៀត។ 

ជូនដំណើរសម្តេចកិត្តិព្រឹទ្ធបណ្ឌិត ទស្សនាសារមន្ទីរដោយផ្ទាល់ លោក យិត ចាន់ដារដ្ឋ នាយករងសារមន្ទីរសព្វទស្សន៍អង្គរ បានពន្យល់ពីដំណើរការនៃការកសាង និងការដាក់តាំងពិព័រណ៍រូបគំនូរដែលបានរំលេចឲ្យឃើញពីប្រាង្គប្រាសាទដ៏ល្អឯក និងទេសភាពវប្បធម៌នៃឧទ្យានអង្គរទាំងមូល។ គណ:ប្រតិភូក៏បានទស្សនាខ្សែភាពយន្ត3D ដែលបានរំលេចឲ្យឃើញពីការកសាងប្រាសាទដោយបុព្វបុរសខ្មែរតាំងពីសម័យបុរាណកាលមក។ 

សម្តេចកិត្តិព្រឹទ្ធបណ្ឌិត បានសម្តែងនូវក្តីរំភើប និងកោតសរសើរចំពោះការរៀបចំកសាងសារមន្ទីរនេះឡើងដែលបានរួមចំណែកយ៉ាងសំខាន់ ក្នុងការអប់រំនិងផ្សព្វផ្សាយពីវប្បធម៌របស់ខ្មែរឲ្យបានល្បីល្បាញ ដើម្បីទាក់ទាញភ្ញៀវទេសចរឲ្យចូលមកទស្សនាតំបន់រមណីយដ្ឋានអង្គរបន្ថែមទៀត។

សារមន្ទីរសព្វទស្សន៍អង្គរដ៏ស្រស់ស្អាតនេះ បំពាក់ដោយសម្ភារៈទំនើបៗ មានទីតាំងស្ថិតនៅជាប់រង្វង់មូលផ្លូវ៦០ម៉ែត្រក្រុងសៀមរាប ហើយត្រូវបានសម្ពោធបើកដំណើរការឲ្យភ្ញៀវទេសចរជាតិ-អន្តរជាតិចូលទស្សនាជាផ្លូវការតាំងពីថ្ងៃទី៤ ខែធ្នូ ឆ្នាំ២០១៥មកម្ល៉េះ។ សារមន្ទីរនេះស្ថាបនាឡើងតាមរចនាបទខ្មែរដ៏ល្អប្រណីត ដែលបានដំណើរការសាងសង់ឡើង តាំងពីខែសីហាឆ្នាំ២០១១ដោយក្រុមហ៊ុន MansudaeNewtechCorporration Ltd នៅលើផ្ទៃដី៦១១៥ម៉ែត្រការ៉េ មានទំហំបណ្តោយ៨៣,៥ម៉ែត្រ ទទឹង៥៤,៣ម៉ែត្រកំពស់៣៤ម៉ែត្រ ចំណតរថយន្តផ្លូវដើរ និងទីតាំងផ្សេងៗមួយចំនួនទៀត ដែលសាងសង់រួចរាល់នាខែកញ្ញាឆ្នាំ២០១៥នេះ ដោយចំណាយអស់ទឹកប្រាក់ជាង២៤លានដុល្លារអាមេរិក ជាទុនវិនិយោគរបស់ក្រុមហ៊ុនMansudae Oversaes Project Gruop of Companiesនៃប្រទេសកូរ៉េខាងជើង។

សារមន្ទីរនេះបានរៀបចំតាំងពិព័រណ៍ផ្សេងៗ ដោយបានបែងចែកជាច្រើនផ្នែកសំខាន់ៗដូចជា ផ្នែករូបថតនិងគំនូរអំពីប្រវត្តិនៃប្រាសាទនិងភូមិដ្ឋានក្នុងរមណីយដ្ឋានអង្គរនាសម័យព្រះបាទជ័យវរ្ម័នទី៧ ផ្នែកគំនូរសព្វទស្សន៍ដែលនិយាយពីដំណាក់កាលសំខាន់ទាំង៣ក្នុងរាជព្រះបាទជ័យវរ្ម័នទី៧ គឺដំណាក់កាលយុទ្ធសាស្រ្ត ការពារ ដំណាក់កាលសាងសង់ប្រាសាទបាយ័ន និងដំណាក់កាលស្រុករុងរឿង។ រោងភាពយន្ត3D ដែលអាចទទួលភ្ញៀវចូល ទស្សនាម្តងបាន២០៤នាក់ កន្លែងលក់វត្ថុអនុស្សាវរីយ៍ និងភេសជ្ជៈព្រមទាំងមានកន្លែងបញ្ចាំង វីដេអូឯកសារស្តីពីប្រវត្តិប្រាសាទ និងទីតាំងបុរាណនានាដែលអាចឲ្យអ្នកស្រាវជ្រាវ និស្សិត សិស្សសាធារណជនអាចចូលទៅសិក្សាស្វែងយល់បានទៀតផង។











របាយការណ៍របស់មន្ទីរទេសចរណ៍ខេត្តសៀមរាបបញ្ជាក់ថា ចំនួនភ្ញៀវទេសចរក្នុងខេត្តសៀមរាបក្នុងឆ្នាំ២០១៥កន្លងទៅនេះមានចំនួន ៥.០១១.៣១៦នាក់ ថយចុះ០,២៥% បើធៀបនឹងឆ្នាំ២០១៤ ដែលក្នុងនោះភ្ញៀវបរទេសមាន ២.១២៤.៨៦៣នាក់ ថយចុះ៩,៦១% ភ្ញៀវជាតិមានចំនួន ២.៨៨៦.៤៥៣នាក់ កើនឡើង៨% បើធៀបឆ្នាំ២០១៤។
សារមន្ទីរវាយនភណ្ឌប្រពៃណីអាស៊ី ជាសមិទ្ធផលនៃកិច្ចសហប្រតិបត្តការរវាងរដ្ឋាភិបាលឥណ្ឌាជាមួយបណ្តាប្រទេសតំបន់ទន្លេមេគង្គរួមមានរដ្ឋាភិបាលកម្ពុជា វៀតណាម ថៃ មីយ៉ាន់ម៉ា និងឡាវ។ សារមន្ទីរមានទីតាំងនៅផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុង-ខេត្តសៀមរាប បានចាប់ផ្តើមបើកឲ្យដំណើរការលក់សំបុត្រចូលទស្សនាដល់ភ្ញៀវជាតិ និងអន្តរជាតិ ចាប់ពីដើមខែកុម្ភៈ ឆ្នាំ២០១៦ តទៅ។

តម្លៃសំបុត្រទស្សនាសម្រាប់ភ្ញៀវជាតិម្នាក់គឺ១០០០រៀល ចំណែកសំបុត្រទស្សនាសម្រាប់ភ្ញៀវអន្តរជាតិម្នាក់តម្លៃ៣ដុល្លារ និងលើកលែងចំពោះកុមារអាយុក្រោម១២ឆ្នាំ។ ចំណែកពេលវេលាសម្រាប់ចូលទស្សនាវិញ គឺរៀងរាល់ថ្ងៃ ចាប់ពីម៉ោង៨:៣០នាទីព្រឹកដល់ ម៉ោង៤:០០នាទីល្ងាច លើកលែងថ្ងៃអង្គារ និងថ្ងៃបុណ្យជាតិសំខាន់ៗ។

សារមន្ទីរវាយនភណ្ឌប្រពៃណីអាស៊ី មានបន្ទប់ពិព័រណ៍៤ធំៗសម្រាប់តាំងបង្ហាញជូនទស្សនា គឺ បន្ទប់ពិព័រណ៍ព័ត៌មាន ដែលមានរៀបរាប់អំពីប្រវត្តិនៃទន្លេមេគង្គ ទន្លេគង្គា ទំនាក់ទំនងវប្បធម៌ អារ្យធម៌ និងពាណិជ្ជកម្មផ្នែកវាយនភណ្ឌនៃទន្លេទាំងពីរ។ល។

បន្ទប់ពិព័រណ៍ទី២ គឺពិព័រណ៍វត្ថុធាតុដើម និងដំណើរការផលិត ដែលបង្ហាញអំពីវត្ថុធាតុដើមសំខាន់ៗ ឧបករណ៍ផ្សេងៗ សម្រាប់ផលិតជាវាយនភណ្ឌដូចជា កប្បាស គ រោមសត្វ សម្បុកដង្កូវនាង រុក្ខជាតិផ្សំបង្កើតពណ៌សម្រាប់ជ្រលក់ កីតម្បាញផ្សេងៗ ក៏ដូចជាតាំងបង្ហាញផងដែរអំពីដំណើរការនៃការផលិតអម្បោះពីកប្បាស ការជ្រលក់ពណ៌ ការត្បាញជាដើម។

ក្នុងបន្ទប់ពិព័រណ៍ទី៣ គឺបន្ទប់ពិព័រណ៍វាយនភណ្ឌបុរាណ បន្ទប់ពិព័រណ៍នេះដាក់តាំងបង្ហាញអំពីសម្លៀកបំពាក់បែបប្រពៃណីនៃប្រទេសនីមួយៗ រួមមានសម្លៀកបំពាក់ប្រើប្រាស់ប្រចាំថ្ងៃ សម្លៀកបំពាក់សម្រាប់ពិធីបុណ្យប្រពៃណីជាតិ និងវាយនភណ្ឌសម្រាប់ប្រើប្រាស់ក្នុងពិធីសាសនាជាដើម។ បន្ទប់ពិព័រណ៍ទី៤ គឺជាបន្ទប់ពិព័រណ៍វាយនភណ្ឌសហសម័យ។ បន្ទប់ពិព័រណ៍នេះដាក់តាំងសម្លៀកបំពាក់ មានលក្ខណៈតុបតែង បែបទាន់សម័យ ដោយប្រើប្រាស់ កែច្នៃប្រភេទវាយនភណ្ឌផលិតតាមបែបប្រពៃណី។

កញ្ញា ឯម ស្រីពៅ នាយិការងនៃសារមន្ទីរវាយនភណ្ឌប្រពៃណីអាស៊ី បានលើកឡើងថា សារមន្ទីរនេះបានចាប់ផ្តើមដំណើការសាងសង់ លើផ្ទៃដីទំហំ១ហិកតា កាលពីខែតុលា ឆ្នាំ២០១០ ហើយការងារសាងសង់អាគារ បានបញ្ចប់នៅខែធ្នូ ២០១១ និងសម្ពោធបើកជូនភ្ញៀវទស្សនាជា ផ្លូវការ ក្រោមអធិបតីភាពឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្ត្រីទទួលបន្ទុកទីស្តីការគណៈរដ្ឋមន្រ្តី និងជាប្រធានអាជ្ញាធរជាតិអប្សរា និងលោក Anil Wadhwa រដ្ឋមន្ត្រី ការបរទេសរបស់ប្រទេសឥណ្ឌានៅថ្ងៃទី០៧ ខែមេសា ឆ្នាំ២០១៤។

កញ្ញាបន្តថា សារមន្ទីរដាក់បង្ហាញនូវវាយនភណ្ឌប្រពៃណី វត្ថុធាតុដើម ឧបករណ៍សម្រាប់ដំណើការផលិតវាយនភណ្ឌ របស់បណ្តាប្រទេសជាប់នឹងដងទន្លេមេគង្គទាំងប្រាំរួមមានប្រទេស កម្ពុជា ឡាវ វៀតណាម ថៃ មីយ៉ាន់ម៉ា ជាមួយនឹងប្រទេសឥណ្ឌាដែលមានទន្លេគង្គា។ សារៈសំខាន់នៃសារមន្ទីរនេះ ធ្វើឱ្យអ្នកចូលទស្សនា បានយល់ដឹងអំពីទំនាក់ទំនងប្រពៃណី ទំនៀមទម្លាប់ វប្បធម៌ អារ្យធម៌ បណ្តាប្រទេសដែលនៅតាមដងទន្លេទាំងពីរគឺ ទន្លេមេគង្គ និងទន្លេគង្គាតាមរយៈវិស័យវាយនភណ្ឌ។

កញ្ញាស្រីពៅក៏បានអំពាវនាវសាធារណជន យុវជនខ្មែរសូមអញ្ជើញមកទស្សនាសារមន្ទីរនេះ ដើម្បីយល់ដឹងបន្ថែមអំពីទំនាក់វប្បធម៌រវាងទន្លេមេគង្គ និងទន្លេគង្គា ព្រមទាំងបង្កើនចំណេះដឹងនានា រួមចំណែកថែរក្សាវប្បធម៌ អារ្យធម៌របស់ជាតិ៕










បុគ្គលិកនៃសារមន្ទីរវាយនភណ្ឌប្រពៃណីអាស៊ីចំនួន១០រូប និងបុគ្គលិកនៃនាយកដ្ឋានវប្បធម៌២រូបនៃអាជ្ញាធរជាតិអប្សរា បានទទួលវគ្គបណ្តុះបណ្តាលបន្ថែមអំពីការងារអភិរក្សបង្ការក្រណាត់ រយៈពេលមួយសប្តាហ៍ ពីថ្ងៃទី២៨ ខែមករា ដល់ថ្ងៃទី៣ ខែកុម្ភៈ ឆ្នាំ២០១៦។ គ្រូឧទ្ទេស គឺលោកបណ្ឌិត ACHAL PANDYA សាស្ត្រាចារ្យ និងជាប្រធាននាយកដ្ឋានអភិរក្ស នៃមជ្ឈមណ្ឌលសិល្បៈ INDIRA GANDHI

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
2
Today
:
0237
Yesterday
:
1458
This Week
:
09999
This Month
:
0058472
Total
:
009431748