ព័ត៌មានថ្មីៗ

ក្រុមអភិរក្សព្រៃឈើប្រាសាទកោះកេរចាប់ផ្តើមយុទ្ធនាការ ផ្សព្វផ្សាយអំពីការងារអភិរក្សដល់ប្រជាពលរដ្ឋ

បានផ្សាយនៅ ថ្ងៃទី 26 ខែ កុម្ភៈ ឆ្នាំ2016 08:29 AM ដោយ ៖ អាជ្ញាធរជាតិអប្សរា
ក្រុមការងារផ្សព្វផ្សាយអប់រំអំពីការងារអភិរក្សព្រៃឈើនៅតំបន់ប្រាសាទកោះកេរ នាព្រឹកថ្ងៃទី២៥ ខែកុម្ភៈនេះ បានចុះជួបប្រជាពលរដ្ឋជាង២០០នាក់នៅវត្តស្រយ៉ង់ ឃុំស្រយ៉ង់ ស្រុកគូលែន ខេត្តព្រះវិហារ។ ការជួបជុំនេះ គឺក្នុងគោលបំណងផ្សព្វផ្សាយ និងអប់រំប្រជាពលរដ្ឋឲ្យយល់ដឹងអំពីតម្លៃនៃការងារអភិរក្ស និងគោលការណ៍សំខាន់ៗដែលត្រូវអនុវត្តក្នុងតំបន់អភិរក្សនៃប្រាសាទកោះកេរ។ នេះជាលើកទី២ហើយនៃយុទ្ធនាការចុះអប់រំប្រជាពលរដ្ឋ បន្ទាប់ពីយុទ្ធនាការទី១បានធ្វើឡើងកាលពីថ្ងៃទី១៨ ខែកុម្ភៈ ឆ្នាំ២០១៦នៅភូមិរំចេក ឃុំស្រយ៉ង់ ខេត្តព្រះវិហារ។ ការផ្សព្វផ្សាយអប់រំ គឺជាបេសកកម្មដ៏សំខាន់មួយដែលត្រូវធ្វើដំណាលគ្នានឹងការបង្រ្កាប ទប់ស្កាត់បទល្មើសព្រៃឈើនៅតំបន់អភិរក្សនេះ។

ឯកឧត្តម ឈរ ថាណាត អគ្គនាយករងអាជ្ញាធរជាតិអប្សរា និងជាប្រធានគណៈកម្មការចម្រុះគ្រប់គ្រងអភិរក្ស ព្រៃឈើតំបន់ប្រាសាទកោះកេរបានពន្យល់លម្អិតអំពីគោលការណ៍អភិរក្សតំបន់កោះកេរ ដែលយកគំរូតាមតំបន់រមណីយដ្ឋានអង្គរ។ ឯកឧត្តមបានអំពាវនាវឲ្យមានការចូលរួមពីសំណាក់ប្រជាពលរដ្ឋក្នុងការងារនេះ។ “ព្រៃឈើ និងបេតិកភណ្ឌគឺជារបស់យើងទាំងអស់គ្នាបើប្រជាពលរដ្ឋយើងចូលរួម គឺមិនត្រឹមតែឈប់កាប់បំផ្លាញព្រៃឈើប៉ុណ្ណោះទេ តែក៏អាចជួយពន្យល់ណែនាំឲ្យអ្នកផ្សេងទៀតចូលរួមដែរ។ មិនត្រឹមប៉ុណ្ណោះ ប្រជាពលរដ្ឋក៏មិនត្រូវឈរមើលអ្នកណាមកបំផ្លាញព្រៃឈើ និងបេតិកភណ្ឌរបស់យើងដែរ”

លោក និន ចាន់សាមៀន ប្រធាននាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាននៃអាជ្ញាធរជាតិអប្សរាបញ្ជាក់ក្នុងពិធីផ្សព្វផ្សាយនេះថា ការអភិរក្សព្រៃឈើមានសារៈសំខាន់ណាស់ចំពោះប្រាសាទក្នុងតំបន់កោះកេរ។ លោកពន្យល់ថា ព្រៃឈើមានប្រយោជន៍៤ យ៉ាងចំពោះប្រាសាទគឺ ព្រៃឈើជារបាំងខ្យល់មិនឲ្យបក់បោកខ្លាំងមកប៉ះប្រាសាទ ព្រៃឈើការពារចម្រោះទឹកដែលហូរបុកខ្លាំងមកលើប្រាសាទ ព្រៃឈើជារក្សាសំណើមជាប្រចាំចំពោះប្រាសាទ និងជាចុងក្រោយ ព្រៃឈើបានផ្តល់សោភណភាពដ៏ស្រស់ស្អាតដល់ប្រាសាទ។ លោករៀបរាប់ថា ប្រាសាទដែលអាចតាំងនៅរាប់ពាន់ឆ្នាំកន្លងមកនេះ ក៏ដោយសារមានគម្របព្រៃឈើនេះហើយ។

លោក អ៊ិត ភូម្រា នាយករដ្ឋបាលព្រៃឈើខេត្តព្រះវិហារលើកឡើងក្នុងពិធីផ្សព្វផ្សាយនេះថា ប្រជាពលរដ្ឋទាំងអស់ត្រូវផ្លាស់ប្តូរគំនិតពីការកាប់បំផ្លាញ មកជាការចូលរួមថែរក្សាព្រៃឈើវិញ។ លោកក៏បានអំពាវនាវឲ្យប្រជាពលរដ្ឋចូលរួមក្នុងការអភិរក្សនេះដែរ តាមរយៈការមិនកាប់បំផ្លាញ ឬរុករានដីធ្វើកម្មសិទ្ធិ និងចូលរួមរាយការណ៍រាល់ពេលប្រទះបទល្មើសព្រៃឈើផ្សេងៗ ដល់សមត្ថកិច្ចពាក់ព័ន្ធទាំងអស់។

លោកតាឈុន អឿន អាយុ៧២ឆ្នាំជាអតីតគ្រូបង្រៀនសម័យសង្គមរាស្ត្រនិយមបានសម្តែងនូវការគាំទ្រយ៉ាងពេញទំហឹងចំពោះការងារអភិរក្សព្រៃឈើ និងសកម្មភាពអប់រំផ្សព្វផ្សាយនេះ ដោយលោកតាបញ្ជាក់ថា ប្រជាពលរដ្ឋភាគច្រើនដែលបានកាប់រានដី ឬលួចកាប់ព្រៃកន្លងមកគឺមកពីមិនយល់ពីតម្លៃនៃព្រៃឈើ និងបេតិកភណ្ឌរបស់ជាតិ។ លោកតាបញ្ជាក់ថា ការទប់ស្កាត់បទល្មើសព្រៃគឺត្រូវផ្តើមចេញពីអ្នកអភិរក្សតែម្តង។ បើអ្នកអភិរក្សធ្វើត្រឹមត្រូវ ដោយហ៊ានដាក់ទោសចំពោះអ្នកប្រព្រឹត្តមិនលើកលែងនោះ ប្រជាពលរដ្ឋច្បាស់ជានឹងខ្លាចរអាជាមិនខាន។ ទន្ទឹមនឹងនេះលោកតាក៏បានអំពាវឲ្យប្រជាពលរដ្ឋចូលរួមឲ្យបានគ្រប់គ្នា ដើម្បីថែរក្សាព្រៃឈើ និងបេតិកភណ្ឌដូនតាឲ្យបានគង់វង្ស។

សូមបញ្ជាក់ថា ដើម្បីទប់ស្កាត់បទល្មើសព្រៃឈើនៅតំបន់កោះកេរ ដែលគ្រប់គ្រងដោយអាជ្ញាធរជាតិអប្សរា រាជរដ្ឋាភិបាលបានបង្កើត គណៈកម្មការចម្រុះមួយ ដែលមានឈ្មោះថា គណៈកម្មការចម្រុះគ្រប់គ្រង អភិរក្ស និងការពារព្រៃឈើនៅតំបន់ប្រាសាទកោះកេរ កាលពីដើមខែមករាកន្លងទៅនេះ។ ក្រុមការងារនេះមានបេសកកម្មសំខាន់ៗដូចជា ការផ្សព្វផ្សាយអប់រំប្រជាពលរដ្ឋឲ្យយល់ដឹងអំពីការងារអភិរក្សព្រៃឈើ ការងារទប់ស្កាត់បទល្មើសព្រៃឈើជាដើម។ ការងារនេះទទួលបានការគាំទ្រយ៉ាងពេញទំហឹងពីសំណាក់គណៈអភិបាលខេត្តព្រះវិហារ ជាពិសេសការចូលរួមដោយផ្ទាល់ពី ឯកឧត្តម អ៊ុំ ម៉ារ៉ា អភិបាលនៃគណៈអភិបាលខេត្តព្រះវិហារ និងអាជ្ញាធរពាក់ព័ន្ធទាំងអស់៕






ស្ពានឈើបណ្តោះអាសន្នពីរកន្លែងនៅភូមិ រហាល ឃុំដូនកែវ ស្រុកពួក ខេត្តសៀមរាប ត្រូវបាននាយដ្ឋានគ្រប់គ្រងទឹក នៃអាជ្ញាធរជាតិអប្សរាសាងសង់ឡើង ដើម្បីសម្រួលចរាចររបស់ប្រជាពលរដ្ឋ បន្ទាប់ពីបានកាយបណ្តោះទឹកជំនន់ ដែលលិចភូមិ និងផ្លូវ កាលពីមុនភ្ជុំបិណ្ឌកន្លងមក។
កូនឈើបេង គគីរ គ្រញូង និងឈើទាល សរុប១៥០០ដើម ត្រូវបានអាជ្ញាធរជាតិអប្សរាយកទៅដាំនៅក្នុងបរិវេណព្រៃចង្ក្រម ទំហំ៥ហិកតា ដែលទទួលការបរិច្ចាគពីពុទ្ធបរិស័ទឱ្យក្លាយជាកម្មសិទ្ធិរបស់វត្តព្រះឥន្ទឧស្សាហ៍ ហៅវត្តជីក្រែង ស្ថិតក្នុងភូមិព្រីង ឃុំជីក្រែង ស្រុកជីក្រែង ខេត្តសៀមរាប នាព្រឹកថ្ងៃទី១៩ ខែតុលា ឆ្នាំ២០១៥។
អង្គរជាតំបន់បេតិកភណ្ឌពិភពលោក ដែលទទួលបានវិញ្ញាបនបត្រប្រព័ន្ធគ្រប់គ្រង បរិស្ថាន ISO 14001 ពីសំណាក់ស្ថាប័នធានាគុណភាពជប៉ុន ហៅកាត់ថា JQA។ ការទទួលវិញ្ញាបនបត្រISO14001នេះ នឹងធ្វើឲ្យអង្គរដែលជាបេតិកភណ្ឌពិភពលោក រឹងរឹតតែមានមោទនភាពដ៏ខ្ពង់ខ្ពស់ចំពោះជាតិខ្មែរ ហើយក៏ជាបេតិកភណ្ឌពិភពលោកមុនគេ ដែល អនុវត្តនូវប្រព័ន្ធគ្រប់គ្រងបរិស្ថានមួយ ស្របតាមស្ដង់ដារអន្តរជាតិ ដើម្បីការពារ និងអភិរក្សតំបន់អង្គរប្រកបដោយនិរន្តរភាព។ អាជ្ញាធរជាតិអប្សរា ដែលមានភារកិច្ចគ្រប់គ្រងតំបន់នេះ បានអនុវត្តប្រកបដោយជោគជ័យលើកិច្ច ការការពារបរិស្ថាន ឱ្យមានភាពស្រស់បំព្រងជាប្រចាំ។
អាជ្ញាធរជាតិអប្សរានឹងសហការជាមួយមន្ទីរធនធានទឹកខេត្តសៀមរាប ដើម្បីសាងសង់ទ្វារទឹក ៣កន្លែង នៅលើប្រឡាយរំដោះទឹកទៅស្ទឹងព្រះស្រុក ស្រុកពួក។ សំណង់ទ្វារទឹកបន្ថែមទាំង៣កន្លែង នឹងត្រូវសាងសង់
អាជ្ញាធរជាតិអប្សរាសហការជាមួយ ឧទ្យានជាតិព្រះជ័យវរ្ម័ន នរោត្តម ភ្នំគូលែន និងអង្គការមូលនិធិសម្រាប់ការស្រាវជ្រាវបុរាណវិទ្យា និងអភិវឌ្ឍន៍ (ADF) ប្រារព្ធពិធីដាំកូនឈើ៥០០០ដើម នៅបរិវេណ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
14
ថ្ងៃនេះ
:
29655
ម្សិលមិញ
:
23810
សប្តាហ៍នេះ
:
299211
ខែនេះ
:
0299211
សរុប
:
015369014