ព័ត៌មានថ្មីៗ

អង្គការសប្បុរសធម៌ជប៉ុនផ្តល់អំណោយដល់ពលរដ្ឋក្នុងឧទ្យានអង្គរតាមរយៈក្រុមការងារសហគមន៍អាជ្ញាធរជាតិអប្សរា

បានផ្សាយនៅ ថ្ងៃទី 20 ខែ កុម្ភៈ ឆ្នាំ2016 09:34 AM ដោយ ៖ អាជ្ញាធរជាតិអប្សរា

អំណោយជាសម្ភារៈប្រើប្រាស់រួមទាំងអង្ករចំនួន៥គីឡូក្រាម ដែលផ្តល់ជូនដោយអង្គការសប្បុរសធម៌ជប៉ុន ក្តីសង្ឃឹមនៃកម្ពុជា (Hope of Cambodia) ត្រូវបានចែកជូនដល់ប្រជាពលរដ្ឋចំនួន២៦០ គ្រួសារ មកពីភូមិចំនួន១០ ក្នុងឃុំលាងដៃ និងឃុំស្វាយចេក ស្រុកអង្ករធំ នៅព្រឹកថ្ងៃទី១៧ ខែកុម្ភៈឆ្នាំ២០១៦។

លោក ញ៉ែម រស្មី សមាជិកក្រុមការងារសហគមន៍ក្រុមទី២ ប្រចាំស្រុកអង្គរធំនៃអាជ្ញាធរជាតិអប្សរាបានបញ្ជាក់ឱ្យដឹងថា តាមរយៈការអំពាវនាវរបស់ក្រុមការងារសហគមន៍ ទើបអង្គការសប្បុរសធម៌ជប៉ុន (Hope of Cambodia) បានផ្តល់អំណោយសម្រាប់ជួយសម្រាលជីវភាពរស់នៅរបស់បងប្អូនប្រជាពលរដ្ឋមួយចំនួនដែលកំពុងរស់នៅក្នុងឧទ្យានអង្គរក្នុងពេលនេះ។ លោកបានបញ្ជាក់បន្ថែមថា ក្រុមការងាររបស់លោក គឺនៅប្រចាំការនៅស្រុកអង្គរធំផ្ទាល់ ក្នុងរយៈកាលកន្លងមកក្រុមការងារតែងតែចុះសួរសុខទុក្ខ ផ្តល់ជំនួយឧបត្ថម្ភក៏ដូចជាការកសាងហេដ្ឋរចនាសម្ព័ន្ធ ផ្សេងៗ ដើម្បីបំពេញសេចក្តីត្រូវការជូនប្រជាពលរដ្ឋ ដូចជាផ្លូវថ្នល់ ទ្វារទឹក ប្រលាយទឹក និងសំណង់សាធារណៈផ្សេងៗ ទៀតជាច្រើន។

គួររំឭកថា ដើម្បីជួយសម្រួលដល់ជីវភាពរស់នៅ និងបង្កលក្ខណៈងាយស្រួលសម្រាប់ប្រជាពលរដ្ឋក្នុងការស្នើសុំសេវាផ្សេងៗ អាជ្ញាធរជាតិអប្សរាបានបង្កើតក្រុមការងារសហគមន៍ ដែលមានថ្នាក់ដឹកនាំ និងមន្ត្រីជំនាញផ្សេងៗ ចុះតាមមូលដ្ឋានប្រជាពលរដ្ឋរស់នៅជាប្រចាំ។ ក្រុមការងារនេះ តែងតែផ្តល់ជាជំនួយផ្សេងៗ ក៏ដូចជាការផ្សព្វផ្សាយអំពីច្បាប់ ការអប់រំបេតិកភណ្ឌ និងការងារសំខាន់ៗ របស់អាជ្ញាធរជាតិអប្សរា ជាពិសេសក្រុមនេះ តែងតែដោះស្រាយនូវរាល់សំណូមពររបស់ប្រជាពលរដ្ឋនៅនឹងកន្លែងផ្ទាល់តែម្តង ចំពោះសំណើនិងសំណូមពរមួយចំនួនដែលអាចដោះស្រាយបានដូចជា ការសុំធ្វើបង្គន់ តសំយាបផ្ទះ ឬជួសជុលខ្នាតតូចជាដើម។ ចំពោះសំណើធំៗ ដែលទាមទារនូវការសិក្សាពីលក្ខណៈបច្ចេកទេសនិងច្បាប់ឱ្យបានស៊ីជម្រៅ ក្រុមការងារសហគមន៍តែងនាំយកសំណើទាំងនោះមកជូនថ្នាក់ដឹកនាំពិនិត្យ និងសម្រេច ដើម្បីផ្តល់ចម្លើយជូនប្រជាពលរដ្ឋវិញ ដោយពុំគិតកម្រៃសេវាអ្វីទាំងអស់៕






នៅព្រឹកថ្ងៃទី២៣ ខែវិច្ឆិកា ឆ្នាំ២០១៥ ឯកឧត្តម ឈរ ថាណាត អគ្គនាយករង និងជា តំណាងដ៏ខ្ពង់ខ្ពស់របស់ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា បានដឹកនាំក្រុមការងារ នាំយកថវិកា អាវយឺត និងមួក ជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រី ទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរាទៅប្រគល់ជូនកីឡាករ កីឡាការិនីអុំទូកចំនួន១៨០នាក់ ដែលត្រូវជា០៦ទូក មក ពីស្រុកបន្ទាយស្រី ស្រុកអង្គរធំ ស្រុកបាគង ស្រុកពួក និងក្រុងសៀមរាប ដោយកីឡាករកីឡាការិនី ម្នាក់ៗ ទទួល បានមួក១ អាវយឺត៣ និងថវិកា៣០.០០០រៀល។
អាជ្ញាធរជាតិអប្សរា និងកិច្ចការសង្គម
( ថ្ងៃទី 06 ខែ វិច្ឆិកា ឆ្នាំ2015 )
អាជ្ញាធរជាតិអប្សរា មានគោលបំណងលើកស្ទួយជីវភាពប្រជាពលរដ្ឋដែលជូបប្រទះការលំបាក ជាពិសេសគឺប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរ។ ជាក់ស្ដែង ក្រុមការងារសហគមន៍ទាំងអស់ របស់អាជ្ញាធរជាតិអប្សរា បានចុះជួយដោះស្រាយបញ្ហារបស់ប្រជាពលរដ្ឋក្នុងភូមិ ឃុំនានា ដែលស្ថិតក្នុងតំបន់រមណីយដ្ឋានអង្គរជាប្រចាំ តាមភាពជាក់ស្ដែង។
ស័ង្កសី៧៥សន្លឹក ចំណាយថវិការអស់ជិត៣លានរៀលត្រូវបានឯកឧត្តម ខួយ គឹមទួ ទីប្រឹក្សានិងជាប្រធានក្រុមសហគមន៍ក្រុមទី៤នៃអាជ្ញាធរជាតិអប្សរាបានយកទៅជូនប្រជាពលរដ្ឋតាមសំណូមពរ ដើម្បីជួសជុលសាលាឆទាន នៅភូមិតាប៉ាង សង្កាត់អំពិល ក្រុងសៀមរាប។
ស្ពានបេតុងទទឹង៣,៥ម៉ែត្រ និងបណ្តោយ២៥ម៉ែត្រ ដែលជាសំណូមពរបស់ប្រជាពលរដ្ឋ និងអាជ្ញាធរភូមិពាម ឃុំដូនកែវ ស្រុកពួក ស្នើសុំឲ្យអាជ្ញាធរជាតិអប្សរាជួយសាងសង់នោះ បច្ចុប្បន្នសម្រេចបាន៩៩% និងអាចធ្វើដំណើឆ្លងកាត់បានហើយ។
ឯកឧត្តម ហង់ ពៅ អគ្គនាយករងអាជ្ញាធរជាតិអប្សរា និងជាប្រធានក្រុមការងារសហគមន៍ប្រចាំស្រុកអង្គរធំ បានជំរុញឲ្យបងប្អូនប្រជាពលរដ្ឋចេះស្រឡាញ់ និងចូលរួមថែរក្សា បេតិកភណ្ឌ ពិភពលោកអង្គរ ដែលជាសម្បត្តិវប្បធម៌ដ៏មានតម្លៃរបស់មនុស្សជាតិ មិនអាចកាត់ថ្លៃបាន ដែលដូនតាខ្មែរបានបន្សល់ទុកឲ្យ។ ការជំរុញនេះ ធ្វើឡើងនៅក្នុងឱកាសជួបសំណេះសំណាលជាមួយប្រជាពលរដ្ឋនៅភូមិព្រះគោថ្មី ឃុំស្វាយចេក ស្រុកអង្គរធំ កាលពីព្រឹកថ្ងៃទី២៦ ខែតុលា ឆ្នាំ២០១៥។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
8633
ម្សិលមិញ
:
16199
សប្តាហ៍នេះ
:
24832
ខែនេះ
:
0156958
សរុប
:
009625715