ព័ត៌មានថ្មីៗ

អាជ្ញាធរជាតិអប្សរាចាប់ដំណើរការជួសជុលទ្រង់ទ្រាយធំផ្លូវមិត្តភាពកម្ពុជា-កូរ៉េ

បានផ្សាយនៅ ថ្ងៃទី 16 ខែ កុម្ភៈ ឆ្នាំ2016 10:39 AM ដោយ ៖ អាជ្ញាធរជាតិអប្សរា

អាជ្ញាធរជាតិអប្សរាបានចាប់ផ្តើមការងារជួសជុលផ្លូវមិត្តភាពកម្ពុជា-កូរ៉េ ជំហានទី១ខាងកើត ពីស្វាយធំទៅព្រះដាក់ ដែលមានប្រវែងសរុប១០.៣គីឡូម៉ែត្រ។ ក្រុមហ៊ុន ឃែរ ខនស្ត្រាក់សិន ជាអ្នកទទួលម៉ៅការលើការងារជួសជុលនេះ ដោយចាប់អនុវត្តពីថ្ងៃទី០១ ខែកុម្ភៈ និងបញ្ចប់ជាស្ថាពរនៅថ្ងៃទី០១ ខែឧសភា ឆ្នាំ២០១៦។

លោក ហេង គឹមឡេង ប្រធាននាយកដ្ឋានទ្រទ្រង់បច្ចេកទេស និងគម្រោងអន្តរវិស័យនៃអាជ្ញាធរជាតិអប្សរារៀបរាប់ថា ការជួសជុលនេះ គឺជាការជួសជុលទ្រង់ទ្រាយធំ ដើម្បីធានាបានត្រឹមត្រូវតាមលក្ខណៈបច្ចេកទេស និងជាប់ប្រើប្រាស់បានត្រូវតាមការកំណត់ គឺមានផ្ទៃផ្លូវ១៦,៦៩២.៤៧ម៉ែត្រការ៉េ ដែលខូចខាតធ្ងន់ធ្ងរ និងនៅក្នុងកំណាត់ផ្លូវកោងសាងសង់មិនមានកម្រិតផ្អៀង (Super Elevation Rate) ត្រូវតាមបច្ចកទេស ដែលតម្រូវឲ្យមានការជីកដីស្អុយចោល បង្ហាប់បាតគ្រឹះ និងសាងសង់ឡើងវិញដោយស្រទាប់កម្រាលផ្លូវដែលល្អ និងត្រឹមត្រូវតាមលក្ខណៈបច្ចេកទេស។ លោកគឹមឡេងបន្ថែមថា ចំពោះផ្ទៃផ្លូវស្រុតតិចតួចដែលមានផ្ទៃសរុប១៤៥៣.០៧ម៉ែត្រការ៉េទៀត គឺអាចជួសជុលស្រាលដោយគ្រាន់តែបន្ស៊ីស្រទាប់DBST។

ផ្លូវមិត្តភាពកម្ពុជា-កូរ៉េជំហានទី១ខាងកើត ត្រូវបានសាងសង់ឡើងដោយភ្នាក់ងារសហប្រតិបត្តិការអន្តរជាតិរបស់ប្រទេសកូរ៉េ ហៅកាត់ថា Koica នៃសាធារណរដ្ឋកូរ៉េ សហការជាមួយអាជ្ញាធរជាតិអប្សរា កាលពីឆ្នាំ២០០៩។ សារៈសំខាន់នៃផ្លូវនេះ ម្យ៉ាងគឺដើម្បីចូលរួមក្នុងកិច្ចការអភិរក្សរមណីយដ្ឋានអង្គរ ដោយកាត់បន្ថយភាពរំញ័រដល់លំនឹងរបស់ប្រាង្គប្រាសាទបុរាណ និងបញ្ជៀសការធ្វើចរាចរច្រើនពេកដែលអាចនាំឱ្យកកស្ទះ។ ម្យ៉ាងទៀត ផ្លូវនេះក៏បានជួយសម្រួលការធ្វើដំណើរ និងដឹកដឹកជញ្ជូនផលិតផលកសិកម្មពីបណ្តាស្រុកមួយចំនួនដូចជាបន្ទាយស្រី និងខេត្តឧត្តរមានជ័យមកខេត្តសៀមរាប។ រាល់សកម្មភាពដែលអាជ្ញាធរជាតិអប្សរាបានកំពុងអនុវត្តនាពេលនេះគឺជាផ្នែកមួយនៃការងារស្នូលក្នុងកិច្ចការអភិរក្ស និងកិច្ចការអភិវឌ្ឍប្រកបដោយចីរភាពក្នុងរមណីយដ្ឋានអង្គរ ជាពិសេសស្របតាមទស្សនវិស័យអភិរក្សដើម្បីអភិវឌ្ឍន៍ និងអភិវឌ្ឍន៍ដើម្បីអភិរក្ស៕






ផ្លូវពីមុខប្រាសាទអង្គរវត្តទៅប្រាសាទបាយ័ន និងផ្លូវមិត្តភាពកម្ពុជា-កូរ៉េពីរខ្សែ ដែលត្រូវបានជួសជុលឡើងវិញដោយអាជ្ញាធរជាតិអប្សរាត្រូវបានសម្ពោធដាក់ឲ្យប្រើប្រាស់ជាផ្លូវការហើយ នាព្រឹកថ្ងៃទី៤ ខែមេសា ឆ្នាំ២០១៦នេះ។ ពិធីនេះធ្វើឡើងក្រោមអធីបតីភាពឯកឧត្តម សុខ សង្វារ អគ្គនាយករងអាជ្ញាធរជាតិអប្សរា និងជាតំណាងឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា និងឯកឧត្តម ពៅ ពិសិដ្ឋ អភិបាលរងនៃគណៈអភិបាលខេត្តសៀមរាប។
ទីលានបដិសណ្ឋារកិច្ច ឬហៅថា Parvis តាមភាសាបារាំង នៅមុខប្រាសាទអង្គរវត្តអាចនឹងបញ្ចប់ការសាងសង់រួចរាល់នៅក្នុងឆ្នាំ២០១៦នេះ។
ផ្លូវក្រាលកៅស៊ូមួយខ្សែប្រវែង៤,២០០ម៉ែត្រ ចាប់ពីមុខប្រាសាទអង្គរវត្តទៅអាកាសយានដ្ឋានអន្តរជាតិសៀមរាប ដែលបានជួសជុលតាំងពីថ្ងៃទី២៨ ខែតុលា ឆ្នាំ២០១៥ ដោយក្រុមហ៊ុន រ៉ម ធូហួន នឹងត្រូវបញ្ចប់ការជួសជុលនៅដើមខែធ្នូ ឆ្នាំ២០១៥។ នេះជាការបញ្ជាក់របស់លោក ហេង គឹមលេង ប្រធាននាយកដ្ឋានទ្រទ្រង់បច្ចេកទេសនិងអន្តរវិស័យនៃអាជ្ញាធរជាតិអប្សរា។
ដើម្បីត្រៀមទទួលនូវកំណើនភ្ញៀវទេសចរ ដែលតែងតែកើនឡើងជាបន្តបន្ទាប់ អាជ្ញាធរជាតិអប្សរាក្រៅពីការអភិរក្ស និងជួសជុលប្រាង្គប្រាសាទ ក៏បានគិតគូរដល់ការរៀបចំហេដ្ឋារចនាសម្ព័ន្ធផ្សេងៗ សំដៅធ្វើយ៉ាងណាបង្កលក្ខណៈងាយស្រួលដល់ប្រជាពលរដ្ឋរស់នៅក្នុងតំបន់ ក៏ដូចជាភ្ញៀវទេសចរទាំងអស់ ដែលមកទស្សនារមណីយដ្ឋានអង្គរ។
ដើមដំបូងមុន12បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
5817
ម្សិលមិញ
:
11641
សប្តាហ៍នេះ
:
88346
ខែនេះ
:
0346807
សរុប
:
004036223