NEWS

The English version of this website is still under construction. This section is only available in Khmer language at this stage. We apologise for any inconvenience

Published on 14 Febrary 2016 10:56 AM Post By ៖ Apsara National Authority

និស្សិតវិស្វករឆ្នាំទី៥នៃមហាវិទ្យាល័យទេពកោសល្យជនបទរបស់វិទ្យាស្ថានបច្ចេកវិទ្យាកម្ពុជា (តិចណូ) បានចុះមកធ្វើទស្សនកិច្ចសិក្សាឈ្វេងយល់អំពីប្រព័ន្ធផ្លូវទឹក ពីនាយកដ្ឋានគ្រប់គ្រងទឹកនៃអាជ្ញាធរជាតិអប្សរា រយៈពេល២ថ្ងៃ ចាប់ពីថ្ងៃទី១១-១២ ខែកុម្ភៈ ឆ្នាំ២០១៦។

កម្មសិក្សានេះធ្វើឡើងដើម្បីឱ្យនិស្សិតទាំងអស់បានឃើញជាក់ស្តែងនូវបច្ចេកទេសគ្រប់គ្រងទឹក ហេដ្ឋារចនាសម្ព័ន្ធសំណង់ជលសាស្ត្រក្នុងខេត្តសៀមរាបទាំងមូល និងពង្រីកចំណេះដឹងផ្នែកទ្រឹស្ដីដែលបានសិក្សាកន្លងមកឱ្យកាន់តែប្រសើរឡើង។

កម្មសិក្សានេះបានចុះនៅតាមទីតាំងសំណង់ទ្វារទឹក និងអាងស្តុកទឹកជាច្រើនដូចជា ស្រះស្រង់ ក្រាំងក្រូច វង់ទស្សនាចរបារាយណ៍ខាងជើង សំណង់បញ្ចូលទឹកបារាយណ៍ខាងជើង សំណង់ទ្វារទឹកតាសោម សំណង់ស្ទាក់ខ្សាច់អង្គរវត្ត ប្រាសាទព្រះខ័ន ប្រាសាទនាគព័ន្ធ បារាយណ៍ខាងលិច សំណង់បង្ហៀរទឹកបារាយណ៍ខាងលិច សំណង់ទ្វារទឹកចេញ សំណង់បែងចែកទឹក និងប្រព័ន្ធស្រោចស្រពបារាយណ៍ខាងលិច ដោយផ្តោតសំខាន់ទៅលើប្រវត្តិ និងមុខងារសំណង់នីមួយៗ ប្រព័ន្ធប្រឡាយ ការបញ្ចូលទឹក ការគ្រប់គ្រងទឹក ការងារជួសជុល និងស្តារឡើងវិញនូវប្រព័ន្ធផ្លូវទឹកបុរាណផងដែរ។

លោក ជូ រ៉ាឌីណា អនុប្រធាននាយកដ្ឋានគ្រប់គ្រងទឹក និងសហការីបច្ចេកទេសទាំងអស់ ក៏បានសម្តែងការស្វាគមន៍យ៉ាងកក់ក្តៅចំពោះដំណើរទស្សនកិច្ចរបស់និស្សិតវិទ្យាស្ថានតិចណូទាំង៣០នាក់ ព្រមទាំងធ្វើការពន្យល់និងដឹកនាំសិក្សាឈ្វេងយល់ដល់ទីតាំងផ្ទាល់ផងដែរ។

លោក ឌីណា បញ្ជាក់​ថា ដំណើរទស្សនកិច្ចនេះមិនត្រឹមតែផ្តល់ចំណេះជំនាញវិជ្ជាជីវៈដល់និស្សិតទាំងអស់នោះទេ តែវាជាការចែករំលែកដ៏សំខាន់មួយសម្រាប់កូនខ្មែរគ្រប់រូបឱ្យបានដឹងពីការបង្កើតទីក្រុង ការរៀបចំប្រព័ន្ធផ្លូវទឹក និងការគ្រប់គ្រងទឹកដ៏ល្អឥតខ្ចោះរបស់ដូនតា។ កន្លងមកនិស្សិតភាគច្រើនមិនបានដឹងថាតំបន់អង្គរមានប្រព័ន្ធធារាសាស្ត្រនិងប្រព័ន្ធគ្រប់គ្រងទឹកច្បាស់លាស់ដល់ម្លឹងទេ ក្រោយពីបានសិក្សានិងស្តារបានមួយភាគធំនៃប្រព័ន្ធទាំងអស់នោះ ទើបដឹងថានេះមិនមែនជារឿងចៃដន្យឡើយ គឺដូនតាខ្មែរមានការគិតគូរ និងរៀបចំផែនការបានច្បាស់លាស់ណាស់ក្នុងការធ្វើកិច្ចការទាំងនេះ។

សាស្ត្រាចារ្យ ហេង សុខឆាយ បង្រៀនផ្នែកគ្រប់គ្រងធនធានទឹក ជលសាស្ត្រ និងវារីអគ្គិសនីបានលើកឡើងថា ចំពោះតួនាទីជាអ្នកទទួលខុសត្រូវប្រព័ន្ធគ្រប់គ្រងធនធានទឹកនៅក្នុង ខេត្តសៀមរាប អាជ្ញាធរជាតិអប្សរាជាស្ថាប័នដ៏ល្អបំផុតក្នុងការផ្តល់ចំណេះដឹងពិតបន្ថែមលើទ្រឹស្តីដែលបានសិក្សានៅសាលា ដល់និស្សិតទាំងអស់កាន់តែយល់ជាក់ច្បាស់។ បន្ថែមពីនោះលោកសាស្ត្រាចារ្យក៏សូមថ្លែងអំណរគុណចំពោះអាជ្ញាធរជាតិអប្សរាដែលបានទទួលស្វាគមន៍យ៉ាងកក់ក្តៅគ្រប់ទីកន្លែងដែលនិស្សិតទៅដល់និងពន្យល់យ៉ាងក្បោះក្បាយ ហើយសាលានឹងមកបំពេញទស្សនកិច្ចសិក្សាជារៀងរាល់ឆ្នាំនៅទីនេះទៀត។

កញ្ញា ហុង មុយលាង សិក្សាផ្នែកអភិវឌ្ឍន៍ជនបទបានសម្តែងការចាប់អារម្មណ៍ផងដែរថា ទស្សនកិច្ចសិក្សានេះធ្វើឱ្យកញ្ញា បានយល់ដឹងពីការៀបចំប្រព័ន្ធធារាសាស្ត្ររបស់បុព្វបុរស ការគ្រប់គ្រងទឹក ការរៀបចំទីក្រុង និងការគ្រប់គ្រងរបស់អាជ្ញាធរជាតិអប្សរាសព្វថ្ងៃទាំងការគ្រប់គ្រងទឹកទ្រទ្រង់លំនឹងនៅអង្គរវត្តនិងទឹកក្រោមដី ប្រព័ន្ធស្រោចស្រព និងការពារទឹកជំនន់។ វាមានសារៈសំខាន់ដែលបានចុះមកសិក្សាផ្ទាល់នៅទីនេះ ព្រោះធ្វើឱ្យដឹងពីបញ្ហាប្រឈម ផលលំបាកនៃការរៀបចំ ភាពអស្ចារ្យនៃគំនិតរៀបចំរបស់បុព្វបុរស និងចំណេះដឹងផ្សេងៗទៀត បន្ថែមលើទ្រឹស្តីនៅសាលា។ កញ្ញាបន្តទៀតថា កញ្ញាពិតជា​​គាំទ្រចំពោះការរៀបចំរបស់អាជ្ញាធរជាតិអប្សរាក្នុងការគ្រប់គ្រងប្រព័ន្ធទឹកនៅក្នុងខេត្តសៀមរាប ដែលមានគោលការណ៍ច្បាស់លាស់ ជាពិសេសអភិវឌ្ឍន៍ហើយ ថែមទាំងបានអភិរក្សលើមរកតដូនតាផងដែរ៕













រមណីយដ្ឋានកោះកេរដែលលាតសន្ធឹងលើផ្ទៃដី ៨១គីឡូម៉ែត្រក្រឡា មានប្រាសាទ និងបុរាណដ្ឋានជាច្រើន ព្រមទាំងហ៊ុមព័ទ្ធដោយព្រៃល្បោះជុំវិញ គួរជាទីគយគន់ពន់ពេក។ សព្វថ្ងៃអ្នកអភិរក្សកំពុងញាប់ដៃញាប់ជើង រិះរកវិធីសាស្ត្រថែរក្សាព្រៃនេះឲ្យបានគង់វង្ស ដោយសារព្រៃនេះនៅមានឈើប្រណីតល្អៗច្រើន ដែលពួកជនទុច្ចរិតមួយចំនួនកំពុងផ្តោតទិសដៅតម្រង់។
អាជ្ញាធរជាតិអប្សរាមានកិត្តិយស សូមជម្រាបជូនដំណឹងដល់គ្រប់ក្រសួង ស្ថាប័ន អង្គភាព សមាគមពាក់ព័ន្ធវិស័យទេសចរណ៍ ក្រុមហ៊ុនទេសចរណ៍ និងប្រតិបត្តិករទេសចរណ៍ទាំងអស់ មេត្តាជ្រាបថា អាជ្ញាធរជាតិអប្សរាបានសហការជាមួយក្រសួងទេសចរណ៍ ក្រសួងវប្បធម៌និងវិចិត្រសិល្បៈ អង្គការ UNESCO និងអង្គការទេសចរណ៍ពិភពលោក(UNWTO) រៀបចំ ក្រមប្រតិបត្តិអង្គរ ដើម្បីណែនាំភ្ញៀវទេសចរជាតិ និងអន្តរជាតិអំពីឥរិយាបថល្អប្រសើរក្នុងការមកទស្សនារមណីយដ្ឋានអង្គរ ក្នុងគោលបំណងកាត់បន្ថយផលប៉ះពាល់អវិជ្ជមានមកលើគុណតម្លៃរមណីយដ្ឋានអង្គរ ជាពិសេសមកលើ ប្រាសាទ វប្បធម៌ និងបរិស្ថានដែលបង្កមកពីការប្រព្រឹត្តមិនសមរម្យរបស់ភ្ញៀវទេសចរមួយចំនួន។
rnrnrn
rnrnrnដូច្នេះ ដើម្បីឲ្យភ្ញៀវទេសចរជាតិ និងអន្តរជាតិបានយល់ជ្រួតជ្រាប និងអនុវត្តតាមក្រមប្រតិបត្តិអង្គរ ឲ្យមានប្រសិទ្ធភាពនិងចីរភាព អាជ្ញាធរជាតិអប្សរាស្នើសុំគ្រប់ក្រសួង ស្ថាប័ន អង្គភាព សមាគមពាក់ព័ន្ធ វិស័យទេសចរណ៍ ក្រុមហ៊ុនទេសចរណ៍ និងប្រតិបត្តិករទេសចរណ៍ទាំងអស់ មេត្តាសហការនិងជួយផ្សព្វផ្សាយឲ្យបានទូលំទូលាយដល់ភ្ញៀវទេសចរ តាមរយៈការផ្ដល់ព័ត៌មាន និងការដាក់តាំងផ្សព្វផ្សាយព័ត៌មាន ក្រមប្រតិបត្តិអង្គរ ឲ្យបានជ្រួតជ្រាបជូនភ្ញៀវទេសចរគ្រប់ៗរូប។
rnrnrn
rnrnrnអាជ្ញាធរជាតិអប្សរារីករាយនឹងផ្ដល់ឯកសារក្រមប្រតិបត្តិអង្គរជូនដោយផ្ទាល់ ដោយលោក/លោកស្រីគ្រាន់តែទំនាក់ទំនងមកក្រុមការងារអាជ្ញាធរជាតិអប្សរាតាមរយៈទូរស័ព្ទលេខ ០១២ ៨៧០ ១៥៦, ០១៧ ៧៣១ ០០៩, ០១៧ ៩៦ ៩៦ ៦១, សារអេឡិចត្រនិចៈ tmpangkor@gmail.com ឬគេហទំព័រ apsaraauthority.gov.kh។
rnrnrn
rnrnrnអាជ្ញាធរជាតិអប្សរាសូមថ្លែងអំណរគុណយ៉ាងជ្រាលជ្រៅចំពោះស្មារតីយកចិត្តទុកដាក់ខ្ពស់ ក្នុងការជួយផ្សព្វផ្សាយព័ត៌មាន ក្រមប្រតិបត្តិអង្គរ ដល់ភ្ញៀវទេសចរជាតិនិងអន្តរជាតិ ក៏ដូចជាការចូលរួមអភិរក្ស និងអភិវឌ្ឍន៍ឧទ្យានអង្គរប្រកបដោយចីរភាព។
អាជ្ញាធរជាតិអប្សរាមានកិត្តិយស សូមជម្រាបជូនដំណឹងដល់គ្រប់ក្រសួង ស្ថាប័ន អង្គភាព សមាគមពាក់ព័ន្ធវិស័យទេសចរណ៍ ក្រុមហ៊ុនទេសចរណ៍ និងប្រតិបត្តិករទេសចរណ៍ទាំងអស់ មេត្តាជ្រាបថា អាជ្ញាធរជាតិអប្សរាបានសហការជាមួយក្រសួងទេសចរណ៍ ក្រសួងវប្បធម៌និងវិចិត្រសិល្បៈ អង្គការ UNESCO និងអង្គការទេសចរណ៍ពិភពលោក(UNWTO) រៀបចំ ក្រមប្រតិបត្តិអង្គរ ដើម្បីណែនាំភ្ញៀវទេសចរជាតិ និងអន្តរជាតិអំពីឥរិយាបថល្អប្រសើរក្នុងការមកទស្សនារមណីយដ្ឋានអង្គរ ក្នុងគោលបំណងកាត់បន្ថយផលប៉ះពាល់អវិជ្ជមានមកលើគុណតម្លៃរមណីយដ្ឋានអង្គរ ជាពិសេសមកលើ ប្រាសាទ វប្បធម៌ និងបរិស្ថានដែលបង្កមកពីការប្រព្រឹត្តមិនសមរម្យរបស់ភ្ញៀវទេសចរមួយចំនួន។
rn
rnដូច្នេះ ដើម្បីឲ្យភ្ញៀវទេសចរជាតិ និងអន្តរជាតិបានយល់ជ្រួតជ្រាប និងអនុវត្តតាមក្រមប្រតិបត្តិអង្គរ ឲ្យមានប្រសិទ្ធភាពនិងចីរភាព អាជ្ញាធរជាតិអប្សរាស្នើសុំគ្រប់ក្រសួង ស្ថាប័ន អង្គភាព សមាគមពាក់ព័ន្ធ វិស័យទេសចរណ៍ ក្រុមហ៊ុនទេសចរណ៍ និងប្រតិបត្តិករទេសចរណ៍ទាំងអស់ មេត្តាសហការនិងជួយផ្សព្វផ្សាយឲ្យបានទូលំទូលាយដល់ភ្ញៀវទេសចរ តាមរយៈការផ្ដល់ព័ត៌មាន និងការដាក់តាំងផ្សព្វផ្សាយព័ត៌មាន ក្រមប្រតិបត្តិអង្គរ ឲ្យបានជ្រួតជ្រាបជូនភ្ញៀវទេសចរគ្រប់ៗរូប។
rn
rnអាជ្ញាធរជាតិអប្សរារីករាយនឹងផ្ដល់ឯកសារក្រមប្រតិបត្តិអង្គរជូនដោយផ្ទាល់ ដោយលោក/លោកស្រីគ្រាន់តែទំនាក់ទំនងមកក្រុមការងារអាជ្ញាធរជាតិអប្សរាតាមរយៈទូរស័ព្ទលេខ ០១២ ៨៧០ ១៥៦, ០១៧ ៧៣១ ០០៩, ០១៧ ៩៦ ៩៦ ៦១, សារអេឡិចត្រនិចៈ tmpangkor@gmail.com ឬគេហទំព័រ apsaraauthority.gov.kh។
rn
rnអាជ្ញាធរជាតិអប្សរាសូមថ្លែងអំណរគុណយ៉ាងជ្រាលជ្រៅចំពោះស្មារតីយកចិត្តទុកដាក់ខ្ពស់ ក្នុងការជួយផ្សព្វផ្សាយព័ត៌មាន ក្រមប្រតិបត្តិអង្គរ ដល់ភ្ញៀវទេសចរជាតិនិងអន្តរជាតិ ក៏ដូចជាការចូលរួមអភិរក្ស និងអភិវឌ្ឍន៍ឧទ្យានអង្គរប្រកបដោយចីរភាព។

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
5
Today
:
1667
Yesterday
:
55244
This Week
:
56911
This Month
:
0001667
Total
:
013693121