ព័ត៌មានថ្មីៗ

អាជា្ញធរជាតិអប្សរាចែកកញ្ចប់ទ្រទ្រង់សុខមាលភាពម្តាយនិងទារកដល់ប្រជាពលរដ្ឋ៣២ គ្រួសារដែលទើបតែឆ្លងទន្លេនៅឃុំដូនកែវ

បានផ្សាយនៅ ថ្ងៃទី 11 ខែ កុម្ភៈ ឆ្នាំ2016 02:34 PM ដោយ ៖ អាជ្ញាធរជាតិអប្សរា

ក្រុមលេខាធិការដ្ឋានសហគមន៍នៃអាជ្ញាធរជាតិអប្សរាបាននាំយកឃីតចំនួន ៣២ ទៅចែកជូនប្រជាពលរដ្ឋ ៣២ គ្រួសារ ដែលស្ថិតនៅក្នុងឃុំដូនកែវ ស្រុកពួក ខេត្តសៀមរាប កាលពីថ្ងៃទី១០ខែកុម្ភៈឆ្នាំ២០១៦។

កញ្ចប់ទ្រទ្រង់សុខមាលភាពចំនួន៣២ កញ្ចប់ គឺជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ជាឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ហើយក្នុងនោះក៏មានការចូលរួមពីក្រុមហ៊ុន ហូថែល ឡាញ សូលូសិន ខូ អិលធីឌី (Hotel line solution co.ltd)មានដូចជាខោអាវទារក, សាប៊ូដុសខ្លួន, ថ្នាំដុសធ្មេញ, វែនតា, កម្រាលសម្រាប់ទារកគេង សម្រាប់ចែកជូនដល់ពួកគាត់ផងដែរ។

អ្នកស្រី ឈឿត ពី ដែលស្ថិតនៅក្នុងភូមិតាស្នេហ៍ បានលើកឡើងថា គាត់សប្បាយរីករាយណាស់ ព្រោះនេះជាកូនលើកដំបូងរបស់គាត់ មានវាសនាបានទទួលការឧបត្ថម្ភពីឯកឧត្តមបណ្ឌិតសភាចារ្យ សុខ អាន ដែលបានចែកជូនតាមរយៈអាជ្ញាធរជាតិអប្សរា។ អ្នកស្រី សូមថ្លែងអំណរគុណយ៉ាងអស់ពីចិត្តចំពោះអាជ្ញាធរជាតិអប្សរា ជាពិសេសគឺ ឯកឧត្តមបណ្ឌិតសភាចារ្យ សុខ អាន និងលោកជំទាវ ដែលបានយកចិត្តទុកដាក់ចំពោះស្ត្រីដែលទើបតែឆ្លងទន្លេ ក្នុងរមណីយដ្ឋានអង្គរឱ្យជួបប្រទះតែសេចក្តីសុខ សេចក្តីចម្រើនជារៀងរហូត។

លោកជ្រុន សុផល ជាឧបការី និងជាប្រធានក្រុមលេខាធិការដ្ឋានសហគមន៍នៃអាជ្ញាធរជាតិអប្សរាបានមានប្រសាសន៍ថាកន្លងមកយើងបានចែកជូនប្រជាពលរដ្ឋ អស់រយៈពេល៥ខែ គឺគិតចាប់ពីខែតុលាឆ្នាំ២០១៥ ដល់ខែកុម្ភៈឆ្នាំ២០១៦នេះ ជាសរុបកញ្ចប់ទ្រទ្រង់សុខមាលភាពម្តាយ និងទារកដែលបានចែកជូន មានចំនួន៣៥០កញ្ចប់ហើយ។














នៅព្រឹកថ្ងៃទី២៣ ខែវិច្ឆិកា ឆ្នាំ២០១៥ ឯកឧត្តម ឈរ ថាណាត អគ្គនាយករង និងជា តំណាងដ៏ខ្ពង់ខ្ពស់របស់ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា បានដឹកនាំក្រុមការងារ នាំយកថវិកា អាវយឺត និងមួក ជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រី ទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរាទៅប្រគល់ជូនកីឡាករ កីឡាការិនីអុំទូកចំនួន១៨០នាក់ ដែលត្រូវជា០៦ទូក មក ពីស្រុកបន្ទាយស្រី ស្រុកអង្គរធំ ស្រុកបាគង ស្រុកពួក និងក្រុងសៀមរាប ដោយកីឡាករកីឡាការិនី ម្នាក់ៗ ទទួល បានមួក១ អាវយឺត៣ និងថវិកា៣០.០០០រៀល។
អាជ្ញាធរជាតិអប្សរា និងកិច្ចការសង្គម
( ថ្ងៃទី 06 ខែ វិច្ឆិកា ឆ្នាំ2015 )
អាជ្ញាធរជាតិអប្សរា មានគោលបំណងលើកស្ទួយជីវភាពប្រជាពលរដ្ឋដែលជូបប្រទះការលំបាក ជាពិសេសគឺប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរ។ ជាក់ស្ដែង ក្រុមការងារសហគមន៍ទាំងអស់ របស់អាជ្ញាធរជាតិអប្សរា បានចុះជួយដោះស្រាយបញ្ហារបស់ប្រជាពលរដ្ឋក្នុងភូមិ ឃុំនានា ដែលស្ថិតក្នុងតំបន់រមណីយដ្ឋានអង្គរជាប្រចាំ តាមភាពជាក់ស្ដែង។
ស័ង្កសី៧៥សន្លឹក ចំណាយថវិការអស់ជិត៣លានរៀលត្រូវបានឯកឧត្តម ខួយ គឹមទួ ទីប្រឹក្សានិងជាប្រធានក្រុមសហគមន៍ក្រុមទី៤នៃអាជ្ញាធរជាតិអប្សរាបានយកទៅជូនប្រជាពលរដ្ឋតាមសំណូមពរ ដើម្បីជួសជុលសាលាឆទាន នៅភូមិតាប៉ាង សង្កាត់អំពិល ក្រុងសៀមរាប។
ស្ពានបេតុងទទឹង៣,៥ម៉ែត្រ និងបណ្តោយ២៥ម៉ែត្រ ដែលជាសំណូមពរបស់ប្រជាពលរដ្ឋ និងអាជ្ញាធរភូមិពាម ឃុំដូនកែវ ស្រុកពួក ស្នើសុំឲ្យអាជ្ញាធរជាតិអប្សរាជួយសាងសង់នោះ បច្ចុប្បន្នសម្រេចបាន៩៩% និងអាចធ្វើដំណើឆ្លងកាត់បានហើយ។
ឯកឧត្តម ហង់ ពៅ អគ្គនាយករងអាជ្ញាធរជាតិអប្សរា និងជាប្រធានក្រុមការងារសហគមន៍ប្រចាំស្រុកអង្គរធំ បានជំរុញឲ្យបងប្អូនប្រជាពលរដ្ឋចេះស្រឡាញ់ និងចូលរួមថែរក្សា បេតិកភណ្ឌ ពិភពលោកអង្គរ ដែលជាសម្បត្តិវប្បធម៌ដ៏មានតម្លៃរបស់មនុស្សជាតិ មិនអាចកាត់ថ្លៃបាន ដែលដូនតាខ្មែរបានបន្សល់ទុកឲ្យ។ ការជំរុញនេះ ធ្វើឡើងនៅក្នុងឱកាសជួបសំណេះសំណាលជាមួយប្រជាពលរដ្ឋនៅភូមិព្រះគោថ្មី ឃុំស្វាយចេក ស្រុកអង្គរធំ កាលពីព្រឹកថ្ងៃទី២៦ ខែតុលា ឆ្នាំ២០១៥។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
7
ថ្ងៃនេះ
:
1335
ម្សិលមិញ
:
28379
សប្តាហ៍នេះ
:
72578
ខែនេះ
:
0204704
សរុប
:
009673461