NEWS

The English version of this website is still under construction. This section is only available in Khmer language at this stage. We apologise for any inconvenience

Published on 10 Febrary 2016 06:28 PM Post By ៖ Apsara National Authority
រទេះគោគឺជាយានជំនិះ និងជាឧបករណ៍ដឹកជញ្ជូនផលកសិកម្ម ដ៏យូរលង់របស់បុព្វបុរសខ្មែរ។ បច្ចុប្បន្ន មធ្យោបាយដឹកជញ្ជូននេះបានបាត់បង់ជាបណ្តើរៗ ដោយជំនួសមកវិញនូវគ្រឿងចក្រមានឡាន និងគោយន្តជាដើម។ នៅតំបន់អង្គរ មធ្យោបាយដឹកជញ្ជូននេះនៅមានប្រើប្រាស់សម្រាប់ជីវភាពប្រចាំថ្ងៃនៅឡើយ តែក៏មិនមានគ្រប់ផ្ទះ ឬច្រើនលើសលុបដូចសម័យបុរាណនោះដែរ។

ដើម្បីរួមចំណែកថែរក្សាការប្រើប្រាស់ឧបករណ៍ខ្មែរបុរាណ និងរក្សាទំនៀមទម្លាប់ប្រពៃណីឲ្យបានគង់វង្ស ព្រមទាំងទាញផលប្រយោជន៍ពីឧបករណ៍ទាំងនេះ សម្រាប់ការចិញ្ចឹមជីវិតប្រចាំថ្ងៃ ទើបអាជ្ញាធរជាតិអប្សរា តាមរយៈគម្រោងអភិវឌ្ឍន៍សេដ្ឋកិច្ចសហគមន៍ និងបេតិកភណ្ឌអង្គរ ហៅកាត់ថា ACHA សហការជាមួយប្រទេសញូវហ្សេឡែន បានដឹកនាំបង្កើតសហគមន៍ជិះរទេះគោឡើង។

សហគមន៍នេះ បានប្រើប្រាស់រទេះគោដែលអ្នកស្រុកប្រើប្រាស់ប្រចាំថ្ងៃ មកដឹកជញ្ជូនភ្ញៀវទេសចរ ហើយបានកម្រៃផ្តល់មកម្ចាស់រទេះគោ និងសហគមន៍របស់ពួកគាត់។ សហគមន៍នេះបានបង្កើតឡើងនៅឆ្នាំ២០១០ ក្នុងភូមិរហាល និងស្រះស្រង់ខាងជើង។

លោក ទស្ស សុមនាថ ប្រធាននាយកដ្ឋានស្តីទីនៃនាយកដ្ឋានរៀបចំដែនដីនិងលំនៅឋាន ក្នុងឧទ្យានអង្គរ បានមានប្រសាសន៍ថាៈ ការបង្កើតគម្រោងនេះឡើង គឺដើម្បីជួយទាញចំណូលដោយផ្ទាល់ពីវិស័យទេសចរណ៍ឲ្យបានដល់ដៃប្រជាពលរដ្ឋ។ យើងជួយគាត់រៀបចំជាក្រុមឡើង ហើយឲ្យក្រុមគាត់ដំណើរការទៅដោយខ្លួនឯង។ យើងជួយគាត់ផ្នែកបច្ចេកទេសដូចជារៀបចំបញ្ជីស្នាម រៀបចំអង្គប្រជុំ និងជួយផ្សព្វផ្សាយទៅកាន់ភ្នាក់ងារទេសចរណ៍ សណ្ឋាគារ ក្រុមហ៊ុនឯកជនជាដើម។

អនុប្រធានសហគមន៍លោក ឈុំ សឿត បញ្ជាក់ថា ក្នុងសហគមន៍របស់យើងមាន ២០រទេះគោ។ ក្នុងការដឹកជញ្ជូនភ្ញៀវម្តងៗយើងយកកម្រៃ៧ដុល្លារ ដោយចំណូលនោះត្រូវបានបែងចែកជា៣ចំណែក គឺម្ចាស់រទេះគោបាន៥ដុល្លារ គណៈកម្មការគ្រប់គ្រង១ដុល្លារ និងសម្រាប់ជួយសហគមន៍១ដុល្លារ។

លោក សឿត បន្ថែមថា កន្លងមកនេះថវិកាហិបសហគមន៍របស់យើងបានចូលរួមការងារសង្គមមួយចំនួនដូចជា ចូលរួមកសាងផ្លូវក្នុងភូមិ ចូលរួមកសាងឈាបនដ្ឋាន ចូលរួមឧបត្ថម្ភក្រុមសន្តិសុខភូមិឃុំមានសុវត្ថិភាព។ល។

លោក សម កុសល បុគ្គលិកបច្ចេកទេសនៃគម្រោងACHA ទទួលបន្ទុកសម្របសម្រួលគម្រោងទេសចរណ៍ជិះរទេះគោបញ្ជាក់ថា គម្រោងរបស់យើងបានព្យាយាមជួយដល់អ្នកស្រុកឱ្យមានលទ្ធភាពទាញយកប្រាក់ចំណូលដោយផ្ទាល់ពីភ្ញៀវទេសចរ តាមរយៈការលក់ផលិតផលទេសចរណ៍ សេវាកម្មទេសចរណ៍នេះឯង។ ដូច្នេះ បច្ចុប្បន្នភ្ញៀវទេសចរបរទេសបានមកលេងដល់ផ្ទះអ្នកស្រុកតែម្តង។

លោក កុសល រៀបរាប់ថា សព្វថ្ងៃនេះ យើងព្យាយាមជួយផ្សព្វផ្សាយបន្ថែមទៀត តាមរយៈការបោះពុម្ពផ្សាយខិត្តបណ្ណ ទំនាក់ទំនងទៅក្រុហ៊ុនឯកជន។ យើងក៏មានគម្រោងលើកបដាធំមួយនៅត្រង់ផ្លូវចូលសហគមន៍ ដើម្បីឲ្យភ្ញៀវទេសចរដែលមកដល់កន្លែងនេះ ហើយស្គាល់សហគមន៍កាន់តែច្បាស់៕










អាជ្ញាធរជាតិអប្សរា និងសហការជាមួយនឹងអង្គការទេសចរណ៍ពិភពលោក (UNWTO) រៀបចំវគ្គបណ្តុះបណ្តាលក្រោមប្រធានបទ"ការគ្រប់គ្រង និងការបកស្រាយព័ត៌មាននៅក្នុងរមណីយដ្ឋានអង្គរ បេតិកភណ្ឌពិភពលោក"។ វគ្គបណ្តុះបណ្តាលនេះ នឹងផ្តល់ឱកាសដល់មគ្គុទ្ទេសក៏ទេសចរណ៍កម្ពុជាចំនួន ២០នាក់ដែលកំពុងបំពេញការងារនៅរមណីយដ្ឋានទេសចរណ៍វប្បធម៌ ចូលរួមក្នុងវគ្គបណ្តុះបណ្តាលខាងលើចំនួន ០៩ថ្ងៃ ចាប់ពីថ្ងៃទី ១២ ដល់ថ្ងៃទី ២០ ខែ មិថុនា ឆ្នាំ២០១៦ នៅម៉ាកាវ សាធារណរដ្ឋប្រជាមានិតចិន។
នៅក្នុងតំបន់អង្គរមានពិធីបុណ្យសាសនា និងទំនៀមទម្លាប់ប្រពៃណីបុរាណខ្មែរយ៉ាងច្រើន ដែលជាកេរដំណែលរបស់ដូនតាខ្មែរពីបុរាណបានបន្សល់ទុកសម្រាប់កូនចៅជំនាន់ក្រោយ។ ក្នុងចំណោមបុណ្យទាំងនោះ មានបុណ្យមួយឈ្មោះថា បុណ្យឆាកមហាបង្សុកូលដែលអ្នកភូមិក្រវ៉ាន់តែងតែប្រារព្ធធ្វើ ហើយបុណ្យនេះទៀត មិនមែនធ្វើជាលក្ខណៈបុណ្យភូមិទេ គឺគេធ្វើជាលក្ខណៈគ្រួសារ។
នៅថ្ងៃទី១៥ ខែមីនា ឆ្នាំ២០១៦នេះ អាជ្ញាធរជាតិអប្សរាបានចុះហត្ថលេខាលើកិច្ចសន្យាស្តីពីការជួសជុលសារមន្ទីរព្រះនរោត្តមសីហនុអង្គរ ជាមួយមូលនិធិក្លឹប១%នៃក្រុមហ៊ុនអ៊ីអុង និងសាកលវិទ្យាល័យសូហ្វ៊ីយ៉ា។ ពិធីនេះប្រារព្ធឡើង ក្រោមអធិបតីភាពឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា លោក Hiroshi Yokoo ប្រធានក្រុមប្រឹក្សាភិបាលនិងជាប្រធានក្លឹបមូលនិធិអ៊ីអ៊ីង និងលោកសាស្រ្តាចារ្យ Yoshiaki Ishizawa ប្រធានមជ្ឈមណ្ឌលអាស៊ីសិក្សាស្រាវជ្រាវ និងបណ្តុះបណ្តាលធនធានមនុស្សនៃសាកលវិទ្យាសូហ្វីយ៉ា។
រសៀលថ្ងៃទី១០ ខែមីនា ឆ្នាំ២០១៦ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានដឹកនាំគណ:ប្រតិភូកាកបាទក្រហមកម្ពុជា ធ្វើទស្សនកិច្ចសារមន្ទីរសព្វទស្សន៍អង្គរ។ មានវត្តមានទទួល សម្តេចកិត្តិព្រឹទ្ធបណ្ឌិត និងគណ:ប្រតិភូទាំងអស់គឺ ឯកឧត្តមបណ្ឌិត ឃឹម ប៊ុនសុង អភិបាលនៃគណ:អភិបាលខេត្តសៀមរាប ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា ថ្នាក់ដឹកនាំ មន្ត្រីបុគ្គលិក របស់សាលាខេត្តសៀមរាប និងអាជ្ញាធរជាតិអប្សរាជាច្រើនរូបទៀត។ 
FirstPrev12345...1213NextLast

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
6
Today
:
1936
Yesterday
:
6616
This Week
:
14517
This Month
:
0257192
Total
:
012764781