NEWS

The English version of this website is still under construction. This section is only available in Khmer language at this stage. We apologise for any inconvenience

Published on 09 Febrary 2016 03:45 PM Post By ៖ Apsara National Authority

បើនិយាយពីតំបន់អង្គរគឺប្រជុំទៅដោយប្រាង្គប្រាសាទបុរាណ វប្បធម៌ ទំនៀមទម្លាប់ និងជំនឿជាច្រើនបន្សល់ទុកដល់សព្វថ្ងៃ ដែលទាក់ទាញទេសចរបំផុតឱ្យចូលមកទស្សនានិងសិក្សាឈ្វេងយល់។

ចំពោះការរស់នៅវិញប្រជាជននៅតំបន់នេះក៏បានប្រកបរបរជាច្រើនដើម្បីទាញផលប្រយោជន៍ពីវិស័យទេសចរណ៍ក្នុងនោះការធ្វើស្ករត្នោតក៏ជាមុខរបរសំខាន់មួយដែលមានតាំងពីដូនតានិងបានជួយលើកស្ទួយជីវភាពរបស់អ្នកស្រុកអង្គរបានល្អប្រសើរផងដែរ។

បើតាមការរៀបរាប់របស់អ៊ំស្រី ឃនអាយុ៥៨ឆ្នាំ ជាអ្នកភូមិខ្នារសណ្តាយនិងប្រកបរបរលក់ស្ករត្នោតជាច្រើនឆ្នាំមកហើយបានប្រាប់ថាចំណូលដែលបានពីការលក់ស្ករត្នោតឱ្យទេសចរបានសមល្មមសម្រាប់ផ្គត់ផ្គង់គ្រួសារ។

អ៊ំស្រីបន្តទៀតថា ស្ករត្នោតដែលអ៊ំលក់គឺសុទ្ធ១០០% គ្មានជាតិគីមី មានរសជាតិឈ្ងុយឆ្ងាញ់ និងទើបផលិតថ្មីៗ មាន៣ប្រភេទ គឺស្ករដុំ (ផែន) រាវ និងហុយ។ ស្ករទាំង៣ប្រភេទនេះ ក្នុង១គីឡូបើលក់ឱ្យភ្ញៀវជាតិតម្លៃចាប់ពី៧០០០៛ទៅ៨០០០៛ ហើយសម្រាប់ភ្ញៀវបរទេសគឺលក់បានពី៣ដុល្លារទៅ៥ដុល្លារ។ក្នុងមួយថ្ងៃៗអ៊ំស្រីទិញទឹកត្នោតគេ១០លីត្រ យកមកធ្វើស្ករបានជិត១០ស្រាក់ឬ១គីឡូ។

មិនខុសគ្នាពីអ៊ំស្រី ឃន បងស្រី បិះ ស្រីពៅ ក៏បានប្រាប់ដែរថា ការលក់ស្ករត្នោតជាមុខរបរមួយអាចរកកម្រៃបានគួរសម ផ្សែផ្សំនឹងការងារផ្សេងផងគ្រាន់ជួយគ្រួសារបានប្រសើរដែរ។ ភ្ញៀវទេសចរជាតិនិងអន្តរជាតិតែងតែចូលមកទិញតិចច្រើនតាមការចង់បាន ហើយភាគច្រើនគឺជនជាតិចិន ថៃនិងវៀតណាមទិញច្រើនជាងគេ។

ចំណែកបងស្រី អ៊ិញ ក៏បានប្រាប់ដែរថា គាត់ក៏ទិញទឹកត្នោតគេដើម្បីមកធ្វើស្ករត្នោតដែរ ក្នុងមួយថ្ងៃគាត់ទិញ១៥លីត្រ ហើយធ្វើស្ករបាន១.៥០គីឡូ។ គាត់ចំណាយពេល៣ម៉ោង ទើបធ្វើស្កររួច ហើយបើតាមការសង្កេតកន្លងមក លក់ស្ករស្រាក់ចំណេញជាងស្ករគីឡូ។ ដើម្បីគាំទ្រផលិតផលខ្មែរពិតៗ ពេលអ្នកបានធ្វើដំណើរមកកាន់ខេត្តសៀមរាបហើយ សូមកុំភ្លេចចូលជាវស្ករត្នោតខ្មែរដែលគ្មានជាតិគីមី១០០% នៅភូមិព្រះដាក់និងភូមិខ្នារសណ្តាយ។ មួយវិញទៀតបើមិនបានទិញ ក៏អាចមកមើល ភ្លក្សរសជាតិ និងផ្តិតយកសកម្មភាពជាច្រើនរបស់ប្រជាជនធ្វើស្ករត្នោតបានដែរ ដែលនេះជាទស្សនីយភាពមួយដ៏រស់រវើកបង្ហាញពីជីវភាពរស់នៅរបស់អ្នកស្រុកអង្គរ៕














របាយការណ៍របស់មន្ទីរទេសចរណ៍ខេត្តសៀមរាបបញ្ជាក់ថា ចំនួនភ្ញៀវទេសចរក្នុងខេត្តសៀមរាបក្នុងឆ្នាំ២០១៥កន្លងទៅនេះមានចំនួន ៥.០១១.៣១៦នាក់ ថយចុះ០,២៥% បើធៀបនឹងឆ្នាំ២០១៤ ដែលក្នុងនោះភ្ញៀវបរទេសមាន ២.១២៤.៨៦៣នាក់ ថយចុះ៩,៦១% ភ្ញៀវជាតិមានចំនួន ២.៨៨៦.៤៥៣នាក់ កើនឡើង៨% បើធៀបឆ្នាំ២០១៤។
សារមន្ទីរវាយនភណ្ឌប្រពៃណីអាស៊ី ជាសមិទ្ធផលនៃកិច្ចសហប្រតិបត្តការរវាងរដ្ឋាភិបាលឥណ្ឌាជាមួយបណ្តាប្រទេសតំបន់ទន្លេមេគង្គរួមមានរដ្ឋាភិបាលកម្ពុជា វៀតណាម ថៃ មីយ៉ាន់ម៉ា និងឡាវ។ សារមន្ទីរមានទីតាំងនៅផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុង-ខេត្តសៀមរាប បានចាប់ផ្តើមបើកឲ្យដំណើរការលក់សំបុត្រចូលទស្សនាដល់ភ្ញៀវជាតិ និងអន្តរជាតិ ចាប់ពីដើមខែកុម្ភៈ ឆ្នាំ២០១៦ តទៅ។

តម្លៃសំបុត្រទស្សនាសម្រាប់ភ្ញៀវជាតិម្នាក់គឺ១០០០រៀល ចំណែកសំបុត្រទស្សនាសម្រាប់ភ្ញៀវអន្តរជាតិម្នាក់តម្លៃ៣ដុល្លារ និងលើកលែងចំពោះកុមារអាយុក្រោម១២ឆ្នាំ។ ចំណែកពេលវេលាសម្រាប់ចូលទស្សនាវិញ គឺរៀងរាល់ថ្ងៃ ចាប់ពីម៉ោង៨:៣០នាទីព្រឹកដល់ ម៉ោង៤:០០នាទីល្ងាច លើកលែងថ្ងៃអង្គារ និងថ្ងៃបុណ្យជាតិសំខាន់ៗ។

សារមន្ទីរវាយនភណ្ឌប្រពៃណីអាស៊ី មានបន្ទប់ពិព័រណ៍៤ធំៗសម្រាប់តាំងបង្ហាញជូនទស្សនា គឺ បន្ទប់ពិព័រណ៍ព័ត៌មាន ដែលមានរៀបរាប់អំពីប្រវត្តិនៃទន្លេមេគង្គ ទន្លេគង្គា ទំនាក់ទំនងវប្បធម៌ អារ្យធម៌ និងពាណិជ្ជកម្មផ្នែកវាយនភណ្ឌនៃទន្លេទាំងពីរ។ល។

បន្ទប់ពិព័រណ៍ទី២ គឺពិព័រណ៍វត្ថុធាតុដើម និងដំណើរការផលិត ដែលបង្ហាញអំពីវត្ថុធាតុដើមសំខាន់ៗ ឧបករណ៍ផ្សេងៗ សម្រាប់ផលិតជាវាយនភណ្ឌដូចជា កប្បាស គ រោមសត្វ សម្បុកដង្កូវនាង រុក្ខជាតិផ្សំបង្កើតពណ៌សម្រាប់ជ្រលក់ កីតម្បាញផ្សេងៗ ក៏ដូចជាតាំងបង្ហាញផងដែរអំពីដំណើរការនៃការផលិតអម្បោះពីកប្បាស ការជ្រលក់ពណ៌ ការត្បាញជាដើម។

ក្នុងបន្ទប់ពិព័រណ៍ទី៣ គឺបន្ទប់ពិព័រណ៍វាយនភណ្ឌបុរាណ បន្ទប់ពិព័រណ៍នេះដាក់តាំងបង្ហាញអំពីសម្លៀកបំពាក់បែបប្រពៃណីនៃប្រទេសនីមួយៗ រួមមានសម្លៀកបំពាក់ប្រើប្រាស់ប្រចាំថ្ងៃ សម្លៀកបំពាក់សម្រាប់ពិធីបុណ្យប្រពៃណីជាតិ និងវាយនភណ្ឌសម្រាប់ប្រើប្រាស់ក្នុងពិធីសាសនាជាដើម។ បន្ទប់ពិព័រណ៍ទី៤ គឺជាបន្ទប់ពិព័រណ៍វាយនភណ្ឌសហសម័យ។ បន្ទប់ពិព័រណ៍នេះដាក់តាំងសម្លៀកបំពាក់ មានលក្ខណៈតុបតែង បែបទាន់សម័យ ដោយប្រើប្រាស់ កែច្នៃប្រភេទវាយនភណ្ឌផលិតតាមបែបប្រពៃណី។

កញ្ញា ឯម ស្រីពៅ នាយិការងនៃសារមន្ទីរវាយនភណ្ឌប្រពៃណីអាស៊ី បានលើកឡើងថា សារមន្ទីរនេះបានចាប់ផ្តើមដំណើការសាងសង់ លើផ្ទៃដីទំហំ១ហិកតា កាលពីខែតុលា ឆ្នាំ២០១០ ហើយការងារសាងសង់អាគារ បានបញ្ចប់នៅខែធ្នូ ២០១១ និងសម្ពោធបើកជូនភ្ញៀវទស្សនាជា ផ្លូវការ ក្រោមអធិបតីភាពឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្ត្រីទទួលបន្ទុកទីស្តីការគណៈរដ្ឋមន្រ្តី និងជាប្រធានអាជ្ញាធរជាតិអប្សរា និងលោក Anil Wadhwa រដ្ឋមន្ត្រី ការបរទេសរបស់ប្រទេសឥណ្ឌានៅថ្ងៃទី០៧ ខែមេសា ឆ្នាំ២០១៤។

កញ្ញាបន្តថា សារមន្ទីរដាក់បង្ហាញនូវវាយនភណ្ឌប្រពៃណី វត្ថុធាតុដើម ឧបករណ៍សម្រាប់ដំណើការផលិតវាយនភណ្ឌ របស់បណ្តាប្រទេសជាប់នឹងដងទន្លេមេគង្គទាំងប្រាំរួមមានប្រទេស កម្ពុជា ឡាវ វៀតណាម ថៃ មីយ៉ាន់ម៉ា ជាមួយនឹងប្រទេសឥណ្ឌាដែលមានទន្លេគង្គា។ សារៈសំខាន់នៃសារមន្ទីរនេះ ធ្វើឱ្យអ្នកចូលទស្សនា បានយល់ដឹងអំពីទំនាក់ទំនងប្រពៃណី ទំនៀមទម្លាប់ វប្បធម៌ អារ្យធម៌ បណ្តាប្រទេសដែលនៅតាមដងទន្លេទាំងពីរគឺ ទន្លេមេគង្គ និងទន្លេគង្គាតាមរយៈវិស័យវាយនភណ្ឌ។

កញ្ញាស្រីពៅក៏បានអំពាវនាវសាធារណជន យុវជនខ្មែរសូមអញ្ជើញមកទស្សនាសារមន្ទីរនេះ ដើម្បីយល់ដឹងបន្ថែមអំពីទំនាក់វប្បធម៌រវាងទន្លេមេគង្គ និងទន្លេគង្គា ព្រមទាំងបង្កើនចំណេះដឹងនានា រួមចំណែកថែរក្សាវប្បធម៌ អារ្យធម៌របស់ជាតិ៕










បុគ្គលិកនៃសារមន្ទីរវាយនភណ្ឌប្រពៃណីអាស៊ីចំនួន១០រូប និងបុគ្គលិកនៃនាយកដ្ឋានវប្បធម៌២រូបនៃអាជ្ញាធរជាតិអប្សរា បានទទួលវគ្គបណ្តុះបណ្តាលបន្ថែមអំពីការងារអភិរក្សបង្ការក្រណាត់ រយៈពេលមួយសប្តាហ៍ ពីថ្ងៃទី២៨ ខែមករា ដល់ថ្ងៃទី៣ ខែកុម្ភៈ ឆ្នាំ២០១៦។ គ្រូឧទ្ទេស គឺលោកបណ្ឌិត ACHAL PANDYA សាស្ត្រាចារ្យ និងជាប្រធាននាយកដ្ឋានអភិរក្ស នៃមជ្ឈមណ្ឌលសិល្បៈ INDIRA GANDHI

Speech of H. E. Ms. Phoeurng Sackona, President of APSARA National Authority

Weather Forecast

Angkor Code of Conduct

Angkor Code of Conduct's Video

Website Visitors

Now Online
:
10
Today
:
6964
Yesterday
:
8347
This Week
:
35599
This Month
:
0189108
Total
:
012958540